Os tres nomes da Sartegua

by Alberto Mancebo

Elisardo criouse en Cadullo, unha parroquia do concello de Vimianzo ben coñecida por renderlle culto á Sartegua. Despois de anos afastado da vida no lugar, regresa para asistir a un enterro ao que non podía faltar. Desnortado tras un matrimonio esfarelado e cunha relación distante coa filla, decide arranxar a casa familiar e cambiar de vida, atraído polo que significa ser «un fillo da Santa, da Sartegua». Entre os ecos do que se agocha no río e nos montes de Cadullo, Elisardo e dous vellos amigos seus enfróntanse á culpa e aos segredos. Mais cando a cobiza e o medo entran na aldea, o mito da Santa deixa de ser só unha lenda para converterse nunha ameaza, e eles tres deberán decidir se encaran a verdade ou se deixan arrastrar pola corrente cara á liña que separa a realidade do mito.

En «Os tres nomes da Sartegua» Alberto Mancebo constrúe un relato luminoso e tenro sobre a amizade, o desarraigamento e o poder da cultura rural e das tradicións. Unha historia profundamente humana que conmociona, interpela e permanece na memoria de quen a le.

232 pages, Paperback

Published September 3, 2026

About the author

Alberto Mancebo (Vimianzo, 1983).
Estudou Xornalismo en Santiago de Compostela e en 2004 comezou a traballar na Televisión de Galicia. Na canle pública, é presentador de informativos, pero tamén exerceu como correspondente internacional e enviado especial.

«Os tres nomes da Sartegua» (Xerais, 2026) é a súa terceira novela publicada, despois de «O que me quedaba por dicirche» (Xerais, 2023) e «Indolente» (Xerais, 2024), coa que gañou o Premio Manuel Lueiro Rey.

Reviews

[Piña McPíñez · Rating 5 out of 5]

Me ha encantado, súper enganchado desde el momento uno. Me esperaba un As Bestas o incluso un Midsommar pero me ha gustado ver como se desarrollaba. Un buen chisme de pueblo como los que a mi me gustan. Que la Sartegua me guarde.