What do you think?
تحقيقات نوح الألفي #4
قضية ذيل القط
هكذا اكتملت لدى نوح الألفي مواصفات قاتل موظفي وردية المساء في الكول سنتر :
. قاتل مأجور نفذ عمليته بحرفية لم يشهد لها مثيلا منذ عمل بالمباحث الجنائية.
. قاتل لديه من الدقة ما يسمح له باقتناص أرواح ضحاياه برصاصة واحدة تصيب هدفها.
. قاتل سريع إلى درجة أن ضحاياه لم تتح لهم فرصة للنهوض عن مقاعدهم ومقاومته أو حتى الهرب.
. قاتل مخضرم إلى درجة أنه أصاب ضحية من وراء باب، ونرجسي إلى درجة أنه لم يفتح الباب ليتأكد من إصابة الهدف.
. قاتل طويل، رياضي، بشرته سمراء سمارا صناعيا، شعره كستنائي كثيف، أنفه مميز.
. قاتل يشبه زميل نوح الذي لا يوجد دليل ضده سوى ذيل القط!
أي ضابط آخر كان سيقف عاجزا أمام تعقيدات هذه القضية، لكن نوح الألفي - الذي منحه حادث غامض قدرة على رؤية ما لا يراه غيره - وزميله قطر المحمدي، ليسا مجرد ضابطين عاديين.
معهما تستمر سلسلة تحقيقات نوح الألفي في جزئها الرابع حيث الحقيقة ليست كما تبدو، والخطر يختبئ خلف التفاصيل.
. قاتل مأجور نفذ عمليته بحرفية لم يشهد لها مثيلا منذ عمل بالمباحث الجنائية.
. قاتل لديه من الدقة ما يسمح له باقتناص أرواح ضحاياه برصاصة واحدة تصيب هدفها.
. قاتل سريع إلى درجة أن ضحاياه لم تتح لهم فرصة للنهوض عن مقاعدهم ومقاومته أو حتى الهرب.
. قاتل مخضرم إلى درجة أنه أصاب ضحية من وراء باب، ونرجسي إلى درجة أنه لم يفتح الباب ليتأكد من إصابة الهدف.
. قاتل طويل، رياضي، بشرته سمراء سمارا صناعيا، شعره كستنائي كثيف، أنفه مميز.
. قاتل يشبه زميل نوح الذي لا يوجد دليل ضده سوى ذيل القط!
أي ضابط آخر كان سيقف عاجزا أمام تعقيدات هذه القضية، لكن نوح الألفي - الذي منحه حادث غامض قدرة على رؤية ما لا يراه غيره - وزميله قطر المحمدي، ليسا مجرد ضابطين عاديين.
معهما تستمر سلسلة تحقيقات نوح الألفي في جزئها الرابع حيث الحقيقة ليست كما تبدو، والخطر يختبئ خلف التفاصيل.
156 pages, ebook
First published August 19, 2025
About the author
ميرنا المهدي
11 books5,515 followersروائية مصرية شغوفة بفئة التشويق والغموض
والجريمة منذ كانت بالثامنة من عمرها. نشرت روايتها الأولى (تحقيقات نوح الألفي) بعام ٢٠١٨.
An Egyptian novelist who dreamed of getting published since she was eight. Her debute novel (The Investigations of Noah Al-Alfy) was first published in 2018.
والجريمة منذ كانت بالثامنة من عمرها. نشرت روايتها الأولى (تحقيقات نوح الألفي) بعام ٢٠١٨.
An Egyptian novelist who dreamed of getting published since she was eight. Her debute novel (The Investigations of Noah Al-Alfy) was first published in 2018.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 833 reviews
August 21, 2025
الشهر ده شهد على اعظم مفاجأة ليا وهي صدور الكتاب الجديد لميرنا المهدي (كاتبتي المفضلة) وده مش اي كتاب، ده الجزء الجديد من سلسلتي المفضلة (تحقيقات نوح الالفي)
بداية كده
من اول ما فتحت الكتاب هجم عليا شعور النوستالجيا
واتبسطت اني اخيرا رجعت للسلسلة اللي بعشقها وشايف شخصياتها حواليا
كنت مبسوط وباكل الصفحات اكل وانا في شدة استمتاعي بيها
لحد ما اللغز بدأ يترسم وانا شاكك في حاجة
بعد شوية اتأكدت ان شكي صح وقولت انا قفشت التويست يا خسارة
بعد ما خلصت الرواية طلعت زبون كبير
انا اتصدمت لدرجة اني قلبي اتقبض من الخضة
ولما رجعت افكر فيها لقيتها في قمة المنطقية
واتمهدلها بذكاء كبير من الاول
وفي تفاصيل في التمهيد ده كنت احب اكتبها بس مش عايز الريفيو بتاعي يشمل حرق
—————
الرواية بتدور كلها في خلال يوم واحد
وده كان ذكي عشان حاجة مش هينفع اقولها
وعشان تخلق اجواء عشوائية سريعة
ف نحس اننا متوترين وحاجات كتير عمالة تحصل ورا بعض
ف نتشتت
الجزء ده شهد ظهور شخصية جديدة عجبني جدا جدا دخولها في الجزء ده
وشهد تطور اكتر لعلاقتنا احنا مع صلاح
انا عن نفسي حبيته وبقيت بستنى اي مشهد يظهر فيه
الكوميديا في الجزء ده جبارة
ضحكت اكتر من مرة بصوت عالي
والدراما اللي فيه مؤثرة من غير ما يكون فيها ابتزاز لمشاعر القارئ
اكتر حاجة عجبتني هي ظهور دفء العلاقة بين نوح وقطز اللي هي اساس من اساسات العلاقة والرواية
ونقد مباشر لأفكار وتوجهات الذكورية الهشة
بجد ده من اكبر أسباب تعلقي بالرواية ورغبتي اني احولها عمل سينمائي او درامي بنفسي
—————
لغة الرواية اللي هي مثيرة للجدل الفترة دي
فهي بسيطة ولكن مش ركيكة ابدًا
وبين كل وقت والتاني الكاتبة بتحط مفردات تثبت انها عندها ثراء لغوي كبير
وبين كل وقت والتاني تسهب في سرد تفاصيل او مشاعر او تأملات تثبت فيها انها مش كاتبة يتم الاستهانة بيها ابدًا
اما الحوار فهو بالعامية لأن ده اكتر اختيار مناسب للقصة وللفئة العمرية المستهدفة
—————
وفي حاجة مش هينفع اقولها برضو
بس هي حيلة ذكية جدا جدا جدا
ومش بنكتشفها غير في الاخر
واعتقد اي حد هيركز بعد ما يخلص الكتاب ممكن يفهم قصدي
بداية كده
من اول ما فتحت الكتاب هجم عليا شعور النوستالجيا
