عدالة مؤجلة

جنايات #19

by رحاب فكري

Audiobook

Published July 1, 2026

About the author

رحاب فكري طبيبة وروائية وكاتبة مصرية غلب على مؤلفاتها الطابع البوليسي.

تُصدر للكاتبة رحاب فكري سلسلة روايات بوليسية بعنوان «جنايات» عن دار سما للنشر والتوزيع

وقد تحويلهم الي دراما صوتية علي موقع أوديوهات

Reviews

[Ahmed Halawa]

عدالة مؤجلة

حلقة بتبدأ بفريق التحقيق بتاعنا و هو في اجازة
عمرو و أحمد و خالد
لكن اجتماع الثلاثي حتي لو في اجازة لزم يقلب بقضية حتي لو كانوا بره دايرة الاختصاص
و بتبدأ بصباع بشري مقطوع مدفون في الرملة علي الشط
و كمان بنكمل مع كوكي بنت اخوه خالد الجريمة اللي شافتها في حلقة يوم الصفر
و كمان رزق الفريق في رجله في قضية بتظهر فيها بقايا جثة في شبكة الصرف الصحي

عظمه علي عظمه يا أوديوهات 😍

الحلويات خلصت كده لا ده في تقليب في الملفات القديمه و في متهمين من قضايا قديمة هيشرفه للتحقيق من تاني
طبعا انا مش بتعلم من الحلقات اللي فاتت و فتحت اسمع الحلقة بعد الفجر و هوب خالد باشا فتح علينا باصناف أكل بدأت باكلة سمك مش طايلها ثم فطير و بيتزا و ختمت بكشري لكن في الدكتورة رحاب قررت تقفل الحلقة بمصالحة مع معدة خالد و اكل اكلة السمك اللي فيها جمبري باترفلاي😋
نرجع للجرائم و حل القضايا بقي و خليني أقول أني دي واحدة من أقوي و أطول حلقات سلسلة جنايات أداء صوتي و كتابة ممتازة و نهاية فيها مفاجأة

و من الحاجات الحلوة في الحلقة هو أني الجنائي فتح علي الشرعي 🥰 و قصة حب جديدة ريحتها بصمات و تشريح بين عبده و وسام 💘

عندي تعليق صغير علي جزء في نص الحلقة التاني و مشهد التجمع في المشرحة مفروض أني لو فاكر صح شربيني كان بيكتب اللي اتقال فكان الأفضل انه و هو بيعيد أسماء الأدوية يكون اسرع و من غير ما يبقي بيتهته و يقطع

[Sara]

القصة مسلية جدًا، وجود أكتر من جريمة أو اشتباه خلي الحلقة مسلية أكتر، التفاعل بين الشخصيات وعلاقاتهم وسيرها المنطقي الطبيعي بيضيف واقعية لطيفة على القصة.

الحقيقة الجودة بتتحسن مع كل حلقة في اختيار الجرائم والأسرار وطرق القتل، والتسلية في مستوى عالي وقدرت تحافظ عليه في أخر كام حلقة.

[Mennatullah Diab]

اتعلقت جدًا بفكرة انه تفاصيل يومي بسمع فيها اصواتهم وانا بعمل أي حاجة عمومًا، أول تجربة ليا مع المسرحيات الإذاعية الحقيقة ومش هتكون الأخيرة بإذن الله..

بحب عمومًا فكرة انه الشخصيات بتاعت الروايات تكون بتقدملي إحساس الونس..

فيه كده حاجة بتحصل اول ما بتيجي في ذهننا ذكرى معينة، الأول بنفتكر جملة او حاجة بسيطة بعدها الذكرى بتبدأ توضح جوه مخيلتنا كده، فالسلسلة دي قدمتلي إحساس غريب كده اني افتكر منها حاجة كإنه حدث معين كان جزء من حياتي وعشته واول ما تبدأ توضح كده في ذهني ودماغي يسألني فين وامته واروح افتكر انه لا ده مكنش حدث حصلي بشكل ملموس ده كان في وقت انغماسي في رواية او قصة ما، وقتها بعرف اني فعلًا إنغمست جدًا..

تعليقًا على أحداث الجزء ده، فعمومًا اللفة غير متوقعة الحقيقة، وهنا بفتكر شالوك هولمز في حاجة..
مبدأيًا انا مقرأتش شارلوك هولمز أنا شوفت واحدة من السلاسل اللي كانت عنه، كان دايمًا بيبهرني بإنه على مدار الحلقة كل الادلة بتكون امي بس انا بعجز عن الحل بتاع اللغز، بينما كونان مثلًا كان فيه لفات صعبة وأحيانًا بتعتمد على تخبئة جزء من اللغز - على الأقل في بداياته- ودي كانت حاجة بتضايقني اني بحس اللغز لو كان مفرود كله قدامي ممكن احاول احله معاهم بس لو كان فيه اجزاء فارقة مستخبية مش بعرف أحل وبتابع بس كفضول أو ما إلى ذلك..
وعمومًا في الحالتين بكمل بس احساسي في النهاية إما بيكون انبهار حقيقي واما متابعة لغرض التسلية، جنايات إلى الآن متابعة بغرض التسلية ودي حاجة مش مضايقاني ومش عيب في السلسلة عمومًا لإنه كده بنكون حرفيًا مكان الشرطة اللي من الأساس متخبي عنهم المعلومة دي فبنفكر بالمتاح كلنا..

تنوع لهجات الناس اللي بيتم استجوابهم كان عاجبني جدًا.. وعلق معايا كذا حاجة ضحكت عليهم وشخصياتي المفضلة من السلسلة عبد الرحمن وعمرو بلا منازع.

عيبها بالنسبالي كتر التعليق على فكرة انه عبد الرحمن بيجيب الموضوع من أوله - مش عشان من شخصياتي المفضلة لا ده حكم غير متحيز اطلاقًا- وكتر تعليق خالد على الأكل.

في انتظار الأجزاء القادمة اكيد 💪🏼