حقنة هوا

by ميدو زهير

ديوان شعر بالعامية المصرية

Genres: Poetry

Paperback

Published January 1, 2015

Reviews

[هدى يحيى · Rating 4 out of 5]

الشاعر اللي مش واخد حقه أبدا
************

انساب وليه تنربط
ياللى ف ضهرك جناح
احزن عشان تنبسط
وموت علشان ترتاح

دا الموت يعيدك لأصلك
بس انت موتك معصلج
ياللى انت وشك غريب
ياللى انت قلبك محاصرك

امشى فى حظر التجول
واضحك فى عين التسول
تعتـر على المفتــاح

***

ولأن خط الميرى أزرق
القلم ف الفصل أزرق
ختمُه ختم النسر لازرق

واما قال مقلوب وهطفح
ركبوه البوكس لازرق
لبسوه ف السجن أزرق

واما أصبح جوا لعنة.. دق وشم اللعنة لازرق
والبنات القطر فاتهم
بخ تحت عنيهم أزرق

واللى ضايعة تستخبى
تحت ليل الهلس لازرق
والجميلة كى لا تُحسد
كان لابد الفص لازرق

والولد لفلف ودخن
فخ كان دخانه أزرق
مص دمه ودارى همه
فبنطلونه الجنز لازرق

وان قال حرام يرموه فمكان
ميعرفوش الجن لازرق
يبقى ليه لاحمر ولابيض ف العلم
لما هى لونها أزرق

***

تدوّر وترجع وجع واعتكاف
وتطبع عليك السنين العجاف
وأول ما حُبك يقابلك يسيبك
وأول ما حُبك يسيبك تخاف

صنعت سجنك م الهوا ودخلته بإرادتك
وإديت حبيبك نفسك، ما سألت فين حطك
وإكمن كله أذاك قررت تعشق ملاك
يا اللي عشقت الملاك حتى الملاك صدّك

***

يا بلدي طول الطريق
بابلع ترابك ريق
و يوم ماعطشي اتسقى
كان سم في الأباريق

علّمني كتر البكا
أشحك في عزّ الضيق
و اتعلّم التريقة
ع الدنيا و المخاليق

و لحدّ امتى بقى
أطفي الحريق بحريق
يا سفينة متزوّقة
جوّاها ألف غريق

زهقت منّك بقى
وهاشوفلي أي طريق

مع إنّي طول الطريق
بابلع ترابك ريق



---------------
ولما يتغنى ليه جمال شعره بيضاعف 3 مرات

https://www.youtube.com/watch?v=ddKOW...

***
https://www.youtube.com/watch?v=YDHyS...

***

https://www.youtube.com/watch?v=fYdvr...

[BookHunter M ُH َM َD · Rating 4 out of 5]

تسأليني مت ليه؟! و انتي كنتي بلاد بعيده؟ كنت باجري عايز أوصل.

و ها قد وصل أخيرا ميدو زهير إلي وجهته التي ألح علي استدعائها دائما في أشعاره رغم استقبال الدنيا له بـ

كفر في بداية القصيدة

و وداعها له بقطف زهرة شبابه.
عرفت زهير دون أن أراه أو أقرأ له أو حتى أعرف اسمه من خلال أغانية لمريم صالح و دينا الوديدي و بلاك تيمه و وسط البلد. أغاني مميزة ما أن تسمعها حتى تدرك أن مؤلفها واحد معاناته واحده و روحه حائرة و عقله هائم كما يقول عن نفسه

نفسي في عقلي بتناكف و قلبي في الهوا مخالف و أنا م الصعب أتآلف بحاول بس مش عارف

و لكنه في لحظة الاختيار يختار الجنون

ماكونش و أكون حزين ساخر ماليش آخر و في الآخر بقيت مجنون

و في يوم حزين وجدت كل الميديا تتكلم عن وفاة شاعر في ريعان شبابه و لحظتها أدركت مدى غبائي لأني لم أقرأ له و لم أتعرف عليه قبل ذلك رغم حفظي لكل أغانيه التي سمعتها تقريبا.

