خط انتحار

by أمير زكي

تدور هذه القصص حول ارتباك أفراد وجدوا أنفسهم وسط محيط مرتبك بدوره.. ويتحرك الكاتب عبر ثيمات الخلق والخالق والقبيلة وسيدها، ثم يهبط إلى عالم أكثر خصوصية تكتنفه الغرابة والتردد يروي فيه حكاية سيدة دولة تطلق مشروعاً لتربية الخنافس داخل متحف للتاريخ الطبيعي فى القاهرة.
ثيمات الحرب و الحب فى زمن الإنترنت موجودة فى قصص أخرى، والانسحاق التام تحت وطأة مجتمع لا يبدو أن الأشخاص المفترض منهم تدبير شؤونه أقل ترددا من أفراده، هذا الذى يؤدى بالشخصيات إلى الوقوع فى أحوال القلق والخوف والتفكير الدائم فى إنهاء حيواتهم.

96 pages

First published January 1, 2015

Reviews

[Shimaa Mokhtar · Rating 1 out of 5]

من أسوأ ما قرأت هذا العام، ربما تكون أفكار بعض القصص جيدة لكن المعالجة كانت سيئة للغاية

[Natheir Malkawi · Rating 1 out of 5]

مجموعة بائسة. بعض القصص أفكارها جيدة، لكن التعامل معها سيء جدًا. اللغة بنصّ العمل الأوّل أقرب للإنشاء، بالنصّ الثاني بتتحسّن مع سوء في الأفكار. الغلاف سيء بدوره. خيبة أمل برضه.

[إسراء مقيدم · Rating 3 out of 5]

بشكل عام واضح إن المجموعة اتكتبت قصصها على فترات، كل كام قصة بيكونوا بنات مرحلة معينة سواء في طبيعة الأفكار أو حتى في مستواه هو في الكتابة وتطوّره. بس كل ما كنت بمشي لقدام في المجموعة كانت القصص بتكون أحلى وأكثر تماسكًا. دا معنديش مشكلة معاه، المجموعة تجريبية بالأساس ومقبول انه يتعلّم ويلعب. بس مشكلتي الحقيقة كانت مع استرساله في أفكاره. أمير عنده أفكار حلوة فعلًا في المجموعة لكن استرساله ومعالجته ليها بتحبطها. اثناء قرايتي لكل قصة وتطور احداثها كانت بتيجي ف بالي أفكار كويسة تمشي بيها الاحداث وكنت بحبط فشخ لما دا مايحصلش، خصوصُا انه كان بيبدو انه كونسيدرد الفكرة لكن رفض يمشي وراها. مثال: قصة السيدة الاولى اللي الحكومة بتعين مجموعة شباب للإشراف على مشروع تربية الخنافس، انا كنت مستنية البشر يحاكوا الخنافس في تصرفاتهم من غير ما يتحولوا لخنافس..وهو فكر فعلًا يعمل دا لكن تراجع عنه أعتقد. فدي كان ممكن تكون قصة حلوة فشخ عن العزلة اللي بتعمل من البشر حيوانات، أو بتثبت إنهم حيوانات بالفعل/حشرات في القصة، وكانوا مستنيين الفرصة بس.
القصص الاولى في المجموعة مكانش فيها أي تركيز أو تكثيف ع المشاعر الإنسانية وتفاعلات ابطال القصص، رغم ان المجموعة تصنف كتابة نفسية بالأساس، كانت أقرب لحد فارش ع الأرض وقاعد يحكي حواديت ويمر بشكل عابر على كل الأحداث ويغفل عن التركيز ع الأحداث اللي مفروض يبرزها. أظن سبب دا إنه مكانش لسة متمكن من ادوات الكتابة والسرد، ولو عاد صياغتهم دلوقت هيكتبهم بشكل أفضل.
النص التاني من المجموعة أفضل بكتير من نصها الأول، آخر تلات أو أربع قصص فشاخ. قصة الحب هي القصة الأكثر نضجًا في المجموعة وبيلعب فيها بالأصوات لعب حلو جدًا من غير مايتوهني. و"مجرد كلمات" هي القصة الأجمل والأكثر اكتمالًا وفكرتني ببيردمان لسبب ما. تخلّصه من أتيتيود "كان ياما كان يا سعد يا كرام" وانه يكتب القصة كلها بتيار الوعي، إنه يقول كل حاجة من غير ما يحكي حاجة كبيرة..دي حاجة حلوة جدًا والله ومافتكرش انها عدت عليا غير في "لابورصا نوفا" بتاعة سعيد الكفراوي _واشطا انا لسة ماقريتش كتير فلو حد عنده قصص بتيار الوعي يباصي لي _
بشكل عام المجموعة تستحق تتقري لإن فيها أفكار حلوة فعلًا، بس يعني سبعين في المية من الأفكار ماراحتش لحتة بعيدة وكنت بالكاد شايفة وسامعة الحكاية ومش عارفة أستغرق فيها أو أحس اني واقفة جواها..ودا بسبب ضعف الكتابة نسبيًا.
حاجة اخيرة، انا كنت حابة تعويمه للمكان والزمان في المجموعة..يعني استخدام كلمات زي "الشعب، الرئيس، المستشفى الوطني، دولة العدو"..الحجات دي كانت ذكية فعلًا وخلت القصص كلها متجانسة ومقبول حدوثهم في إطار واحد/ مجموعة واحدة. حابة كمان تدريجة الخالق/الدولة/ المجتمع/الإنسان. انه ابتدى بحكاية عن الإله ثم حكايات عن الدولة ثم المجتمع وفي الآخر ختم بالإنسان..كإنه ماشي بيا في شوارع وكل مدى الشوارع بتضيق وبيحاصرني جواها. عشان كدا بقول انها مجموعة تستحق تتقري فشخ..أعتقد المجموعات الجاية هتكون أكثر تماسكًا. أنا مستنية

[آية · Rating 4 out of 5]

عماد وإيرام :)

[Noha · Rating 2 out of 5]

قصة السيدة الأولى فيها فانتازيا بتقول إن المجموعة الجاية أو الرواية الجاية حتكون عظيمة

[Sallema · Rating 1 out of 5]

honestly, the title of this book is like the literary equivalent of click-bait. the stories had potential, but they all gave you a sense of dissatisfaction. like you're watching the writer kill off plot babies for no other reason than to spite you. the whole thing could've been much better.

[Abdalla · Rating 4 out of 5]

ثمة غضب قلق يخاف أن يعبر عن نفسه، ليس مكتوما وإنما لا يرى جدوى من التعبير
تبدى في لغة هادئة يشوبها بعض الحنق
عجبتني كل النصوص عدا واحدة

[آثار محمد · Rating 3 out of 5]

قرأت في المجموعة دي قصص جميلة جدًا بلغة بسيطة نوعًا ما.

[Youhanna William · Rating 3 out of 5]

مجموعة جميلة.