የብርሃን ፈለጎች

by ዓለማየሁ ገላጋይ

ማጀቱን ቸል ብሎ የሰፈሩን መንገዶች ለማሰስ የደፈረ ሕጻን፣ ጎርምስና ሲያጣድፈው ጣፋጭና ጎምዛዛ ሕይወት እየዛቀ ሲበትን፣ ሳያውቀው የብይትውርናን በር ያንኳኳል፡፡ በብርሃን ፈለጎች ብርሃን የተነፈጉና ጭላንጭሉ ያጓጓቸው ገጸ ባህሪያት ተመልምለዋል፡፡ ጥቂት ናቸው፤ በለጋ እድሜያቸው የኑዛዜ ዕቃ ተረካቢ ይመስል የሕይወትን ጓዳ የሚበረብሩ፣ ዓለማየሁ ገላጋይ በግንብ ተከልለው ለሚነቅዙት ሳይሆን በየሜዳው ኳስና ኑሮን ለሚጠልዙት ነው ያደላው፡፡ በ አጥቢያ ፣ ቅበላ ና፣ ኩርቢት ኮስታራ ጭብጦችን የፈለቀቀው ደራሲ በየ ብርሃን ፈለጎች ለትልቅ ጉዳይ ሳይሆን ከውስጣዊ ጉዞ በመዝመት ልቦናን፣ ዕምነትን በቅኔያዊ ቋንቋ አወርዝቶ፣ ለፍቅር፣ ለድልና ሽንፈት ያቃስታል፡፡

ለፍቅር ሙዚቃን መቅሰም፣ ለወደዱት መብሰክሰክ፣ የመጀመሪያውን የወሲብ ሩካቤ አጣጥሞ ለሕይወት መበርገግ፣ የሙህር አዕምሮን ዘልቆ በማጤን እምነትን ለማርገብና ለማጥበቅ መታከት ግለሰብን ሲያደነድን የሚጤንበት ልቦለድ ነው፡፡ በአንድ ሁለት ምዕራፍ ከተረቅ ይልቅ ወደ ዘገባዊ ማውጠንጠን ልቦለዱ ሲዳዳው ቀርፈፍ ያለ ይምሰል እንጂ የሕይወት ምት ጥድፊያ ላይ ነው፡፡ በተለይ ሁለት የሚጋፉ ማንነቶች ነጠላ ግለሰብን ሲያዋክቡት፣ አንድ ራስን ማስገር ፈተና የሆነበት ልብወለድ ነው፡፡

የማኅበረሰብ፣ የቤተሰብ፣ የዘመድና ጎረቤት... በየጀምበሩ መፈነካከት፣ በየጓዳው ገመናን የመጋረድ ልክፍት ያስደምማል፡፡ የፍቅር ጥልቀት ሲሰውረን፣ ገና ለገና ከሌላዋ ተዳርቶ ይሆን የሚል ጭንቀት የሕላዌን ደስታ ለምን ያኮማሽሸዋል? ከቤትም ከጎዳናም ለኑሮ ጥሪና መዘዝ ልጅነትና ጉርምስናን አለዕድሜ መማገድ ለትውልድ እርግማን ነው በረከት?... ከአዕምሮአችን የሚንገዋለሉ ጥያቄዎች ናቸው፡፡ ልቦለዱን አንብበን ስናበቃ እናውቀው የነበረ ሕይወት ጎምርቶ ጣዕሙን መለየት እስኪያቅተን የሆነ ሥጋት ይገጣጠባል፡፡ ዓለማየሁ ገላጋይን በቅርበት የሚያውቁት እስከ ዛሬ የደረሰው መለማመጃ እንጂ ገና ዋናውን ልሂቁን መች አስነበበን ይላሉ፡፡ ዶሮ ሳይሰፍር ወደ ምናብ መመለሱን ትቶ እስኪነጋ ይጓዝ ይሆን?

248 pages, Paperback

First published January 1, 2011

About the author

ፀሐፊ እና ሐያሲ ዓለማየሁ ገላጋይ በ1960 ዓ.ም አራት ኪሎ አካባቢ ተወለደ፡፡ በዳግማዊ ምኒልክ 1ኛ ና 2ኛ ደረጃ ት/ቤት ተምሯል፡፡ በአዲስ አበባ ስኩል ኦፍ ጆርናሊዝም ተምሮ ተመርቋል፡፡

ዓለማየሁ ገላጋይ በተለያዩ ጋዜጦች ላይ በሚያቀርባቸው መጣጥፎች እና ሂሶች ይታወቃል፡፡ ከዚህም በተጨማሪ፤ “አጥቢያ” ፣ “ቅበላ” ፣ “የስብኃት ገ/እግዚአብሔር ሕይወትና ክህሎት” ፣ “ኢህአዴግን እከሳለሁ”፣ “የፍልስፍና አፅናፎት”፣ “መልክአ ስብሐት” ፣ “ኩርቢት” ፣ “የብርሃን ፈለጎች” እና "ወሪሳ" የተሰኙ መፅሃፎችን ለህትመት አብቅቷል::

Reviews

[Jared Donis · Rating 4 out of 5]

‘የብርሃን ፈለጎች’ ከዓለማየሁ ገላጋይ ስራዎች ውስጥ የመጀመሪያው ንባቤ ነው። ግሩም ታሪክ ነው የነገረን። ልጅነት፣ አፍላነት፣ እና ጎርምስና በሁለት አውዶች ውስጥ እንዴት እንደተሰባጠሩ እናስተውላለን። እጦትን (loss) መላመድን (adapting)፣ ፍለጋን፣ ፍቅርን እና ስህተትን ከእነ ውጥንቅጡ ያሳየናል።

የመጽሐፉ ኋለኛ ምዕራፎች ስለ ፍልስፍና በጥቂቱ አስተዋወቀው ባለታሪኩ ያለፈበትን የማንነትን ፍለጋ ውጣ-ውረድ ያስቃኛሉ። ይህ ዓይነት አቀራረብ ብዙም ባይስበኝም (ልብ-ወለድ የግድ አስተማሪና ሰባኪ መሆን አለበት ብዬ አላምንም) እንደምንም ተወጥቼዋለሁ። የእነዚህ ምዕራፎች አተራረክ በእርግጥ ግራ አጋቢም ነበር። ተራኪው የቱጋ በዕውኑ፣ የቱጋ ደግሞ በሰመመን እና በቅዠት ዓለም እንደሚያወራና እንደሚከውን ግር ይላል። ይህ ንባቤን አደነቃቅፎብኛል። ደራሲው እንደዚህ ያለውን የተራኪውን ውጥረት ቶሎ ጨርሶ ታሪኩን በደንብ ማሰር ይችል ነበር። ስለሆነም በድህረ-ታሪክ ለመጨረስ ተገዶአል።

ተራኪው ከወላጆቹ ጋር ያለው ግንኙት ብዙ ሊጻፍበት የሚቻል ጉዳይ ነው። ግዜ ካለኝ በሰፊው እጽፍበት ይሆናል። ለአሁኑ ግን ከሞላ ጎደል ጥሩ ንባብ ነበር ብዬ ላብቃ።

[Tihut G. · Rating 5 out of 5]

This is my second time reading this book, and the magic that keeps you spell bounded is still there. I loved it. Thumbs up for ዓለማየሁ ገላጋይ

[Ibrahim Arega · Rating 5 out of 5]

I want this book

[Mustafa Abdalla · Rating 5 out of 5]

Gdhdjdjjjj