Polaroid (Edicion Literaria)

by Suso de Toro

Un rapaz de pantalón vaqueiro e cazadora de nailon negra vén camiñando do lado esquerdo, trae as mans nos petos da cazadora. A vella achégase ao rapaz cego, el ensínalle os números que ten. O rapaz da cazadora negra pasa xunta deles, pégalle un arrempuxón á vella e tíraa enriba do cego, colle a radiocasete e bota a correr. O de bigote cruza detrás do rapaz por entre os coches aparcados tras del. O rapaz corre. A muller do paraugas encarnado ponlle a cambadela e o rapaz cae coa radiocasete. O de bigote tírase enriba del. Do café sae correndo o camareiro coa bandexa, axúdalle ao de bigote, teñen collido o rapaz entre os dous, cada un por unha man

Genres: Short Stories, Fiction

177 pages, Paperback

First published January 1, 1986

About the author

Xesús Miguel de Toro Santos, máis coñecido como Suso de Toro, nado en Santiago de Compostela o 10 de xaneiro de 1956, é un escritor galego.

O seu pai é de Formariz (provincia de Zamora) e a súa nai de Falapaso (Camboño, Lousame). Seu irmán, Xelís de Toro, tamén é escritor.

É Licenciado en Arte Moderna e Contemporánea pola Universidade de Santiago de Compostela. É guionista para televisión e colaborador habitual na prensa e na radio, publicou en galego máis de vinte libros de narrativa, teatro e ensaio. A súa obra, ademais de ser traducida a varias linguas, foi obxecto de estudo en diversas universidades europeas.

En abril de 2010 anunciou a súa retirada como escritor profesional, retomando a súa carreira de profesor de secundaria.

Nas Eleccións ao Parlamento Europeo de 2014 concorreu na lista Os Pobos Deciden. En abril de 2014 foille concedida a Creu de Sant Jordi.

Reviews

[Thisisnotmarta · Rating 3 out of 5]

Joder sinto que lle estou dando 3 estrellas a todolos libros de narrativa pero e que…
Os contos hai algún que está millor ca outros evidentemente, pero e que non entendo a distribución dentro do libro, entón iso frústrame!!!

[maría · Rating 5 out of 5]

partindo do feito de que en toda colección de relatos hainos máis bos e máis malos, no seu conxunto gustoume moito e pareceume súper chulo

[Pachy Pedia · Rating 4 out of 5]

unha estraña colección de historias peculiares, unhas mellores e outras peores, pero todas teñen en común ese peculiar compoñente, de extraordinaria narración. A edición polo 25 aniversario da editorial xerais acompaña o texto, ademais, de fotos que lonxe de aportar un senso á narración, aínda a fai mais estraña.

[marton · Rating 3 out of 5]

Xa non viña con moitas expectativas a verdade, pois non tiña bo recordo de Suso de Toro. O libro en si está ben, non hai ningún conto que me encantase especialmente ou que poida destacar como mellor ca outros. Unha lectura fácil, pero que non me encantou.

[Lucas Bermejo · Rating 3 out of 5]

Os relatos os hai tanto magníficos como algúns irrelevantes, pero o máis frustrante é a distribución dos contos

[Juan · Rating 4 out of 5]

Encántame a oralidade destas instantáneas en forma de contos

[Ana · Rating 2 out of 5]

bueno