سيلفي

by عمرو حسن

الديوان ده مش شعر ولا نثر ولا حاجة خالص ، انما كلام مش مترتب اتقال عند دكتور نفساني ورتبته هنا ، اتكتب كله في الليل ، غالبيته ف الشتا والخريف ، وبعضه ماعرفش انا اللي كتبته ولا الدكتور ، كلام عنها ، وعني ، وعنكم سلباً وايجاباً ، وعن أصحابي ، وعن متلازمة البكا المسائي اللي دايماً تبتدي بـ مالك ؟ وتنتهي بـ " مافيش " وعن حاجات تانية ،،،
قاللي " مافيش حاجة مالهاش علاج " ، ادّاني سيروكسات 12.5 واندرال 10 وقاللي ابعد عن العصبية وركز في شغلك وهتكون تمام ، يومها قبل ما اروّح قتلت اتنين صحابي في مواجهة بالكلام ، عاتبوني وفضحتهم فيهم ، ماتوا وماكانش قصدي ، ولحد دلوقتي لما باشوفهم باقرا الفاتحة واكمّل مشي ، قولتله لو استمريت على كده مش هيفضلي حاجة خالص ، قاللي اكسب نفسك واخسر كل حاجة ، بس ..

Genres: Poetry

Unknown Binding

First published January 1, 2015

Reviews

[Ahmed Oraby · Rating 1 out of 5]

حسنًا، تجربة أخرى فاشلة مع ما يسمى-زورًا بالطبع- بالشعر، أو حتى الشعر العامّي
هل كنت أنتظر جديد من هؤلاء؟
لا
في الحقيقة لم أكن أنتظر أي شيء منهم
وكنت متأكد أن ما كُتب من قبل، سيكتب اليوم مثله
ديوان سيئ
ولم يدفعني لقراءته سوى ما كتب على غلافه الخلفي : وهو اقتباس صغير لمولانا النِفَري، الصوفي صاحب المواقف.
أحترم صراحة الكاتب الشديدة، فهو قد نوَّه في بداية هذا الكتاب عن حقيقته
هو لا يعد هذا شعرًا
قد يكون أي شيء إلا أن يكون شعرًا
خواطر، إضاءات، أي شيء
لم تعجبني سوى قصيدة واحدة فقط، عن الثورة، ومحمد محمود وماسبيرو، وذكريات النضال، وشهداءنا وعن الشهيد مينا دانيال وعن تلك الأيام المبرورة.
على العموم أتنمى للكاتب التوفيق في أعماله القادمة.

[Draziza Ali · Rating 1 out of 5]

باختصار شديد : النجمة كانت لاجل وضوح الكاتب و صدقه فى المقدمة انها مجرد ارهاصات فى جلسة مع طبيب نفسى
النص فــــــــــــــــارغ من المعنى !

[Mohamed ElȜassy · Rating 4 out of 5]

تقريبا الكتاب الوحيد اللي عكفت على قرائته بالكامل لأني مقدر كل حرف اتكتب في الديوان دة كويس و عشان كدة هقول رأيي بصراحة :)
مبدأيا يا عمرو انت من احسن الناس اللي كتبت عامية و دة لا شك فيه و ياريت تقرأ الريفيو دة
اول حاجة فيما يخص الديوان شعرياً .. قصايد العزلة نص الونس و الاجزاء الجديدة منها في الديوان كويسة و قوية جدا و ما يتبهها من قصايد منفصلة زي انسان آلي .. فكرة الهوامش انت قولتلي انها هتعوض فراغات موجودة ما بين كل قصيدة و قصيدة .. انا محسيتش ان الهوامش حققتلي دة في مواضع كتير للأسف و كانت الهوامش فيها قصايد متوسطة و فيه قصايد قوية جدا مينفعش انها تكون هامش .. زي فراشات و محمد محمود و قصيدة شتا و اكتر من قصيدة هامش .. مطلع الديوان قوي جدا في المقطع الاول من العزلة اللي بعدنا عن بعض اوضح في النظر .. قصيدة صياد السمك .. و البنت الطيبة و بياع التحف .. و الشخص اللي راح يستنى حبيبته في الكافيه و هي مش موجودة اصلا .. كان فيه حاجة كنت حاسس انها مش مؤثرة جدا فكرة المشهدية النثرية قبل كل قصيدة .. انا كنت شايف انك كنت تسيب القارئ يتجه بتفكيره في القصيدة في الناحية اللي يحبها و يفهمها هو بدماغه .. الجزء بتاع الاضاءة و الديكور و الحالة مأثرش معايا الا في قصيدة واحدة .. مقاطع الخروج قوية جدا كمقاطع خروج من القصايد .. قفلة الديولن رائعة جدا و بتحقق الاكتمال الفني للتجربة .. تقييمي 4 نجوم للديوان .. عندك احسن من كدة يا عمرو و انا متأك د:)

