Аварга том далавчтай өвгөн

by Баясгалан Батсуурь (Орчуулагч)

Орчуулагч Б.Баясгалан 2013 онд "Аз жаргалтай төгсгөлүүд" нэрт Өрнө, Дорнын шилмэл өгүүллэгүүдийн түүвэрээ уншигчдад хүргэсэн билээ. Энэхүү номын үргэлжлэл болж "Аварга том далавчтай өвгөн" хэвлэгдэн гарлаа. Энэхүү номд Нобелийн шагналт зохиолчид болох Исаак Башевич Зингер, Ясүнари Кавабата, Габриел Гарсиа Маркез, Нагиб Махфуз, Мо Яан, Элис Мүнро, Америкийн орчин цагийн үргэлжилсэн үгийн мастер Курт Вонненгут, Жон Чивер, японы зохиолч Харуки Мураками зэрэг орчин цагийн үргэлжилсэн үгийн 13 нэрт мастеруудын 20 гаруй өгүүллэг багтсан болно.

160 pages, Paperback

First published December 29, 2014

About the author

Алтан Харуул овогт Батсуурийн Баясгалан. 1986 оны Долдугаар сарын 13-нд Говь-Алтай аймгийн Бугат суманд төрсөн. “Арван гуравдугаар сарын бороо” /2009/, "Эдгэрэл" /2018/ яруу найргийн түүвэр, “Хөх мэдрэхүй” – Шүлгийн цоморлиг /2010/ хамтын бүтээл, “Аз жаргалтай төгсгөлүүд” – Өрнө Дорнын шилмэл өгүүллэгийн түүвэр /2013/, “Аварга том далавчтай өвгөн” – Өрнө Дорнын шилмэл өгүүллэгийн түүвэр /2014/, Нобелийн шагналт зохиолч Орхан Памукийн “Цас” роман (2015) орчуулгын бүтээл тус тус хэвлүүлсэн. Утга зохиолын “Хөх мэдрэхүй” бүлгэмийн гишүүн.

Reviews

[Soko · Rating 3 out of 5]

Баясгалан орчуулагчийн орчуулгын номонд дуртай болоод нэлээн хугацаа өнгөрчээ. Блогийн ертөнцөөр аялж байсан тэр жилүүд ард хоцорч компьютер утсаараа блог орох нь ч, блог хөтлөгчид ч багасчээ...гэхдээ хааяа bayasgalanb6blogspot.com-оор шагайдаг хэвээрээ...Сонгож шилж орчуулж байгаа өгүүллэгүүд нь хичнээн өвөрмөц бас далд утгатай гээч. Аз жаргалтай төгсгөлүүд номыг нь гарсан гэдгийг нь мэдсэн даруйдаа гүйн очиж авч байж билээ, Харин энэ номон дээр нь орчуулагчийнхаа гарын үсгийг зуруулаад авчихсандаа олзуурхаад л байна. Анхны удаа авсан болохоор ч тэр юм уу. Баясгалан орчуулагч нь орчуулахаас гадна өөрөө шүлэг бичдэг маш авьяастай эмэгтэй гэж би дүгнэнэ. Дотогшоогоо чагнаж, дотроосоо оргилох авьяастай хүн бүрийг бишрэнэ...