دیوار پہ دستک

by Shehzad Ahmed

دیوار پہ دستک شہزاد احمد کے پانچ شعری مجموعوں پر مشتمل ہے. اس کے مذکورہ شعری مجموعے ایک پورے عہد اور پوری نسل کی نمائدگی کرتے ہیں. ان میں وہ سبھی کچھ موجود ہے جس کی توقع ہم کسی ہم عصر شاعرسے کی جا سکتی ہے

1072 pages, Hardcover

Reviews

[Farhan Khalid · Rating 4 out of 5]

دل میں رہ جائیں گے تنہائی کے قدموں کے نشاں 
اپنے پیچھے کتنی یادیں چھوڑ کر جاۓ گی رات 

شام ہی سے سو گۓ ہیں لوگ آنکھیں موند کر 
کس کا دروازہ کھلے گا کس کے گھر جاۓ گی رات 

--

کبھی سمجھ میں نہ آیا وہ کون ہے کیا ہے 
یہی بہت ہے کہ میں اپنے دل کو سمجھا لوں 

--

مسافروں کا سفر ختم ہی نہیں ہوتا 
ہوا اڑے ہوئے چہروں پہ خاک ملتی ہے

--

کس کے لئے جاگتے کس کی طرف بھاگتے 
اتنے بڑے شہر میں کوئی ہمارا نہ تھا

شوق سفر بے سبب اور سفر بے طلب 
اس کی طرف چل دیےجس نے پکارا نہ تھا

--

آنکھ میں چبھنے لگے شام کے گہرے سائے 
ہم سے دیکھی نہ گئی ڈوبتے سورج کی جھلک

کہیں سوکھے ہوئے اشجار کا سایہ بھی نہیں
دھوپ میں لیٹی ہے اس گاؤں کی ویران سڑک 

--

شعر کے روپ میں لاتے ہوئے گھبراتا ہوں 
ہاے وہ غم جسے بچوں کی طرح پالا ہے 

--

بند ہیں یوں دلوں کے دروازے
کوئی آیا یہاں نہ تھا جیسے

--

مر جاتی ہیں ننھی منی روحیں 
رکتا نہیں زندگی کا دریا 

نیندوں کو بہا کے لے گیا
بہتی ہوئی چاندنی کا دریا

--

ہر طرف چھاۓ گی وہ خاموشی 
اپنی آواز سے تو چونکے گا

انہی ٹھہرے ہوئے لمحوں کا خیال 
دل سے طوفاں کی طرح گزرے گا

مجھ سے کترا کے گزرنے والے
تو میری خاک کو بھی چومے گا

--

بلند ہوں گے تو کبھی پستیاں نہیں دیکھیں گے 
خود اپنے ہاتھ سے ہم توڑدیں گے زینے کو 

--

آنکھ مچولی کا زمانہ گیا 
اب اسے کھونا اسے پانا نہیں 

--

جینے والوں سے موند کر آنکھیں 
مرنے والوں کے گیت گاتے رہو 

--

یہ دل کا شہر مشکل سے بسا تھا 
چلو اس شہر میں اب خاک اڑائیں