برشامة

by شريف إكرامي

مفيهوش أي قصة نجاح ملهمة، ولا كفاح يشدك، ولا كواليس كورة هتعمل بووم، ولا نصايح تنمية بشرية.. متقلقش... الكتاب ده ببساطة شديدة، شوية آراء وخواطر من بني آدم... بني آدم عادي جدا زيه زيك.. يمكن تلاقي نفسك في اللي مكتوب، ويمكن لا .. يمكن تتفق، ويمكن تختلف.. وممكن كمان تكون رؤيتك انت أصوب من رؤيتي.
أنا مش كاتب، ولا بعتبر نفسي مؤهل أعلم حد أي حاجة... الفكرة كلها إني كتبت عشان أفتكر .. وعشان ولادي لما يحبوا يعرفوا أبوهم كان بيفكر ازاي يلاقوا كتاب.
ويمكن كمان وانت ماسك الكتاب ده تسأل نفسك: «لاعب كورة وكتاب؟!.. إيه علاقة ده بده؟!».
أهو ده بقى سر الحكاية.. الحياة ساعات تمشي عكس اللي متخيلينه.. زي باص غلط يفتح طريق للجول، أو جول عكسي يقلب الماتش كله.. يمكن الكتاب ده يكون الباص الغلط اللي طلع صح.. أو الجول العكسي اللي يغيّر فيك حاجة ما كنتش متخيلها .
باختصار .. لو محتاج لحظة هدوء.. لحظة تفكير وسط دوشة الحياة.. يمكن تلاقي هنا حاجة تشبهك.
شريف إكرامي

174 pages, Paperback

First published March 25, 2026

About the author

شريف إكرامي أحمد، لاعب كرة قدم مصري في مركز حراسة المرمى ويلعب حاليًا لنادي بيراميدز، وهو شريف نجل إكرامي الشحات حارس مرمى النادي الأهلي السابق وشقيق الراحل أحمد إكرامي حارس مرمى النادي الأهلي ونادي الترسانة سابقًا.

Reviews

[Ramy · Rating 2 out of 5]

شريف إكرامي فكرني ب مشهد كوميدي من فيلم لخمة راس ....حسن حسني قاعد مع ناس اصحابه فى انتظار نتيجة ابنه فى الثانوية العامة و حسن حسني الاب بياخد منهم فلوس على حس انه فى يوم من الايام ابنه "احمد رزق" هيبقى ضابط و هيقدم لهم خدمات و تسهيلات ....ف واحد منهم بيتطمن على فلوسه و بيسأله و هما جمب الراديو فى انتظار سماع اعلان النتيجة ... و انت رقم جلوس ابنك كام ؟
قاله 12164231541531
قاله لو ابنك حافظ رقم جلوسه زي ما انت ما حافظه كدا اكيد اكيد هاينجح

شريف إكرامي لو بيصد بنفس مهارته فى الكلام و اللباقة كان زمانه بوفون
" للى ميعرفش هو حارس مرمي ايطالي كان من احسن حراس المرمى حول العالم"

شريف اكرامي .... بحكم البيئة و العائلة ..طلع لاقى نفسه ابن حارس مرمى اسطورة
ابن اكرامي الكبير مات فى عز شبابه و هو كان بحسب كلام شريف اكرامي "الاين الاصغر" هو الاكثر موهبة و استعداد للكرة
شريف اكرامي ....هو واحد لان ابوه نجار ف كان لازم يطلع نجار لمجرد ان الورشة موجودة ... و الادوات ...و سمعة ورشة النجارة ....
بس كان ناقص حاجة واحدة بسيطة ....شريف مهما اتمرن على النجارة هو ببساطة مش مؤهل انه يكون نجار .....
اخد فرص انه يكون نجار كان فى ناس كتير اولى بيها منه
ضيع على الاهلى كذا دوري و كذا افريقيا لمجرد انه يستمر ك حارس مرمي للاهلي و للمنتخب

شريف اكرامي ..ابن ناس .... و انسان متربي 3 مرات ... و متحدث لبق جدا ...يصلح ان يكون اعلامي كروي ...او متحدث رسمي عن نادي ما ...

الكتاب نقص نجمتين لانه كتاب تنمية بشرية عادي جدا 3 / 5
و نقص نجمة كمان لان مؤلفه شريف اكرامي 2 / 5

الكتاب بيطرح اسئلة اكتر منه بيطرح اجوبة .... يعني بيفسر الماء بعد الجهد ب الماء ...زى اغلب و عادة كتب التنمية البشرية ...اعمل الصححححححح
بصوت غسان مطر
كلام اللى هو لما بقيت تسمعه من واحد صاحبك بيطبطب عليك دلوقتي ..بتقوله بزهق ما بلاش كلام التنمية البشرية دا و النبي

واحد يسالنى و لما هو كل دا اومال قريت الكتاب ليه ؟
بصراحة قريته و من اسمه اعتقدت انه هيكون سيرة ذاتية ل حارس مرمي....ل حياة شريف اكرامي فى عالم كورة القدم
و طلع مش كدا ف مش مشكلة
الكتاب القادم : هيتشكوك يقدم (2): في الحانة والهواية القاتلة