أوراق غرفة الإعدام

by احمد علي

247 pages, Paperback

Published January 1, 2026

About the author

أحمد علي ( أحمد محمد علي)ـ

كاتب مصري - بكالوريوس هندسة ميكانيكية - جامعة الإسكندرية

صدر له:

رواية "عين القرش" (جريمة ) صدرت عام ٢٠٢٥ - كتوبيا للنشر للتوزيع

رواية "ساحر صولان" (فانتازيا) صدرت عام ٢٠٢٥ - دار نيسان للنشر والتوزيع

رواية "ما وراء اللعبة" (فلسفية ) صدرت عام ٢٠٢٥ - منشورات ايبيدي

سلسلة "اكس" (بوليسي) صدرت عام ٢٠٢٤ - دار كتوبيا للنشر والتوزيع

رواية "الجريمة الأكثر مبيعا" (جريمة ) صدرت عام ٢٠٢٤ - منشورات ايبيدي

رواية "جريمة القاتل صفر" (جريمة ) صدرت عام ٢٠٢٣ - منشورات ايبيدي

-كتاب " قهوة بندق" (كتاب ساخر) صدرت عام ٢٠٢٣ - دار بان للنشر والتوزيع

-كتاب "رسائل غير معلومة المصدر" (أدب رسائل) صدرت عام ٢٠٢٢ – دار كتوبيا للنشر والتوزيع.

-رواية "صفر واحد" (جريمة) صدرت عام ٢٠٢٢ - دار سما للنشر والتوزيع.

-نوفيلا "نوكاري" (فانتازيا/رعب) صدرت عام ٢٠٢١- مركز إنسان للنشر والتوزيع.


-حلقات قصصية ضمن برنامج على اليوتيوب "برنامج بعد الواحدة"، تتنوع بين الغموض، الفانتازيا والرعب.
رابط البرنامج:
https://youtube.com/c/AfterOneShow


-كتابة سيناريو صوتي لبعض الحلقات الإذاعية على قناة يوتيوب "أوديوهات" ؛

"صوت" :
https://youtu.be/N3fYl5UVkBY

"حزام أمان":
https://youtu.be/Spi6TSU8re4


رابط أعمالي على أبجد:

https://www.abjjad.com/author/3330015...

Reviews

[ولاء شكري · Rating 2 out of 5]

كيف يمكن لأحد الكذب وهو ينظر في عينيك مباشرة! كيف يفعلونها!

[Eman Gaber · Rating 4 out of 5]

لا توجد جريمة كاملة، رغم توقعي للاحداث، لكن استمتعت بالقراءة واسلوب السرد.

[Mina Habib · Rating 1 out of 5]

* الرواية دي هي أحدث اختياراتي من قائمة الأعمال الخاصة بتحدي عيد ميلاد أبجد، و الرواية دي بردو أولى قراءاتي للكاتب أحمد محمد علي. شدني للرواية دي عنوانها و فكرني بعنوان رواية فيكتور هوجو مذكرات محكوم عليه بالاعدام. أنا ما قرأتش رواية فيتور هوجو و لكن العنوان بتاع هذه الرواية فكرني بالرواية الأخرى.

* شدني العوان فقررت إني ألقي نظرة عن المكتوب على الرواية في وصف الرواية على التطبيق، والحقيقة إنه أثار انتباهي، و خلاني أختار الرواية علشان أقرأها خلال فترة التحدي. و الحقيقة إني توقعت إن فيه جريمة حصلت، في الأغلب جريمة قتل، و المفروض إن فيه شخص مكتوب عليه بالاعدام كتب بعض الأوراق هتكشف تفاصيل الجريمة تغير وجهة نظرنا فيها، و بصراحة توقعت إنها في الأغلب هتكشف عن قاتل مختلف.

* أعتقد واضح من التقييم العام للرواية إنها ماعجبتنيش، ولكن الأهم إنها ماقدمتليش اللي كنت مستنيه منها، أو الأهم إنها ماقدمتش اللي تم الوعد بيه في وصف الرواية.

* في البداية خلوني أتكلم عن ترتيب الأحداث، الكاتب ماحكاش الرواية بشكل خطي، ولكن قعد يتنطط في زمن الحكي و كل شوية يقدم بعض التفاصيل و المعلومات عن الشخصيات. ما قدرش أقول إن ده شيء سيئ أو إنه لوحده أضر بالرواية، ولكن ده أسلوب متبع في كتير من الأعمال خاصة اللي بيقى فيها جريمة و تحقيق. ولكن المرة دي التنقلات – أو التنطيط في الزمن – ماكنش ليها أي مبرر فعلي، يعني ماكنش فيه حاجة أو ضرورة تخلينا ننتقل في الزمن علشان نروح للنقطة الجديدة اللي الكاتب هيحكي من عندها. وده خلى التنقلات مش مستساغة و مش مبررة بشكل كافي.

