فن التعامل مع الشراشيح: دراسة في مفاهيم القوة والضعف

by كيرلس بهجت

171 pages, Unknown Binding

Published January 1, 2026

Reviews

[مصطفى البيك Mostafa elbaik · Rating 5 out of 5]

مش متعود أني أكتب مراجعات لكتب بس هنا سأقف قليلا خمس نجوم ⭐⭐⭐⭐⭐ و سقفة كبيرة 👏 لكيرلس بهجت هنا، لأنه حط ايدية فعلا عن مشكلة الشراشيح وازاي تتعامل معامهم واية كمان نقط ضعفهم.
لكن على الرغم من الخمس نجوم في بعض الحاجات اللي من وجهة نظري ناقصة، أنا شايف أن الشرشوح هنا في الكتاب متشابهة أوي مع الشخصية النرجسية: إيجو عالي و استحقاقية زائفة وصراع نفسي داخلي وشعور بالنقص رهيب، وتبرير للأذى، ودي حاجة لم يشر ليها المؤلف بأي تشابة بين الشرشوح وأي مرض نفسي أخر زي النرجسية، بمعنى مش أن الشرشوح لازم يكون نرجسي ولكن فيه صفات كتير متشابه بينهم، دا قصدي.
النقطة التانية هي جيش الشرشوح، على حسب خبرتي بالشراشيح أنا كمان، فدايما الشرشوح بيحب يكون له جيش صغير ٣ أو ٤ أشخاص يقعد يحكيلهم بطولاته الزائفة، وتضحياته الوهمية، وغالبا جيش الشرشوح ما هو إلا خليط من مرضى نفسيين يعني شرشوح صغير بيتعلم من الشرشوح الكبير واخدوه قدوة له، التاني مضطرب نفسيا زي اضطراب الشخصية الحدية، والتالت بيقاوم داخليا لكن ميقدرش يقاوم ظاهريا ليتاكل ويتنبذ وبرضو هايعاني صراع نفسي ممكن يوصله لثنائي القطب، والاخير بيستمتع بأن حد بيتحكم فيه، هو أصلا بدون هوية وبيلجأ للشرشوح المحب للسيطرة وشايفة هو طوق الأنقاذ بتاعة اللي بيختارة ويمشيله حياتة، في النهاية أنا مش دكتور نفسي ولا بشخص أمراض لكن بشوف أنماط متشابه مع الأمراض النفسية المذكورة في الأشخاص اللي بيختاروا بأنفسهم أنهم يكونوا جيش الشرشوح الصغير، وطبعا الشرشوخ الكبير القائد بيدافع عنهم باستماتة لدرجة ممكن تخليه يخلقلهم مشاكل علشان هو يعرف يشرشح براحته وأنو كدة جاب حقهم ودافع عنهم ولازم يعيشوا حياتهم كلها شايلين الجميل دا....

[Mohamed Metwally · Rating 3 out of 5]

بصيغة سهلة وساخرة، يتكلم الكتاب عن الانسان "الشرشوح" وهذا طبعا مصطلح شعبي وليس علمي، فبالتالي أمكن استخدام التسمية على أي شخص حولك يسبب لك اﻷذى النفسي بوجوده في حياتك سواء الأسرية، العاطفية أو  العملية، وبيشرح الكتاب مبادئ لفهم الشرشوح ده والتعامل اﻷمثل معاه.

مع إن الكلام عام شوية ويختزل مشاكل نفسية متعددة في شخص "الشرشوح" لكن روشتة العلاج واحدة في مواجهته، ﻷن العلاج الحقيقي ليس في تقويمه هو ولكن في تقويم تعاملك أنت مع أمثاله.

يمكن من خلال قراءات متعددة لي لكتب الصحة النفسية وجدت أن الخلاصة وطوق النجاة يعتمد بشكل أساسي على ٣ نقاط:

١- حب نفسك، واعلم أنك بشر تخطئ وتصيب، فلا تجلد نفسك أكثر من اللازم وتعلم من أخطاءك.

٢- علم نفسك أن تقول 'لا' واعتزل ما يؤذيك، ماتجيش على نفسك.

٣- احترس من 'النرجسي' واطرده من حياتك، أو تعلم التعامل الصحي معه إن كنت لا تستطيع طرده.

محمد متولي

[Nourhan Khaled · Rating 2 out of 5]

هو كويس بس كيرلس عمل حاجات اقوى بكتير

[Fares Ali Jalal · Rating 2 out of 5]

كتاب لطيف

[ياسمين Thabet · Rating 2 out of 5]

الكتاب لم يعجبني

الغلاف معبر جدا وقوي العنوان ممكن يكون اقوى اللغة المكتوب بها العمل هي العامية واعتقد ان هذا مناسب لمحتوى الكتلب لكن غير ذلك المحتوى

شعرت اني قراءته من قبل ولم اجد حلول مناسبة للتعامل مع هذه النوعية من البشر الحلول الموجودة في الكتاب مش حتفيد مع شرشوح حقيقي في خناقة فالشارع بل ممكن تمشي مع زميل نرجسي في العمل او صديق لا تخشى فقدانه

اما الشرشحة الي بنتعرضلها في الشارع والاماكن الشعبية دي مش بيحلها الكتاب ولا بيفيد فيها

هناك بعض الشرح لنفسية الشرشوح ارى ان فيه تعميم كبير وهو غير حقيقي في حالات كثيرة

بصراحة شعرت ان الكتاب تجاري فقط وفقاعة للترند ليس الا لكنه مفرغ من معناه ومن فائدته واعتقد ان للكاتب اعمال اقوى بكثير من هذا الكتاب

