What do you think?
Rate this book
ليل القاهرة السري
في حفل توقيع روايته الجديدة بفندق الماريوت٬ يفاجئ الكاتب الشهير (يوسف سليمان التركي) بزائر خاص من الماضي٬ كيان شيطاني يتخذ شكل (فرانز كافكا). وقبل أن يهرب منه يوسف يحتجزه كافكا في مصعد الفندق ليخبره أن الليلة ليست ليلة عادية٬ وانما ليلة الحساب ودفع الثمن للعقد الذي أبرماه معًا منذ 15 عامًا٬ وأن يوسف سيمضي ليلة خاصة سوداء٬ مُطارد من قِبل كل ذنوبه، لأن هناك عدوًا خفيًّا له حصل على امتياز كتابة ليلة كاملة من حياته، وأن كل ما سيكتبه سيحدث.
تدور الرواية في ثلاث ليال٬ الليلة الرئيسية في حاضر ٬2025 وليلتان من العام 2010. نرى خلالها كيف بدأت العلاقة بين يوسف وذلك الشيطان، وكيف تخلى الكاتب المغمور عن مبادئه أمام الغواية، وكيف سقط في بئر سحيقة مطاردًا أحلامه، وكيف سينعكس ذلك على ليلة خاصة جدًّا من حاضره، سيهرب فيها من ماضيه وذنوبه، وسيطارد كاتبًا مهووسًا يريد تدميره، في ليلة مليئة بالندم والدماء، والألغاز، والبحث عن الخلاص، والنبش في الماضي.
تدور الرواية في ثلاث ليال٬ الليلة الرئيسية في حاضر ٬2025 وليلتان من العام 2010. نرى خلالها كيف بدأت العلاقة بين يوسف وذلك الشيطان، وكيف تخلى الكاتب المغمور عن مبادئه أمام الغواية، وكيف سقط في بئر سحيقة مطاردًا أحلامه، وكيف سينعكس ذلك على ليلة خاصة جدًّا من حاضره، سيهرب فيها من ماضيه وذنوبه، وسيطارد كاتبًا مهووسًا يريد تدميره، في ليلة مليئة بالندم والدماء، والألغاز، والبحث عن الخلاص، والنبش في الماضي.
328 pages, Paperback
First published January 1, 2026
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 39 reviews
June 15, 2026
٣.٥ لرواية فلسفية جميلة برغم عدم ميلي للروايات الفلسفية.
في البداية شعرت بقليل من التخبط ولم أجد مبررا للتنقل بين زمنين وكان يمكن للأحداث أن تسير في الخط الزمني الطبيعي ولكن الكاتب مشكورا ترك الخيار للقارئ في البداية لكي يختار المسار الذي يناسبه. وأنا اخترت التسلسل الزمني الذي اختاره الكاتب لروايته فشعرت ببعض التيه. لا أحب الاختيارات لا في البداية ولا في النهاية لأنها تخرجني من الخيال والتصديق.
أحببت كثيرا رسم شخصية كافكا، صوته والعبارات على لسانه كانت رائعة وكأنني أسمعها بأذني وأراه أمامي.
التطويل والتيه الذي شعرت به في البداية تم التعويض عنه بالنهاية المتسارعة.
أعتقد أن شخصية يوسف ودوافعه كانت تحتاج لتقديم أكثر. وكذلك شخصية أمين كانت تحتاج لتعميق دوافعها أكثر. لكن في المجمل رواية جيدة وفكرة رائعة خاصة مع استخدام معالم القاهرة المختلفة في الأحداث وتقديمها بمشهدية عالية وشاعرية.
في البداية شعرت بقليل من التخبط ولم أجد مبررا للتنقل بين زمنين وكان يمكن للأحداث أن تسير في الخط الزمني الطبيعي ولكن الكاتب مشكورا ترك الخيار للقارئ في البداية لكي يختار المسار الذي يناسبه. وأنا اخترت التسلسل الزمني الذي اختاره الكاتب لروايته فشعرت ببعض التيه. لا أحب الاختيارات لا في البداية ولا في النهاية لأنها تخرجني من الخيال والتصديق.
أحببت كثيرا رسم شخصية كافكا، صوته والعبارات على لسانه كانت رائعة وكأنني أسمعها بأذني وأراه أمامي.
التطويل والتيه الذي شعرت به في البداية تم التعويض عنه بالنهاية المتسارعة.
أعتقد أن شخصية يوسف ودوافعه كانت تحتاج لتقديم أكثر. وكذلك شخصية أمين كانت تحتاج لتعميق دوافعها أكثر. لكن في المجمل رواية جيدة وفكرة رائعة خاصة مع استخدام معالم القاهرة المختلفة في الأحداث وتقديمها بمشهدية عالية وشاعرية.
February 24, 2026
فكر في سبب واحد للعيش، لكن المفزع في الأمر أنه لم يجد. ذابت كل فكرة أو سبب كان يستر بهما صورته أمام عقله. هل يستحق العيش فعلا؟ هو شخص صالح بالمفهوم التقليدي، يتبرع لجمعيات خيرية عديدة، يطعم المساكين ويأوي الأيتام ويوفر فرص العمل للمشردين، ولكنه لا يفعل كل ذلك إلا هربًا من ذنب قديم يقض مضجعه، هو بالأحرى شخص نادم، وليس شخصًا جيدًا..
ولكن ألا يصلح الشخص النادم لأن يكون شخصاً جيدًا ؟
الرواية حلوة جدا ممتعة اوي تخلص بسرعة وتخرجك من الريدنج بلوك.
(حاسس لو قريتها ب اسلوب الليالي الي مكتوب في الاول هتطلع احلي مش عارف ليه)
ولكن ألا يصلح الشخص النادم لأن يكون شخصاً جيدًا ؟
الرواية حلوة جدا ممتعة اوي تخلص بسرعة وتخرجك من الريدنج بلوك.
(حاسس لو قريتها ب اسلوب الليالي الي مكتوب في الاول هتطلع احلي مش عارف ليه)
February 15, 2026
الاسم: ليل القاهره السري
الكاتب: ميخائيل عماد
عدد الصفحات: 320
دار النشر: دار المصريه اللبنانيه
عام النشر: 2026
قصة الروايه:
تدور أحداث الروايه حول ثلاث ليالي يقابل فيها يوسف كيان شيطاني يتجسد في شكل كافكا، ليلتان في الماضي وليله في الحاضر.
من هو كافكا ولماذا يوسف اختار أن يعقد معه ذلك العقد الذي سيقلب حياة يوسف إلى الابد؟
وهل الوصول إلي المناصب العليا يتطلب التضحيات الكثيره بالفعل؟
رأيي الشخصي:
حابب يكون رأيي الشخصي باللغه العاميه عشان الرواية الحوار فيها بالعاميه وده مهم جدا في الروايه لاسباب كتير هتعرفوها جوا، بس كل الي اقدر اقولو انها مش ركيكه خالص بل عنصر أساسي ومهم في الروايه.
