مذكرات سنكوح

by محمد إبراهيم حسين, عمرو شقرة (تحقيق وتقديم)

عمرك اتسنكحت قبل كدة؟!

طب تعرف يعني إيه كلمة سنكوح؟! سلسلة روزنامة هتخليك تعرف معناها من خلال مذكرات أقدم سنكوح في مصر، معاها هتضحك وتتألم وتشوف حياة مصرية مشفتهاش حتى في أفلامنا.

“إن مذكرات سنكوح، إذا تغاضينا عن اسمها، وتغاضينا عن الأسماء العامية التي لا يكمل جمالها في الحقيقة إلا بها، تُعدُّ في عالم الكتابة نوعًا طريفًا لذيذًا من الأدب اللاذع الذي يصور بعض صور الفقر في هذا البلد، ويكسوها من مشاعر أصحابها ووجدانهم ما يجعلها شريطًا سينمائيًّا يعرض لبعض نواحي الحياة في مصر بلغة التصوير الساخر الذي يدعو إلى الإصلاح. لكَمْ تمنيت -وأنا أقرأ هذه الطائفة من مذكرات “سنكوح”- أن تمتد كل أقصوصة من أقاصيصها لتبلغ كتابًا كاملًا، وأن تطول المذكرات نفسها لتبلغ مجلدات!”.

84 pages, Paperback

Published January 1, 2026

Reviews

[Doaa · Rating 2 out of 5]

• حكايات مضحكة عن سنكوح منحوس.. لا أكثر ولا أقل 🤷‍♀️

[Mina Habib · Rating 2 out of 5]

* هذا الكتاب هو الاختيار الجديد من قائمة الأعمال الخاصة بتحدي عيد ميلاد أبجد، و لسه التحدي مستمر في صورة كتب صوتية، وعلشان كده الكتاب كان هو اختياري في هذه المرحلة من التحدي. الكتاب ده مش أول كتاب أقرأه من سلسلة روزنامة مصرية اللي مهتمة بإعادة نشر بعد المذكرات والسير الخاصة بأصحاب المهن المختلفة اللي كانت موجودة في المجتمع المصري، و إن كان بعض هذه المهن ماتصنفش على إنها مهن شريفة.

* الحقيقة إني لو هقارن هذا الكتاب بالجزء اللي قرأته قبل كده من سلسلة روزنامة مصرية، أو بكتاب مذكرات عربجي المنسوب لسليمان نجيب، فأعتقد إن الكتاب ده هيبقى أقل كتاب فيهم مفضل بالنسبة لي. يمكن يكون السبب في ده إن السنكوح مش مهنة، و لكن هو أكثر لقب بيطلق على بعض الناس اللي بيتسموا بصفات معينة، و ده خلى ماعندهمش حكايات مختلفة ومثيرة زي اللي عند باقي الطوائف والمهن.

* عندي اعتقاد إن قراءة الكتاب ده هتبقى أفضل من سماعه بشكل صوتي، والسبب في ده إن أنت هتبقى قادر تشوف الكلمات والعبارات المستخدمة والألفاظ و ده هيساعد في إنك تتخيل أصلها أو جذزرها جاية منين، و دي تجربة مختلفة تماماً عن سماع الألفاظ. بس في الوقت نفسه، السنكحة نفسها مش مهنة وبالتالي مافيش لغة و مصطلحات خاصة و بالتالي مافيش حاجات كتير تخليك مهتم و تقعد تفكر في اصلها و جذورها.

* الكتاب صغير جداً، وأقدر أقول إنه مناسب للسماع بشكل صوتي، لأن الفصول صغيرة و قصيرة، و معظمها مفصولة عن اللي قبلها واللي بعدها؛ و بالتالي التوقف أو الاستراحات هتبقى سهلة جداً. الكتاب حجمه أقل من 100 صفحة و ككتاب صوتي حوالي ساعة وربع. فهو كتاب صوتي صغير يخلص في قاعدة واحدة.

