Երկուսից ո՞րը

by Մուրացան, Muratsan

Ստեղծագործության հիմքում ընկած է բարոյական ընտրությունը, որը կատարում է գլխավոր հերոսը (Սեղբոսյանը)՝ ծանր կացության մեջ հայտնվելիս։ Պատմվածքում քննարկվում է նաև կնոջ և տղամարդու հավատարմության, սիրո, հիշողության և հանգուցյալների հանդեպ պարտքի հարցը։ Գործողությունները հիմնականում ծավալվում են հերոսների երկխոսությունների միջոցով՝ վեր հանելով մարդկային հոգեբանության բարդությունները։

28 pages, ebook

Published January 1, 2026

About the author

Մուրացանը (Գրիգոր Տեր-Հովհաննիսյան) ծնվել է 1854 թվականի դեկտեմբերի 13-ին Արցախի Շուշի քաղաքում։ Հայրը հողագործ էր, գիտեր մի շարք արհեստներ, օժտված էր բանաստեղծելու և երգելու ձիրքով։ Ծնողները շատ ուշադիր էին որդու ուսման նկատմամբ։ Նախնական կրթությունը Գրիգորը ստացել է մասնավոր դպրոցում, որտեղ սովորել է երեք տարի։ Շուտով մեծ դժբախտություն է վրա հասնում. մահանում է հայրը, ընտանիքը ընկնում է կարիքի մեջ։ Մայրը ամեն ինչ անում է, որ որդին շարունակի ուսումը։ Տասներկու տարեկան Գրիգորը մասնավոր դպրոցից տեղափոխվում է ուրիշ դպրոց, որտեղ ուսման վարձը ավելի մատչելի էր, իսկ երկու տարի հետո ընդունվում է Շուշիի թեմական հոգևոր դպրոցը, որտեղ ուսանում է վեց տարի։ Այստեղ Գրիգորը ստանում է լուրջ կրթություն. սովորում է հայոց պատմություն, հայոց լեզու, մատենագրություն, աշխարհագրություն, ֆրանսերեն ու ռուսերեն։ Դպրոցում էլ սկսում է առաջին գրական փորձերը։ Դպրոցն ավարտելուց հետո նա մեկ տարի հայոց լեզու և պատմություն է դասավանդում հայտնի գրագետ Խորեն Ստեփանեի մասնավոր դպրոցում։

Reviews

[Arsen]

Երկուսից ո՞րը
թվային տարբերակ

https://online.fliphtml5.com/nfycf/kwln/