قصة الروايه و ترتيب احداثها مهم جدا عشان تقدر تقول بين كل فصل من الماضي بتفهم الحاضر الحالي الي بيحصل دلوقتي وده عجبني جدا برضو.
الروايه فيها احداث كتير ومش بطريقه تتوهك خالص بل تخليك مستمتع جدا ومنتظر تشوف ايه الي هيحصل
وكل شويه تقول مفيش أسوأ من كده هيحصل بل هيحصل أسوأ مما تتوقع.
السرد و الحوار كانو ممتازين جدا وبناء الشخصيه كان ممتاز و نفسية كل شخصيه فيهم كانت معقده كالنفس البشريه في حالة الندم والجنون.
روايه تستاهل كل دقيقه قعدت اقرأها فيها و ارشحها بقوه جدا و هي مش زي اي فكره اتكتبت قبل كده بل جديده على الرغم من أنها تبان اتعملت مليون مره قبل كده بس العكس هي فعلا طريقة طرحها بالنسبالي جديد جدا الصراحه.
تقيمي ليها 5/5
الكاتب: ميخائيل عماد
عدد الصفحات: 320
دار النشر: دار المصريه اللبنانيه
عام النشر: 2026
قصة الروايه:
تدور أحداث الروايه حول ثلاث ليالي يقابل فيها يوسف كيان شيطاني يتجسد في شكل كافكا، ليلتان في الماضي وليله في الحاضر.
من هو كافكا ولماذا يوسف اختار أن يعقد معه ذلك العقد الذي سيقلب حياة يوسف إلى الابد؟
وهل الوصول إلي المناصب العليا يتطلب التضحيات الكثيره بالفعل؟
رأيي الشخصي:
حابب يكون رأيي الشخصي باللغه العاميه عشان الرواية الحوار فيها بالعاميه وده مهم جدا في الروايه لاسباب كتير هتعرفوها جوا، بس كل الي اقدر اقولو انها مش ركيكه خالص بل عنصر أساسي ومهم في الروايه.
قصة الروايه و ترتيب احداثها مهم جدا عشان تقدر تقول بين كل فصل من الماضي بتفهم الحاضر الحالي الي بيحصل دلوقتي وده عجبني جدا برضو.
الروايه فيها احداث كتير ومش بطريقه تتوهك خالص بل تخليك مستمتع جدا ومنتظر تشوف ايه الي هيحصل
وكل شويه تقول مفيش أسوأ من كده هيحصل بل هيحصل أسوأ مما تتوقع.
السرد و الحوار كانو ممتازين جدا وبناء الشخصيه كان ممتاز و نفسية كل شخصيه فيهم كانت معقده كالنفس البشريه في حالة الندم والجنون.
روايه تستاهل كل دقيقه قعدت اقرأها فيها و ارشحها بقوه جدا و هي مش زي اي فكره اتكتبت قبل كده بل جديده على الرغم من أنها تبان اتعملت مليون مره قبل كده بس العكس هي فعلا طريقة طرحها بالنسبالي جديد جدا الصراحه.
تقيمي ليها 5/5
May 26, 2026
بالنسبة لي الرواية بتوصف المستويات اللي الإنسان ممكن يوصلها بسبب الجشع وضعف الجنس البشري. مفيش ولا شخصية صعبت عليا كلهم يستاهلوا اللي حصلهم من وجهة نظري. طريقة كتابة الفكرة لذيذة اوي وذكية. استمتعت وانا بقرأها بصراحة بس الرواية متناسبش حد أقل من ١٨ سنة. متحمسة اقرأ باقي أعمال الكاتب 😍.
I highly recommend it ❤️.
🌟🌟🌟🌟🌟/5
I highly recommend it ❤️.
🌟🌟🌟🌟🌟/5
March 14, 2026
تقدم الرواية تجربة مشوقة تمزج بين الاثارة والتأمل النفسي من خلال فكره مقلقة، ماذا لو اصبحت حياه الإنسان قصة يكتبها شخص ما ويسعى للإنتقام منه؟
تدور الرواية حول يوسف الذي يتجول في شوارع القاهرة القديمه هاربا من ماض يطارده ومن مؤلف مهووس يتحكم في مصيره، ومن خلال هذه الرحله تطرح الرواية بعض الأسئلة العميقة عن السعي وراء الاحلام وعن معنى الندم، لتجعل القارئ يفكر الى اي حد يمكن للإنسان ان يتجاوز حدوده ليحقق حلما ظل يسعى اليه طوال حياته؟ وهل يكفي الندم الصادق ليغفر للإنسان خطيئة ارتكبها؟ ام ان بعض الأخطاء تظل تلاحق صاحبها مهما حاول إصلاحها...
تدور الرواية حول يوسف الذي يتجول في شوارع القاهرة القديمه هاربا من ماض يطارده ومن مؤلف مهووس يتحكم في مصيره، ومن خلال هذه الرحله تطرح الرواية بعض الأسئلة العميقة عن السعي وراء الاحلام وعن معنى الندم، لتجعل القارئ يفكر الى اي حد يمكن للإنسان ان يتجاوز حدوده ليحقق حلما ظل يسعى اليه طوال حياته؟ وهل يكفي الندم الصادق ليغفر للإنسان خطيئة ارتكبها؟ ام ان بعض الأخطاء تظل تلاحق صاحبها مهما حاول إصلاحها...
January 30, 2026
الرواية كلها أغنية العبد والشيطان كان شغالة ف دماغي
مبسوطة ان بدأت قراءاتي ف 2026 بالرواية التحفة دي
حقيقي لازم كل حد يقراها بجد
مبسوطة ان بدأت قراءاتي ف 2026 بالرواية التحفة دي
حقيقي لازم كل حد يقراها بجد
April 8, 2026
في لعبة قطّ وفأر يديرها الشيطان، يخوض يوسف رحلته في ليلة عجيبة لم يخُض شيئًا مماثلًا لها سوى في ماضيه منذ خمسة عشر عامًا، عندما زاره كائن شيطاني على هيئة الكاتب التشيكي كافكا…
أول قراءات المعرض، وأكثر رواية تحمست لها عندما عرفت حبكتها- شيطان اكثر شخصية مهووس بها الآن والقاهرة المدينة الترابية العزيزة وفوق كل ذلك أغنيه "العبد والشيطان"- حديثني عن الروايات التي تناديك!
تبدأ الرواية بمشهد افتتاحي وصفقة تتم عن شخص يريد أن يدمر حياة كاتب معروف والسبب!
وتنتقل الرواية بين زمانين مختلفين ونكتشف قطع الأحجية قطعًة قطعة. في عدد من الليالي المحدودة.
