بعض ما ورد بشأنها

by Rami Ahmed

زائرة مجهولة بفستان زفاف.
بلاغ مرتبك عن جريمة قتل.
واختفاء يربك كل ما يبدو واضحًا.
من شذرات متفرقة ومعطيات ناقصة، أجد نفسي مدفوعةً إلى خوض تجربتي الأولى في الكتابة.
لا بوصفها بحثًا عن حل.
بل كتجربة يحركها الفضول والشك.
النص لا يعد بإجابات.
ولا يمنح يقينًا.
إنه اقتراب بطيء من لغز.
واعتراف بأن بعض القصص لا تُحكى… بل تُعاش.

248 pages, Paperback

First published January 22, 2026

Reviews

[Ahmed Magdi]

أول قراءة للكاتب بس للأسف ما حصلش كيميا بيني وبين الرواية بالتوفيق فيما هو قادم بإذن الله

[Donia Darwish]

مش كل الجرائم زى بعض أكيد 🤷‍♀️
فيه جريمة 🔪بتخلص وتجيب من الآخر على طول
وغيرها بيسب اثر فى الأبدان والنفوس
كل جريمة بتقع ليها وجعها واثرها
الأولى هعتبر وجعها وقتى والدنيا بتلهي وكله بيعدي🥺
لكن الثانية وجعها بيدوم طالما الشخص اللى عدى بها عايش لسه فيها ومش عارف ينسى تأثيرها عليه.
والجريمة فى الرواية ديه من النوع الثاني ✌🏻اللى بيعلم ويسيب أثر … هتقولى بس الناس ممكن تتعافي عادى وتعدى مرحلة الصدمة بعد الوقعة.
هقولك آه صحيح بنسمع عن التعافي فى بودكاست كتير بس هل هو بالسهولة ديه
عايز ارادة أكيد ونفس قوية 💪🏻 وقادرة على التخطى والاصلاح مش نفس هشة ومستسلمة للى كان.
مش كل الناس عندها القابلية لبدء حياة جديدة بعد الأزمات وبتفضل حاصرة نفسها ومغمية عينيها عن الايجابيات هما بيبقوا مش عايزين مسكنات 💊 هما بس عايزين يحسوا بالأمان وده مش بيلاقوه أكيد فى الروشتات 🤷‍♀️

الحقيقة أنى بعد ما خلصت رواية #بعض_ما_ورد_بشأنها لـ #رامي_أحمد فكرت شوية هكتب ريفيو عنها ازاى ديه 🤔 ده أنا رغاية وما بسترش ولو اتكلمت هحرق أحداثها أكيد😄🤷‍♀️ طيب ادى أى hint
لأ لأ ما ينفعش 🤔
وتوصلت أنى هكتفى باللى قولته فوق 👆🏻 وهسيب القراء يشوفوا بنفسهم نوع الجريمة ايه 🤷‍♀️
الرواية خدعتنى فى قراءتها
هتفضل بعد ما تخلصها تفكر فى تفاصيلها وتحلل أحداثها وتحاول تربط الخيوط ببعض 💭
مش هنكر أنى كنت مشتتة فى البدايات ومش فاهمة شوية الأحداث
لكن بعد النص التانى من الرواية بدأت الرؤية تتضح الحمد لله🤲🏻😄 والقصة خدتنى فى اتجاه عكس اللى كان على البال حبيت اللعب بالقراء 😉
صحيح اخدت واديت مع صديقة ليا وقعدنا نحللها سويًا 😄 بس فى النهاية توصلنا لحل الألغاز على ما نعتقد يعنى💪🏻 😄


#مكتبة_دنيا
#قراءات_٢٠٢٦

[Aya Ali · Rating 4 out of 5]

رواية بعض ما ورد بشأنها هي عمل أدبي يتجاوز كونه مجرد لغز أو قصة جريمة عادية، ترتكز على السرد النفسي والاجتماعي بلمسة تشويقية.

بداية الرواية مش اعتيادية: تظهر فتاة مجهولة الهوية بزي الزفاف وتقدّم بلاغًا مبهمًا عن جريمة قتل، لكن ما يحدث بعدها ليس تحقيقًا بوليسيًا تقليديًا. بدلًا من ذلك، تتحول الأحداث إلى رحلة بحث وبحث داخلي في عالم معقد من الذكريات، العلاقات والتقاليد التي تربط الشخصيات بماضيها.
الكتاب يطرح أسئلة عميقة عن الإنسان ، عن رغباته ، طريقة تعامله مع ذكرياته و ماضيه ، وكيف يمكن للتجارب أن تترك أثرًا طويلًا في نفسنا. الأسلوب لا يعطي إجابات جاهزة، لكنه يدفع القارئ إلى التفكير، الشكّ والتحليل أكثر من مرة أثناء القراءة.

