ذات الوشاح الوردي

by نهى داود

ماذا تعرفون عن الحب؟

هو قرص من عسل أو ورد على سياج بعيد؟

وماذا إذا التقى الحبيبان بعد فراق طويل؟ فراق لم يقضِ على حبهما بل أججه في قلبيهما كجمرة مشتعلة تحت الرماد.

يا لروعة اللقاء الثاني.. وأحلامه.. ووعوده.. ووروده.

ولكن هذه رواية جريمة!

فهل سيكون اللقاء الثاني نورًا وقُبلة حياة لفدوى ووليد؟ أم سينقلب إلى نار تحرق الجميع؟

رواية تبدأ بقتل وقصة حب.. فأين ستنتهي؟ وكيف يمكن للعدالة العمياء أن تتحقق بين أتون المشاعر المتشابكة وأسرار الماضي القاتمة؟

344 pages, Paperback

Published January 1, 2026

About the author

نهى داوود هي مؤلفة روايات بوليسية، مواليد ١٩٧٥م في لندن، كانت تعمل في الهندسة وقررت التوجهه في مهنة الكتابة، وأصدرت 7 أعمال روائية ناجحة في أدب الجريمة.

أولهم : رواية جريمة في الفندق التي كتبتها الكاتبة تأثرا بإقامتها في فندق عريق بالغردقة صيف 2017. وصدرت في معرض القاهرة للكتاب 2019 عن منصة كتبنا للنشر. وتدور أحداثها حول امرأه في منتصف الخمسينات تذهب في رحلة استجمام الي الغردقه و تختار فندقا عريقا لتستمتع بإقامة شامله كليا، بحر، هدوء وطعام جيد وفوق ذلك كله بشر لتتسلي بمراقبتهم اجواء مثاليه لا يعكر صفوها سوي سقوط احد النزلاء صريعا.

الرواية الثانية هي: رواية مشهد سيما التي أصدرتها في عام 2019م عن دار كتبنا، والتي تدور أحداثها حول فتاة خجولة، تحيا حياة باهتة ما بين صراع مع وزن زائد وأحلام مؤجلة وعلاقات إنسانية مرهقة، فماذا تفعل إذا وجدت نفسها تائهة في منطقة مهجورة ثم ارتطمت بشوال به يد دامية!

رواية رضا التي أصدرتها عام 2020م عن دار كتبنا.

ورواية جريمة في ليلة ممطرة صدرت عام 2020م عن دار تويا للنشر والتوزيع، وتبدأ الرواية بجثة منكفئة وتساؤل حائر وعيون محدّقة، وتنتهي بالحقيقة، وبين البداية والنهاية تتشابك الأحداث، ما بين حب مستحيل، ومعاملات مالية مشبوهة، ودوافع غير أخلاقية، وقلوب بالأمل معلّقة، وقاتل مجهول، ومطر كاشف !!

رواية جريمة السيدة هـ هي الرواية الخامسة للكاتبة من اصدارات معرض الكتاب ٢٠٢١ عن دار تويا للنشر والتوزيع وتصدرت قوائم الأكثر مبيعًا حتى وقتنا هذا.

الرواية السادسة هي رواية جريمة العقار 47 لصادرة عن الدار المصرية اللبنانية يناير 2022 وقد حققت أيضا الأكثر مبيعا على قوائم الكثير من المكتبات.

الرواية الثامنة هي رواية جثتان والثالثة عند قدمي الصادرة عن الدار المصرية اللبنانية أكتوبر 2022.