في المجمل الرواية جيدة وممتعة جدًا وشخصية كافكا/ الشيطان كانت مميزة وبنتظر مشاهدها. وترتيب فصول الرواية والتنقل بالزمن خلى الواحد دائمًا يرغب في الاستمرار في القراءة والاهتمام بما سوف يحدث أو ما حدث.
ولكن ولكن ولكن…
يوجد شيء لم يعجبني في الرواية ويمكن مش قادر أحط أيدي عليه بالظبط ممكن شخصية يوسف لم تجذبني رغم أن يطلع منه صراعات رائعة بس يمكن شيء في تصرفاته أو رسمه.
أو يمكن الأحداث في المجمل الأكشن الكتير والجري بعد الرواية عن الجانب النفسي إلي كنت متخيلة
أو أني لم أحس بروح القاهرة في الرواية ..وأحساسي أن الرواية كانت ممكن تكون أصغر من كدا.
بس في الأخير الرواية من حيث المتعة جيدة.. وأكيد هقرأ للكاتب تاني.
ودي بلاي لست كنت عاملها وأنا بقرأ الرواية- وكتير بحب اسمعها حتى بعد ما خلصت الرواية.
https://open.spotify.com/playlist/5yL...
أول قراءات المعرض، وأكثر رواية تحمست لها عندما عرفت حبكتها- شيطان اكثر شخصية مهووس بها الآن والقاهرة المدينة الترابية العزيزة وفوق كل ذلك أغنيه "العبد والشيطان"- حديثني عن الروايات التي تناديك!
تبدأ الرواية بمشهد افتتاحي وصفقة تتم عن شخص يريد أن يدمر حياة كاتب معروف والسبب!
وتنتقل الرواية بين زمانين مختلفين ونكتشف قطع الأحجية قطعًة قطعة. في عدد من الليالي المحدودة.
في المجمل الرواية جيدة وممتعة جدًا وشخصية كافكا/ الشيطان كانت مميزة وبنتظر مشاهدها. وترتيب فصول الرواية والتنقل بالزمن خلى الواحد دائمًا يرغب في الاستمرار في القراءة والاهتمام بما سوف يحدث أو ما حدث.
ولكن ولكن ولكن…
يوجد شيء لم يعجبني في الرواية ويمكن مش قادر أحط أيدي عليه بالظبط ممكن شخصية يوسف لم تجذبني رغم أن يطلع منه صراعات رائعة بس يمكن شيء في تصرفاته أو رسمه.
أو يمكن الأحداث في المجمل الأكشن الكتير والجري بعد الرواية عن الجانب النفسي إلي كنت متخيلة
أو أني لم أحس بروح القاهرة في الرواية ..وأحساسي أن الرواية كانت ممكن تكون أصغر من كدا.
بس في الأخير الرواية من حيث المتعة جيدة.. وأكيد هقرأ للكاتب تاني.
ودي بلاي لست كنت عاملها وأنا بقرأ الرواية- وكتير بحب اسمعها حتى بعد ما خلصت الرواية.
https://open.spotify.com/playlist/5yL...
February 6, 2026
رواية قدرت إنها تنجح ف الامتحان ب قدارة عاليه تجربة جديدة عليا ك قارئ واعتقد علي ميخائيل عماد شخصيا مختلفه عن إلى كتبه قبل كده رولية مليانه أثاره وتشويق وفيها بعد نفسي بيفهمك فيه المعني الحقيقي ل اغنيه شهيرة إسمها العبد والشيطان إزاي ممكن شيطان يغويك ب مقابل انه يبقي عندك سلطة ونفوذ بس إنك تتخلي عن كل حاجة وتمضي عقد معاه وتبقي عبد له الرواية الحقيقة فاجئتني ف فكرتها ولو ركزت فيها هتلاقي إنها أحداث حقيقية إحنا بنعيشها كل يوم
الرواية طبعا +18
ف النهاية ليل القاهرة السري هي من أفضل واقوي قراءات 2026❤️
الرواية طبعا +18
ف النهاية ليل القاهرة السري هي من أفضل واقوي قراءات 2026❤️
February 28, 2026
الرواية اللي المفاجآت بتاعتها مش بتخلص، وكل فصل بيظهر أحداث وحاجات بتخليك تجري ورا الورق عشان تعرف نهاية يوسف هتبقى ايه.
ده غير خفة الدم الرهيبة اللي موجودة في الرواية وفي جمل بعينها هتضحك فيها من قلبك بجد.
من أجمل روايات ميخائيل الحقيقة وكفاية إنها طلعتني من reading block محترم كنت فيه ♥️♥️♥️♥️
ده غير خفة الدم الرهيبة اللي موجودة في الرواية وفي جمل بعينها هتضحك فيها من قلبك بجد.
من أجمل روايات ميخائيل الحقيقة وكفاية إنها طلعتني من reading block محترم كنت فيه ♥️♥️♥️♥️
July 14, 2026
"لا ذنب لإنسان أنه ولد بحلم عظيم، ثقيل، وبقلب يحترق به، فلم لكن له يدفي اختيار ذلك الحلم، ولا طاقة له على تحمل ما يصحبه من
دست في قلوبهم تلك الأحلام دسًّا، وعلى الكون أن يذلل طرقهم طالما وارى تلك الرغبة بداخلهم، أو أن يصمت كشيطانٍ أخرس وهو يشاهدهم يحققونها بيد عارية"
يمكن الاقتباس دوت وانا قاعد بقرا الروايه لمس شي بداخلي حسيت بمشاعر كتيره وانا قاعد بشوف يوسف والي بيمر بيه، لكن السوال هل يستاهل الحلم الي سعيت علشانه وفي الاخر يتدمر بسبب ليله واحده؟ هل يستاهل لمه وافقت علي عقد مع الشيطان وتتعيش حياتك وتاخد قرارات تكون هي السبب في تدميرك؟
رواية " ليل القاهره السري " قد تكون هي أقوى عمل للكاتب إلى الان ولانه ظبط كل الادوات الي تخلي عمل روايي مميز من بدايه الشخصيات الي تسلسل الاحداث من بداية إلى وسط إلى نهاية فاكنت ممتازة دوافع الشخصيات وتحولاتهم الدرامية، الرسالة الي حاول يوصلها الكاتب.
حقيقي انا استمعت بكل لحظه قراتها بالرواية وتعتبر افضل رواية قراتها لعام 2026⭐️.
