السيكوباتي المبدع

by محمد عادل

مُجرَّدُ لحظة.. كلُّ منا يبقي بمأمن حتى تحين لحظته، لحظةٌ يقرِّر فيها العقل تحديد مصيره؛ إما الصمود أمام وطأة ضغوط الحياة، أو الانسحاب وانفصاله عن الواقع دون أن يدري صاحبه، وبذلك تتنوَّع الاضطرابات النفسية والعقلية بتنوُّع خطط انسحاب العقل، ويبقى أشد هذه الاضطرابات خطورة هو اضطراب الشخصية السيكوباتية، ويظل أكثر السيكوباتيين خطورة هو السيكوباتي المبدع.

روايةٌ تحبس الأنفاسِ من أول سطرٍ تقرأه، حيث عددٌ من المرضى النفسيين كل منهم مُشتبه به، ولديه دافع في جريمتين قتل؛ فهل يجد المقدَّم هشام الفرماوي القاتل أم يتم قيد القضية ضد مجهول؟ هل القاتل مُعتلّ نفسيًا حقًا أم أوهم الجميع أنه كذلك؟ هل هو عبقري أم مُختل سيكوباتي؟ أقصد... سيكوباتي مُبدع.

202 pages, Paperback

First published January 1, 2026

Reviews

[Heba]

الرواية عبارة عن تجمع لمجموعة من المرضي النفسيين في منتجع خاص بطبيبهم النفسي د.مؤنس أبو العزم ، فالبداية تم التعريف بالشخصيات و بما يعانون من أمراض ، ثم تم اللقاء في المنتجع و من هنا تبدأ الأحداث تتصاعد.

الرواية هي أول تجربة لي مع قلم الكاتب، كانت تجربة ممتعة و مختلفة.

[Shrok Kadrawey]

بصراحة اول مرة اقرأ لقلم استاذ محمد عادل و مكنش عندي توقع كبير للرواية غير أن اسمها كان شاددني بدأت الرواية من فترة وبصراحة كانت مملة اول خمسين صفحة تقريبا ومكنتش عارفة ازاي هيربط كل الشخصيات دي ببعض ولكن اخر 150 صفحة تقريبا قرأتهم في قاعدة واحدة وانا مبهورة من الأسلوب وسير الأحداث ومستمتعة جدا جدا وحقيقي قفلة الرواية عجبتني جدا جدا
It's blowing my mind 🤯
والاكيد مش الرواية الأخيرة اللي هقرأها لاستاذ محمد عادل
انصح بشدة 🙏🏻🌟🌟🌟🌟🌟

[Youssry Effat]

بصراحة أنا دخلت السيكوباتي المبدع متوقع رواية نفسية عادية…
لكن اللي حصل كان تجربة مختلفة شوية 👀

الرواية مش قائمة على أحداث سريعة أو جريمة تقليدية، هي أكتر لعبة على العقل…
حوارات كتير، تحليل نفسي، ومحاولة تخليك تشك في كل شخصية قدامك.

فكرة “السيكوباتي المبدع” نفسها كانت interesting جدًا،
إن الشخص ممكن يبقى طبيعي جدًا من بره… لكن جواه حاجة تانية خالص.

أكتر حاجة شدتني إنك طول الوقت مش عارف مين الصح ومين الغلط،
وده بيخليك مكمل عشان تفهم الصورة.

بس في نفس الوقت، لو أنت من الناس اللي بتحب الأحداث السريعة، ممكن تحس إنها بطيئة شوية،
لأنها معتمدة أكتر على التفكير مش الحركة.

في المجمل؟
تجربة مختلفة تستحق تتجرب لو بتحب الروايات النفسية 👌


وفي الآخر…
خليك فاكر إن القراءة أذواق، والكتاب اللي ممكن يعدي عادي على غيرك… ممكن يسيب أثر كبير عندك أنت 📚✨
---

🎥 مراجعة اليوتيوب الكاملة:
https://youtu.be/mx5OSUGxfMg
📱 تابعني على السوشيال ميديا:
Instagram: https://www.instagram.com/bookaffe_/
TikTok: https://www.tiktok.com/@bookaffe
YouTube: https://www.youtube.com/@bookaffe

---