حازت الكاتبة على جائزة الكاتبالأكثر مبيعا من منصة iRead
لسنتين على التوالي عام 2021 وعام 2022

Reviews

[Sarah Hany · Rating 5 out of 5]

4.5/5 ⭐️
حلوة جدا خلصتها في يوم ونهاية تحفة هتتلغبط في الاخر مع المشتبه فيهم بس هيكون مش متوقع إلى حداً ما مين عملها 😍😍

[Nesreen karara · Rating 5 out of 5]

في رواية ذات الوشاح الوردي للكاتبة نهى داوود، أبهرتنا كالعادة بجريمة قتل مليئة بالألغاز، تجعلك تشك في جميع الأبطال، وفي النهاية تخذلك توقعاتك تمامًا👌
السرد شيّق جدًا والأحداث سريعة والتويست إبداع حقيقي.
رواية خطيرة بمعنى الكلمة 👏🏼👏🏼
شابووو نهى داوود🫡🩷

[SHERINE · Rating 4 out of 5]

من أروع ما قرأت لـ أ. نهى.
الناس المنزعجة من النهاية المفتوحة، أحب أقول لكم: "التغيير حلو".
الرواية مليئة بالتشويق والإثارة، لغة سهلة، انسيابية في السرد، وكالعادة هتدوخ وهتلف حوالين نفسك؛ عشان تعرف القاتل. ده غير النهاية اللي عجبتني جدًا.
أي حد عنده فتور قراءة أنصح وبشدة، واللي بالنسبة له 340 صفحة كتير، لا تقلق، الرواية من أول صفحة هتشدك معاها لآخر صفحة.
أ. نهى، أحبك. ❤️

[Menna Ahmed · Rating 4 out of 5]

4 نجوم عشان عرفت القاتل ودي اول مره تحصل في روايات نهي داوود
والنهايه شبه مفتوحه ودي اول مره تحصل برضو

[Ranim Kasem · Rating 4 out of 5]

ليست هذه أول رواية أقرأها من مقتنيات المعرض، لكنني تمنّيت حقًا لو كانت الأولى.

«ذات الوشاح الوردي» رواية ذات تفاصيل مميّزة وحبكة ذكية، لا تقوم فقط على لغز القتل، بل تُحمّلك منذ البداية لغزًا أعمق: من هي المجني عليها أصلًا؟

وبعد انكشاف هذا السؤال، نبدأ الرحلة المعتادة في البحث عن الجاني…الجميع متهم، والجميع يملك ما يبرّره، والجميع بريء إلى أن يثبت العكس.
عدد المشتبه بهم كبير، والمحققون حاضرون بقوة، وتُدار الشكوك بذكاء دون أن تُفقد القارئ متعة التخمين.

من التفاصيل التي توقفت عندها وأعجبتني كثيرًا: وصف «عينيها البندقيتين»؛ تعبير قد يكون بسيط لكنه غير تقليدي.

تفاصيل الطب الشرعي في الرواية دقيقة لدرجة توحي بأن الكاتبة ليست فقط باحثة، بل تمتلك عقلًا تحليليًا صارمًا، ذلك النمط الأزرق الذي لا يكتفي بالبحث، بل يُعيد تفكيك المعلومة وفهمها بعمق، وهو الانطباع نفسه الذي تكوّن لديّ منذ أول عمل قرأته لها، ثم تأكّد أكثر من خلال تجربتي معها في الورشة.

الأمر نفسه ينطبق على التفاصيل الجنائية؛ كأن الجريمة كُتبت اعتمادًا على ملف حقيقي اطّلعت الكاتبة على كل أوراقه، لا على خيال مجرّد.

أحببت العناية بالتفاصيل الصغيرة، وتحديدًا مكتب منصور؛ لم يُقدَّم بصورة مثالية أو بطولية، بل جاء طبيعيًا، منطقيًا، مكتظًا بالذباب، ذلك الذباب الذي رافقنا طيلة الرحلة، وكان شاهدًا صامتًا على كل ما يحدث.

الفصلان 36 و37 كانا من أكثر الفصول التي استمتعت بها، وبديا كتمهيد محكم للجزء الأهم في الرواية.

على مستوى الحبكة، لا يقل الوصف عن كونها ذكية، وعلى مستوى السرد، فهي متماسكة وجذّابة، أما في طرح الأفكار والتلميح لقضايا أعمق من الجريمة ذاتها، فالرواية تواصل الخط الاستثنائي الذي اعتدناه من أ. نهى داود.