دست في قلوبهم تلك الأحلام دسًّا، وعلى الكون أن يذلل طرقهم طالما وارى تلك الرغبة بداخلهم، أو أن يصمت كشيطانٍ أخرس وهو يشاهدهم يحققونها بيد عارية"
يمكن الاقتباس دوت وانا قاعد بقرا الروايه لمس شي بداخلي حسيت بمشاعر كتيره وانا قاعد بشوف يوسف والي بيمر بيه، لكن السوال هل يستاهل الحلم الي سعيت علشانه وفي الاخر يتدمر بسبب ليله واحده؟ هل يستاهل لمه وافقت علي عقد مع الشيطان وتتعيش حياتك وتاخد قرارات تكون هي السبب في تدميرك؟
رواية " ليل القاهره السري " قد تكون هي أقوى عمل للكاتب إلى الان ولانه ظبط كل الادوات الي تخلي عمل روايي مميز من بدايه الشخصيات الي تسلسل الاحداث من بداية إلى وسط إلى نهاية فاكنت ممتازة دوافع الشخصيات وتحولاتهم الدرامية، الرسالة الي حاول يوصلها الكاتب.
حقيقي انا استمعت بكل لحظه قراتها بالرواية وتعتبر افضل رواية قراتها لعام 2026⭐️.
January 20, 2026
رائعة جدااا
نبذة (بدون حرق):
تخيل معايا لو كل الأبواب اتقفلت قدامك ولقيت شخص بيعرض عليك يحققلك كل أحلامك في مقابل إنك تدقع التمن بعدين…هل أنت مستعد تعمل أي حاجة عشان توصل؟ حتى لو العهد ده مع الشيطان نفسه؟
الرواية حلوة جدا جدا (طبعا +١٨)
الاحداث سريعة ومشوقة جدا واسلوب ميخائيل عماد رائع في كتابة الرواية
حاولت اتعاطف مع الشخصيات مقدرتش إلا مع شخصية واحدة بس فعلا اتظلمت
Highly recommended 😍♥️
نبذة (بدون حرق):
تخيل معايا لو كل الأبواب اتقفلت قدامك ولقيت شخص بيعرض عليك يحققلك كل أحلامك في مقابل إنك تدقع التمن بعدين…هل أنت مستعد تعمل أي حاجة عشان توصل؟ حتى لو العهد ده مع الشيطان نفسه؟
الرواية حلوة جدا جدا (طبعا +١٨)
الاحداث سريعة ومشوقة جدا واسلوب ميخائيل عماد رائع في كتابة الرواية
حاولت اتعاطف مع الشخصيات مقدرتش إلا مع شخصية واحدة بس فعلا اتظلمت
Highly recommended 😍♥️
February 5, 2026
أول قراءات عام ٢٠٢٦ ، رواية عبقرية في كتابتها و سردها و قصتها و حسيت اني بقرأ سيناريو مش مجرد رواية ، ميخائيل كاتب عبقري و الرواية اقل ما يقال عليها انها عظيمة
February 12, 2026
حلوة الرواية .. اعتقد انها هتترشح لجوائز
March 3, 2026
القصة مشوقة، لكن فيها الكثير من مشاكل المنطق والصدف والمواءمات صعبة التصديق (داخل منطق الرواية بالطبع).
July 16, 2026
النبذة المكتوبة على ظهر ليل القاهرة السري كفيلة بأنها تساعدك تعرف أنسب وقت تقرأ فيه الرواية. لانها بتديك إحساسًا واضحًا بطبيعة التجربة، وتخليك تعرف إذا كان هذا هو المزاج المناسب ليها.
في السينما والمسلسلات في تكنيك معروف اسمه Walk and Talk، يعتمد على حركة الشخصيات المستمرة أثناء الحوار ليخلق شعورًا متواصلًا بالتوتر والضغط.، فتشعر وكأن الأحداث كلها ماشية في لقطة واحدة، بدون أي فرصة تلتقط فيها أنفاسك.
وأنا أقرأ ليل القاهرة السري، كان دا أول شيء خطر ببالي.
عجبتني جداً الحرية التي منحها الكاتب للقارئ. تقدر تقرأ الرواية بالطريقة التقليدية عبر الفصول، أو تمشي مع التايم لاين الزمني للأحداث. مرات أنتهي من فصل وألقى نفسي متحمس فاكمل الحاصل بمتابعة التايم لاين، وبعدها أرجع أكمل من المكان الوقفت فيه، وكل دا بدون أي إحساس بالحرق أو اخلال بمتعة الرواية.
تدور الرواية حول يوسف، الذي يركض في شوارع القاهرة هاربًا من ماضٍ يطارده، وخائفًا مما ينتظره، .ومن خلال هذه الرحلة، تطرح الرواية أسئلة عميقة عن السعي وراء الأحلام، ومعنى الندم، واللحظة التي يبدأ فيها الإنسان يقنع نفسه بأن ما فعله كان هو الطريق الوحيد للوصول إلى ما يريد.
إلى أي مدى يمكن للإنسان أن يتجاوز حدوده ليحقق حلمًا ظل يسعى إليه طوال حياته؟ وهل يكفي الندم ليغفر خطيئة ارتكبها؟ وهل فعلًا في ندم صادق وندم سببه الخوف فقط، أم أن بعض الأخطاء تظل تلاحق صاحبها مهما حاول يصلحها؟
في النهاية تتسارع الأحداث بصورة كبيرة، لدرجة خلتني أرجع بذاكرتي أكثر من مرة وأتساءل إذا كنت غفلت عن تفصيلة، وفي كم حدث محتاج مساحة أكبر او تفاصيل اكتر .
كانت تجربة سردية مختلفة، تتركك بعد الصفحة الأخيرة مشغولًا بأسئلتها أكثر من انشغالك بإجاباتها.
وبتخليك في المنطقة الرمادية ما بين التعاطف و التشفي او الشماتة.
في السينما والمسلسلات في تكنيك معروف اسمه Walk and Talk، يعتمد على حركة الشخصيات المستمرة أثناء الحوار ليخلق شعورًا متواصلًا بالتوتر والضغط.، فتشعر وكأن الأحداث كلها ماشية في لقطة واحدة، بدون أي فرصة تلتقط فيها أنفاسك.
وأنا أقرأ ليل القاهرة السري، كان دا أول شيء خطر ببالي.
عجبتني جداً الحرية التي منحها الكاتب للقارئ. تقدر تقرأ الرواية بالطريقة التقليدية عبر الفصول، أو تمشي مع التايم لاين الزمني للأحداث. مرات أنتهي من فصل وألقى نفسي متحمس فاكمل الحاصل بمتابعة التايم لاين، وبعدها أرجع أكمل من المكان الوقفت فيه، وكل دا بدون أي إحساس بالحرق أو اخلال بمتعة الرواية.
تدور الرواية حول يوسف، الذي يركض في شوارع القاهرة هاربًا من ماضٍ يطارده، وخائفًا مما ينتظره، .ومن خلال هذه الرحلة، تطرح الرواية أسئلة عميقة عن السعي وراء الأحلام، ومعنى الندم، واللحظة التي يبدأ فيها الإنسان يقنع نفسه بأن ما فعله كان هو الطريق الوحيد للوصول إلى ما يريد.