واتبسطت اني اخيرا رجعت للسلسلة اللي بعشقها وشايف شخصياتها حواليا
كنت مبسوط وباكل الصفحات اكل وانا في شدة استمتاعي بيها
لحد ما اللغز بدأ يترسم وانا شاكك في حاجة
بعد شوية اتأكدت ان شكي صح وقولت انا قفشت التويست يا خسارة
بعد ما خلصت الرواية طلعت زبون كبير
انا اتصدمت لدرجة اني قلبي اتقبض من الخضة
ولما رجعت افكر فيها لقيتها في قمة المنطقية
واتمهدلها بذكاء كبير من الاول
وفي تفاصيل في التمهيد ده كنت احب اكتبها بس مش عايز الريفيو بتاعي يشمل حرق
—————
الرواية بتدور كلها في خلال يوم واحد
وده كان ذكي عشان حاجة مش هينفع اقولها
وعشان تخلق اجواء عشوائية سريعة
ف نحس اننا متوترين وحاجات كتير عمالة تحصل ورا بعض
ف نتشتت
الجزء ده شهد ظهور شخصية جديدة عجبني جدا جدا دخولها في الجزء ده
وشهد تطور اكتر لعلاقتنا احنا مع صلاح
انا عن نفسي حبيته وبقيت بستنى اي مشهد يظهر فيه
الكوميديا في الجزء ده جبارة
ضحكت اكتر من مرة بصوت عالي
والدراما اللي فيه مؤثرة من غير ما يكون فيها ابتزاز لمشاعر القارئ
اكتر حاجة عجبتني هي ظهور دفء العلاقة بين نوح وقطز اللي هي اساس من اساسات العلاقة والرواية
ونقد مباشر لأفكار وتوجهات الذكورية الهشة
بجد ده من اكبر أسباب تعلقي بالرواية ورغبتي اني احولها عمل سينمائي او درامي بنفسي
—————
لغة الرواية اللي هي مثيرة للجدل الفترة دي
فهي بسيطة ولكن مش ركيكة ابدًا
وبين كل وقت والتاني الكاتبة بتحط مفردات تثبت انها عندها ثراء لغوي كبير
وبين كل وقت والتاني تسهب في سرد تفاصيل او مشاعر او تأملات تثبت فيها انها مش كاتبة يتم الاستهانة بيها ابدًا
اما الحوار فهو بالعامية لأن ده اكتر اختيار مناسب للقصة وللفئة العمرية المستهدفة
—————
وفي حاجة مش هينفع اقولها برضو
بس هي حيلة ذكية جدا جدا جدا
ومش بنكتشفها غير في الاخر
واعتقد اي حد هيركز بعد ما يخلص الكتاب ممكن يفهم قصدي
August 20, 2025
انا من الصدمة عموما مش عارفة اكتب ريفيو بس بجد تحفة جداااااااااا و ايه النهاية دي؟! يا رب ميرنا متخليناش نستنى سنة و نص تاني بعد النهاية دي علشان مينفعش 😭😭
August 25, 2025
?????
August 25, 2025
النهاية جريمة في حق البشرية
August 26, 2025
ميرنا قررت تصحى من النوم و تمسكنا كلنا ترننا علقه ادبيه
توقعت نص بس النص التاني!!!!! اخر كام صفحه ف كتاب! شكرا يا ميرنا
توقعت نص بس النص التاني!!!!! اخر كام صفحه ف كتاب! شكرا يا ميرنا
August 31, 2025
أتمنى أن يكون لقطز أو لدليلة «ليمونة» نوح الألفي.
الرواية هذه بالنسبة لي مش بس الأفضل في
السلسلة ولكنها واحدة من الروايات اللي هتفضل معايا في الذاكرة. من الشخصيات، للجو العام، للتفاصيل الصغيرة اللي بتعلّق في الدماغ وكمانالقضية نفسها اللي شدتني من أول سطر.
القضية كانت مميزة لدرجة إني في نص الأحداث تقريبا( بعد حوالي 200 صفحة) بدأت أربط الخيوط وأحس إني فهمت من القاتل. الإحساس كان ممتع جدا.
القاتل هنا مش عادي ولكنه قاتل محترف قدر يقتل ستة أشخاص بدم بارد ومن غير ما يترك أثر واضح ونجح يهرب من مسرح الجريمة بطريقة ذكية جدا. ومع الرغم من ذلك ميرنا المهدي ما سابتش الموضوع سهل.
كل مرة ألاقي حقيقة جديدة تقلب كل اللي في دماغي.
الدهشة، الغموض، الحزن، والتوتر كانوا مسيطرين على الرواية بالكامل. المذهل فعلا إن كل ده حصل في حوالي 300 صفحة بس. خلصت الرواية في ثلاث جلسات (ثلاث ساعات) على مدار ثلاث أيام ومع ذلك الإحساس كان كأني عايشة معاهم كل دقيقة.
أسلوب ميرنا المهدي مختلف وهذا اللي بيميز كتابتها. التشبيهات، المجازات، والتعابير بتضحكني أحيانا, تقلقني أحيانا, وتشدني جوه الرواية لدرجة إن القارئ فعليا مستحيل يزهق.
قضية «ذيل القط» من أكتر القضايا اللي شدتني في روايات الجريمة العربية. سريعة, مليانة أحداث, لكن مش سطحية. فيها روح وفيها أكشن, و فيها حوارات حقيقية و وشخصيات احسها عايشة.
اللي بيتابع السلسلة كاملة هيلاحظ إن الصورة الكبيرة بتوضح أكثر, والعلاقات بتترابط, والإحساس العام بيبقى أعمق… وفي نفس الوقت أكثر حزنا.
ميرنا عندها قدرة إنها تكتب روايات قصيرة نسبيا لكن تتقرأ في يوم أو يومين من غير أي ملل. وده يظهر في كل أعمالها تقريبا.
اللي عجبني جدا إن الرواية فيها قضايا حقيقية ورسائل مهمة لكنها بتظهر بهدوء ومن غير مباشرة. وده طبعا إحساس شخصي.
فيها لحظات ضحك, ولحظات وجع, ولحظات صدمة. المزيج خلاها رواية ممتعة وقريبة من الواقع.
اللي صدمني إني ما كنتش متوقعة النهاية خالص.
كنت متعودة إن نهايات السلسلة دايما فيها نوع من الراحة, حتى لو الطريق كان مليان توتر. لكن هنا في الجزء الرابع النهاية كانت مختلفة تماما. حزينة وموجعة لكنها قوية ومكتوبة بجمال.
النهاية خلتني أفكر كتييير, وخلت الرواية تفضل معايا حتى بعد ما خلصتها. يمكن الحزن هنا كان جزء من قوتها لأن مش كل القصص لازم تنتهي بسعادة.
وأحيانا النهاية الحزينة بتكون أصدق وأعمق.
من أكتر الحاجات اللي أبهرتني فعلا كانت الجريمة نفسها. مصممة بطريقة تخلي القارئ يتلخبط من أول صفحة لآخر صفحة. المجرم مش الشخص اللي متوقع, وميرنا لعبت اللعبة باحتراف.
