كلب بلدي، قط شيرازي: عن الحيوانات الأليفة في مصر

by أحمد النبراوي

أنا: بفكر أدخل طب بيطري
شادي: طب بيطري إيه إنت مجنون؟! دي كلية أصلًا؟!! دول ناس ماشية وتلاقي في جيبهم فار ومفهاش حريم خالص، وكمان هو إنت عمك في جنوب أفريقيا؟

كثير بيشوفوا إن شغلنا قريب قوي من دكاترة الأطفال، عشان الحيوانات زيهم لا بيتكلموا ولا بيشتكوا، الكلام دا ممكن يكون صح مع بعض الفروق. عمرك شوفت واحد حابس ابنه وهو عنده شهرين في أوضة ضلمة عشان يشرّسه؟ّ! طب عمرك شوفت واحدة رابطة بنتها فوق السطح في عز الشمس عشان متوسخش البيت؟! طب تعرف حد قرر يقطع لابنه ودانه عشان شكله يبقى كيوت؟

واحد جالي العيادة قال لي إنه اكتشف إن كلبته مسلمة عشان بتقعد تعوى لما تسمع آذان الفجر!
من يومها وأنا بقالي تلات تيام مراقب قطتي، عشان أعرف دينها ومفيش أي استجابة. جربت معاها الآذان وجرس الكنيسة وبردو مفيش... أنا خايف تطلع في الآخر ملحدة!

116 pages, Paperback

First published May 1, 2015

About the author

يعد من أشهر البياطره في مصر رغم صغر سنه وبجانب ممارسته للطب البيطري فقد قام بإخراج فيلم قصير يحمل عنوان ” ديانة قطه” وشارك ايضا في فيلم "بعد الموقعة" مع باسم سمرة و منة شلبي حيث قام بدور طبيب بيطري في الفيلم.
وهو صاحب عيادات "vet for pet" والتي لها عدة فروع بالمهندسين، الشيخ زايد، المعادي، جاردن سيتي، الزمالك، الدقي و الهرم.
متزوج من الدكتورة لبنى عبد الوهاب "مدرس مساعد بكلية الصيدلة بجامعة MSA و لديهما طفلين "كرمة" و "ادم".

Reviews

[مَــروى · Rating 4 out of 5]

الكتاب دا لكل محبي أو مربي الحيوانات .
. أو دكاترة بيطريين زي حلاتي كدة :-D

نحب ننوّه بس أن د/ النبراوي كان متخرّج أصلا بتقدير مقبول.. و هو دلوقت من أشهر و أكبر الدكاترة بمصر.
=======================

هيبدأ بالحديث عن مأساة جميع طلبة بيطري ، عن التنسيق اللي جابهم الكلية و عن قسم الجراحة بالكلية
عن رجل الحمار و الفار و المشرحة.
عن كمية التريقة إللي أكلناها و لسه بناكلها

و بعدين هيتكلملك عن أشهر أنواع الكلاب و القطط ، و عن بعض المعتقدات الخاطئة عن الحيوانات و تربيتها ، عن جمعيات الرفق بالحيوان بمصر ، و نجاسة الكلب و عمليات التعقيم و أكل الحيوانات ، عن طرق تدريب الكلاب ، وعن العلاقة بين الحيوان و صاحبه و إزاي إن الكلب أوفى من الإنسان.

الكتاب يخلص ف قعدة و ممتع سواء لو كنت تملك حيوان ،،
أو برده دكتور بيطري زي حالاتي كدة :-D

===================
دي بعض المعلومات ع الماشي كدة ، من اللي وردت بالكتاب /
Great dane /
من أكبر سلالات الكلاب

Labrador, golden /
من الأنواع الأليفة ، الآمنة للأطفال

German Shepard /
من أشهر الكلاب المنتشرة بمصر

Griffon , yorkshire, piknezir,
من الكلاب الصغيرة

Bit pull , rottwieler :
من الكلاب الشرسة

السنة البشرية تساوي سبعة ف عُمر الكلاب ، يعني لو عمره 10 سنين ، كأنه واحد عجوز بعمر السبعين.

اللبن ممكن يسبب إسهالات بالقطط

السمك مش بيوقع الشعر ، هو ممكن يكون عنده حساسية منه.

