Fyrstu 1000 dagarnir: Barn verður til

by Sæunn Kjartansdóttir

Börn fæðast með alla burði til að verða skynsamar, réttsýnar og góðar manneskjur og það er undir okkur fullorðna fólkinu komið að gera þeim það kleift.

Rannsóknir sýna að fyrstu þúsund dagarnir í lífi barns – frá getnaði til tveggja ára aldurs – hafa afgerandi áhrif á framtíðarheilbrigði þess. Ástrík og næm samskipti á þessum tíma leggja mikilvægan grunn að þroska barnsins sem vitsmuna-, tilfinninga- og félagsveru. Þess vegna þarf það nærgætna umönnun frá fólki sem þykir vænt um það, skilur þarfir þess og hefur þær í fyrirrúmi.

Fyrstu 1000 dagarnir er aðgengileg handbók fyrir foreldra sem byggir á tengslakenningum, nýjustu rannsóknum í taugavísindum og sálgreiningu. Hér eru gefin góð ráð um hvernig foreldrar geta búið sig undir fæðingu barns og annast það og örvað fyrstu árin með það að leiðarljósi að byggja upp heilbrigðan og ástríkan einstakling.

Sæunn Kjartansdóttir er einn af stofnendum Miðstöðvar foreldra og barna sem sérhæfir sig í tengslaeflandi meðferð foreldra og ungbarna. Hún hefur sinnt sálgreiningu í aldarfjórðung og er höfundur bókarinnar Árin sem enginn man.

Genres: Nonfiction

232 pages, Paperback

First published January 1, 2015

Reviews

[Nanna Guðmundsdóttir · Rating 4 out of 5]

Létt lesning um uppeldi. Tekur sig mátulega hátíðlega og gengur ekki út frá því að allt sé eins auðvelt á borði og í orði. Engin stórkostleg nýmæli í henni en margt gagnlegt.

[Agnes Ársælsdóttir]

Þessi er bara fín og aðgengileg bók fyrir verðandi foreldra.

[Anna Thordardottir · Rating 4 out of 5]

Upplifði lesturinn hjálplegan þegar kom að því að skilja betur dóttur mína sem og til að sýna sjálfri mér mildi sem nýbakað foreldri. Mér þótti þó aðeins of mikið um endurtekningar þegar leið á lesturinn.

[Alina Vilhjalmsdottir · Rating 5 out of 5]

Mæli með að lesa þessa fyrir alla sem eru að fara að verða foreldrar og líka ömmur og afar. Fer svo vel yfir svo margt og auðvelt að lesa.