الأدلة كلها كانت موجودة من البداية لكن متقدمة بشكل تشوفها ومش تفهمها. وده سر المتعة: القاتل مش جاي من الفراغ هو حواليك طول الوقت لكنك مش شايفه.
الحبكة كانت مشدودة جدا وكأني قدام بانوراما جريمة معمولة بدقة وعناية! وهاتظل هذه الرواية لحد الآن من افضل الروايات الجريمة العربية.
وأتمنى… أن يكون لقطز أو لدليلة «ليمونة» نوح الألفي.
August 24, 2025
لا أتباهى بأنني توقعتُ القاتلَ من الصفحات الأولى للرواية،وصدق حدسي ، ولكن ذلك لا يمنع أنني استمتعتُ بها أكثر من أي جزء مضى.
تغيّر الشخصية الرئيسية «نوح الألفي» ونضوجه اتضح من أسلوب سرده ومنظوره في رؤية الأحداث.
لم يعد ذلك الضابطَ المتعجِّلَ الذي لا يعطي مجالًا للآخرين للحديث ويقاطعهم دائمًا، بل ازداد صبره عمّا مضى، وظهر ذلك بوضوح في تعامله مع شخصية الرائد «صلاح الشبكي». ولا يزال الثاني يفاجئنا بعشوائية أفعاله، ولكن على غير العادة تمسّك نوح بزمام صبره، فصنعت لنا تلك الأحداث نكهةً مختلفة من الكوميديا.
تعامله مع شخصية «صلاح» ومحاولة مجاملته كما يجامله الآخر في النداء، خالفا طبيعته الحادّة التي اعتاد أن يكون عليها؛ فهو كان يصرّ دائمًا على التمسك برأيه أمام الآخرين فيما مضى.
لقد تغيّر تغيّرًا ملحوظًا، ولكنه لايزال متمسكًا ببعض العادات السيئة والتي تتجلى بعد استمراره ساعاتٍ طويلة يقظًا دون أن ينام.
أحببتُ أن أحداث الرواية جرت خلال ليلةٍ واحدة، فكنتُ أدرك الزمن قبل أن تشير إليه الكاتبة، فمواقيت الأحداث سريعة الوتيرة في وقت ضيق خلّق حالة من التوتر، فالجميع يصرّ أن يكتشف الجاني هنا على عُجالة، على عكس المعتاد في الجرائم الأخر.
تساءلت لوهلة، لِمَ لا يُفسح الجميع المجال، والوقت لفريق الطب الشرعي، ثم يحققوا في الأمر فيما بعد في مكاتبهم ؟!
الظهور المُفاجئ في النهاية، لشخصية الدكتور، وعلاقتها بالأحداث كان مشوش أوي بالنسبالي، حاولت أفهمه بس معرفتش، لأنه مختلط بجانب من شخصية مبهمة شوية ومش متوقعة منها الخير ولا الشر.
مفهمتش علاقتها مع القتلة، وإزاي بدأت والوقت ما بين قتل الدُغش ونهاية هادي قليلة أوي مُجرد أيام؟
وهل كده الدكتور وفريق الدُغش هما السبب في قتل «يحيى الألفى»؟
حاسة أني عايزة أعرف تفاصيل أكتر، بس الأمل في لقاء أنور بقى في الجزء الخامس، أو رواية جديدة تحمل تفاصيل ماضي المجموعة ديه.
النهاية عبقرية، لم أنزعج منها إطلاقًا، فهي ليست نهايةً مفتوحة، بل جاءت على لسان «نوح الألفي» أنها مجرد سفرة طويلة، ليست النهاية.
تقييم الرواية 5/5
شكراً يا ميرنا على الرواية، وفي إنتظار رواية جديدة
تغيّر الشخصية الرئيسية «نوح الألفي» ونضوجه اتضح من أسلوب سرده ومنظوره في رؤية الأحداث.
لم يعد ذلك الضابطَ المتعجِّلَ الذي لا يعطي مجالًا للآخرين للحديث ويقاطعهم دائمًا، بل ازداد صبره عمّا مضى، وظهر ذلك بوضوح في تعامله مع شخصية الرائد «صلاح الشبكي». ولا يزال الثاني يفاجئنا بعشوائية أفعاله، ولكن على غير العادة تمسّك نوح بزمام صبره، فصنعت لنا تلك الأحداث نكهةً مختلفة من الكوميديا.
تعامله مع شخصية «صلاح» ومحاولة مجاملته كما يجامله الآخر في النداء، خالفا طبيعته الحادّة التي اعتاد أن يكون عليها؛ فهو كان يصرّ دائمًا على التمسك برأيه أمام الآخرين فيما مضى.
لقد تغيّر تغيّرًا ملحوظًا، ولكنه لايزال متمسكًا ببعض العادات السيئة والتي تتجلى بعد استمراره ساعاتٍ طويلة يقظًا دون أن ينام.
أحببتُ أن أحداث الرواية جرت خلال ليلةٍ واحدة، فكنتُ أدرك الزمن قبل أن تشير إليه الكاتبة، فمواقيت الأحداث سريعة الوتيرة في وقت ضيق خلّق حالة من التوتر، فالجميع يصرّ أن يكتشف الجاني هنا على عُجالة، على عكس المعتاد في الجرائم الأخر.
تساءلت لوهلة، لِمَ لا يُفسح الجميع المجال، والوقت لفريق الطب الشرعي، ثم يحققوا في الأمر فيما بعد في مكاتبهم ؟!
الظهور المُفاجئ في النهاية، لشخصية الدكتور، وعلاقتها بالأحداث كان مشوش أوي بالنسبالي، حاولت أفهمه بس معرفتش، لأنه مختلط بجانب من شخصية مبهمة شوية ومش متوقعة منها الخير ولا الشر.
مفهمتش علاقتها مع القتلة، وإزاي بدأت والوقت ما بين قتل الدُغش ونهاية هادي قليلة أوي مُجرد أيام؟
وهل كده الدكتور وفريق الدُغش هما السبب في قتل «يحيى الألفى»؟
حاسة أني عايزة أعرف تفاصيل أكتر، بس الأمل في لقاء أنور بقى في الجزء الخامس، أو رواية جديدة تحمل تفاصيل ماضي المجموعة ديه.
النهاية عبقرية، لم أنزعج منها إطلاقًا، فهي ليست نهايةً مفتوحة، بل جاءت على لسان «نوح الألفي» أنها مجرد سفرة طويلة، ليست النهاية.
تقييم الرواية 5/5
شكراً يا ميرنا على الرواية، وفي إنتظار رواية جديدة
August 22, 2025
كان تقيمي خمسه من خمسه او مليون لحد اخر كام صفحة انا مش قادر اتقبل الي قريته ولا هتقبله ايه النهايه دي؟ انا قفلت الرواية وقعدت اعيط بجد لا ثم لا ثم لا.
عمال افكر من ساعة ما خلصت الرواية قد ايه انا متعصب منها!!!