[Hager Moharram · Rating 3 out of 5]

A nice book to read

[إيمان جلال · Rating 2 out of 5]

مذكرات دمها خفيف
اللي استفدته منها اني اقول لصاحبتي معنى سنكوح عشان لما تعرض عليا نتمشى سوا ماتقوليش "يلا نتسنكح" 🙄😂

[محمد على عطية · Rating 2 out of 5]

مذكرات صغيرة الحجم تنضم إلى مجموعة مذكرات المهمشين، ولكنها ليست مذكرات حقيقة، بل هي أقرب لعرض أدبي خيالي في صيغة المذكرات، ولكنه بكل تأكيد مستوحى من مواقف واقعية، وفي الأغلب حدثت لكاتبها بالفعل.
وكما يُفهم من السياق، فإن السنكزح ما هو إلا (رجل) على قدر من الذكاء والتعليم، لكنه لا يعمل ولا يملك المال، وعندما يأتيه المال ينفقه على (الحظ والمزاج)، ويعتبر عدم استقراره في أي عمل من قبيل سوء الحظ، ويفضل إراقة ماء وجهه والسلف من هذا وذاك على العمل الجاد، فهو ليس بنموذج محترم على الإطلاق، والفائدة الوحيدة لقراءة مثل هذا الكتاب هي توثيق وجود أمثال هذه الشخصيات في المجتمع، بالإضافة لبعض التفاصيل التي ترد في سياق الكلام، فمثلاً، استوقفتني هذه العبارة:
" كنت يومئذٍ أسكن في شُبْرا - القاهرة، وهي كما يعلم القراء -أو لا يعلمون "زي بعضه"- أن نسبة الأقباط إلى سكانها تبلغ تسعين في المائة على أقل تقدير. "
وحي شبرا من الأحياء التي بها نسبة عالية من الأقباط بالفعل، ولا ندري هل النسبة التي ذكرها في المرحلة الزمنية التي دارت فيها أحداث الكتاب (عشرينيات القرن العشرين) كانت في هذه الحدود، أم أنها مبالغة للتعبير عن الكثرة فقط؟

"وجاء موعد "التشطيب" وأصحابي ومعارفي كلهم كأنما سخطهم الله حريمًا من حريم الأتراك قبل العهد الجديد، فلم أرَ أحدًا منهم."
فنجد في هذا التشبيه عبارة (العهد الجديد)، ويقصد به المرحلة التي انتقلت فيها النساء في مصر من الحجاب إلى السفور.

[ولاء شكري · Rating 3 out of 5]

كتاب لطيف فعلاً ..
استمعت إليه صوتياً على أبجد.

[Rehab saleh Flower Violet]

كان عندي فضول 😂 وقتلتته

[ghada MarȜe · Rating 3 out of 5]

خفيف ينفع للمواصلات

[MohamedRiyadh · Rating 4 out of 5]

الكتاب دمه خفيف جدًا، والمزيج اللي بين العامية والفصحى هو اللي مخليه سلس. فكرة إن ‘سَنكوح’ زي ما الكاتب بيقول عن نفسه يكتب مذكراته بالشكل الخفيف دا غريبة فعلاً، وأنت بتقرأ هتحس بأجواء أستاذنا خيري شلبي، بس الكتاب لطيف وخفيف وتخلصه في قعدة،.

[Youssef Abouelela · Rating 3 out of 5]

مذكرات سنكوح هي صفحات من تاريخ مختلف حقيقة، اللغة المكتوب بيها تعبيراً عن الفقر -السنكحة- لغة راقية مختلفة عن المستخدمة حاليا.

الصفحات عبارة عن حواديت لمواقف تعرض لها صاحبنا السنكوح بتحكي معاناته مع الفقر.

منها حاجات ضاقت بصدري ومنها حاجات خلتني اضحك من غير توقف.

الكتاب من القطع الصغير جداً

تقيمه ٣/٥

قراءة طيبة

[مينا ساهر · Rating 2 out of 5]

يقدم الكتاب نصاً أصلياً لمذكرات شخصية من الهامش، منقولة بأمانة كما هي دون تدخل في المتن.
لكن بصراحة، النص نفسه متواضع ولا أرى فيه قيمة حقيقية تستحق عناء إعادة النشر، وما أفسد التجربة أكثر هو كمية الأخطاء المطبعية المزعجة التي ملأت الصفحات

[نهلة عادل · Rating 2 out of 5]

مذكرات خفيفة تدينا لمحة عن زمن فاتنا بمصطلحاته وحواديته
والسناكيح في زمانهم زي سناكيحنا بالظبط بس على أرقى وعلى دم أخف

[Ahmed Samir · Rating 3 out of 5]

كتاب خفيف..يصلح للقراءة و انت في المواصلات او بتشرب شاي او قهوة الصباح
اسكتشات خفيفة أطولها تقع في صفحتين..
يغلب عليها لغة زمان و أفلام الأربعينات..

[Zainab Alhaitham · Rating 3.5 out of 5]

3.5 كتاب خفيف ظريف، يخلص بجلسة واحدة قراءة او إستماع.