01
ع القهوه الناس متواعده
رابطين الإيد و المعده
و بـ مٌر الهم الواحد
يحلَوّ الشاي في القعده
ييجي النعناع يحتفلوا
يفتحوا جرنان يتقفلوا
شاربين الحزن بـ تِفله
واكلين الهوا فـ رغيف
بحاره من غير مجاديف
يضحكوا على نكت الحسره
و يغنوا أغاني الأسرى
و العمر ياخدهم بصره
و الصحة تضيع ع الكيف
02
علمني الدبح مامشيش في قطيع
و ان قالوا بيان لا اسمع و لا اطيع
أصل الجزار لو ليه أفكار
هتكون في سياسة التقطيع
03
أحكي ليكي ألف قصة من حكاوي التعبانين
إللي عايش نص ميت و إللي ميت من سنين
و اللي نص كلامه كحه
و اللي شاف خماره راحها
و اللي أكل العيش دبحها دايره دور ع السكرانين
و اللي بات و دموعه سَحَه حزن على جوع الولاد
اسأليني يا حبيبتي ع اللي داير في البلاد
04
الكدب فاضح في الطريق العام
و الإسم مصر و نضربولها سلام
و الحركة بركة بس فين هتروح
و العجز يشبه غرفة الإعدام
05
هنا ملعب و الناس متشاطه
تتخدر و تموت ببساطه
و كيف الناس هتبطل كيف
إذا كنا في دوله بتتعاطى
06
بحب الحب بدون اعتدال
بعقلي اللي بايس إيدين الاحتمال
و قلبي اللي قافش و حادف شمال
و احب اللي زيي و احب المخالف
و احب اللي ممكن و احب المحال
07
لجل العشق في بختك ميّل
تسكر تبكي زي العيل
لجل الصبح في عينك ليّل
تسكر تبكي زي العيل
لجل دماغك مش مزبوطه
و لجل الحلوه كانت شر*وطه
و لجل مغفل في الحدوته
و لجل علامك لسه قليل
تسكر تبكي زي العيل
08
تِدَوَر و ترجع وجع و اعتكاف
و تطبق عليك السنين العجاف
و أول ما حبك يقابلك يسيبك
و أول ما حبك يسيبك تخاف
09
حطيت المبدأ شرط
فاكر نفسي اتشطرت
الناس مشت مصالحها
و أنا في الهايفه اتصدرت
10
عشان روحه بيعه و شروه
و ناس صرفت عليه ثروه
و ناس طمعانه في الفروه
و ناس قرفانه من دمه و واقفه بعيد
بس الأكيد
المدبوح لسعادتهم
مكانش سعيد
11
العقل لو وزن الكلام أخد الدوا
و المعنى لو شرب الحِكم يبقى استوى
و الكلمة من غير الهدف مشروع صداع
و الشعر من غير فلسفة حقنة هوا

[Amr Mohamed · Rating 3 out of 5]

مهما حاولت أعيش فى نعيم
برضو الحزن خبيث ولئيم
جوا الجرح فى جرح قديم
غرقتوا فى بنج وبراشيم
وانا من جهلي اكمني غشيم
صاحبت اللى يقل الراحة
وحبيّت اللى ماكنش وسيم
وانا لما أغلط غلطي جسيم
وبعد ما فوقت صبحت حكيم
وصاحب هم بكّم عظيم
ولأني بداري ووجعي حميم
باقيم الفرح واجيب معازيم
واسهر وأغني كأني سليم
وأقول تارالالي وأقول ترانيم
وكان الله بالجرح عليم

*****
علمني الدبح مامشيش فى قطيع
وان قالـوا لا سمـع ولا طيـع
أصـل الجزار لو ليه أفكـار
هتكون فى سياسية التقطيع

عرفت ميدو زهير من ريفيو القارئة هدي يحيي وكنت أول مرة أسمع شعر له كانت قصيدة أزرق اللى قالها احمد حلمي وعجبتني ولكن مكنتش عارف مين الشاعر اللي كتبها ولكن لما قرأت الديوان لقيت غير أزرق قصائد تانية مثلها وأجمل منها

[Amr Mohamed · Rating 4 out of 5]

القراءة التانية للديوان بعد وفاة الشاعر الله يرحمه

يا بلدي طول الطريق
ببلع ترابك ريق
ويوم ما عطشي اتسقي
كان سم في الاباريق
علمني كتر البكا
اضحك في عز الضيق
واتعلم التريقة
ع الدنيا والمخاليق
ولحد امتي بقي
هطفي الحريق بحريق
يا سفينة متزوقة
جواها الف غريق
زهقت منك بقي
وهشوفلي أي طريق
من أني طول الطريق
هبلع ترابك ريق

==========

كل شيخ وليه طريقة
وكل وقت وليه ادان
بس ناسك مش بريئة
والزمان... غير الزمان
واما تتداري الحقيقة
وأما يخنقك المكان
تبقي شيخ ملقاش طريقة
جه في وقت ملوش ادان

==========

كل الذنوب مشاوير
بس السما قريبة
كل الحلول تفكير
كل الغلط تجربة
حب النفوذ تخدير
عشت الفلوس متعبة
صمت الجبان تقصير
رد الحقوق موهبة
كل الرصاص شرير
كل الطيور طيبة
والموت في حب الله
عز الجمال والصبا

3.5 تقييمي

[Hussam Aql · Rating 4 out of 5]

الجميل جدا؛ ميدو زهير
شاءت الأقدار أني اشوفك؛ واعرف ان بساطة كلامك جاية من بساطتك وجمال روحك بلا شك
متفرد بمدرسة لواحدك؛ اتمنى تستمر وتاخد فرصة اكبر؛ زهقنا من شعراء الوشوشة.