[Ahmed Ibrahim · Rating 2 out of 5]

مفيش جديد !
انا فى الشعر مبحبش اقرأ لاى حد
بس بقالى فترة بقرأ لشعرا جدد
وكلهم ميفرقوش عن بعض

ديوان اكتر من 200 صفحه مفيش غير 3 قائد كويسين ! من وجهه نظرى
اللى عجبنى أكتر الكوفر بتاع الكتاب

نجمة عشان هو قال ان ده مش شعر ولا نثر
والتانية عشا الحاجات اللى عجبتنى
_________________________

قاعد فى يومـ عـآلنت
قريت كلامـ وفوجئت
فلان بيشتمـ فلان

مصرى بيشتم اخوه بسبب سياسه وكوره !
ده ربك قال فى قرآنه امركمـ شورى
وبقينـآ نغلط وندآرى فى آلآديـآن

بقينا نسب ونلعن
وبقينا فى الغلط نتفنن
ولما نصحت بقيت غلطان

حتى عروبتنا ووطنيتنا كلام حفظناه
ومش فاهمين معناه
ومن غبائنا شتمنا بالبلدان

جزائرى يشتم مصرى
مغربى يشتم سعودى
وده حـآل وطنـآ آلآن

كفايه اوى كده
ياريت نصحى بقى
ونفوق من التوهان

ضحكتوا علينا اوسخ اناس الارض
ضحكتوا اسرائيلى جبان

امتى بقى نتوحد
وحلمنا العربى يتجدد
ونحارب العدوان

ده عيب علينا لما يكون صهيونى
وليه ما بينا مكان

يطلع صلاح من قبره يصرخ بصوت عالى
ما هو كل اللى شافهم رجال بطباع نسوان

قـآعدين يشتموا بعض !
صهيونى يضحك عالى
دولتنا فى امان

ما احنا مش فالحين غير فى السب
لكن وقت الجد
تلقى كله فان

فى آلآتحـآد قوه
وفى آلفرقه ضعف
وده آللى علمتهولنـآ زمان

ولما نبقى شعب واحد
ما يبقى فينا حد حاقد
هتبقى اسرائيل فى خبر كان
_____________________

ثانيه واحدة
أوعى تفتكر دى من الديوان
لا دى بتاعتى :D
إشمعنى أنا يعنى :D

[Ghada · Rating 3 out of 5]

"باكتب لكم:
الشعر لعنة ممتعة
والشاعر الموهوب بيكتب جهله باستمتاع."

هو كتب جهله باستمتاع، وأنا قريت جهله باستمتاع. :D
مكنتش متوقعة إنه هيعجبني.. لكنه الحمد لله خيّب ظني.
أيًّا كان تصنيفه إذا كان شعر ولا نثر ولا خواطر، فهو بسيط، جميل، مش مبتذل وهتلاقي نفسك في حاجة جواه.
عجبني كذا قصيدة، وآخر قصيدة بالتحديد.

مما راق لي:

View post on imgur.com

View post on imgur.com

View post on imgur.com

[Muhammad Galal · Rating 3 out of 5]

بعض الكتابات تُبهرُك من فرط بساطتها، و من درجة قربها منك،
الكاتب لم يعانِ كثيرًا من العمق أو التعب ليكتب ما كتب،
هو فقط عبّر عما جال بخاطره بكل انسيابية، و هذه هي ميزة الكتابة الحرة حيث لا قيود؛ فقط تقودك مشاعرك لنسق حر تنصب عليه كلامك المنساب بهدوء و جمال، بأسلوب يقتدي بأسلوب جاهين، كتب لنا هذا الكتاب الذي رأيته خفيف الظل و وجبة رغم خفتها إلا أن بها كثيرًا من الشجن.