حرفيا تقيمي للجزء ده انا مش واثق فيه
تعديل بعد ما قريت الجزء الخامس
الجزء الرابع تحفه تحفه و البلوت فظيعة وحركه غير متوقعه وحبيتها جدا.
عمال افكر من ساعة ما خلصت الرواية قد ايه انا متعصب منها!!!
حرفيا تقيمي للجزء ده انا مش واثق فيه
تعديل بعد ما قريت الجزء الخامس
الجزء الرابع تحفه تحفه و البلوت فظيعة وحركه غير متوقعه وحبيتها جدا.
August 22, 2025
انا من الصدمه مش عارف اكتب ريفيو (النهايه بشعه)
December 10, 2025
بكل تأكيد الجزء الرابع "قضية ذيل القط" من سلسلة "تحقيقات نوح الألفي" هو الجزء الأفضل في السلسلة حتى الآن، وأقول حتى الآن، لأن النضج والتطور في السلسلة مستمر بشكل أكثر من جيد.
ولو أحببت أن تعرف ما يميز هذا الجزء عن سابقيه، فهناك عدة عوامل، أولهما القضية نفسها، فنحن قضينا مع القضية نفسها وقتاً طويلاً مليئاً بالتفاصيل والتعقيدات والتشابكات، فطبيعة القضية نفسها جعلتنا على موعد مع لفيف من الشخصيات المختلفة، التي أضافت وزناً وبعداً، ناهيك عن أن القضية تحدث في مكان واحد أغلب الوقت، واستطاعت الكاتبة أن تختار مكان يُمكن التلاعب به بسهولة واستغلت موقعه لتقدم ألعاب ذكاء مختلفة ومثيرة للاهتمام.
وبالطبع التشويق، لن يكون هذا العامل جديداً على السلسلة ولكن جرعة التشويق هنا أدعي أنها أكبر من المعتاد، فالأحداث تتوالى بسهولة ويسر، بدون قفزات زمنية هائلة أو حتى استنتاجات مجحفة، فالتحقيق الجاري يتصاعد مع الأحداث، وذلك ما ينقلنا إلى الميزة التالية، وهي تعدد المشتبه فيهم، وليس لمجرد إرباك القارئ وجعله في حيرة، ولكن أغلب المشتبه فيهم عليهم علامات استفهام متعددة، وذلك ما أضاف للرواية شخصيات جديدة ولطاقم التحقيق على الأخص شخصية من أعجب ما يمكن أن يكون، وعوضت غياب شخصية رئيسية لحوالي ثلث الرواية الأخير، ولكن غياب مُبرر بشكل منطقي. أيضاً، هناك نقطة مهمة جداً في هذا الجزء، وهو الجزء الوحيد الخالي من الماورائيات، تم التركيز فقط على الجريمة وأبعادها، دون تدخل العنصر السحري فيها.
أما لو سألتني عن العامل الأكثر جذباً لي في هذه الرواية، ولأغلب من قرأها حتى، سيكون بكل تأكيد نهايتها، فالنهاية جريئة جداً، حتى ولو تم حل معضلتها في الجزء القادم -وهو بشكلاً ما متوقع وبديهي- ولكن مستوى الجرأة كان في تشابك شخصيات السلسلة، مما يجعلك تشعر أن السلسلة كيان واحد، وشخصياتها ممتدة عبر الأجزاء، فليس لكل شخصية دور وينتهي، بل هي أدوار مستمرة لا تنتهي إلا بنهاية السلسلة، والأكثر ذكاءاً بالنسبة لي أن حل القضايا يساهم بشكل كبير في حل المشاكل الشخصية لدى أبطال السلسلة، وخصوصاً "قضية ذيل القط" فهي قد تعد تمهيداً لمأساة هائلة أو لم شمل دافئ، وفي الحالتين قد ينتج عنهما علاجاً بشكلاً ما.
أدعي أن سلسلة تحقيقات نوح الألفي هي أفضل سلسلة متخصصة في الجريمة والإثارة في الأدب المصري، ولا أتذكر أن هناك ما يقترب منها، فالسلسلة مليئة بعناصر الجذب وعمق مناسب وخفة ظل لا تنتهي، بالإضافة إلى ألعاب ذكاء لا مثيل لها، وشخصيات تتطور على مدار الأجزاء، ولكل ذلك وأكثر، سأكون منتظراً الجزء الخامس على أحر من الجمر.
August 28, 2025
3.5/5
مش موافقة علي النهاية
مش موافقة علي النهاية
August 25, 2025
.................
January 22, 2026
روايات الجريمة عادةً تسير بخطى ثابتة ومنطقية:
اكتشاف الجريمة ، العثور على الأدلة ، التحقيق ، كشف الدافع ،البحث عن القاتل... الذي غالبًا ما يكون هاربًا
لكن ماذا لو كان القاتل يجلس بيننا الآن؟
يبحث عن نفسه معنا، بنفس الجدية، بنفس القلق.
ماذا لو انهارت كل الخيوط أمام المحقق، وصارت القضية مستحيلة؟
حينها:
كيف يكون طعم الخذلان؟
كيف يكون صوت الصدمة وهي تصرخ داخل النفس؟
كيف نكبح حبًّا يُقاتل كراهية في نفس القلب؟
تلك المشاعر الحلوة المُرّة...
ابداع ما بعده ابداع ايه الحلاوه ديي؟!
اكتشاف الجريمة ، العثور على الأدلة ، التحقيق ، كشف الدافع ،البحث عن القاتل... الذي غالبًا ما يكون هاربًا
لكن ماذا لو كان القاتل يجلس بيننا الآن؟
يبحث عن نفسه معنا، بنفس الجدية، بنفس القلق.
ماذا لو انهارت كل الخيوط أمام المحقق، وصارت القضية مستحيلة؟
حينها:
كيف يكون طعم الخذلان؟
كيف يكون صوت الصدمة وهي تصرخ داخل النفس؟
كيف نكبح حبًّا يُقاتل كراهية في نفس القلب؟
تلك المشاعر الحلوة المُرّة...
ابداع ما بعده ابداع ايه الحلاوه ديي؟!