* محتاج أقول كمان إن فيه بعض الشخصيات زي مثلاً شخصية نادر، ماكنش فيه أي سبب لذكرها أو ذكر حكايتها، ماوضحتلناش حاجة قوية، مع إن الكاتب حاول يذكر هذه المعلومة في مضوع آخر أثناء التحقيقات علشان يثبت إنها نقطة مهمة، ولكن الحقيقة ماكنتش بالقيمة الكافية اللي تخلينا نعرف قصة نادر، خاصة إن نادر شخصياً و قصته ماكنش ليهم أي تأثير مباشر على الأحداث أو على الجريمة اللي الرواية مركزة عليها.

* للمرة التانية في وقت قصير جداً بقابل رواية بيقرر فيها الكاتب إنه يوصف الجريمة فيما يشبه المونولوج الطويل على لسان أحد الشخصيات - الكلام ده حصل في رواية جريمة على خشبة المسرح للكاتب أغر الجمال – و دي واحدة من أسوأ الطرق في كشف الجاني ووقائع الجريمة – إن لم تكن الأسوأ – في كل الطرق اللي ممكن يتم استخدامها في كشف أسرار الجرائم.

* شخصية منصور بطل الرواية، اللي إحنا اتعرفنا عليه في أول الرواية على إنه كاتب روايات، مرة واحدة بنكتشف إن عنده شركة والشركة دي شغالة في مجال ليه علاقة بالإعلانات، وده سهل عليه كتير في إنه يستخدم معدات معينة بتبقى متوفرة في مثل هذه الشركات. ولكن إحنا ما نعرفش حاجة عن الشركة ولا شغله في الشركة، وهل الشركة دي بتاعته ولا أسسها بعد زواجه بفلوس زوجته. و الأهم إن الشركة ومعدات الشركة كانوا مهمين جداً في الجريمة ومع ذلك إحنا مانعرفش عنهم حاجة غير وقت كشف وقائع الجريمة.

* الرواية كمان فيها gap زمنية ما بين تعرف منصور على نادية وقرارهم الزواج من بعض و ما بين بداية الأحداث المؤدية للجريمة وتفاصيلها. و الـ Gap دي إحنا مانعرفش عنها حاجة، تقريباً ما تكلمناش عنها خالص، ولا حتى جبنا سيرة موقف واحد حصل في خلال الفترة الزمينة دي كلها علشان يبقى مؤشر و علامة تخلينا نتخيل إن دي هي النتيجة اللي هنوصلها في الآخر.

* طبعاً تقدروا تتوقعوا من اللي قلته قبل كده سواء إن الرواية لجأت للمونولوج الطويل لكشف وقائع الجريمة أو إن تفاصيل الشركة بتاعت منصور و نشاطها – اللي ظهرت للمرة الأولى في تسلل النهاية – إن الكاتب استخدم نفس الأسلوب القديم بتاع روايات آرثر كونان دويل و آجاثا كريستي، في إنه يكشف ل حاجة في غرفة مغلقة وإن يبقى فيه تفاصيل كتير أنا كقارئ ماعرفش عنها شيء، وبالتالي ماقدرش أحل الجريمة ولكن يقدر يقدم الحل في المونولوج الطويل، بس المرة دي على لسان البطل مش على لسان المحقق، بالتفاصيل الكتير اللي أنا كقارئ عمري ماعرفتها وبالتالي كان مستيحل أوصل لحل الجريمة أو طريقة تنفيذها.

* الحقيقة مش عارف اللي هأقوله ده هيتحسب كنقطة مع أو ضد الرواية، بس أنا عاوز أتكلم إن الجريمة في حد ذاتها جريمة عادية، مش هأقدر أقول إنها تقليدية، ولكن في الوقت نفسه مافيهاش حاجة من ورا الخيال، يمكن لما بيتم كشف كل تفاصيلها بتكتشف إن كان فيه تخطيط زيادة و خطة (أ) و خطة (ب) ولكن لا تزال في جزء كبير من التخطيط ده كان معتمد على الصدفة والحظ و ماكنتش خطط محكمة بالقدر الكافي. و الحقيقة إن حتى اكتشاف الشرطة للحقيقة كان نقطة البداية فيه صدفة أو حظ، و الأهم إن وصولهم للجاني الحقيقي أعتمد على بعض الأخطاء و الاهمال اللي من غيرهم كانت الجريمة دي هتظل محلولة من وجهة نظرهم و مش محتاجة حل جديد، ومن وجهة نظر المجرم أو القاتل هتفضل هي الجريمة الكاملة.