[Sara Alaa · Rating 3 out of 5]

علي اد مكنت متحمسه جدااا اني اقراه ولحد مقريت المقدمه كنت لسه بنفس الحماس
بحب اسلوبك وكتاباتك بس عندي احساس اني اتصدمت للأسف اقل من توقعاتي
معظم المشاهد محستهاش وكنت بتوه ومش عارفه انت عاوز توصل ايه حاجات بسيطه منها اللي لمستني
عارفه انك قلت انه مش شعر ومش نثر وانه حاله غريبه وهو فعلا كده بس حاله متلخبطه
عجبتني فكره الهوامش وحبيتها
في المجمل مش سئ بس انت عندك احسن
ركز ع الشعر انت مبدع فيه
وكفايه اني هاحتفظ بيه وعليه توقيعك ;)

[Salma Ezzat · Rating 4 out of 5]

ان كتاب شعر عامي يخلي حد يبكي ويضحك ويتاثر يبقي الكاتب عبقري


مش ممل وقريب لاي حد .. اي حد هيلاقي نفسه جوا <3

[Amro M.Saad · Rating 4 out of 5]

عمرو انت حالة غريبة اول مرة اشوفها ، انا خلصت كتابك النهاردة ع فكرة ايوه اه انا اللي لسه مشتريه امبارح مخلص كتابك في اقل من 3 ساعات بمجدر اني ابدء فيه مش بقف بس انا عاوز اسألك سؤال انت ازاي كده ؟ ازاي بتخلي الكئابة ممتعة بالشكل ده بس الصراحة هي مش كئابة هو شعور غريب كده بتحس بيه بس شعور ممتع اوي زي بظبط لما تقري و تلاقي عيونك هتدمع رغم انك بتضحك متزعلش مني لان طول ما انا بقرأ بقولك يخرب بيت جمالك بس دعتلك كتير والله ،، تعرف انا عذرت نبرة الحزن ف كلامك لاني حسيت بكتاباتك و مست قلبي نفسي اوي احضنك و من غير مكلمك و لا كلمة تفهم كل حاجه عاوز اقولها لك ... يا عمرو انت مبدع استمر و ع فكرة انا عمري ما هنسي كتاب سيلفي لانه اول ديوان عامي اقرأه ف حياتي و ليا كل الشرف اني اشتريت ديوانك و قريته ووعد مني مفيش ديوان هينزلك غير لما اجيبه

[Nesma Madi · Rating 5 out of 5]

اعتقد ان مش ناس كتيره هتفهمه خصوصا لو تحت 17 سنه
بس اي حد هيفهمه هيتنح وهوا بيقراه من الاسلوب الراقي الي فيه
مبسوطه اوووووي بان اسلوب عمرو حسن اتغير كده بقي راقي لدرجه تخوف
انا قريت الكتاب في 3 ساعات بس وده تاني كتاب اديله 5 نجوم كنت حاسه انه روايه شعريه اسلوبه جديد جدا مش سهل ان حد يكتب كل ده في نفس ذات الكتاب كنت حاسه اني بعيش جوا الحاله المكتوبه جدا برأيي كل صفحه في الديوان مفروض تتعمل كتاب لوحدها
هو بس كئيب شويه وده لسبب موجود في اول صفحه مع اني كنت مبتسمه من جمال الاسلوب يا رب الديوان الجي تدخله الفرحه يا عمرو :D

[شيماء طارق · Rating 2 out of 5]

لا ادري لماذا.. اصبحت اخاف الشعر.. الشعر فن صعب ليس مجرد ابيات وحكايات تحمل القافية او لا

اتذكر ان رضوى عاشور رحمها الله كانت تكتب الشعر في بدايتها ثم سمعت شعر مريد فتركته وعندما سألها احدهم لماذا قالت "تركت الشعر لأهل الشعر " ..

الشعر العربي قليلا جدا من اتقبله منه .. و معاناة الشعر الغربي الذي يسقط ضحية الترجمة دائما .. قلت لنفسي سنجرب مرة اخرى بالعامي رغم اني لا اميل له منذ البداية, لا اجزم الندم لكن شعرت بالتكرار و بالاسترسال الزائد ، صدق في بعض القصائد ام لم يكن اغلبها ، محاولة اولى مع عمرو حسن ربما تجعلك تكتفي من شعره او ربما انتظار محاولة اكثر جدية .

تمت

[Rabab Amin · Rating 4 out of 5]

الديوان إستثناء حاله ما بين شعر ونثر ومشاهد حياتيه تمس القلب .. اي حد هيقراه هيﻻقي حته منه فيه .. دمت مبدع :)

[Hagar Magdy · Rating 4 out of 5]

الديوان كويس بس مش عارفة ليه كان عاحبني ناس كافيه اكتر

[Mohamed Beshir · Rating 4 out of 5]

لو هنقارن بين الديوان دة و الديوان إلي فات فا القديم يعتبر أخد درجت إمتياز و دة جيد جدا و لو مش هنقارن فا الديوان دة حلو جدا و أنصح كل الناس بقراءته

[Amr Mahmoud · Rating 3 out of 5]

الفكرة جديدة.. بس الشعر قليل !
مستمتعتش وانا بقرا لانه مش رواية.. ومش ديوان .. كمجمل جيد..
نجمة للفكرة .. ونجمتين للشعر ..