September 5, 2025
أكتر جزء عجبني في السلسلة برغم إن نهايته مفتوحة، ومش عارفة ده كده آخر جزء في السلسلة ولا لسه في جزء تاني بس النهاية عجبتني أوي وعصبتني أوي في نفس الوقت 😂
March 27, 2026
كلستروفوبيا
هذا ما شعرت به أثناء تواجدي طوال وقت الرواية الا قليلا في شقة يدار بها كول سنتر بعمارة كبري بوسط البلد مع العديد من القطط
رواية قضية نوح الألفي هذه المرة مكثفة؛
مكثفة في فترتها الزمنية -الاحداث كلها تدور في ليلة واحدة نجسة داس في بدايتها نوح الألفي علي ذيل قط أسود
مكثفة في موقع الأحداث -كما قلت كلها تدور في تلك الشقة والتي تخيلتها ذات مساحات ضيقة كمكعبات مكاتب الكول سنتر
مكثفة في دمويتها -لنقل إنها بدأت بست جثث في موقع الجريمة ولنقل حوالي ثلاث جرائم قتل أخري ستحدث خلال تلك الليلة
مكثفة في مشاعرها -فما يدور بين نوح وعائلته بالأخص جدته واخته والأمر الخاص بحبيبته وخطيبته يتجلي في معضلة حقيقية حول مستقبل نوح كأب
وايضا مشاعره مع زميله وصديقه الصدوق قطز والذي يغيب عن هذا الجزء ويظهر فقط شرفيا ولكن بمشاهد بها كثير من مشاعر الصداقة الحلوة
ومشاعره السلبية المعقدة تجاه أمه وزوج أمه دكتور فازلين
مكثفة أيضا في الروح المرحة وخفة الدم المنبعثة من حوارات نوح الألفي وزميله اللدود صلاح والذي صار أكثر ودا مع نوح بعد أحداث قضية عائلته في الجزء السابق
القصة المكثفة تلك ميزتها أيضا التخلي عن الجزء الخيالي الخاص بأرواح الموتي كتعبير فبدت واقعية -بغض النظر عن وجود قاتل مأجور محترف وهو أمر نادر تقريبا في مصر-
ولكن بالنسبة لي ، كعاشق للكتب الضخمة، يعيبها بالنسبة لي انها نصف قصة… وان كنت اري ان التوقف عند تلك النقطة في الأحداث حركة ذكية تشعل الحماس والدعاية لسلسلة ككل الا اني دوما ما أردت رواية ضخمة لنوح كروايات كورموران سترايك لجي كي بولينج والذي هو أقرب لها بمزج حياته الشخصية مع قضاياه في الأحداث
ولكن من الجيد حقا صدور التتمة في وقت قصير ولذا سأبدأ بها بأقرب وقت أن شاء الله
لا أنكر أنني منذ أن تعرفت علي السيد المحقق نوح الألفي في مارس 2022 وقضيته مع ست الحسن وانا معجب حقا بقلم ميرنا المهدي واعتقد انها حركة أيضا ذكية ربط خيوط من سلسلتها الأشهر مع رواية مستقلة سابقة لها وهي صديقي السيكوباتي
ولكني متخوف من أن تفسد نهاية صديقي السيكوباتي بسبب احتمال تغير مصائر الشخصيات بها بالجزء التالي من قضية مخالب القط...أتمني أن يتم الأمر بذكاء و اثق بقلم ميرنا أنه سيحدث
محمد العربي
من ٢١ مارس ٢٠٢٦
الي ٢٣ مارس ٢٠٢٦
December 20, 2025
نهاية مؤلمة 💔
***" هكذا صرتُ اليد التى تربت على كتفها ، الجذع الذى يستند إليه ظهرها ، الأنامل التى تمسح عبراتها ، الصوت الذى يطمئنها ، و الكف التى تنتشلها من السقوط فى بئر الاكتئاب و الاستسلام لأحلك أفكارها " ♥️✨
***" هكذا صرتُ اليد التى تربت على كتفها ، الجذع الذى يستند إليه ظهرها ، الأنامل التى تمسح عبراتها ، الصوت الذى يطمئنها ، و الكف التى تنتشلها من السقوط فى بئر الاكتئاب و الاستسلام لأحلك أفكارها " ♥️✨
September 2, 2025
3.5/5
النهاية ليه؟!!!! الجزء الجديد إمتى؟؟؟ مش هينفع استنى كتير لااااا🙄🙄
أحلى جزء في الأربع أجزاء.
النهاية ليه؟!!!! الجزء الجديد إمتى؟؟؟ مش هينفع استنى كتير لااااا🙄🙄
أحلى جزء في الأربع أجزاء.
August 21, 2025
الجزء الرابع من السلسلة الأكثر مبيعاً، والمفارقة إنه بينزل بعد أيام قليلة من حالة جدل على الـBooktok بسبب انتقاد شخص للسلسلة ولغتها.
طب هل قدمنا جديد في الجزء ده؟ 👀
الأحداث كلها بتدور في span of almost 10 hours، وده مختلف تماماً عن الأجزاء اللي فاتت اللي كان فيها larger timelines. يعني عندنا تجربة مختلفة في الـtempo والزمن.
الحلو إننا تخطينا "ركاكة وسذاجة" الجزء التالت (aka عنب التعلب 🍇🦊). هنا الشخصيات الأساسية: نوح وقطز أخدوا أبعاد انسانية أكتر: أفكارهم، مخاوفهم، قراراتهم، وحتى أحلامهم. حسيت إني أقرب ليهم كشخصيات.
انت معدتش نوح التوكسيك يا نوح.
بس...
عندي مشكلة: رغم إنه أكبر جزء كحجم، حسيت إنه أكتر جزء ناقصه تفاصيل.
- مفيش أي حضور للجانب الماورائي بتاع نوح، اللي تميزت بيه الاجزاء اللي فاتت..
وده ممكن يفتح نقاش هل هو أصلا كان موجود من الأصل قبل كده ولا لأ !!!
-ضحايا مسرح الجريمة كلهم literally كلهم عندهم no backstory.
مفيش هويات واضحة، مفيش أهل يجوا يعيطوا عليهم، مفيش حتة موتوا اختي يا كفرة، مفيش شهود مفيش تحقيق تقريباً. ١٠ ساعات رجالة واقفة بتتكهن. فالقضية طالعة flat شوية.
-أكتر حاجه زعجتني شخصيات المحققين مكتوبه بنفس طريقة الكاتب الراجل اللي بيشوف الستات دايماً too emotional and unstable.
نتيجة لده فكلهم ظهروا بشكل كاريكتري هستيري فج ومش متوازن. يا جماعة... "أليس منكم رجل رشيد" يخلصنا من حضانة موسم التزاوج دي؟
كله عايز يقوم يضرب في كله طول الوقت عيب على سنكوا حتى.
بس overall الجريمة نفسها ككل فيها قدر من التماسك، وده مهم.
وكمان حبيت إن ميرنا ما وقعتش في فخ إنها تعمل twist just for the sake of the twist.
لإن في فرق كبير بين a logical twist وبين قفل القصة بحاجه مش منطقية لمجرد اني اعمل تويست محدش يتوقعه.
هنا، حسيت بالمنطق والـflow.
الخلاصة: الجزء الرابع أعمق من التالت.
أسرع في الإيقاع.
بس إفتقد لبعض التفاصيل اللي كانت هتخليه أكمل وأقوى. وبرغم ملاحظاتي، استمتعت بيه، واكيد اي حد هيقراه هيستمتع بيه، ولازم نفضل ندعم القلم الشاب النسائي اللي ليه جمهوره.
لأن ميرنا في النهاية بنتنا اللي مننا ❤️.
3.5/5 بس هديها 4 عشان بنتنا وعشان النهاية.