إلى أي مدى يمكن للإنسان أن يتجاوز حدوده ليحقق حلمًا ظل يسعى إليه طوال حياته؟ وهل يكفي الندم ليغفر خطيئة ارتكبها؟ وهل فعلًا في ندم صادق وندم سببه الخوف فقط، أم أن بعض الأخطاء تظل تلاحق صاحبها مهما حاول يصلحها؟
في النهاية تتسارع الأحداث بصورة كبيرة، لدرجة خلتني أرجع بذاكرتي أكثر من مرة وأتساءل إذا كنت غفلت عن تفصيلة، وفي كم حدث محتاج مساحة أكبر او تفاصيل اكتر .
كانت تجربة سردية مختلفة، تتركك بعد الصفحة الأخيرة مشغولًا بأسئلتها أكثر من انشغالك بإجاباتها.
وبتخليك في المنطقة الرمادية ما بين التعاطف و التشفي او الشماتة.
August 17, 2026
انتهيت من الرواية، وكما هو متوقع من أحد كتّابي المفضلين، أبهرني كالعادة.
تدور الرواية بين خطين زمنيين: قصة في عام 2010، وأخرى في 2025 بطلها يوسف، الكاتب المغمور الذي يطارد مجد الكتابة والشهرة، لكن السؤال الأهم: ما الثمن الذي سيدفعه للوصول إلى حلمه؟
فكرة ظهور كافكا كانت ذكية، جديدة ومثيرة جدًا، لكنني كنت أتمنى توضيحًا أكبر لطبيعة العقد وهدف كافكا منه، لأن هذه الجزئية أثارت لدي الكثير من التساؤلات.
أكثر ما أعجبني أن الرواية لا تكتفي بالتشويق، بل تطرح سؤالًا نفسيًا وأخلاقيًا مهمًا:
هل يمكن للإنسان أن يتنازل عن مبادئه ويستسلم لشيطانه من أجل تحقيق حلمه؟ وهل يظل الحلم شريفًا إذا تلوث الطريق إليه؟
تصنيف الرواية تشويق وإثارة نفسية، وقد استمتعت بقراءتها حتى الصفحة الأخيرة.
وأشار الكاتب إلى وجود طريقتين لقراءة الرواية: إما قراءة فصول عام 2010 كاملة أولًا ثم الانتقال إلى فصول 2025، أو قراءتها بالتتابع بالطريقة التقليدية. وبالنسبة لي، أرى أن القراءة التقليدية هي الأفضل؛ لأن التنقل المستمر بين الماضي والحاضر يرفع مستوى الترقب والحماس، ويجعلك تشعر وكأنك تقرأ روايتين في رواية واحدة، بينما تحاول في الوقت نفسه اكتشاف الرابط بينهما.
لغة السرد فصحى، بينما جاءت الحوارات بالعامية المصرية. ورغم أنني أفضل الحوارات بالفصحى، خصوصًا لأن العامية المصرية قد لا تكون واضحة لجميع القراء العرب، فإن ذلك لم يؤثر كثيرًا في استمتاعي بالرواية.
تقييمي: ⭐️⭐️⭐️⭐️⭐️ خمس نجوم وبجدارة.
الكاتب بالنسبة لي أثبت مرة أخرى قدرته على الإبداع في مختلف التصنيفات التي كتب فيها، وأعماله الموجودة على أبجد تجعلني دائمًا متحمسة لأي رواية جديدة تصدر له.
تدور الرواية بين خطين زمنيين: قصة في عام 2010، وأخرى في 2025 بطلها يوسف، الكاتب المغمور الذي يطارد مجد الكتابة والشهرة، لكن السؤال الأهم: ما الثمن الذي سيدفعه للوصول إلى حلمه؟
فكرة ظهور كافكا كانت ذكية، جديدة ومثيرة جدًا، لكنني كنت أتمنى توضيحًا أكبر لطبيعة العقد وهدف كافكا منه، لأن هذه الجزئية أثارت لدي الكثير من التساؤلات.
أكثر ما أعجبني أن الرواية لا تكتفي بالتشويق، بل تطرح سؤالًا نفسيًا وأخلاقيًا مهمًا:
هل يمكن للإنسان أن يتنازل عن مبادئه ويستسلم لشيطانه من أجل تحقيق حلمه؟ وهل يظل الحلم شريفًا إذا تلوث الطريق إليه؟
تصنيف الرواية تشويق وإثارة نفسية، وقد استمتعت بقراءتها حتى الصفحة الأخيرة.
وأشار الكاتب إلى وجود طريقتين لقراءة الرواية: إما قراءة فصول عام 2010 كاملة أولًا ثم الانتقال إلى فصول 2025، أو قراءتها بالتتابع بالطريقة التقليدية. وبالنسبة لي، أرى أن القراءة التقليدية هي الأفضل؛ لأن التنقل المستمر بين الماضي والحاضر يرفع مستوى الترقب والحماس، ويجعلك تشعر وكأنك تقرأ روايتين في رواية واحدة، بينما تحاول في الوقت نفسه اكتشاف الرابط بينهما.
لغة السرد فصحى، بينما جاءت الحوارات بالعامية المصرية. ورغم أنني أفضل الحوارات بالفصحى، خصوصًا لأن العامية المصرية قد لا تكون واضحة لجميع القراء العرب، فإن ذلك لم يؤثر كثيرًا في استمتاعي بالرواية.
تقييمي: ⭐️⭐️⭐️⭐️⭐️ خمس نجوم وبجدارة.
الكاتب بالنسبة لي أثبت مرة أخرى قدرته على الإبداع في مختلف التصنيفات التي كتب فيها، وأعماله الموجودة على أبجد تجعلني دائمًا متحمسة لأي رواية جديدة تصدر له.
June 18, 2026
لو انت شخص شايف نفسك مش صريح مع نفسك كفاية ولا مستعد تواجه ضعف و هشاشة النفس البشرية اوعا تقرأ الرواية دي
الرواية فكرتها بتكلم عن كاتب مشهور بيظهرله كيان شيطاني على شكل فرانز كافكا و بيقوله ان الليلة دي في حد ماسك ورقة و قلم و بيتحكم ف كل حاجه بتحصله الليلة دي و كل حاجه بيكتبها هتحصل .. طب ليه ؟! عشان يكفر عن ذنوبه الي عملها ف الماضي
رواية غامضة و نفسية عميقة جداً و بيتواجه فيها الانسان مع نفسه البشرية الهشة الي قابلة انها تعمل اي حاجه عشان تمتلك كل شهوات الدنيا
من اعمق الروايات الي قراتها خلال السنة حقيقي
الرواية فكرتها بتكلم عن كاتب مشهور بيظهرله كيان شيطاني على شكل فرانز كافكا و بيقوله ان الليلة دي في حد ماسك ورقة و قلم و بيتحكم ف كل حاجه بتحصله الليلة دي و كل حاجه بيكتبها هتحصل .. طب ليه ؟! عشان يكفر عن ذنوبه الي عملها ف الماضي
رواية غامضة و نفسية عميقة جداً و بيتواجه فيها الانسان مع نفسه البشرية الهشة الي قابلة انها تعمل اي حاجه عشان تمتلك كل شهوات الدنيا
من اعمق الروايات الي قراتها خلال السنة حقيقي
August 9, 2026
كلمة تحفة قليلة عليها ..