[Ahmed Emad · Rating 4 out of 5]

ميدو زهير من اروع شعراء العامية ....
فلسفته وكلماته من نوعيه خاصة جدا...
شكرا يا عمنا

[مصطفي سليمان]

في المجمل لطيف
بس الميزة في كلام ميدو لما تتحول للاغاني
ودي نماذج من اغانيه اللي اتحولت واتنفذت

انا مش بغني

https://www.youtube.com/watch?v=PAkz8...


طول الطريق

https://www.youtube.com/watch?v=fYdvr...

زحمة بلاك تيما

https://www.youtube.com/watch?v=QOx9M...



أزرق بلاك تيما

https://www.youtube.com/watch?v=gWr4s...


عانقيني - فرقة وسط البلد

https://www.youtube.com/watch?v=fKeED...


تدور وترجع - دينا الوديدي

https://www.youtube.com/watch?v=MNIX_...


الكدب بيسرق في المولد

https://www.youtube.com/watch?v=mWi72...


مكعب سكر

https://www.youtube.com/watch?v=oujPG...


انا اعمي علي المكشوف

https://www.youtube.com/watch?v=AZm44...


انساب وليه تنربط

https://www.youtube.com/watch?v=ddKOW...

[Mohamed Magdy zinhom · Rating 3 out of 5]

ميدو زهير فعلا موهبة تستحق الاشادة فى شعر العامية ..

قصائد منوعة و موضوعات متعددة و الصادم بالنسبة لى فى هذا الديوان هو وجود اكثر من قصيدة على شكل اغانى من الاغانى المفضلة لى لكن لم اكن اعرف كاتبها الا بعد قرأتى للديوان ..

[David Jacop · Rating 4 out of 5]

يارب إلهِمنيِ مِن لَدُنكَ هُدوء
لحظِة ماكون مَخنوق و الأمل مَدلُوق
يارب دِب ف قلبي نَفحِة ضوء
تِلمس مَنابـِت ذاتي.. أرتِعِد و أفُوق .

[Omnia Helmy · Rating 5 out of 5]

"ياللي في ضهرك جناح
أحزن عشان تنبسط
وموت عشان ترتاح"
ألف رحمة ونور يا ميدو يا رب الراحة الدايمة ليك

[Eman Khaled · Rating 5 out of 5]

تحفة تحفة تحفة

[عبد الله عماد الدين · Rating 4 out of 5]

قراءة تانية للديوان بعد قراءته في ٢٠١٥ وقت نزوله.. ديوان بسيط ومختلف.. وميدو زهير من أحسن شعراء الجيل.. ربنا يرحمه ويغفر له.

"العقل لو وَزَن الكلام.. أخد الدوا
والمعنى لو شِرِب الحِكَم.. يبقى استوى
والكلمة من غير الهدف.. مشروع صداع
والشِعر من غير فلسفة.. حقنة هوا"

[Youssry Effat · Rating 5 out of 5]

مفاجاة بالنسبه ليا
ومش عارف ازاى كنت راكن الديوان الكام سنه دول
بس اتفاجات بكم كبير من الاغانى اللى بحبها لفرق الاندرجروند و مغنيين الاندرجروند
تكون اصلا من كلمات ميدو زهير
و غير كدة الحاجات التانية حلوة جدا
حقيقى اتبسط بالاكتشاف ده

[Sherif Mahmoud · Rating 4 out of 5]

مش عارف دي المره الكام اللي اقرأ فيها الديوان
كل مره القي قصيده توصفني و توصلني لحالتي
حبيت كلماتها و بساطتها
انت يا ميدو بالنسبة لي عبقري الجيل ف الكلمه
و على رأيك والشِعر من غير فلسفة
حُقنة هوا

[Doaa Sultan · Rating 5 out of 5]

ديوان عظيم ومختلف
ميدو زهير اساسا مختلف كتير عن اي شاعر تاني

[Naelah · Rating 5 out of 5]

إذا كان ده ديوان ميدو الوحيد فيكفيه.