طب هل قدمنا جديد في الجزء ده؟ 👀
الأحداث كلها بتدور في span of almost 10 hours، وده مختلف تماماً عن الأجزاء اللي فاتت اللي كان فيها larger timelines. يعني عندنا تجربة مختلفة في الـtempo والزمن.
الحلو إننا تخطينا "ركاكة وسذاجة" الجزء التالت (aka عنب التعلب 🍇🦊). هنا الشخصيات الأساسية: نوح وقطز أخدوا أبعاد انسانية أكتر: أفكارهم، مخاوفهم، قراراتهم، وحتى أحلامهم. حسيت إني أقرب ليهم كشخصيات.
انت معدتش نوح التوكسيك يا نوح.
بس...
عندي مشكلة: رغم إنه أكبر جزء كحجم، حسيت إنه أكتر جزء ناقصه تفاصيل.
- مفيش أي حضور للجانب الماورائي بتاع نوح، اللي تميزت بيه الاجزاء اللي فاتت..
وده ممكن يفتح نقاش هل هو أصلا كان موجود من الأصل قبل كده ولا لأ !!!
-ضحايا مسرح الجريمة كلهم literally كلهم عندهم no backstory.
مفيش هويات واضحة، مفيش أهل يجوا يعيطوا عليهم، مفيش حتة موتوا اختي يا كفرة، مفيش شهود مفيش تحقيق تقريباً. ١٠ ساعات رجالة واقفة بتتكهن. فالقضية طالعة flat شوية.
-أكتر حاجه زعجتني شخصيات المحققين مكتوبه بنفس طريقة الكاتب الراجل اللي بيشوف الستات دايماً too emotional and unstable.
نتيجة لده فكلهم ظهروا بشكل كاريكتري هستيري فج ومش متوازن. يا جماعة... "أليس منكم رجل رشيد" يخلصنا من حضانة موسم التزاوج دي؟
كله عايز يقوم يضرب في كله طول الوقت عيب على سنكوا حتى.
بس overall الجريمة نفسها ككل فيها قدر من التماسك، وده مهم.
وكمان حبيت إن ميرنا ما وقعتش في فخ إنها تعمل twist just for the sake of the twist.
لإن في فرق كبير بين a logical twist وبين قفل القصة بحاجه مش منطقية لمجرد اني اعمل تويست محدش يتوقعه.
هنا، حسيت بالمنطق والـflow.
الخلاصة: الجزء الرابع أعمق من التالت.
أسرع في الإيقاع.
بس إفتقد لبعض التفاصيل اللي كانت هتخليه أكمل وأقوى. وبرغم ملاحظاتي، استمتعت بيه، واكيد اي حد هيقراه هيستمتع بيه، ولازم نفضل ندعم القلم الشاب النسائي اللي ليه جمهوره.
لأن ميرنا في النهاية بنتنا اللي مننا ❤️.
3.5/5 بس هديها 4 عشان بنتنا وعشان النهاية.
August 31, 2025
I’m forever traumatized 😂♥️
الرواية حلوة جدا فيها كذا بلوت تويست تحفة
اتوقعت القاتل بسسسس متوقعتش البلوت تويست الكبيرة اللي حصلت في الاخر دي
ولكن نصيحة اقرأوا صديقي السايكوباتي عشان في شخصيات هتظهر في الرواية منها وهتكون حلوة لو كنتوا عارفين هم مين
الرواية حلوة جدا فيها كذا بلوت تويست تحفة
اتوقعت القاتل بسسسس متوقعتش البلوت تويست الكبيرة اللي حصلت في الاخر دي
ولكن نصيحة اقرأوا صديقي السايكوباتي عشان في شخصيات هتظهر في الرواية منها وهتكون حلوة لو كنتوا عارفين هم مين
September 24, 2025
يعني أنا السلسلة كلها كنت بخمن القاتل بسرعه ماعدا الجزء الثاني و ده ، صراحه انا كنت شاكه في كله لحد النهاية و عيزه الجزء الجديد قريب أكيد دي مش النهاية
August 29, 2025
بقالي يومين بحاول اكتب الريفيو واستوعب الي حصل البعض يظن ان البكاء سيكون من اجل النهاية ولكن مابين السطور هو سبب البكاء شئ سوف يجعلك تحمد ربك علي كل شئ ويريك أصعب اختبار سوف تضع فيه وماذا سيكون رد فعلك عجبني شخصية نوح وتمسكه يحبه برغم العواصف الضارية عجبني قطز الي بيفهم صحبه من غير ما يتكلم مشاعر كتير هتكتشفها في الجزء دا هتاخد جزء من قلبك ولكن اييييييه النهاية دي ياميرنااااا 😭😭😭😭
October 12, 2025
4.5
حبيت في الجزء دا أن نوح اعتمد اعتماد كلي على قداراته في التحليل ومكانش في أي اعتماد على اللمونة، كانت حبكة ذكية وفي نفس الوقت مسلية رغم توقعي للقاتل، بس في تويستاية مكانتش منطقية بالنسبالي ودي اللي خلتني مديلهاش full stars.
حبيت في الجزء دا أن نوح اعتمد اعتماد كلي على قداراته في التحليل ومكانش في أي اعتماد على اللمونة، كانت حبكة ذكية وفي نفس الوقت مسلية رغم توقعي للقاتل، بس في تويستاية مكانتش منطقية بالنسبالي ودي اللي خلتني مديلهاش full stars.