بعد ما خلصت افتكرت أغنية The winner takes it all 😔
بعد ما خلصت افتكرت أغنية The winner takes it all 😔
April 2, 2026
الرواية حلوة جدا ومش محتاجة ريڤيو لو انت شفت النبذة ولفتت نظرك ولو بشكل بسيط يبقى انت لازم تقرأها.
02.04.2026
02.04.2026
March 16, 2026
تخيل يعُرض عليك صفقة من كيان شيطاني متمثل في الكاتب المفضل ليك (..) لأي حد بيحلم يبقي كاتب مشهور مقابل توقيع عقد معاه هتوافق ولا ؟
بتبدأ الرواية بالبطل (يوسف) واللي بيحاول يسعى و يبقي كاتب مشهور واللي بيقابل (كافكا) و من هنا بتبدأ الرواية
الرواية فيها خطين زمنين ما بين الحاضر و الماضي
| أول مرة اقرأ للكاتب و مش هيبقى آخر مره رواية تشويقية تنفع لقفلة قراءة. من تسلسل للأحداث وتطور شخصيات و حبكة ممتازة جداً؛ عجبني جداً ربط الديانات السماوية مع بعض ، و ده مسأش لأي ديانة منهم خالص 🖤
| الأحداث كانت بطيئة في الاول بس الرواية بتبدأ تتصاعد تدريجياً 🖤
أحد الاقتباسات: { هو الإنسان كتلة هشة، يسوقها الندم و تملؤها الندوب، ولا يمكن سوى أن يخطئ الاختيار مهما حاول، أمام رغباته }🍂🩶
بتبدأ الرواية بالبطل (يوسف) واللي بيحاول يسعى و يبقي كاتب مشهور واللي بيقابل (كافكا) و من هنا بتبدأ الرواية
الرواية فيها خطين زمنين ما بين الحاضر و الماضي
| أول مرة اقرأ للكاتب و مش هيبقى آخر مره رواية تشويقية تنفع لقفلة قراءة. من تسلسل للأحداث وتطور شخصيات و حبكة ممتازة جداً؛ عجبني جداً ربط الديانات السماوية مع بعض ، و ده مسأش لأي ديانة منهم خالص 🖤
| الأحداث كانت بطيئة في الاول بس الرواية بتبدأ تتصاعد تدريجياً 🖤
أحد الاقتباسات: { هو الإنسان كتلة هشة، يسوقها الندم و تملؤها الندوب، ولا يمكن سوى أن يخطئ الاختيار مهما حاول، أمام رغباته }🍂🩶
February 17, 2026
انتهيت حالاً من قرائتي لرواية " ليل القاهرة السري" الراوية اللى عشت معها مشاعر كتير بشكل حقيقي و ده اللى كنت متوقعها لما ابتديتها لان كنت واثقه انها هتعجبني جدا و ده لانها من كتابة مخائيل عماد اللى بمجرد قرائتي للروايتين ليه (و دى كانت التالته) بقى من كتابي المفضلين .
روايه فى حد ممكن يقول انها مستوحى من مسرحيه فاوست و لكن انا افضل اقول انها مستوحى من اغنيه العبد و شيطان 😄 ، ممكن تكون الفكره اتعملت قبل كده و لكن فى روايه دى اتقدمت بطريقه مختلفه و مبتكره و بتفصيل مصرية بعيداً ان اى حاجه خواجيه، من اول مشهد البار و قناه مزيكا بشريط الرسايل لمشهد الجامع و شارع المعز اللى عجبني جداً و حسيت كانى شيفها قدامى يوسف سليمان و تعبيراته و هو فى جامع و هو بيهرب.
حبيت و كهرت شخصيه يوسف و حسيت بندمه و ضعفه و جبنه و خوفت و انا بقراء من كافكا اللى كنت بشوف صوره قبل الروايه دى كنت بحسه غلبان دلوقتى مش هقدر اشوفه كده.
حقيقي اسمتعت جداً بتجربه دى اوى و كنت بحاول مخلصهاش و اخد وقت اكتر فيها من كتر ما عجبتني و اتمنى مخائيل عماد يكون ليه عمل تانى عن قريب ما تقلش عن اعماله سابقه.❤️
روايه فى حد ممكن يقول انها مستوحى من مسرحيه فاوست و لكن انا افضل اقول انها مستوحى من اغنيه العبد و شيطان 😄 ، ممكن تكون الفكره اتعملت قبل كده و لكن فى روايه دى اتقدمت بطريقه مختلفه و مبتكره و بتفصيل مصرية بعيداً ان اى حاجه خواجيه، من اول مشهد البار و قناه مزيكا بشريط الرسايل لمشهد الجامع و شارع المعز اللى عجبني جداً و حسيت كانى شيفها قدامى يوسف سليمان و تعبيراته و هو فى جامع و هو بيهرب.
حبيت و كهرت شخصيه يوسف و حسيت بندمه و ضعفه و جبنه و خوفت و انا بقراء من كافكا اللى كنت بشوف صوره قبل الروايه دى كنت بحسه غلبان دلوقتى مش هقدر اشوفه كده.
حقيقي اسمتعت جداً بتجربه دى اوى و كنت بحاول مخلصهاش و اخد وقت اكتر فيها من كتر ما عجبتني و اتمنى مخائيل عماد يكون ليه عمل تانى عن قريب ما تقلش عن اعماله سابقه.❤️
February 3, 2026
خمسة من خمسة ونجمة ✨
لية بقى !
عشان ميخائيل عماد لسه عنده اكتر ،،بس بما اني قرأت كل اعماله ف الرواية دى تحديداً بالنسبالى هى الماستر سين بتاعته 👌🏻
فخ الشيطان بس من غير جن وعفاريت لاا بالمنطق والعقل !
وهنا انا خوفت بصراحه ..