[Bassem krayem · Rating 5 out of 5]

أوراق غرفة الإعدام للكاتب أحمد محمد علي
التقييم: 5/5
مصدر القراءة: تطبيق أبجد
في الحقيقة، اشتقتُ جداً لتطبيق "أبجد"؛ فقد مرت عدة أشهر وأنا منغمس في سلسلة "أغنية الجليد والنار" مع بعض الروايات الأخرى، وكانت العودة مع هذه الرواية مناسبة تماماً.
الرواية بوليسية، وكعادة الكاتب في رواياته السابقة، تتنقل الأحداث بين الأشخاص عبر فصول من الماضي، وفصول من الحاضر، وأخرى من المستقبل، إلى أن تصل إلى النهاية؛ حينها فقط تتجمع كل الخيوط في ذهنك، وتستطيع فهم الرواية وحل لغزها.
تتحدث الرواية عن "ناديا"، وهي امرأة في الخامسة والأربعين من عمرها، مغرورة لأقصى حد، وتملك الكثير من المال الذي تركه لها والدها بعد وفاته. نكتشف أن ناديا تخون زوجها مع رجل أعمال آخر، ولكن فجأة تستيقظ بعد أن ضرب لها ذلك الرجل موعداً في منزل معين، لتجد جثته ملقاة أمامها!
من هنا تبدأ الأمور في التعقد؛ فنتعرف على "سمر" سكرتيرة القتيل وذراعه الأيمن في عمله وصفقاته السرية، وتبدأ الأسرار في الانكشاف واحداً تلو الآخر. فما الذي حدث؟ وما الذي أوصل ناديا إلى ذلك المكان الغريب؟ ومن الشخص الذي يكتب في "أوراق الإعدام"؟ ومن القاتل الحقيقي؟
كل هذه الأمور وأكثر ستكتشفونها عند وصولكم لآخر سطر في الرواية. النهاية صادمة بالفعل، وتثبت لك كيف للتفاصيل الصغيرة جداً -التي قد نغفل عنها- أن تؤثر بشكل كارثي وتتسبب في كشف الجريمة!
استمتعت بها جداً في الحقيقة، مثل معظم رواياته التي قرأتها من قبل، فهو كاتب رائع حقاً.

[MoniCa Abdel-Malak · Rating 4 out of 5]

طيب بما إني متربية علي روايات الج.ريمة من وأنا قد كده🤏 ..
ف اقدر أقول ان الرواية دي .. قربت من الجريمة الكاملة بشكل كبير ♥️
ليه بقول قربت .. مهو بنقول أوراق غرفة الإعدام .. يعني الجاني إتكشف وأخد اعدام اهو 👀 "حسبت أن ذلك مفهوما يعني😌"

نبتدي ب منصور .. هنتعرف عليه علي إنه كاتب روايات ناجح
ونادية الشماشرجي ، شخصية ارستقراطية متعرفش حاجة ف الحياة غير إن اللي عاوزاه هتجيبه ..
وصلاح .. اللي مش صلاح خالص 😁 اللي هيتقتل وهنعرف مين اللي عمل كده فيه ..

بس جريمة واحده؟؟ دي بدل الجثة أربعة 🙃
أربعة في رحلة ياتري مين اللي كان يستاهل ، ومين اللي كان قتله عرض جانبي للخطة 🤫

*⭐️خلينا نقول إيه الحلو ف الرواية ..

الرواية بتعتمد علي تطبيقات حديثة ، في الإفلات من المراقبة و التغطية على الجاني .. بحب الروايات دي لأنها بتدي انطباع عصري .. مختلف عن روايات الجريمة القديمة
كمان بحسها مقياس زمني .. الاجيال الجاية هيقيموا مدي فاعليتها او عدمه 😅😀
"زي فيلم الدواء به سم قاتل .. في زماننا كان إتحلت بتليفون او بوست علي الفيسبوك😂"

كمان الكاتب في العمل دا زود من جرعة الصراع الشعوري اللي بيدور جوة الأبطال وإفكارهم الداخلية اللي أدت لتصرفاتهم ♥️

في كل عمل من أعمال أحمد على لازم نجيب سيرة إضطرابات نفسية عند الأبطال .. مش شرط تكون دوافع للجريمة .. لكن بتعرف خلفية حياتهم وبتعرف تتعاطف معاهم من ناحيتها 🤧

*👀اللي حسيت اني مستنيه أشوفه أحسن بقي

كان نفسي الجاني الحقيقي يتمسك في ثغرة التطبيقات اللي استخدمها متكونش سدتها .. 🤔
مش هقول اتقفش ازاي🤫

مستنية يزود جرعة الصراعات الداخلية .. عشان دي بتدي ملحمية لتصرفات الأبطال ف القصة وبتزود النفور او التعاطف ( حلوة ملحمية دي🤔😂)

مستنية يكتب عمل يخليني مقفشش الجاني بدري عشان تقريبا أنا قفلت عداد روايات الج.ريمة والموضوع بقي تحدي لأي كاتب بعد كده .. شفولي حل 😂😂😂

تقييمي للرواية ⭐️⭐️⭐️⭐️