August 25, 2025
بعد عياط لمدة نص ساعة مش هقدر اقول حاجة غير انه اكتر جزء استمتعت فيه ودماغي لفت كتير ومعرفتش اتوقع غير نص الحقيقة بس بجد تحفة🤎
September 3, 2025
فيه جيييه
August 29, 2025
تحذير الريفيو في حرق متحرقش على نفسك أو أقولك إنت حر إحرق على نفسك يمكن يخفف عليك الصدمة العصبية لما تقرأ الرواية
بحاول أتعافى من كل الصدمات اللي تلقيتها في اخر ١٠٠ صفحة بجد مش قادرة وشاكة إن ضغطي علا وهروح أقيسه في الصيدلية عشان الصداع هيفرتك نفوخي بعد آخر ١٥ صفحة ....أنا اللي كنت عمالة أقول بمنتهى النرجسية : الله عليا خمنت القاتل في أول ١٢٠ صفحة وإيه الحبكة الضعيفة دي ومش ده اللي إتعودت عليه من ميرنا بس كان جوايا إحساس إن ميرنا قاصدة تشككنا وفي الآخر هترزعنا بلوت تويست محترم بس كدبت الإحساس وكأن ميرنا سمعت كلامي وقالت لي خدتي حاجة من الدنيا ؟ طب خدي دي ، مش قادرة أستوعب أي حاجة والله العظيم والدمعة في عينيا ، ومش قادرة أستوعب فكرة أن ميرنا دمجت بين صديقي السيكوباتي وقضية ذيل القط وخلت أبطالها الأشرار القتلة في جريمة بيحقق فيها بطلها المحقق (بالمناسبة صديقي السيكوباتي هي الرواية الوحيدة اللي مقرأتهاش لميرنا وأشك إني مش هقدر أصلا من كرهي لهادي وزعفران دلوقتي ) الحركة دي عملتها قبل كده في دليل جدتي وكانت حركة روشة أوي بالنسبالي وإيه الجمدان ده بس هنا ....مش قادرة أوصف شعوري لما إكتشفت أن هادي وزعفران- اللي اتخزوقت فيه وطلع رياض- هما القتلة ومش بس كده ....جوز ام نوح رئيسهم !!!!!!!!!!!!؟؟؟؟؟ والصدمة بقى النهاية المفتوحة .... أنا في آخر سطر في آخر صفحة بالغلط ضربت عني على الصفحة اللي بعدها ألاقي شكر وعرفان!!!!!!!! ... أنا طلع مني أقذر كلمة عدت على لساني من الصدمة مع كامل احترامي لميرنا طبعًا ...مش هقدر أقول غير إني بجد مش هقدر أستنى لحد ما ينزل الجزء الخامس ده لو في أصلًا عشان لو دي نهاية السلسلة أنا ممكن أكره ميرنا المهدي عمري كله وأجيب ناس تكرهها وأورث كرهي ليها لأحفادي والأجيال القادمة من سلالتي ، الزعل على قد الغلاوة وأنا نصبت ميرنا كواحدة من ألمع كتاب البوليسي وفن البلوت تويست الجاحد اللي قرأتلهم وكتابي المفضلين كمان ودي مرحلة موصلهاش غير ٤ كتاب غالبًا وكلهم اجانب عامةً بجد لسه مش قادرة أتخطى 💔 مبسوطة يا ميرنا وإنتي جبتيلي تروما مش هقدر أتخطاها غير لما أتطمن إن في جزء خامس وأمسكه بين إيديا كده .
بعيدًا عن الرواية دلوقتي شوية ، بحترم أوي بجد في ميرنا مبادئها وخُلقها عمري ما قرأتلها كتاب ولقيت في لفظ خارج أو إيحاء قذر أو وصف مش لطيف أو أو أو ، هي بتستهدف فئة معينة وهي فئتنا فئة المراهقين أو الشباب ، وعشان كده بتراعي إنها تطلع حاجة تليق بدماغهم تشدهم وتحببهم في القراءة ومتدخلهمش في سكة مش تمام لإن المراهقين والشباب احاسيسهم ومشاعرهم بتبقى جياشة ومش مظبوطة في بعض الأحيان 🙈 كاتبة عندها مبدأ وقيم مبتحيدش عنها ، كل كتاب بتكتبه بتتبنى في قضية وعبرة عايزة تبرزها بطريقتها الخاصة وتخاطب عقول المراهقين بطريقة تشدهم للتفكير والتأمل شوية 🩷
بحاول أتعافى من كل الصدمات اللي تلقيتها في اخر ١٠٠ صفحة بجد مش قادرة وشاكة إن ضغطي علا وهروح أقيسه في الصيدلية عشان الصداع هيفرتك نفوخي بعد آخر ١٥ صفحة ....أنا اللي كنت عمالة أقول بمنتهى النرجسية : الله عليا خمنت القاتل في أول ١٢٠ صفحة وإيه الحبكة الضعيفة دي ومش ده اللي إتعودت عليه من ميرنا بس كان جوايا إحساس إن ميرنا قاصدة تشككنا وفي الآخر هترزعنا بلوت تويست محترم بس كدبت الإحساس وكأن ميرنا سمعت كلامي وقالت لي خدتي حاجة من الدنيا ؟ طب خدي دي ، مش قادرة أستوعب أي حاجة والله العظيم والدمعة في عينيا ، ومش قادرة أستوعب فكرة أن ميرنا دمجت بين صديقي السيكوباتي وقضية ذيل القط وخلت أبطالها الأشرار القتلة في جريمة بيحقق فيها بطلها المحقق (بالمناسبة صديقي السيكوباتي هي الرواية الوحيدة اللي مقرأتهاش لميرنا وأشك إني مش هقدر أصلا من كرهي لهادي وزعفران دلوقتي ) الحركة دي عملتها قبل كده في دليل جدتي وكانت حركة روشة أوي بالنسبالي وإيه الجمدان ده بس هنا ....مش قادرة أوصف شعوري لما إكتشفت أن هادي وزعفران- اللي اتخزوقت فيه وطلع رياض- هما القتلة ومش بس كده ....جوز ام نوح رئيسهم !!!!!!!!!!!!؟؟؟؟؟ والصدمة بقى النهاية المفتوحة .... أنا في آخر سطر في آخر صفحة بالغلط ضربت عني على الصفحة اللي بعدها ألاقي شكر وعرفان!!!!!!!! ... أنا طلع مني أقذر كلمة عدت على لساني من الصدمة مع كامل احترامي لميرنا طبعًا ...مش هقدر أقول غير إني بجد مش هقدر أستنى لحد ما ينزل الجزء الخامس ده لو في أصلًا عشان لو دي نهاية السلسلة أنا ممكن أكره ميرنا المهدي عمري كله وأجيب ناس تكرهها وأورث كرهي ليها لأحفادي والأجيال القادمة من سلالتي ، الزعل على قد الغلاوة وأنا نصبت ميرنا كواحدة من ألمع كتاب البوليسي وفن البلوت تويست الجاحد اللي قرأتلهم وكتابي المفضلين كمان ودي مرحلة موصلهاش غير ٤ كتاب غالبًا وكلهم اجانب عامةً بجد لسه مش قادرة أتخطى 💔 مبسوطة يا ميرنا وإنتي جبتيلي تروما مش هقدر أتخطاها غير لما أتطمن إن في جزء خامس وأمسكه بين إيديا كده .
بعيدًا عن الرواية دلوقتي شوية ، بحترم أوي بجد في ميرنا مبادئها وخُلقها عمري ما قرأتلها كتاب ولقيت في لفظ خارج أو إيحاء قذر أو وصف مش لطيف أو أو أو ، هي بتستهدف فئة معينة وهي فئتنا فئة المراهقين أو الشباب ، وعشان كده بتراعي إنها تطلع حاجة تليق بدماغهم تشدهم وتحببهم في القراءة ومتدخلهمش في سكة مش تمام لإن المراهقين والشباب احاسيسهم ومشاعرهم بتبقى جياشة ومش مظبوطة في بعض الأحيان 🙈 كاتبة عندها مبدأ وقيم مبتحيدش عنها ، كل كتاب بتكتبه بتتبنى في قضية وعبرة عايزة تبرزها بطريقتها الخاصة وتخاطب عقول المراهقين بطريقة تشدهم للتفكير والتأمل شوية 🩷
This entire review has been hidden because of spoilers.