العنوان لافت، جميل، ومختلف، ويترك أثره حتى بعد الانتهاء من القراءة.

[چُونْير · Rating 3 out of 5]

نهاية شبه مفتوحة

[Reader May Belal · Rating 4 out of 5]

رواية جميلة بكل المقاييس. من أول صفحة حسيت إني قدام فيلم سينمائي. لغة فصحى رشيقة في الحوار، وصور حسية دقيقة خلت المشاهد تتحرك قدامي: شفت التفاصيل، شميت العطر، حسيت ملمس الفراش، ركبت العربية، دخلت المطاعم، وحتى الطعام كنت تقريباً بتذوقه من بين حروفها.

الحوار بين شخصيات عامل زي كاميرا شغالة؛ سينمائي ومفصل بدرجة تخليك تعيش المشهد وتسمعه وتشوفه.

عناوين الفصول ذكية ومميزة، والتنقل الزمني معمول بإتقان وفن: هوك وراء هوك. تقول: “فصل كمان بس أفهم”… فتلاقي نفسك اتسحبت فصول، ولما تقول خلاص، يسلمك لهوك جديد. وده بجد من أعلى مستويات الحرفة في فن الكتابة.

أنا طول الوقت كنت بقول: نهى داوود كاتبة جريمة عبقرية… تحيرك في القاتل وتخليك تخمن وتراجع نفسك، وكل ما تظن إنك وصلت لشخص، الصفحات اللي بعدها تهد توقعك. لكن الرواية دي كانت مختلفة في التحدي الحقيقة: نهى خلتني أقعد أخمن مين القتيلة (المجني عليها ذات الوشاح الوردي) لحد نص الرواية تقريباً… وولا مرة خطر في بالي إنها تكون "هي"…مفاجأة نظيفة ومحسوبة… وإبداع حقيقي 💖
وطبعاً كالعادة عند نهى، الجاني طلع خارج الصندوق تماماً. والنهاية مختلفة، مؤثرة، وبتفضل معاك شوية بعد ما تقفل الرواية.

بصراحة أنا بحب نهى كشخص قبل ما أحبها ككاتبة ❤️ هتشوف معها روح: صدق، ودفء، وتفاصيل صغيرة بتلمس القارئ. وكمان حاطة لمسات نفسية ودرر self-help بشكل بسيط ومتفرق داخل النص، من غير وعظ، كأنها هدايا صغيرة وسط الحكاية.

في رأيي نهى فعلاً أجاثا كريستي مصر في الحبكات، والهووك، وذكاء التفاصيل… من الحبكة، للإكسسوارات، للقاءات، للإيماءات اللي ما تتقالش.

كل ده… وأنا أصلاً شخصية مش بتحب روايات الجريمة والقتل 😂 فأعتقد ده أكبر دليل إن الرواية ممتعة وحلوه اوي 💕

[Abdallah Mohamed · Rating 4 out of 5]

الرواية بصراحة في الاول حسيتها مملة شوية
بس بعد كدا بدأت تظهر الأحداث وحبيت في الرواية دي أنها بتعبر عن واقع ناس كثير والواقع الي بنعيش فيه حاليا
والنهاية في الاخر كانت مفتوحة حسيت انها قفلة مش كويسة وكان يتحط نهاية افضل
بس بعد انا قعدت فكرت فيها شوية حسيت انها كدا افضل بكثير من نهاية محدددة

[Retal Hesham · Rating 3 out of 5]

3.75/5 ⭐⭐⭐. 75
كانت خفيفة زي كل روايات نهى داود
بس توقعت القاتل ودي حاجة جديدة بالنسبة لي في روايات نهى داود و كمان النهاية كانت شبه مفتوحة ودي حاجة ضايقتني
بس مع ذلك كانت تجربة حلوة

[زَيْنُوبٌ · Rating 4 out of 5]

اسلوب جميل و بتخلص بسرعة
احلى كتاب قرأته للكاتبة

[Omar Magdy · Rating 3 out of 5]

