Осуден

by Драгана Андреевска

Дамјан е млад сметководител од Скопје кој живее мирен, уреден живот, но зад таа тишина се крие постојана борба со вината и стравот од морална грешка. Опседнат со потребата да биде „чист“, тој влегува во маѓепсан круг од грев, покајание и прекумерно искупување – иако не е вистински верник. Еден навидум безначаен чин ја отвора вратата кон длабока егзистенцијална криза во која се судираат верата, разумот и човечката несовршеност. Помеѓу строгото религиозно влијание на мајка му, отсутниот татко и луѓето што нудат поинаков поглед кон животот, Дамјан мора да се соочи со најтешкото прашање: дали смислата се наоѓа во совршенството – или во љубовта. Ова е роман за вината, потрагата по Бог и прифаќањето на човечката несовршеност како единствен пат кон вистинска слобода.

139 pages, Paperback

Published January 1, 2026

Reviews

[Никола Митовски · Rating 4 out of 5]

Иако по видот не е драма, книгава ја доживеав како драма според композициските етапите. Книгата содржи 5 глави, па затоа и ја почувствував како експозиција, заплет, кулминација, перипетија и расплет. Мала по обем, но голема по отворање на прашања и дискусија. Единствена замерка за книгава ми е што е премногу кратка, па затоа ми остави впечаток на недоврешна. Стилот на авторката е прекрасен, па затоа со нетрпение очекувам нејзино следно дело :)