As esquinas: V Premio Pinto e Maragota pola diversidade sexual e de xénero

by Miguel Calvo Marques

Entre a depresión que o devora e as esquinas contra as que golpea o seu corpo para sosegar a dor emocional, o protagonista desta novela intenta sobrevivir no medio dun caos de relacións rotas e adiccións. Busca desesperadamente un lugar ao que pertencer e aférrase ao desexo e á esperanza fráxil dun amor que podería salvalo ou, se cadra, destruílo definitivamente. «As esquinas» é unha novela poliédrica onde se manifestan os efectos da violencia de xénero a través dunha exploración profunda dos traumas familiares e da loita pola identidade. As múltiples voces narrativas, que ademais de persoas inclúen animais ou mesmo obxectos inanimados, configuran un universo cru e poético onde o sufrimento e a resiliencia conviven en cada espazo e en cada lembranza.

216 pages, Paperback

Published May 14, 2026

Reviews

[val(eria) · Rating 5 out of 5]

plus pola mención a pipiolas e a mariana enríquez (@niko)

[unollarmeu · Rating 4 out of 5]

Pareceume acertado desde o título ata as voces narradoras que se escollen. Pareceume acertado o complexo de entender quen está falando; que sexa unha novela onde hai que estar realmente atenta e que aínda así custe ás veces saber quen fala. Incluso me pareceu acertada a complexidade de sentimentos e pensamentos que se plasman a través do protagonista. Pareceume acertado precisamente porque todos estes elementos son complexos de por si e pareceume que o autor soubo escribilos sen rodeos eufemísticos. Especialmente cando os temas tratados son máis ca necesarios.

[Raúl · Rating 4 out of 5]

todo o libro indo ben, estaba moi metido, pero ese final… deixoume un tanto descafeinado