[Mennat-allah Yousif · Rating 3 out of 5]

افكار حلوة .. اسلوب ممل و متكرر
الكتاب اضعف من ناس كافيه
الهوامش احلي م القصايد
في حاجات مينفعش تكون طويلة و لازم يقف عند حتة فيها و ميكملش
ملوش حالة غير يا اما التوهة او معرفش يملا ٢٠٠ صفحة بايه .

[Islam Fahmy · Rating 4 out of 5]

تقريباً آخر مرة قريت شعر حقيقي كان وأنا في ثانوية عامة، واللي أنا قريته في سيلفي مش شعر بالمعنى الحرفي بالمناسبة، بس عمر قال كده في أول الكتاب لما قال "علي قد جهلي بالميزان .. علي قد علمي بالنغم"
نغم مليان احساس خلاني أقلب الصفحات بمنتهي السرعة و المتعة، غنيت واتوجعت و قفلت الكتاب كذا مرة وأنا بأحاول أمنع دمعة ماعرفش وصلت لعيوني إزاي بالسرعة دي، كل التجارب اللي كتب عنها عمرو كتبها بتلقائية وذاتية مطلقة، حسيت بكل كلمة، لمسني قوي بالجزء الخاص بالغربة وأوجاعها، لقيتني في كل كلمة وكل شطر كتبه عمرو بمنتهي الذاتية زي ما قلت، الصدق اللي في الديوان ده هو أمتع شئ فيه.
أنا أتأخرت في قرايه الديوان كتير، بس مش هاتبقي المرة الأخيرة اللي أقراه فيه، كل التجارب الشعورية اللي في الديوان عشناها يا في الطفولة يا في الشباب و بتعبر عن وجع وأمل جيل، صوت مننا بيعبر عننا فعلاً.
شكراً يا عمرو علي الكلام الجميل ده. وشكراً علي توقيعك الجميل علي نسختي من الديوان، و مستني جديدك ان شاء الله .

[Ahmad El-Saeed · Rating 2 out of 5]

الكتاب فيه كلام عظيم ف المقدمة مثلاً ومحشي بكلام حلو برضو ..
لكن الموضوع كئيب قوي ...
مقريتش الكتاب كله ككتاب
بعد أول 50 صفحة الموضوع بالنسبالي قراية جرنال ..
واحد زعلان ف بحاول اواسيه مش اكتر
وانا معرفهوش ...
او ضيف سكة واحنا ف المواصلات ...
هسمع منه وههز دماغي لكن مش هتكلم ياما او اناقشه
اخر مرة هقراله كتاب :))

كلام عجبني :
انا عمري ما قولت للمج الفخار شكراً مع انه سابلي دراعه طول الوقت وعمري ما بصيت فيه إلا ودقت فرحة، جربت مثلاً تقول للتلاجة بحبك ؟ او تقول لكلب الجيران "ربنا يخليك ليا وميحرمنيش منك" او تقول لفوار الحموضة "جميلك دا فوق راسي ليوم الدين" !!

"ولسامي ف سجنه وكل شريف، سجنوه من غير اي ادلة
ولكل مهرج ضحك حد ف عز مادنيتنا مملة"

تعصر مخه ينزل حواديت
تعصر قلبه يدلدق نسوان

[Iman · Rating 5 out of 5]

عن الكتاب ده

مش هقدر أقول أي حاجة غير إن في اللحظات اللي بتقفل أوي معايا وبقفل على نفسي وبيبقى مش نافع ولا جايب نتيجة معايا إني ألجأ لأي حد ولا أتكلم ولا كلمة بلاقي نفسي تلقائيا جبت الكتاب ده وبدأت أقرا .. الغريب ساعتها إن كل كلمة بقراها بتكلم الحالة اللي أنا فيها .. فيه حاجة في الكتاب ده شبهي .. إيه هي معرفش !!! قد يكون الوجع .. قد يكون تشابه التجارب .. قد يكون الألم اللي وصل لحد ما يتفعش معاه غير الكتابة من جهة الكاتب والقراية من جهة القارئ. دايما لما بمسك الكتاب ده وأقرا فيه بقول في نفسي إن الشعر هو أقصى حدود الوجع ... أنا مش مكتئبة دلوقتي ولا حاجة أنا بس بوصف الكتاب :D

[Eman · Rating 4 out of 5]