💡رأيى الشخصى: البداية غامضة ومشوقة، بتشدك من أول لحظة.
الأسلوب تأملي بيخليك توقف تفكر مش بس تتابع أحداث.
الرواية مش بتدي إجابات جاهزة عن كل حاجة، وده بيخلي تجربة القراءة أكثر متعة وغموض.
بتخليك تقف مع نفسك و تفكر : كام مرة صدقت و أمنت بكلام اتقال لمجرد انه اتقال بـثقة ؟
كام حقيقة ضاعت لمجرد ان صاحبها مكنش عنده الفرصة يدافع عن نفسه و يتكلم ؟

✨ لو بتحب الروايات اللي تخليك تعيش مع الشخصيات وتفكر معاها، دي هتكون اختيار ممتاز. بالنسبة لي، العبرة مش بس في الجريمة نفسها، لكن في رحلة الشخصيات النفسية..
رواية قصيرة لكن اثرها طويل ؛ تخليك تفكر فى كل حاجة بتسمعها و متخيلها حقيقة.. 🌸

[معتز شرباش · Rating 5 out of 5]

عارف لما تخطط وتطلع رحلة، وتتبهدل في الطريق وعربيتك تعطل، وكل الخطط اللي كنت حاططها تبوظ، بس كل الخطط البديلة اللي فرضها عليك القدر تطلع أحلى وأمتع برغم التعب؟ وترجع عندك ذكريات قاااااااااااااد كده؟
هو ده بالظبط اللي حصل معايا مع الرواية دي.
زي لعبة الـPuzzle، #رامي_أحمد في رواية #بعض_ما_ورد_بشأنها، من إصدار دار #كيان_للنشر، قدّم لنا الحدوتة، المؤثرة والإنسانية جدًا، قطعة ورا قطعة، الفرق بس أننا واحنا بنلعب بنكون عارفين شكل الصورة وبنحاول نكوّنها، لكن مع رامي مش بنشوف الصورة كاملة غير بعد ما بنحط آخر قطعة في مكانها.
ومش كده وبس، لا ده رامي كمان تعمّد أن يسيب بعض الفراغات في الـPuzzle، أو بمعنى أدق، تعمّد أنه يقدم لنا قطع متشابهة، عشان كل واحد فينا يخرج بالرسمة اللي عينه هو تشوفها. وده مش سهل، محتاج مهارة وشجاعة، ورامي فيه الميزتين.
الشخصيات كلها حقيقية، وكلهم أبطال في روايتنا، مع أن مافيش ولا واحد فيهم كان بطل في حكايته هو.
تعدد الحكايات والشخصيات والأبطال ما كانش سبب لخبطة، بالعكس، وكمان الرواية ما وقعتش في فخ تفضيل بعضهم على حساب بعض، أنا حسيت أني باقرا حكاية كل واحد فيهم لوحده، مع أن كل الحكايات كانت معقودة في ضفيرة واحدة كبيرة، وده يثبت شطارة رامي.
اللغة شعرية جميلة سردًا، وعامية حقيقية واقعية جدًا حوارًا.
رامي بخلاف أنه شخصية ساحرة ولطيفة وسهل جدًا تتحب، إلّا أنه كمان طلع روائي سهل جدًا يتحب، وإن شاء الله أكيد "بعض ما ورد بشأنها" مش هتكون آخر رواية أقراها له.
شكرًا يا رامي على الرحلة المُرهِقة الممتعة جدًا دي.

[أماني صبري · Rating 5 out of 5]

برع الكاتب في تسليط الضوء على عدة قضايا اجتماعية في قالب حبكة درامية تجعلك تظن أنك تبحث عن القاتل في جريمة قتل تُبلغ عنها امرأة ذات فستان أبيض ملطخ بالدماء، لكن هناك مفاجأة بانتظارك لا تتعجل. الرواية تخاطبك وتجعلك تفكر في ما قيل بين طيات السطور. أحببت طريقة تناول الكاتب لما أراد التعبير عنه في هذا القالب الدرامي. شعرت بالتشتت بعض الشيء حتى منتصف الرواية ولكن الحبكة بدأت تتشابك وتتجلى فيما بعد. لغة الكاتب عذبة مما جعلني أشعر بالانزعاج من الحوار باللغة العامية ولكن أتفهم طبيعة الشخصيات. أرشح العمل بقوة وفي انتظار المزيد من الأعمال.

[fefe Sabry · Rating 5 out of 5]

انتهيت من قراءة الرواية
رواية رائعة ،احداث شيقة
استمتعت جدا بالقراءة