لا احب النهايه المفتوحه دائما كانت اتمنى ان يتم القبض على المتهم ونعرف كيف تم ذلك من الرائد منصور… ورغم كدا الروايه جميله ولكنها فيها بعد المبالغه ان عقار واحد فيه سوبر مركت و دكتور نفسى و جيم و محل اكل و القتيله يعنى مبالغه شويه بس بلعتها
انصح ب الروايه

[Nina’s reads · Rating 3 out of 5]

3.5⭐️
الكتاب كان خفيف ولطيف جدًا وشدني من البداية، وخلاني أكمل من غير ما أحس بالوقت
الأحداث كانت مشوقة والشخصيات كان فيها غموض حلو يخليك عايز تفهم أكتر.
بس المشكلة بالنسبالي كانت في النهاية… حسيت إن كل حاجة جريت بسرعة زيادة، وأحداث كتير حصلت ورا بعض لدرجة إني اتوهت شوية.
القاتل كان فعلًا غير متوقع، لكن في نفس الوقت حسيت إن في تفاصيل ناقصة أو محتاجة تتبني بشكل أهدى.
بشكل عام تجربة حلوة وممتعة، بس مش أقوى حاجة قرأتها

[Donia Darwish]

فدوى ووليد
حب من سنين كتير
بس ماحصلش نصيب
واتفرق العصفورين 🦜🦜
وكل واحد راح فى طريق ➡️⬅️
وبقى له حياة وعيلة👨‍👩‍👧‍👦 غير
وتمر السنين ويتقابل الحبيبان
بعد ما اعترف كل واحد أنه من غير التانى مقدرش يعيش
طيب وذنب البيوت 💔اللى هتتهد ايه 🤷‍♀️
طيب فوفا وانفصلت عن زوجها لكن البيه لسه متجوز ومش ناوى يسبب 🤔 أصل المدام موافقة على الجوازة التانية ست يتمناها أى راجل صحيح 😜
بس للاسف العش 🪹 الجميل اللى عمالين يحلموا به
هيتهد فى ثانية لما تظهر جثة شخص ما وتعكر صفو ا��أحبة وتكسر كل الآمال
وبعد ما كنا فى قصة بدايتها غراميات والحب مولع فى الذرة 🌽 وحسيت أنى دخلت رواية غلط 😄
تحلو القصة بالجريمة المنتظرة و بالبحث عن فاعلها 😉
طيب جثة مين 🤷‍♀️
هتعرفوا بعد حبة حلويين فدوسوا شوية فى الصفحات وما تنشغلوش بالرومانسيات وحلاوة البدايات علشان اللى بعد كده لف كتير وحيرة وتفكير ولازم معاهم تركيز علشان لو عايزين تعرفوا الفاعل مين…
خمنت الفاعل من جملة اتقالت بس ماشغلتش بالى بها لأن المشتبه فيهم كانوا كتير
وبالرغم أنى حسيت إلا أنى اتصدمت وزعلت على اللى عملها/ عملتها 🤷‍♀️
والقفلة بقى مش هقولكم 😄👌
حبيت القصة بحبكتها وتفاصيلها صحيح بدايتها بالنسبة ليا كانت رومانسية حالمة وأنا واحدة أربعينية وعملية 😄 وعدوة التسبيل ومابياكلش معايا الأجواء ديه 😂 بس الصراحة تستاهل أنك تستحمل اللاڤلاڤة 🥰 علشان اللى جاى كان مرمطة 😄وممتع لآخر صفحة فيها 😁💙💙

#مكتبة_دنيا
#قراءات_٢٠٢٦
#ذات_الوشاح_الوردي
#نهي_داود

[Mostafa Refaie · Rating 4 out of 5]

رواية "ذات الوشاح الوردي" للكاتبة نهي داود..
الحلويات اللي قضيت العيد معاها 👏👏..

