Ариан

by Бүжинлхам Э.

Paperback

Published January 1, 2015

About the author

Эрдэнэбаатарын Бүжинлхам нь 1992 онд Дундговь аймагт төрсөн. Тэрээр 2014 онд МУИС-д сэтгүүл зүйн бакалавр, 2023 онд АНУ-ын Вашингтоны Их Сургуульд яруу найраг судлал, туурвил зүйн мастерын зэрэг хамгаалжээ.

Өмнө нь “Намрыг мартагсад” (2012) “Сүнс урлал” (2020) яруу найргийн түүврүүд болон “Ариан” (2015) туужаа хэвлүүлж байв. Харин 2025 онд хэвлүүлсэн “Эрүгэ өртөө” хэмээх бүтээл нь зохиогчийн анхны роман бөгөөд хийсвэр орон зай хэмээх бэлгэдэлт ертөнцийг дүрсэлж, хүний сэтгэл ба гүний ухамсар, зөн совингийн талаар үлгэрчлэн хүүрнэхийг зорьсон байна.

Reviews

[Баяржавхлан Батбаатар · Rating 5 out of 5]

Зүгээр л уншаад үзээрэй. Танд таалагдаж болох л юм эсвэл шал утгагүй санагдах байх. Ямар ч байсан намайг амьдралаа эргэж харахад хүргэлээ. Хоёр л эмэгтэй хүн намайг уйлуулж байсны нэг нь Э.Бүжинлхам болж номны эхний цогцолбороороо уйлуулав, нөгөөх нь ээж минь :D. Миний л хувьд гайхалтай ном. Хүн сайн бичигдсэн ном уншаад нэг хоёр хоног толгойд нь эргэлдэж шартдаг бол, энэ ном хоёр сар өнгөрсөнч бодогдоод л байх юм. Өөртөө л үнэнч амьдрая гэдэг шийдвэрийг гаргахад хүргэлээдээ гэж.

[Bilegt]

Сарын өмнө "Ариан" гэх номны тухай найзынхаа бичсэн сэтгэгдлийг уншиж байгаад өөрийг нь уйлуулсан хоёрдох эмэгтэй хүн энэ номны зохиолч гэдгийг мэдсэн юм. Яг үнэндээ найзын минь уйлсан нь миний сонирхлыг тэгж их хүргэсэн бус( ер нь шүлэг уншаад уйлчихдаг хүүхэд байсан л даа хаха) түүний сэтгэгдэл дунд амьдралаа эргэж харгахад хүргэсэн гэх үгс тодоос тод надад уншигдсан учраас энэхүү номыг уншихгүй өнгөрөөж чадсангүй.
Дайн дажин, амьдралын хүнд хэцүү зүйлсийг нүдээр үзсэн зохиолчдын номтой харьцуулалгүй зүгээр л залуухан эмэгтэй зохиолч бичсэн гэхэд үнэхээр давгүй санагдав. Нимгэхэн ном байсан тул богинохон ч гэсэн хэсэг хугацаанд Ариантай танилцахад таатай байлаа. Хэзээ нэг өдөр номын дэлгүүрт Бүжинлхам.Э гэх зохиолчийн нэртэй тааралдвал тэрхүү номыг барьж аван сонирхох нь дамжиггүй биз ээ.

[Frank · Rating 5 out of 5]

Яг үнэндээ юу ч ойлгоогүй. Яагаад гэдгийг мэдэхгүй.

Эрхэс ер нь юу хийчихсэн юм. Ариан яагаад түүнийг буруутгасан юм. Агуулга нь өөрөө юу байсан юм бүү мэд..

Ахиад нэг уншина.


Магад ахиад зөндөө олон удаа уншина...

[Даваадорж Ишдорж · Rating 5 out of 5]

Эрхэс , өглөө харсан цас, мужааны үхэл, саяхан будсан толь, бүхээгт гудам , Инээмтгий хүн
эр аль эсвэл эм би өөрөө ч мэдэхгүй юм Эрхэс. Хамгийн сайхан зүүд урладаг эмээ, түүнийг хүргэдэг өвөө. Би нэг их ойлгосон эсвэл надад юу ч буугаагүй юм шиг
нэг их сайхан. . .

[Ag · Rating 5 out of 5]

Сонин ном бэ...

Эрхэсийг би эрэгтэй л гэж бодож байсан... за тэр ч яахав

Адилхан хоол захихад нь төсөөллийн хүн нь юм байна гэж бодсон, тэгээд замхарчиж...

Арианы өвөө толь арчигч хийдэг байсан нь энэ номын хамгийн сонирхолтой хэсэг...

Арианы эмээ зүүд урлагч гэдгийг уншаад хүүх гээл сонирхол татаад байсан, харин өөрөө зүүдийг зохицуулж чаддаггүй, ач охиндоо муухай зүүд зүүдлүүлээд шаналаад суудаг гэж бодоод сонирхол буурчихсан.

Гэхдээ нээрээ зүүд урлагч, түүнийг нь түгээгч гэж ажил мэргэжил байдаг бол яах бол гэж бас бодсоон.

Ариан насаа худалдаж зураг зурдаг... сүүлд хайр дурлалтай учраад насаа худалдахгүйгээр зурсан нь бүрр их сайхан зураг болдог нь...

Нэг л нэрд гарчихвал юу ч хийсэн бүгд шагшин магтдаг тухай...