[ابنه عطارد · Rating 3 out of 5]

لا احب قراءه العاميه بشكل تام
الديوان به بعض القصائد التى اعجبتنى جدا بنت الحزن وعادى

[Mahmoud Rabea · Rating 5 out of 5]

هاقولك اللى كل الناس بتقولهولك وانت مش مقتنع بيه انت مش واخد حقك ... انت مبدع

[Heshamfarg · Rating 4 out of 5]

ميدو زهير بعتبره من أهم شعراء العامية في مصر ورغم ذلك مش مشهور ومش بيظهر كتير على الساحة ومواقع السوشيال ميديا

[Mahammad Ali Ahmmad]

ياريت لو حد عنده الكتاب و عايز يبيعه يكلمني أو لو عند حد pdf يبعتهولي

[Yusuf Fouad · Rating 5 out of 5]

الله يرحمك يا عظيم

[Samar Hshim · Rating 5 out of 5]

والموت يعيد لاصلك يا اللي ف ضهرك جناح ❤

[Ahmed Abosamra · Rating 3 out of 5]

تدوّر وترجع وجع واعتكاف
وتطبق عليك السنين العجاف
وأول ما حبك يقابلك يسيبك
وأول ما حبك يسيبك تخاف

[عبدالرحمن العدوي · Rating 5 out of 5]

انا مش فصيح كفاية عشان اعبر عن الي جوايا تجاه شعر ميدو زهير ، الي حاسه و القصة ، فانا عشان مهما كان الكلام هيبقى اقل ، انا هتأمل فيه و عنه للآخر و هقرأ و انا ساكت .

[قسمت خالد · Rating 4 out of 5]

يا بوي تلاتين سنة نايم
على الجنب اللي مبحبوش

[Anas Nayel · Rating 5 out of 5]

عمل "ذكرى" حلوه

[Muhammad Eltayer · Rating 5 out of 5]

فيلسوف تعشق كلماته

[Rasha · Rating 3 out of 5]

تُصبح أشعار ميدو زهير في أفضل حالاتها عند غنائها. أشعاره كلها تتحول إلى أغنيات عظيمة. بالطبع العديد من قصائد الديوان تحولت إلى أغنيات بالفعل، وأتمنى أن يتم تحويل باقي القصائد كذلك فمن الخسارة أن تظل تلك الكلمات فقط على الورق.

تدوّر وترجع وجع واعتكاف
وتطبع عليك السنين العجاف
وأول ما حُبك يقابلك يسيبك
وأول ما حُبك يسيبك تخاف
صنعت سجنك م الهوا ودخلته بإرادتك
وإديت حبيبك نفسك، ما سألت فين حطك
وإكمن كله أذاك قررت تعشق ملاك
يا اللي عشقت الملاك حتى الملاك صدّك
...........................................
بحب الحب بدون اعتدال
بعقلي اللي بايس إيدين الاحتمال
و قلبي اللي قافش و حادف شمال
و احب اللي زيي و احب المخالف
و احب اللي ممكن و احب المحال
...........................................
كل الذنوب مشاوير
بس السما قريبة
كل الحلول تفكير
كل الغلط تجربة
حب النفوذ تخدير
عشت الفلوس متعبة
صمت الجبان تقصير
رد الحقوق موهبة
كل الرصاص شرير
كل الطيور طيبة
والموت في حب الله
عز الجمال والصبا
...........................................
رحم الله ميدو زهير ♥

[Abdelrahman Ibrahim · Rating 4 out of 5]

اسألينى يا حبيبتى ع اللى داير فى البلاد
أحكى ليكى ألف قِصه من حكاوى التعبانين
اللى عايش نص ميت .. واللى ميت من سنين

-------------------------------------

ع القهوة الناس مِتواعده
رابطين الإيد والمِعدة
و بـ مُر الهَم الواحد
يحلَو الشاى فى القعدة
ييجى بالنعناع يحتِفلوا
يف��حوا جورنان يتِقفلوا
شاربين الحُزن ب تِفله
واكلين الهوا فى رغيف
فى خيالك حلم بيعرج
والواقع قطر بيمشى
خايف من صَمتَك تُخرج
يقفِشك اللى مايِرحمشى
وهيربط عينك رابط
لو كلمة حق وصابت
وتِقيلة إيدين الظابط
إكمن ضميره خفيف

--------------------

يا طِب يا اخرس جِس نبض الحقوق
وادِينى حُقنة منتهى الأوهام
يا رئيس جهنم مَوِت الأصوات
واحفُر لأهلى مقبرة أحلام
يا نازلين المطار! نص البلد أموات
عِدوا السجون، وادخُلوا بِسلام

------------------------------

[Moustafa Mounir · Rating 5 out of 5]

"عانقيني و في بلاد الأي حاجة و غاوي بني أدمين" طالعين من ورق الديوان ده ! بلاش ! ممكن تقرأ قصيدة : "بنت الزعل"؟!... إنت فعلا موهوب ؛ كلماتك تقيلة و أبيات كل قصيدة مفيش بيت واحد مفيهوش معنى و فلسفة ! بس انا مش مستغرب لإنك قايل : و الشعر من غير فلسفة ... حقنة هوا... ٣٢ من ٥ يا ميدو :-)