August 19, 2025
نهاية حلوة اوي و تفاصيلها تحفة و الكتاب خلاني احب شخصية نوح اكتر و احسه عنده مشاعر تانيا غير حبه لدليلة و الغضب بس مش صعبان عليا غير قطوزي 😓!!!!!!!!!!!!!!!!!
This entire review has been hidden because of spoilers.
January 6, 2026
ليه هيك؟؟ النهاية دمار 💔😳😢
August 23, 2026
النهاية خلصت عليا
ليه كده
ليه
أنا خلصتها وفضلت قاعدة أعيط لحد ما صدعت
ليه كده
ليه
أنا خلصتها وفضلت قاعدة أعيط لحد ما صدعت
May 2, 2026
انا هبدأ بجملة واحدة
لولا اختلاف الأذواق لبارت السلع ، ودي حقيقيه 100٪ في الحالة دي بجد
في البداية ، بنقضي أكتر من 30 صفحة تقريباً مع نوح وهو قاعد وسط عائلته والرائد صلاح بيتصل بيه علشان جريمة قتل حصلت
المشكلة مش في الحدث ،، المشكلة في كمية الرغي اللي قبله! تفاصيل كتير جداً مالهاش أي لازمة
بعد كده ندخل على شخصية الملازم فادي جاد
هل يُعقل إن ضابط شرطة حتى لو بلبس مدني يبقى لابس تيشيرت عليه الجوكر وباتمان وشورت؟! وكمان واخد تان؟!
والأغرب لما تبدأ الرواية شوية هنعرف إنه طلع ابن لواء!
طيب نعم يعني؟؟
ومش بس كده ، ده كمان بيطبطب على الشاهدة الفرنسية على جريمة القتل وبيحضنها!
ده ضابط فعلًا؟ ولا إحنا في مشهد من فيلم هندي؟! 🤔
بعد كل ده ، نعرف إن في جريمة قتل حصلت ، و 6 أشخاص اتقتلوا وفي قطه جه عليها دم من القاتل ، فالرائد صلاح بيتحفظ عليها علشان يشوفوا هيوصلوا لإيه
الرواية نفسها مش مقنعة وفيها مط واضح في الأحداث وشخصيات وخطوط جانبية مالهاش أي تأثير حقيقي
من فادي ، للشاب خالد والوصف الدقيق ليه ، لحد مشاهد زي إن نوح دخل سوبر ماركت وصاحبه مشغل مسلسل سوري!
طب وإيه الفايدة من ده كله؟
طيب فين قطز ؟
واحد من أهم عناصر السلسلة ، وعلاقته بنوح كانت محورية
وكمان ، دي تاني مرة نوح يتأذى بشكل متكرر في السلسلة ، وده بقى متوقع ومستهلك وممل
لكن الأهم من كل ده ،، القدرة الأساسية اللي بتميز نوح إنه بيشوف أرواح الموتى ،، غابت تماماً في الجزء ده
يعني عندنا 6 ضحايا ، ومفيش تواصل مع أي روح؟ ولا محاولة حتى؟
طب إزاي؟
انا ممكن أفضل أتكلم عن عيوب الرواية ومش هخلص ، وأنا فعلًا حاولت أديها فرصة ، قرأت جزء منها قبل كده ووقفت ، ورجعت أبدأها من الأول علشان أديها حقها لكن للأسف نفس الإحساس اتكرر
لم تعجبني أبــــــداً ومستحيل أرشحها لأي حد
ولو في نجمة واحدة ، فهي بس علشان علاقة قطز ونوح
الصداقة اللي بينهم كانت حقيقية وجميلة ونادرة في السلسلة دي عموماً وده اللي لمس قلبي بجد
غير كده الرواية كلها لم تعجبني
لولا اختلاف الأذواق لبارت السلع ، ودي حقيقيه 100٪ في الحالة دي بجد
في البداية ، بنقضي أكتر من 30 صفحة تقريباً مع نوح وهو قاعد وسط عائلته والرائد صلاح بيتصل بيه علشان جريمة قتل حصلت
المشكلة مش في الحدث ،، المشكلة في كمية الرغي اللي قبله! تفاصيل كتير جداً مالهاش أي لازمة
بعد كده ندخل على شخصية الملازم فادي جاد
هل يُعقل إن ضابط شرطة حتى لو بلبس مدني يبقى لابس تيشيرت عليه الجوكر وباتمان وشورت؟! وكمان واخد تان؟!
والأغرب لما تبدأ الرواية شوية هنعرف إنه طلع ابن لواء!
طيب نعم يعني؟؟
ومش بس كده ، ده كمان بيطبطب على الشاهدة الفرنسية على جريمة القتل وبيحضنها!
ده ضابط فعلًا؟ ولا إحنا في مشهد من فيلم هندي؟! 🤔
بعد كل ده ، نعرف إن في جريمة قتل حصلت ، و 6 أشخاص اتقتلوا وفي قطه جه عليها دم من القاتل ، فالرائد صلاح بيتحفظ عليها علشان يشوفوا هيوصلوا لإيه
الرواية نفسها مش مقنعة وفيها مط واضح في الأحداث وشخصيات وخطوط جانبية مالهاش أي تأثير حقيقي
من فادي ، للشاب خالد والوصف الدقيق ليه ، لحد مشاهد زي إن نوح دخل سوبر ماركت وصاحبه مشغل مسلسل سوري!
طب وإيه الفايدة من ده كله؟
طيب فين قطز ؟
واحد من أهم عناصر السلسلة ، وعلاقته بنوح كانت محورية
وكمان ، دي تاني مرة نوح يتأذى بشكل متكرر في السلسلة ، وده بقى متوقع ومستهلك وممل
لكن الأهم من كل ده ،، القدرة الأساسية اللي بتميز نوح إنه بيشوف أرواح الموتى ،، غابت تماماً في الجزء ده
يعني عندنا 6 ضحايا ، ومفيش تواصل مع أي روح؟ ولا محاولة حتى؟
طب إزاي؟
انا ممكن أفضل أتكلم عن عيوب الرواية ومش هخلص ، وأنا فعلًا حاولت أديها فرصة ، قرأت جزء منها قبل كده ووقفت ، ورجعت أبدأها من الأول علشان أديها حقها لكن للأسف نفس الإحساس اتكرر
لم تعجبني أبــــــداً ومستحيل أرشحها لأي حد
ولو في نجمة واحدة ، فهي بس علشان علاقة قطز ونوح
الصداقة اللي بينهم كانت حقيقية وجميلة ونادرة في السلسلة دي عموماً وده اللي لمس قلبي بجد
غير كده الرواية كلها لم تعجبني
This entire review has been hidden because of spoilers.
September 9, 2025
أنا لسه مخلص الرواية الساعة أربعة الفجر، والنهاية مفتوحة. أنا عمال ألف في الشقة وأقول يعني إيه؟! أنا قربوا يفتكروني مجنون. أنا كنت عامل حسابي على قراءة خفيفة أفصل بيها، أنا اتغفلت.
Displaying 1 - 30 of 833 reviews