من اول الرواية لأخرها والباشمهندسة نهي بتلاعبنا يمين وشمال مش بس علشان نخمن مين القاتل لكن كمان المرادي ورغم ان الرواية بتبدي بحادثة القتل والقتيلة بتحكي عن نفسها الا اننا مش بنعرف شخصيتها غير بعد مرور احداث كثير من الرواية 👏👏..

وكعادة روايات نهي داود المشتبه فيهم كثير وعلي القارئ التركيز في كل تفصيلة في محاولة لمعرفة القاتل..

بخلاف جريمة القتل لكن في محاور تانية في الرواية حلوة زي العلاقات الاسرية واثر معاملة الاباء لاطفالهم واللي بشكل كبير بيكون له دور في شكل شخصياتهم في المستقبل..

كمان فكرة اللقاء الثاني بين اثنين كان بينهم علاقة حب قديمة هل بيكون بنفس مشاعر الحب القديم ولا عجلة الحياة واثر الزمن في شخصية كل واحد بتخلي اللقاء الثاني مختلف عن مشاعر الحب الاول!!!

الرواية جميلة وسعدت بوقتي معاها والحمد لله كانت بالنسبالي اختيار موفق لقراءات العيد..

واكيد بشكر جدا الباشمهندسة نهي علي الرواية والاهداء الجميل 🌹🌹🌹

#نهي_داود

[Noha Eletrby · Rating 4 out of 5]

الرواية رائعة وحبكة درامية بوليسية ممتازة بس الحقيقه النهاية صدمتني يمكن انا مش بحب النهايات المفتوحة عموما بس حسيت اني محتاجة جزء تاني او قفلة احس معاها أن كل حد خد مكانه في دماغي فاتصدمت الحقيقة لكن طول الرواية مازعجنيش بالعكس حبيته جدا وكنت متشوقة جدا جدا للنهاية

[Ahmed Abd Elmonsef]

حلوة الرواية .. واتفاجئت بالنهاية واعتقد كده فيها جزء تاني

[Mariooma · Rating 4 out of 5]

4.75/5⭐️
حقيقي رواية جميلة جدا وحرفيا حرفيا متوقعتش القاتل نهائي كان مستبعد من دماغي ولكن تعليقي البسيط والحاجة الي اتضايقت منها بصراحه ان النهاية شبه مفتوحه ومكنتش أتمنى كده ابداً ولكن استمتعت بيها🤍

[Racha · Rating 5 out of 5]

رواية متقنة "مفيهاش غلطة"
الفكرة والحبكة قويتان
أعجبتني النهاية المفتوحة بشكل غير تقليدي
من أمتع ما قرأت لنهي داود

[Rania Hammad · Rating 3 out of 5]

الرواية شدتني من اول صفحة و خلصتها قبل م اليوم يخلص لكن النهاية كانت صادمة بالنسبة ليا خلتني اقفل من الرواية 😭 مع انها حلوة معرفش الكاتبة ليه خليتها مفتوحة لان دا اسلوب جديد عليها ولا هيبقي في جزء تاني !؟

[Walaa Baz · Rating 4 out of 5]

ماهذاااااااااااااا 😭💔💔💔💔💔 الرواية لخبطتني لدرجة اني ما صرت عارفة اذا نهايتها اقنعتني وعجبتني او لا ولكن كالعادة ما اقدر اقول شي على اسطورة ادب الجريمة نهى داوود على الابداع ما قدرت انام اللين خلصت الرواية🥹💔💔💔بس في روايات للكاتبه حبيتها اكثر من دي الرواية الصراحة بس استمتعت بالرواية حقيقي رواية ملخبطة لمشاعري يعطيها العافية نهى داوود دايمًا تلخبطنا😂🩵🩵🩵'

[Haneen tharwat · Rating 3 out of 5]

حبيت الرواية جدا لحد ما وصلنا للنهاية
بحب اسلوب نهى داود جدا بتعرف ترسم الشخصيات صح اوي و دي حاجه مهمه بالنسبالي و بتعرف تحسسك انك جزء من الحدوته مش مجرد بتقرا رواية و خلاص.

و بتخليك تشك في كل و اي حد مش بعيد تشك في نفسك شخصيا.

