Саахалтын нууранд ангир дуугарна

by Дарма Батбаяр

Unknown Binding

Reviews

[Lkhama Suren]

Уг ном нь үйлээр үгүүлэхүй, сэтгэлээр үгүүлэхүй гэсэн 2 хэсэг бүхий Дарма. Батбаяр агсны шилмэл өгүүллэгийн түүвэр юм. Уншихад уран яруу, тунгаахад утга гүн богино өгүүллэгүүд.
Нүүдэлч эгэл ахуйн ил харагдах биеийн үйлээс эхлээд далд байх сэтгэлийн үйл, оюуны үйл нэгэн бүхэл, энэ бүхлүүд ёс заншил болдог юм шиг санагдлаа.

Номын агуулгатай онц холбоогүй миний эргэцүүлэл:
Хөдөө өссөн болоод ч тэрүү номын өгүүллэгүүдийн ихэнх нь надад их ойрхон, ойлгож төсөөлөхөд амар байсанд баяртай(1) бас гунигтай(2) байлаа.
(1) Байгальд тэнгэрийн аашаар ч өөрийн эрх дураар нүүдэллэн аж төрөх, таван хошуу мал, 4 улирал шилжилт, цаг агаарын үзэгдэл бүхнийг үйл болон сэтгэлтэйгээ уяж зохицдог нүүдэлч ахуйг гадарлахтайгаа байгаадаа уг номыг бүрэн дүүрэн ойлгож уншсандаа баяртай байна.
(2) Суурин болж одоогоорх дэлхийн ихэнхийн тодорхойлж буй "хөгжил"-р замнахын хирээр "өөрсдийн" эх үүсвэрээс улам холдож, үгүйсгэж байгаад сэтгэл баахан хөндүүртэй. Бид- Монголчууд хэн, юу ч болоод байгаа юм, хаашаа ч зориод байгаа юм,...
Энэ мэт монгол ахуйн талаар уншаад бүрэн ойлгох хүн цаашид хэр...!?

[Ishdolgor]

Өвөө эмээ хоёроос "Та хоёр яаж танилцсан бэ?" гэж асуухаар л, "нэг гол байсан хүмүүс танилцаад байх юу байх вэ дээ" гээл байдаг байж билээ. Одоо хүртэл хааяа эмээгээс асуухаар адилхан л хариулт... Нээрээ л тийм байж дээ. Ийм энгийн зүйлийг би л ойлгохгүй байн2 асуугаад байсан ч юм шиг сэтгэгдэл төрөөд байна шүү!