==≠==============≠=====

الكتاب خفيف و حلو ، و كونك بتقرأ مذكرات طبيب بيطري مصري دا في حد ذاته شيء هيضحكك :-D

[Thanaa Eldeeb · Rating 5 out of 5]

#ريفيو
#كلب_بلدي_قط_شيرازي
#عن_الحيوانات_الأليفة_في_مصر
#د_أحمد_النبراوي
الكاتب طبيب بيطري زميل يعني 🤣🤣🤣
بس هو بقا دخل في المهنه انما انا نو 🤣🤣
كتاب جميل بيتكلم في اولي صفحاته عن كليه الطب البيطري وازاي كان فكر الناس عنها وعن الي بيتخرج منها
الكاتب كتب جمله جميله اوي
(اذا كان الطبيب البشري طبيب الانسان فالطبيب البيطري طبيب الانسانيه )
دا لان الي بيتعامل مع الحيوان الاعجم بيكون فيه جواه رحمه وقلب
اتكلم عن الاقوال الشائعه والاساطير في ترييه الحيوانات ان فيها خطأ كيير
اتكلم انك ازاي تريي كلب ولا قطه وازاي تعتني بيهم وانك لما تقرر تربي حيوان تكون قد المسؤوليه
اتكلم عن انواع الكلاب والقطط والامراض المشتركه والعلاقه بينهم وبين اصحابهم
كتاب جميل اوي الي حابب يربي كلب او قطه هيفيده اوي
التقييم ٥/٥

[أمنية عصام · Rating 5 out of 5]

هذا الكتاب أمتعني للغاية، عندما أذهب للمكتبة واسأل عن كتاب للحيوانات لا أجد كتاباً، ولعل هذا جيد ان أري نمط جديد اخيراً من الطبيب نفسه أن يلقي بعض من خبراته في كتاب قليل أن تجده في المكتبات.

كنت لأكون أسعد إذا تكلمت عن بقية الحيوانات الأليفة، يهوي المصريين تربية الطيور والأسماك أيضاً كالقطط والكلاب، وربما هذا ما أعيبه علي الكاتب لأنك تملك ما يكفي من المعلومات للكتابة.

هذا الكتاب مفيد، سريع وبسيط، سيسعد كل من يفكر في تربية كلب أو قطة، في أختيار النوع والحفاظ علي صحة الحيوان وإعطاه حقوقه وتوفير البيئة المناسبة له، وهذا شيء ضروري للحيوانات بالفعل.

كما أن الكاتب يدخل من ناحية دينية في آخر الكتاب، رأيتها نوعا من أنواع الدفاع، لكن تذكرت قوله في البداية عندما قال أنه لا يوجد طبيب بيطري يربي حيواناً في دفعته، وهذا أمر غريب يعكس ما نراه في الأفلام كفيلم "طير أنت".
سعدت بالقراءة، بالتوفيق في كتابات آخري إذا أتيح لك الوقت والأفكار المناسبة.

[Marwa · Rating 4 out of 5]

بلهجه كوميدية لطيفة يضع الطبيب البيطري أحمد النبراوي مجموعة من المعلومات العلمية المهمة جدا عن الحيوانات الأليفة بين يديك، معلومات لا غنى لك عنها إن كنت مربياً لحيوان أو تفكر أن تتبنى واحداً. إلا أن تلك اللهجة الكوميدية لم تستطع أن تخفف على نفسي وقع ما رواه عن الجانب المظلم من حياة الحيوانات والبشر على حد سواء .. وحشية الانسان .. الجهل .. القسوة .. قلة الإمكانات .. المتاجرة باسم الحيوانات تحت شعارات الرفق به .. ومجتمع يتعامل مع الطبيب البيطري على أنه فاشل لم يحقق مجموع الثانوية العامة الذي كان ليؤهله أن يكون طبيبا بشريا، ومع مربي الحيوانات على أنه مترف تافه ، ومع الحيوان على أنه شئ ما !!!
كتاب جميل .. ومفيد .. أنصح الجميع باقتناءه

[Ahmed Safian · Rating 4 out of 5]

إستطاع دكتور أحمد في عدد قليل من الوريقات أن يوصف حالة الحيوان الأليف في مصر والعالم العربي ومعاناة الطبيب المصري مع المربي ، أستمتعت كثيرا بفصل العلاقة بين الحيوانات وأصحابهم وبفصل أساطير وبفصل التطعيمات ، وأظن أني سأعاود قراءة الكتاب من جديد لما أدخله في نفسي من سعادة ... شكرا دكتور أحمد ...

[محمود راضي · Rating 3 out of 5]

باﻹضافة إلى كونه كتاب يمكن الانتهاء من قراءته بسرعة، فهو كتاب يختار لنفسه موضوعًا فريدًا من نوعه ومن النادر للغاية أن تجد من يناقشه في مصر، جامعًا داخله بين الحس الساخر والمعلومة الممتعة.

[Sandra · Rating 5 out of 5]

The Fastest Book I have ever read
I have really enjoyed it
It contains lots of useful information with a sarcastic way that made me laugh a lot

[Noha Shams Eldin · Rating 4 out of 5]

معلومات رائع عن الحيوانات الاليفة بجد تنفع مرجعلاي حد ناوي يربي حيوان في البيت :)