و بتمهد للنهايه كويس و لما بتوصل للقاتل بتحس ان اه والله يطلع منه كدا فعلا!

لكن دايما عندي مشكله مع نهايات الكاتبه.

اول ما بنوصل للقاتل كل حاجه بتخلص فجأه خصوصا في الرواية دي انا فكرت ممكن حتى يكون ليها جزء تاني.

بس جزء تاني لأيه ! ما كل حاجه خلصت فعلا ! لكن ..

مش هقدر اشرح اكتر من كدا عشان ميكنش فيه حرق للي لسا هيقراها لكن اللي قراء الرواية هيفهمني.

اتمنى بجد الكاتبه في اعمالها الجايا تدينا نهايه اطول من كدا و تدي للنهايه حقها و لكل حدث حقه خصوصا ان اسلوبها حلو جدا و لو الرواية طولت عن كدا هنبقى مبسوطين برضو.

[alora✨ · Rating 3 out of 5]

Overall 3.5
الرواية حلوة جدا ك سرد و ك جريمة خفيفة منكرش اني خلصتها في يوم بس ال خلاني احط تقييم قليل شوية اني كنت داخلة متوقعة انها قصة رومانسية جريمة اجتماعية بس طلع ده مش التركيز و الابطال ال كنت فكراهم ابطال على نص الرواية اختفو تماما و ظهورهم بقا ثانوي جدا انقسمت الرواية لجزئين اول جزء الابطال (وليد و فدوى) تاني جزء المحقق بس ال بقا يظهر ف المشاكل ال كانت بتواجهه الابطال في النصف الاول متكلمناش عنها تاني في النص التاني و محلنهاش ولا شفت تطور للشخصية و بقا التركيز ازاي نحل القضية بس و النهاية حاسة محتاجة جزء تاني يمكن عشان دي اول قرائة ليا ل نهى داوود بس ححاول اقرألها روايات تانية عشان طريقتها في الكتابة حلوة

[Osha Ali · Rating 3 out of 5]

تخيل إنك تقابل حبك القديم بعد 26 سنة
وفي نفس اللحظةًجريمة قتل تقلب كل شيء

ذات الوشاح الوردي رواية تبدأ بالغموض
حب مؤجل، أسرار مدفونةً وماضٍ يرفض أن يظل صامتًا
كل شخص مشتبه به
وكل ذكرى ممكن تكون دافعًا للجريمة

هل يعود الحب لينقذ؟
أم أن الماضي جاء ليكشف جريمة لا تُغتفر؟ 🩷🕵️‍♂️

📖 رواية تجمع بين الرومانسية والتشويق حتى الصفحة الأخيرة

[MinzooReading · Rating 3 out of 5]

3.5/5

[Jamal Nasserallah · Rating 3 out of 5]

اول تجربي لي مع الكاتبة
عجبني السرد والتشويق وكيف انها خلتني اشك بكل حد، ولاخر لحظة انا مش عارف مين القاتل

لكن ما عجبني مين القاتل ولا النهاية، حسيت انه كل متعة الرواية راحت عالفاضي
كنت حابب اعرف رد فعل بعض الشخصيات لما يعرفو مين القاتل الحقيقي

[إيهاب راتب · Rating 4 out of 5]

رواية شيقة وممتعة ونهاية غير متوقعة لنهى داود

Merged review:

رواية شيقة واحداثها سريعة ونهايتها غير متوقعة

[Jana Mabrouk · Rating 5 out of 5]

تحفة ❤️❤️

[Nataly Adly · Rating 5 out of 5]

اول مره اقرا للمبدعه نهي داود و حقيقي انا انبهرت و الكتاب جميل ب طريقه غريبه جدا و بجد انبهرت من طريقه سرد الجريمه ب طريقه لذيذه و تخلينا متحمسين كدة شكرا ليكي

[Walid Hassanein · Rating 3 out of 5]

رواية شيقة 👍

[Habiba issa · Rating 4 out of 5]

تحفة كالعادة