Zaldi bat

by Maddi Ane Txoperena Iribarren

Alaba jaio eta sei hilabetera, mendira joaten hasiko da Miren, Unai hil eta bortz urtera. Zaldi bat aurkituko du han: grisa, marroia baino gehiago. Ez edozein zaldi. Errepidea garbitzen ari den gizon bat, ustekabeko karta joko bat, pilota partida baten ondorena, ligatzeko jarraibideak, denboran poteatzen duen bisita gidatu bat, autopsia poetiko bat eta hainbat gai esentzial aterako zaizkio bidera Mirenen ahots zatikatuari: heriotza, dolua, maitasuna, espiritualtasuna, eromena, amatasuna, eta, batez ere eta denaren gainetik, laguntasun kontraerranezko bat. Hauxe da Txoperenaren hirugarren eleberria, eta oraingoan ahots eta forma berriz jantzirik dator, bere esentziari uko egin gabe.

220 pages, Paperback

Published March 4, 2026

Reviews

[Uxue Yuste · Rating 5 out of 5]

"Hilda egotea ez da ez egotea.
Bizirik zeundenean baino gehiago oroitzen naiz orain zutaz.
Gutaz oroit daitezen bizi gara?"

👏🏼 Ze plazerra!

[Mikel · Rating 5 out of 5]

Ay, ze istorio polita. Eta Maddi Aneren estiloa, ederra.

“Baina nola azaldu ez dela hori. Nola esplikatu ezin dudala idatzi. Ez dakidala zertaz. Blokeatuta nagoela. Naukazula. Ezin baitut zutaz idatzi bertzerik, baina ez dakit nola. Hau da
zurekin egoteko nire modua.”

“Batzuetan bizitzak urruntzen gaitu, eta heriotzak elkartu. Ez da hain harrigarria ere.” ❤️‍🩹❤️‍🩹

[Idoia · Rating 4 out of 5]

3,5⭐ Uf, kosta zait bukatzea. Aspaldi euskeraz irakurri gabe, uste dut hori izan dela pisutsuena nire euskera maila irakurmena kontuan hartuz gero.
Pertsonaiak asko gustatu zaizkit hori bai... uste dut udazkenean/ neguan irakurtzeko liburua dela! 😉

[Itxaso Beraetxe Morales · Rating 4 out of 5]

amatasuna, heriotza,maitasuna, nor garen, nora goazen, vamos, betiko gai PEC.
maddi ameren eboluzioa ikusi dut 3 liburutan eta earra lana ke vols que digui.
<3

[maitzalen · Rating 4 out of 5]

Zaldia da dolua betetzerakoan beti ondoan duena. Gustoko dut nola dagoen idatzia.
"Gustora hilko nintzateke mendian.
Ez dakit gustora hiltzeko modurik baden.
Mendian hilko nintzateke.
Aukeran, ez nintzateke hilko.
Gutik aukeratzen dute non eta noiz hil."

[Jone Ulazia · Rating 5 out of 5]

“Zahartzeak hori baitauka: gero eta hutsune gehiago ikusten dituzula bizi izandako tokietan, eta gazteagoek ez dituztela sumatu ere egiten. Beldurra ematen dit horrek: zu ere ahantziko ote zaituzten azkenean, zu oroitzeko gutako inor gelditzen ez denean”
__________________

“Poztu niregatik familia inguruan eta lagun artean
hiltzen banaiz. Hala suertatzen bada, sinetsi zinez, ongi atera zela, orduko hartan ez nuela nik galdu”

[Nagore Sanchez · Rating 5 out of 5]

maddi ane beti da bai, ta liburu hontan bereziki <3

[Gari Berasaluze · Rating 5 out of 5]

Liburua amaitu eta liluratuta jarraitzen dut itzulerako bidaian.
Marabilla bat iruditu zait.

[Uxu Hernández · Rating 4 out of 5]

Gutxitxu daroa idazten baie oso estilo politte deko ta asko gustetan iate istorioa kontetako era.

[Eñaut · Rating 4 out of 5]

Didion eta Ernaux gogora, ederrak dira zaldiarekin protagonistak dituen uneak, nola bilakatzen den hura dolua igarotzeko lagun :)

[Maitane Osa · Rating 5 out of 5]

Zoragarria. Maddi Anek bere luma gero eta finagoa dauka ✒️❤️

[Aitor Orobiogoikoetxea · Rating 5 out of 5]

ITZELA!

[Enara Villanueva · Rating 5 out of 5]

Ikaragarria!
Baliteke Maddiren nire liburu gustokoena izatea. Gomendagarria benetan.

[Maite Prado · Rating 4 out of 5]

“Hilda egotea ez da ez egotea.
Bizirik zeundenean baino gehiago oroitzen naiz
orain zutaz.
Gutaz oroit daitezen bizi gara?”


Hasieran kostata biño pixkanaka istorian sartuta ta bukaerara iristeako guztiz barruan <3