أعور الخراب

by Zainab Mohammad Taha

لم تكن سوى فتاةٍ عاديةٍ من الإسكندرية… حتى اعترضت طريقها امرأةٌ عجوز، وضعت في يدها بطاقةً باردةً كالموت، وهمست: «اذهبي إلى الممر الصخري… الكاهن ينتظركِ.»

في تلك الليلة الباردة، انشق الأفق. وظهر قطارٌ مُعلق فوق البحر، صامتٌ كجثةٍ طافية، ليحملها إلى العالم القديم…

إلى مملكةٍ تتعفن تحت لعنةٍ لا تعاقب الأحياء فقط، بل تستدعي موتاهم أيضًا.

وبينما تهتز المملكة بجرائم قتلٍ غامضة، وتتجه أصابع الاتهام نحوها، يظهر «أعور الخراب» بعينٍ واحدة ترى كل شيء… إلا الرحمة.

344 pages, Paperback

First published January 22, 2025

About the author

كاتبة تعشق الفانتازيا والرعب تخرجت في كلية الألسن قسم اللغة الإنجليزية وأعمل كمدربة للغة الإنجليزية . أتمنى أن أصنع فارقًا في أدب الفانتازيا والرعب في العالم العربي.

Reviews

[Jameela · Rating 2 out of 5]

الريفيو دا في حرق لو مقرأتش الكتاب متقرأهوش
دي أول مرة أكتب ريفيو فهحاول ابقى دقيقة في الوصف.
أول حاجة هو تصنيف الكتاب فانتازيا سوداء:
الكتاب كان فيه elements من السوداوية من امثلتها لما الأطفال المفقودين رجعوا ثاني بس مش هما نفسهم الجو العام و كان دائما بيوصف بالسواد و كان في ليل كثير في الأحداث و الكثير من الموت و الدم.
هل أنا تأثرت بيه و دخلت في الجو لا كان بالنسبة ليا مجرد كلام و محستش فيه بأي حاجة، كنت حاطة في اعتباري ان الموضوع هيبقى اسوء من كدا و هيبقى في themes أقوى.
بناء العالم:
المفروض ان العالم دا هو عالم قديم موجود منذ الأزل و الطريقة الوحيدة انك تروحه هو عن طريق القطار او دا الي شوفناه لحد دلوقتي مقدرش اقول اي حاجة اوي عنه لإن دا أول كتاب فاحنا متوسعناش اوي فيه بالذات ان موضوع بناء العالم دا صعب يتعمل في كتاب واحد.
نظام القوة كان بسيط بصراحة بالنسبة لكتب ثانية هما بيستخدموا قوتهم عن طريق رماح و شوفنا ان الكهنة بيبقى ليهم عصا بيطلعوا بيها قوتهم و في موضوع اللغة الغريبة بردو بس متتطرقناش ليها اوي و بكرر ان دا أول كتاب فطبيعي يبقى في اسئلة كثيرة غير مجابة، بس overall نظام القوى سهل و لذيذ مناسب لحد اول مرة يبدأ فانتازيا
الأحداث:
الأحداث كانت بالنسبة ليا سريعة جدا، احنا موقفناش عند كل موقف و ادناله حقه لا، احنا كنا بننط من موقف لموقف و دا اعطى إحساس ان الرواية rushed و الأحداث بتلغبط ، كنت حاسة لو الرواية كانت أكبر شوية في الحجم كان ممكن نتأثر أكثر.
و التايم لاين مش باين خالص في الكتاب مش عارفين هي وصلت امتى و لا قعدت في العالم القديم قد ايه و لا قد ايه وقت عدى ، أنا كنت حاسة ان كل احداث الكتاب دي غالبا لا تدعى كام اسبوع من الزمن حتى ممكن ميبقاش شهر.
يعني مثلا في مشهد بتقول فيه انها صحيت في اوضة familiar و هي عارفاها كويس (اوضة في بيت ارسلان) و هي لسه واصلة امبارح؟
كانت بتعامل المهجع بتاع الطلاب اكنه بيتها و هي قعدت في كام يوم.
مكنش بيتقالنا انه فيه تايم سكيب لكم يوم قدام فكنت محتارة ايه الي حصل.
الحبكة:
في حاجات كثيرة كانت متوقعة و موجودة في كتب كثيرة ثانية من نفس الفئة فمكنتش مستمتعة اوي بالأحداث.
أنا بدأت استمتع بالكتاب فعلا في اخر خمسين صفحة او حاجة لما البلوت التويست الinteresting ظهرت و الأكشن بدأ و بصراحة النهاية كانت حلوة و اسمتعت فعلا بقراءتها.
الأشخاص:
دي غالبا اكثر حاجة معجبتنيش في الكتاب، كنت حاسة ان الشخصيات كلها 2D ملهاش أبعاد، شخصيتهم مش مكتوبة in depth و لا عارفة افهم تصرفاتهم كل الي طلعت بيه ان الريك: play boy و نوراي: بنت عندها ego و بتقول كلام شديد أحيانا لكن هي طيبة و ارسلان: البطل البارد الي مش بيظهر مشاعره لأي حد.
و كلها كانت انواع شخصيات generic مفهاش اي حاجة مميزة و ساعات رد فعلهم للمواقف مش متماشي مع شخصياتهم، يعني في آخر الكتاب لما ديار كانت بتقولهم ان ارسلان خاين كلهم صدقوها على طول و هما عشرة عمر معاه و مشوفناش حتى ان كان في dilemma او مشاعر مختلطة لا هما صدقوها و هاجموه كلهم يمكن الوحيدة الي سألات إذا كانت ديار متأكدة كانت نوراي بس.
و مفهمتش اوي امتى نوراي و ديار بقو صحاب هي مش شوية نوراي تغير منها و شوية ديار تغير ، شخصية نوراي انا disappointed فيها جدا مش عارفة اشرح ازاي بس حاسة اكن ولد الي كاتبها مش بنت ، دائما بحس ان الولاد لما يكتبوا بنات بيتكبوها في قالب واحد مبيتغيرش و مع الأسف دا الي حسيته في نوراي مع انها كان ممكن تبقى شخصية أحسن من كدا.
عامة الشخصيات الجانبية كلها مكنتش قد كدا و حاسة ان دورهم و الmoments بتاعتهم في الكتاب مكنتش كفاية، فغالبا لو الكتاب كان أطول و كان في زي moments of daily life عشان نتعلق بالشخصيات اكثر و نفهمهم كان ممكن يعجبني اكثر.
بالنسبة بقى للأبطال ديار و ارسلان.
ديار كانت اسوء شخصية في الكتاب بدون منازع اكثر شخصية generic شوفتها ، اقدر اقول انها نفس شخصية اي بطلة في fantasy YA محستش اني مهتمة خالص بمعاناتها و لا مشاعرها و لا اي حاجة تخصها و متأثرتش باي حاجة هي عملتها، بتعيط كثير و دائما بتget overwhelmed بالمشاعر بتاعتها و مبتعرفش تطلع قوتها و بتاع كانت حاجة صعبة اوي تتقرأ.
نيجي بقى لأرسلان الbasic male lead الي مبيبينش مشاعره و بينكرها و وش خشب إلا مع البطلة و بينكر حبه ليها انه يقنع نفسه انه بيكرهها دا غير انه وسيم جدا و قوي جدا و مفيهوش غلطة و كل البنات بتحبه، مفيش اي حاجة مميزة في شخصيته محبتوش خالص.
كنت عايزة اتكلم عن الرومانسية بس مع الأسف دي مش حتتي لأني مبحبش الرومانسية و حتى لو كانت مكتوبة حلو مكنتش هحبها فهكتفي بدا.
و في الآخر حابة أقول ان الكتاب معجبنيش، هو في elements كويسة ممكن تعجب ناس كثير من فئة سنية أقل زي سن 15-14 كدا بس هو مش مناسب لأي حد فوق العشرين.
أنا كنت فاكرة اصلا انه YA لحد ما عرفت ان البطلة 27 سنة يعني المفروض موجهة للadult reader.
و في الآخر احب اقول اني اقدر جدا المجهود الروائي المبذول بالذات ان كتابة فانتازيا حاجة challenging جدا بس مع الأسف فهو مش موجهه ليا.

