الأستاذ

by ياسر أبو السعود

قال جلال بك بجدية
تمام أنا هخلى مراقبتهم مستمرة زى ما أتفقنا عشان تتدخل لو حصل أى لخبطة
رد خالد ضاحكا
أو نتدخل لو ما حصلتش لخبطة
تعالت ضحكاتهما فى أرجاء المكتب الضخم وتردد صداها كضحكات شيطانين أتفقا على نسخ مخطط معصية لتكفير أمة بأسرها
وها هى خطتهم بدأت تؤتى أكلها..
ياسر أبو السعود

154 pages, Paperback

First published January 22, 2015

Reviews

[Ehab Fathy · Rating 5 out of 5]

سامحك الله يا ياسر ، من الروايات القلائل اللى ندمت ندم شديد انى (خلصتها)حرام عليك قصر الرواية . حرام عليك انك خلصتها عند احداث محمد محمود الاولى . الحاجة الوحيدة اللى هاتشفع لك ان يكون فيه جزء ثان ، بل يجب ان يكون فيه جزء ثان
الرواية ده هى الاختراع الحقيقى و الاكيد و المؤكد لآلة الزمن، ان تقراء عن احداث سابقة عشتها بنفسك وعاصرتها ثم بمهارة تانية ترجع في قلبها
رواية رجعتنى لريحة الغاز المسيل للدموع
للون دم الشهداء
لنفاق ووساخة الاعلام
لقمع الانظمة الفاشية
لفساد جميع مؤسسات الدولة
لخدعة من حمى مصر و كفر الشعب بالثورة
حسستنى بمشاعرنا بعد الثورة بنقائنا و عذريتنا الثورية وشهوتنا للحرية التى انتهكت و اغتصبت مثل شهد و هدرت و دهست تحت جنزير الدبابة
آه يا حلم ضاع
حجم اتقان تخيل الاحداث و ربطها بالاحداث الواقعية يؤكد لى حاجة فى نفسى
اكيد يا ياسر كنت مخبر فى امن الدولة
او انت الطرف الثالث
حي الله قلمك و اسلوبك الممتع المبكى
رجااااء
اتمنى يكون فية جزء ثان تكون بطلتة شهد لانها شافت كتير فلازم تكمل لازم تحكى لازم تؤرخ للخدعة الكبير و عملية السطو المسلح على وطن و ارادة شعب
اتمنى يكون فية جزء ثان لبعد فض رابعة و بداية المهزلة التى نعيش فيها الآن
لكن حاسس ان مفيش دار نشر هايكون عندها الجراءة لنشر عمل ثان فى ظل المهزلة الاستبدادية التى نعيش فى ظلها
ان لم تستطع نشرها فى رواية انشرها حلقات فى حسابك على الفيس بوك و عندما يزيح الله الغمة تجمعا رواية
الى اللقاء يا مبدع فى الاستاذة الجزء الثانى للاستاذ
________
للحصول على الرواية متوافرة فى مكتبة عمر بوك ستور فى القاهرة
حساب المؤلف الرائع ياسر ابو السعود

https://www.facebook.com/yasser.mohma...

[مصطفي سليمان · Rating 1 out of 5]

بعيدا عن النحنحه

أدبيا
الرواية سيئة للغاية

القصة بأختصار عن استغلال " الطرف " لا مؤاخذه الثالث ضد الثورة المصرية عن طريق المال لتشويه الثورة

دا الاطار العام

التفاصيل ما بين الكلاشيه الشديد من كلام من نوعية

نظر له بشر و شماتة

و الموت يظهر في صوته

و المزيد و المزيد من التشبيهات الركيكة و اللغة الطفولية

الشخصيات دون اي تطور
الاحداث هو نسخ و لصق دون اي حتي معني او رابط او تصاعد
الكلام اقرب لكلام مسلسلات النيل للدراما

الكلام انشائئ
والتحولات الدرامية تليق بفيلم هابط

مشهد موت البطل ف النهاية
عليا النعمة من نعمة ربي مفيش بطل بيقول حكم وهو بيموت
ولا بينعت مونولوجات هامة لمجرد انه بيموت

يعني البطل واخد طلقة هيقعد يحكي انه اتعلم وان الثورة حق ؟

لا اله الا الله

مفيش اي تاريخ للشخضيات و بالتالي كل الشخصيات تظهر من عدم و تتنهي للعدم

طبعا الكلام المرسل بتاع البك و المسئول المهم
واتصالات المسئولين وكل الكلاشيهات بتاعت الشر
التركيز كان حتي مش موجود ف انشاء الحوار لدرجة غريبة

يعني ف جزء الرجل " الشرير " اللي ف الغالب كان بيشرب سيجار بينما الدينا بتشتي بيوصف الثورجية بانهم انقياء وبيكمل كلامه علي خطته

سبحانه

بعيدا عن الادب بقي

الرواية موجهه بشكل مباشر للفئة معينة
الله واعلم بيها الصراحة
اولا
هو اتبني كل السخافات اللي كانت بتتقال علي الميدان

ثانيا
هو اظهر ان القيادات وع حد علمي انه مكنش فيه قيادات للثورة بس هو اعلم هبل وعبط وبيضحك عليهم بكل بساطة وطيبين قوي مع الناس اللي مدفوعين للتخريب

ثالثا
هو الميدان كان كله اشتراكين؟
بس؟
هي القنوات بتاعت لامؤاخذه الثورة المضادة بس هي اللي كانت بتقول
كلام وسخ علي الثورة ؟
يعني
القنوات الحلوة اللطيفة زي قناة 25 و الناس وكل الاخوة المحترمين المهذبين لم يذكروا الثورة بسوء

لا طبعا ملائكة من يومهم
:))

رابعا
فعلا ؟ الكلاشيهات بتاعت اليريه و كوفية فلسطين
والشعر المنكوش و النضارات الطبية؟
واو

طبعا هطلع خاين وسفاح صغنن ، وعبد لشئ ما وكل الحاجات دي
بس تمام

لله الأمر

تعديل أخير

أحد أهم وأد الثورة هي الثورة نفسها
واجواء انتفاخ الذات
واحساس نظريات المؤامرة
متلومش الخبث علي خبثه لو انت عارف
لوم غبائك ولوم نفسك قبلها