احداث سريعة وخبط ورزع كتير وصدمات كتير وكأن الكاتب كان بيحاول يظهر مهارته فى الكتابة ( من خلال اللغة والسرد القوى) او ذكائه (فى البلوت تويست الملتويه اللى لو جدع افهمها )
النهاية بالنسبالى كانت مشهد سنيمائى حرفياً وكنت شيفاه قدامى مش مبالغه او ادعاء ✨
رواية تستحق تتقرى وجداً رغم انى مش قادرة اعرف تصنيفها ايه لحد دلوقتي 🤣
وحاسه انه عيب ااقول ده بس مش حوار 😂
لية بقى !
عشان ميخائيل عماد لسه عنده اكتر ،،بس بما اني قرأت كل اعماله ف الرواية دى تحديداً بالنسبالى هى الماستر سين بتاعته 👌🏻
فخ الشيطان بس من غير جن وعفاريت لاا بالمنطق والعقل !
وهنا انا خوفت بصراحه ..
احداث سريعة وخبط ورزع كتير وصدمات كتير وكأن الكاتب كان بيحاول يظهر مهارته فى الكتابة ( من خلال اللغة والسرد القوى) او ذكائه (فى البلوت تويست الملتويه اللى لو جدع افهمها )
النهاية بالنسبالى كانت مشهد سنيمائى حرفياً وكنت شيفاه قدامى مش مبالغه او ادعاء ✨
رواية تستحق تتقرى وجداً رغم انى مش قادرة اعرف تصنيفها ايه لحد دلوقتي 🤣
وحاسه انه عيب ااقول ده بس مش حوار 😂
February 1, 2026
الروايه تحفه تخلص في قعدتين من كتر ما احداثها بتجبرك يبقي عندك فضول رهيب تجاه الاحداث
تسلسل الاحداث مع الربط بين احداث السنين كان سهل ومش هيخليك تتلغبط وانت بتقرا
الكاتب اسلوبه جميل جدا
النهايه مرضيه جدا ♥️♥️♥️
الروايه٥/٥
⭐️⭐️⭐️⭐️⭐️
تسلسل الاحداث مع الربط بين احداث السنين كان سهل ومش هيخليك تتلغبط وانت بتقرا
الكاتب اسلوبه جميل جدا
النهايه مرضيه جدا ♥️♥️♥️
الروايه٥/٥
⭐️⭐️⭐️⭐️⭐️
July 20, 2026
الدرس المستفاد من الرواية دي ان اوعى تثق او تآمن لأي سويسي لان كلهم يوسف
May 17, 2026
من اكتر الروايات اللى استمعت بيها السنة دى.. إن حد يعمل عقد مع الشيطان فى سبيل تحقيق أطماعه فكرة اكيد عديت عليا قبل كده، لكن التنفيذ فى (ليل القاهرة السرى) تحديدا أقل ما يوصف به إنه تنفيذ عبقرى من كاتب عبقرى اسمه ميخائيل عماد، إسم اكيد هيفضل دايما على الرادار بتاعى.
كل عناصر القصة كانت من القوة انى مش قادر أشاور على عنصر واحد بعينه و أقول إنه أكتر حاجة عجبتنى.. الشخصيتين الرئيسيتين، يوسف والشيطان المتمثل فى كافكا معمولين حلو قوى.. يوسف بالذات، برغم كل مصايبه اللى تخليك تحتقره حرفيا، إلا أنه فى كام فى لقطة نَدَم يصعب عليك وهو بيدفع تمن كل غلطة عملها.. حتى الشخصيات الثانوية مكتوبة بشكل كويس.. كل واحدة فيهم كان ليها دور فى اللعبة اللى بين يوسف وكافكا.
كتابة ميخائيل نفسها، سواء فى سرد الأحداث أو الحوار، جميلة جدا، تخليك مشدود للرواية و مش عايز تقف.. مفيش حشو أو بطء فى الأحداث، ولا سرعة مبالغ فيها تخليك مش عارف تتابع اللى بيحصل.. الرتم بتاع الرواية مضبوط بالميللى.
أخيرا وليس آخرًا.. ترتيب المشهد اللى جزء منها بيدور فى الماضى وجزء فى الحاضر معمول بشكل سلس جدا يساعدك انك تستمع بالقصة اكتر و انت كل شوية ينكشف لك جزء من ماضى يوسف الأسود، لحد ما توصل للفصل الأخير، اللى بيقفل القصة حلو قوى بالجمع لأول مرة بين مشهدين من الفترتين الزمنيتين فى نفس الفصل.. لقطة سينمائية من كاتب متمكن.
رواية استمعت بها جدا و أرشحها بقوة.
August 3, 2026
فلسفة الرواية أحلى ما فيها
شخصية كافكا جميلة وحقيقي شخصية تراها وتسمعها والحرب النفسية بين الخير والشر حقيقية جدا وإن في أوقات الإنسان بيحاول يوقف الشر اللى جواه بس للأسف الإنتقام بيكون أقوى منه في مرات كتير
الجزء الدينى في الرواية معجبنيش للأسف نهائي وأتمنى لو مكنش موجود مع إحترامي لإسلوب الكاتب وأفكاره ده رأى شخصى
لكن الكاتب ميخائيل عماد كاتب متميز وانتظر العمل القادم 🤍
شخصية كافكا جميلة وحقيقي شخصية تراها وتسمعها والحرب النفسية بين الخير والشر حقيقية جدا وإن في أوقات الإنسان بيحاول يوقف الشر اللى جواه بس للأسف الإنتقام بيكون أقوى منه في مرات كتير
الجزء الدينى في الرواية معجبنيش للأسف نهائي وأتمنى لو مكنش موجود مع إحترامي لإسلوب الكاتب وأفكاره ده رأى شخصى
لكن الكاتب ميخائيل عماد كاتب متميز وانتظر العمل القادم 🤍
June 24, 2026
عندي مشكله كبيره مع الروايات اللي فيها جوانب دينيه وفلسفيه
هي مش جريمة بس .. بس توتال مش لأي حد يقراها ومش لحد سنه صغير هي مش خارجه بس هي مش لأي حد برضه
غير اني حسيت بضيق تنفس في بعض الاجزاء
هي هتجري منك بس مش من مفضليني خالص
هي مش جريمة بس .. بس توتال مش لأي حد يقراها ومش لحد سنه صغير هي مش خارجه بس هي مش لأي حد برضه
غير اني حسيت بضيق تنفس في بعض الاجزاء
هي هتجري منك بس مش من مفضليني خالص
April 9, 2026
حبيت الخريف في بالم تاون اكثر بكثير
April 2, 2026
رواية ليل القاهرة السري رحلة بين الاختيار والإغواء..