[Aya Osama (Sodfa) · Rating 4 out of 5]

رواية شيقة وممتعة جدآ جدآ 🌹
طريقة سرد سريعة وممتعة الوصف دقيق للأحداث والشخصيات والمشاعر ..
نجحت الكاتبة إنها تشدني إني أعيش في الأحداث مع خيال الكاتبة كما لو كان حقيقة 👍🌹

منتظرة الجزء الثاني

[Nada · Rating 1 out of 5]

مش عارفة الطف تعليقي بس يعني الرواية اغلبها محاولة تقليد لسلسلة مملكة البلاغة لحنان لاشين وعلى سبيل الارتجال خلت الخاتمة من فيلم the hobbit ومش عارفة اوصف مدى ركاكة الاسلوب والحوار وحتى المشاعر غير المنطقية من اول صفحة .. معتقدش اني هكمل لما ينزل جزء تاني

[Nody Ali · Rating 5 out of 5]

كعادة روايات زينب محمد طه كلها مشوقة وأفكارها غريبة ومختلفة ولكن أعور الخراب تفوقت فيها على نفسها
تطور رهيب في اللغة والسرد وكل حاجة وبجد اتعلقت بالأبطال وحبيتهم اوى 💜

الرواية كانت مشوقة من الجلدة للجلدة وخلصتها فى وقت قصير جدا وبالنسبة لى دى من أفضل ما كتبته لحد دلوقتى والأجمل إنها سلسلة

تقييمى 4.5/5
عشان النهاية زعلتنى وصدمتنى
بس الكاتبة تصالحنى بقا فى الجزء الجاى 🥺❤️