تعمل ايه لو حياتك اتحولت لرواية لمدة ليلة واحدة، رواية اي حاجة هتتكتب فيها هتحصل لك، واللي بيكتبها أكتر واحد بيكرهك وعايز ينتقم منك؟
- مستعد تعمل ايه عشان تحقق حلم بتحلم بيه من وانت لسه بتتعلم الكلام، لكن كل الطرق فشلت؟ ايه الحدود اللي ممكن تتخطاها عشان توصل لأكتر حاجة اتمنيتها في حياتك؟
- لو عشت حياتك شخص كويس ومحترم، بإستثناء يوم واحد ارتكبت فيه أقذر الجرايم، يوم واحد بس، وباقي حياتك كنت طيب ومسالم، تتصنف انسان ضعف ولا شيطان متنكر؟
لو بتحب روايات الإثارة والجريمة، أو القاهرة، أو فاوست، أو أغنية (العبد والشيطان) فا رواية ليل القاهرة السري ليك.
استعد لليلة طويلة ومثيرة مع يوسف في شوارع القاهرة القديمة، وهو بيحاول يهرب من ماضيه، ومن مؤلف مهووس بيكتب حياته، وبيدور على الخلاص من خطايا الماضي
رواية ليل القاهرة السري موجودة في معرض القاهرة الدولي للكتاب عن الدار المصرية اللبنانية ، جناح B10 صالة 1
نبذة (بدون حرق): تخيل معايا لو كل الأبواب اتقفلت قدامك ولقيت شخص بيعرض عليك يحققلك كل أحلامك في مقابل إنك تدقع التمن بعدين…هل أنت مستعد تعمل أي حاجة عشان توصل؟ حتى لو العهد ده مع الشيطان نفسه؟
الرواية حلوة جدا جدا (طبعا +١٨) الاحداث سريعة ومشوقة جدا واسلوب ميخائيل عماد رائع في كتابة الرواية حاولت اتعاطف مع الشخصيات مقدرتش إلا مع شخصية واحدة بس فعلا اتظلمت