بتوريك إزاي ممكن تنجرف ورا رغباتك وطموحك وتدوس على أي حاجة عشان توصل للي فاكره انتصار، وفى الحقيقة هو هلاكك المحقق
الرواية عبقرية فعلًا.. مش هتحس لحظة بالملل ومش هتقدر تسيبها إلا لما تخلصها
الأسلوب أكثر من رائع، والتداخل بين الماضي والحاضر ذكي جدًا.. مش هتضيع لحظة واحدة
صراع قوي هيبدأ جوه نفسك من أول صفحة، ومع آخر لحظة هيجي السؤال:
“لو أنا مكان البطل، هوصل لحد فين؟”
كالعادة ميخائيل عماد مبدع ❤️❤️❤️
بتوريك إزاي ممكن تنجرف ورا رغباتك وطموحك وتدوس على أي حاجة عشان توصل للي فاكره انتصار، وفى الحقيقة هو هلاكك المحقق
الرواية عبقرية فعلًا.. مش هتحس لحظة بالملل ومش هتقدر تسيبها إلا لما تخلصها
الأسلوب أكثر من رائع، والتداخل بين الماضي والحاضر ذكي جدًا.. مش هتضيع لحظة واحدة
صراع قوي هيبدأ جوه نفسك من أول صفحة، ومع آخر لحظة هيجي السؤال:
“لو أنا مكان البطل، هوصل لحد فين؟”
كالعادة ميخائيل عماد مبدع ❤️❤️❤️
April 27, 2026
رواية ليلة العيد
الرواية عن يوسف الذي باع روحة للشيطان ، قصة معتادة لكن الغريب ان القارى او المشاهد لا يمل منها وانا منهم طبعا
فالقصة كتبها جوتة وقبلة كتبها كريستوف مارلو والبعض يقول انها اسطورة ألمانية ذات اصول حقيقية
وتم تناولها في العديد من الافلام والمسلسلات والمسرحيات العربية والاجنبية كسفير جهنم ، ونوس ،،عفريت لكل مواطن ،ومنها من تناولها بشكل ساخر كفيلم طير انت و bedazzled
القصة في كل صورها تطرح قضية فلسفية متأصلة في وجدان كل انسان عن مفهوم الخير والشر وعن إستغلال الفرصة
فكل سرقة او قتل يصاحبها عقد مع الشيطان بشكل غير مباشر وداخل كل منا فاوست يخطيء ولكن بدرجات متفاوتة البعض منا يحالفة الحظ كفاوست جوتة ويتوب والبعض الاخر يتنهي نهاية سيئة كفاوستس
مارلو
نعود للرواية ، الرواية مكتوبة بأسلوب مشوق جدا مع تقسيم الاخداث الي الحاضر والماضي ،يتم التنقل بينهم بسلاسة وحرفية بالغة
اعجبتني النهاية واعجبني ان الرواية لايوجد بها اي ملل
توجد عندي بعض الملاحظات البسيطة
الملاحظة الاولي
اشار مخيائيل ان للشيطان تم طردة من الجنة لأنة تحدي الالة ولم يسجد لة وذلك عكس مانعرفة بأنة لم يسجد لأدم وبعد البحث وجدت ان القصة في المسيحية تختلف عن الاسلام في تلك النقطة
الملاحظة الثانية
تم الاشارة الي ان جوتة حدث لة مثلما حدث ليوسف لذلك كتب فاوست ليحذر الناس ، لكن القصة كانت معروفة قبل جوتة بسنين عديدة
الملاحظة الثالثة
تشابة اسم سعيد زيدان مع كاتب معروف اخذ جائزة البوكر من قبل ايضا وجدتة غريبا نوعا ما بالذات ان هذا الكاتب في الرواية تم تصويرة علي انة شيطان بشري كان من الممكن استخدام اسم اخر الا لو كانت مقصودة :)
الملاحظة الرابعة
لماذا ظهر كافكا لأمين ويوسف بنفس الشكل ،من قرأ الرواية سيفهم قصدي
الطريف انني في اخر شهر قرأت ثلاث روايات ابطالها كتاب ، الاولي تماثيل الملح ،الثانية حفار القبور ، والثالثة هذة الرواية
رواية ممتازة تستحق القراءة وانصح ايضا بقراءة اثر اليعسوب لنفس الكاتب
الرواية عن يوسف الذي باع روحة للشيطان ، قصة معتادة لكن الغريب ان القارى او المشاهد لا يمل منها وانا منهم طبعا
فالقصة كتبها جوتة وقبلة كتبها كريستوف مارلو والبعض يقول انها اسطورة ألمانية ذات اصول حقيقية
وتم تناولها في العديد من الافلام والمسلسلات والمسرحيات العربية والاجنبية كسفير جهنم ، ونوس ،،عفريت لكل مواطن ،ومنها من تناولها بشكل ساخر كفيلم طير انت و bedazzled
القصة في كل صورها تطرح قضية فلسفية متأصلة في وجدان كل انسان عن مفهوم الخير والشر وعن إستغلال الفرصة
فكل سرقة او قتل يصاحبها عقد مع الشيطان بشكل غير مباشر وداخل كل منا فاوست يخطيء ولكن بدرجات متفاوتة البعض منا يحالفة الحظ كفاوست جوتة ويتوب والبعض الاخر يتنهي نهاية سيئة كفاوستس
مارلو
نعود للرواية ، الرواية مكتوبة بأسلوب مشوق جدا مع تقسيم الاخداث الي الحاضر والماضي ،يتم التنقل بينهم بسلاسة وحرفية بالغة
اعجبتني النهاية واعجبني ان الرواية لايوجد بها اي ملل
توجد عندي بعض الملاحظات البسيطة
الملاحظة الاولي
اشار مخيائيل ان للشيطان تم طردة من الجنة لأنة تحدي الالة ولم يسجد لة وذلك عكس مانعرفة بأنة لم يسجد لأدم وبعد البحث وجدت ان القصة في المسيحية تختلف عن الاسلام في تلك النقطة
الملاحظة الثانية
تم الاشارة الي ان جوتة حدث لة مثلما حدث ليوسف لذلك كتب فاوست ليحذر الناس ، لكن القصة كانت معروفة قبل جوتة بسنين عديدة
الملاحظة الثالثة
تشابة اسم سعيد زيدان مع كاتب معروف اخذ جائزة البوكر من قبل ايضا وجدتة غريبا نوعا ما بالذات ان هذا الكاتب في الرواية تم تصويرة علي انة شيطان بشري كان من الممكن استخدام اسم اخر الا لو كانت مقصودة :)
الملاحظة الرابعة
لماذا ظهر كافكا لأمين ويوسف بنفس الشكل ،من قرأ الرواية سيفهم قصدي
الطريف انني في اخر شهر قرأت ثلاث روايات ابطالها كتاب ، الاولي تماثيل الملح ،الثانية حفار القبور ، والثالثة هذة الرواية
رواية ممتازة تستحق القراءة وانصح ايضا بقراءة اثر اليعسوب لنفس الكاتب
Displaying 1 - 30 of 39 reviews