اختيار اسم الكتاب أحلي ما فيه .. هو فعلا سيلفي / مقاطع من سيرة ذاتية / نثر علي شعر / أوبريت أو ملحمة تجربة مختلفة في حد ذاتها بس الأكيد ان بالأسلوب وروعته حسيت اني اتنقلت شوية للأوبرا وشوية للأسماعيليه او لمكان السطور أيان كان .. اتفاجئت لما خلص من كتر استغراقي فيه.. من الكتب اللي ميكفيهاش مرة واحده قراءة :)

[Ahmed Medhat · Rating 3 out of 5]

كنت متوقع انه يكون اقوى من كده يا عمرو واللي متابعك هياخد باله ان القصايد القويه كلها كنت بتنزلها ع الصفحه بتاعتك ع الفيس ومسبتش غير حاجات بسيطه جدا في الديوان
انت موهوب جدا يا عمرو وانا عارف الجاي هيبقى احسن
بالمناسبه احسن قصيده ليك في الديوان من وجهه نظري هي
شتا
يمكن عشان بحب الشتا والقهوه جايز

[Dina Sarhan · Rating 3 out of 5]

ليس الاجمل او الاروع من وجهة نظرى وليس اقوى من ناس كافيه وهذا سبب اعطائى له ثلاث نجوم
ولكن لا انكر ان به بعض القصائد التى جذبتنى بشدة وخصوصا جزء الثورة
وكل الهوامش الموجودة ف الكتاب من اجمل ماحتواه الكتاب
وشكرا لعمر حسن لما كتب وقال انه مش شعر ولا نثر
هو فعلا فضفضة حلوة وجميلة طلعت كل اللى جوانا ومش عارفين نقوله
لكن يظل ناس كافيه هو اقوى ماكتب

[Asmaa Elwany · Rating 1 out of 5]

معنديش مرارة الحقيقة اكمل قراية الكلام الفارغ ده
ايوة كلام فارغ
ما هو العك ده مش شعر ومش نثر ولا هو اى حاجة ليها علاقة بالأدب اصلا
دى تفاهة كل واحد وواحدة عايزين يتشهروا وعندهم اكتئاب يرصوا كلام جنب بعضه مالوش اى معنى ويقولوا عليه شعر او رواية
ارحموووووووونا
انا مش هقرأ لاى شاعر او روائى مصرى او عربى عموما من الجيل ده تانى

[Menna Fouad · Rating 2 out of 5]

الفكره جديده وحلوه بس للاسف مش متنفذه حلو .. فى اجزاء عجبتني و اجزاء اكتر لأ .. حسيت ب الملل كتير اوى و انا
بقراءه على عكس ناس_كافيه اللي خلصته ف قعده واحده .. بس بردوا هستني الديوان الجاي و ان شاءالله يكون افضل
:)

[DỘn Mando · Rating 3 out of 5]

في المجمل الديوان حلو و كويس جدا ..مع الاعتراف ان في قصايد كانت اقوى بكتير من قصايد في ناس كافيه
لكن بالنسبالي هيفضل ناس كافيه الاقرب لقلبي و قصايده الاقرب ليا و استمتعت بيه اكتر بكتير
ناس كافيه > سيلفي
3/5

[Dee · Rating 3 out of 5]

ايقنت جدا ان الشعر يتسمع مايتقراش .. ٣ نجمات لبعض القصائد..مش ع مستوى ناس كافيه خالص تراجع كبير .. كام قصيده بس الي حسيتهم ..يارب باندا يبقي افضل ..مش هقول ع عمرو حسن شاعر هو نثر او كلام ..مجرد كلام ساعات بيمس القلب ..فراشه جميله جداااا...وعند رائي كلامه ��تسمع منه افضل كتيييير

[Sara Helmy · Rating 5 out of 5]

الكتاب حلو أووووووي ويا ريته كان أكبر بس ما شاء الله عليك كل مرة احسن من اللي قبلها

[Alaa · Rating 3 out of 5]

عمرو حسن يتسمع ما يتقرألوش عبقري فعلا في التشبيهات ولكن الديوان اقل من مستواه بكتير نجمه للاسم ونجمتين للمحتوى

[Doha Samir · Rating 4 out of 5]

مبحبش أقرأ الشعر بس حبيت شعره

عمرو حسن : إنت كائن فشيخ :D

[Eman · Rating 3 out of 5]

فى المُجمل الكتاب حلو

واحلى جزء فيه من اول المشهد الخامس لآخر الكتاب

انا شايفه ان الكتاب حبة حالات متجمعين مع بعض وهو مش كتاب شعر ...

وفيه نصوص كتير عجبتنى ..