قراته في جلسة واحدة الكتاب نظري فقط وخيالي وحلوله غير واقعية

[Eng. Mohamed ali · Rating 3 out of 5]

كتاب ظريف غير ممل

[Aya Kassem · Rating 2 out of 5]

كنت متوقعة حاجة أقوى من كده بصراحة بلاص إن الكتاب بطريقة عامية ف مفيد للمبتدئين في القراءة ..
بس الكتاب ناقش كام نقطة كويسة جذبوني أهمهم ..
*مش كل شرشوح يستاهل مننا رد فعل مننا أوقات السكوت او الإنسحاب أفضل حل لينا وحفاظاً على مشاعرنا ونفسنا
* إن الإعتراف بالضعف الإنساني مش عيب المهم إننا نفهم الضعف دا ونحتويه عشان يعرف نفسه وذاته الحقيقية
*اللي هيرفض مشاعره هتتفاقم عليه أكتر
*الحب مينفعش يكون نقطة ضعف لينا
*انك تسيب الناس اللي بتشدك لتحت وتعرف قيمتك
*اي فعل سيء او غضب تجاهنا بيعبر عن الشخص الأخر مش ضروري خالص يكون ليه علاقة بينا
وأهم ٣ نقط للتعافي من تعويرة ما
* الإعتراف بيها
* فصل الماضي عن الحاضر
* تحويل الألم إلى قوة

[قسمت خالد · Rating 4 out of 5]

زي عادة كيرلس بهجت.. كتبه خفيفة ومفيدة

[عُلا سيف · Rating 4 out of 5]

كتاب بيلمس تعاوير كدا جوانا وفي الخلفية صور ناس معينة مرت في حياتنا ومازالت معكننة علينا أفكار ومواقف كتير.. محتوى ولغة ظريفة بجد والكتاب بيتسرسب منك وبيخلص بسرعة كدا.. رغم أفكاره المهمة لغته بجد سهلة جدا ومهذبة بردو مافيهاش حاجة خادشة يعني.. توتال ٤ من ٥

[Aya · Rating 3 out of 5]

أنا من محبي كتابات د.كيرلس بهجت ويعتبر قرأت معظمها
الكتاب بالنسبه لي لذيذ خفيف لفت إنتباهي علي نقط مهمه و سلط الضوء و أكد علي مواضيع كنت بسأل نفسي فيها كتير عن الشخص المؤذي (الشرشوح)
و مواضيع كتيره في معظم الكتاب كنت عارفاه غير باقي إصدارات الكتب التانية مش عارفه دا بحكم السنين والنضج و القراءات ولا من الكاتب ولا الاتنين مع بعض الحقيقة مش عارفه أحدد
بس في الإجمالي كل الشكر و التقدير لدكتورنا وكاتبنا العظيم ودايما في إنتظار كتاباته 🤍

[Yousra soliman · Rating 5 out of 5]

(لا يمكن لأحد أن ينتصر إلى الأبد، لم يحدث أبدًا أن ظلت أمة منتصرة إلى الأبد… إنني لست خائفًا من أن ينتصروا مرة وننهزم مرة أو ننتصر مرة وينهزموا مرة، أنا أخاف شيئًا واحدًا أن ننكسر إلى الأبد، لأن الذي ينكسر لا يمكن أن ينهض ثانيةً، قل لهم احرصوا على ألا تُهزموا إلى الأبد).

كتاب عظيم جدا لوصف سيكولوجية طائفه منتشرة من البشر ‏ هي الشراشيح

[Sherouk Tharwat · Rating 5 out of 5]

كتاب خفيف ظريف تنمية بشرية بس عجبتني طريقة الكتابة بدلاً من الكتب المملة اللي بتبقى مكتوبة بدسامة ومصطلحات لكن هنا شرح المشكلة ببساطة ويدي أمثلة وبيقول الحل ويديك أمثلة
هقرأ أكيد بقية الكتب تجربة حلوة

[Ahmed Abd Elmonsef · Rating 4 out of 5]

كتاب لطيف ومتعوب على محتواه وفكرة ان كتب دكتور كيرلس مكتوبة بالعامية بعتبرها نقطة قوة تخلي المحتوى العلمي التقيل يوصل بسهولة

[Ahmd Abdelmaksoud · Rating 4 out of 5]

كتاب آخر لطيف خفيف لكيرلس بهجت، وما أكثر الشراشيح في حياتنا وما أحوجنا لكتب ودراسات عن كيفية التعامل معهم!

[Youssef Abouelela · Rating 3 out of 5]

كتاب حلو بس اللغة فيه عامية مبتذلة لو اتكتب بلغة اعلى شوية كان يستاهل خمس نجوم من غير مناقشة

[أحمد عبادة · Rating 1 out of 5]

كان يبقى بوست مطول او مقال جيد على أقصى تقدير

[Samouell · Rating 4 out of 5]

هتحتاج الكتاب دا كمنبه كل شهرين علشان تحافظ علي سلامه عقلك و تحاول تعيش وسط العالم في هدوء

[ISRAA! · Rating 3 out of 5]

(ما يجب أن تذكر نفسك به أن هدفك هو عبور المستنقع، لا مقاتلة التماسيح).

[Rima]

"ما يجب أن تذكر نفسك به هو أنه عليك عبور المستنقع، لا مقاتلة التماسيح"

[Sara Magdy · Rating 5 out of 5]

مش أول مرة أقرأ ل كيرلس الكتاب رائع بجد كنت أتمنى انى اقرأه قبل ماأشتغل كان هيوفر وقت وجهد كبير فالتعامل مع الناس