ვცადე

by Iva Fezuashvili

პირველი წიგნი, კაცმა რომ თქვას, დებიუტანტი ავტორის გაცნობისაა, სახელი და გვარი თუ დაგვამახსოვრა, უკვე დიდი საქმეა. ისეთი სადებიუტო კრებულებიც ვიცით, მართლა იშვიათი და საკვირველი ამბავი რომ უხარებიათ – ნამდვილი მწერლის დაბადების ამბავი. მე მგონი, არ უნდა მეშლებოდეს – ეს წიგნი ამგვარი შემთხვევაა. ამ ხუთი მოთხრობიდან ერთ-ერთი – ცა, ჩვენს ჟურნალში რომ დაიბეჭდა, მაშინ დავწერე: არილს ბევრი ახალგაზრდა გამოუყვანია ლიტერატურულ ასპარეზზე, მათგან საამაყოდ და თავის მოსაწონებლად რამდენიმე შემოგვრჩა და ისეთი ეჭვი მაქვს, ხვალ ივა ფეზუაშვილიც იმათ რიგში ჩადგება-მეთქი. ჩემდა სასიხარულოდ, რაც დრო გადის, უფრო და უფრო მიმტკიცდება ეს ეჭვი. (შადიმან შამანაძე) „გამორჩეულია“, „ორიგინალურია“, „კარგი იუმორი აქვს“, – ასე შევაფასეთ ჟიურის წევრებმა სტუდენტურ კონკურსზე პირველ საპრიზო ადგილზე გასული ივა ფეზუაშვილის მოთხრობა. მას შემდეგ რამდენიმე წელი გავიდა და ივას ყოველი ახალი ტექსტის წაკითხვისას ვფიქრობდი, რომ ისინი წააგავდა კიბის საფეხურებს, კიბეს, რომელიც ცას უნდა მიადგა... და ცოტა ხანში ცაც გამოჩნდა, მოთხრობა, რომელმაც ტრადიციულად ჩამითრია, ჯერ ამბავს მომიყვა, დამაჯერა, მაცინა, გამაოცა და ბოლოს ისე მომიჭირა კისერში, მერე სადღაც გულთან, რომ მიწას დავხედე, ცას ავხედე და გავიფიქრე: „რა მაგარია, რომ ასე წერს!.." (თეონა დოლენჯაშვილი)

174 pages, Paperback

First published January 1, 2014

Reviews

[Dato Kvaratskhelia · Rating 5 out of 5]

მარტივად იკითხება, ძალიან საინტერესოა და ძალიან გულწრფელიც.

[Tath · Rating 4 out of 5]

ივას ნაწარმოებების კითხვა "უკუღმა" დავიწყე, ჯერ ბუნკერი, შემდეგ ფსკერის სახარება და ბოლოს ეს . ძალიან ცოტა მეგულება ქართველი თანამედროვე მწერალი რომელიც ასე ზუსტად და ასე შემზარავად გადმოსცემს ქართულ გულისამრევ რეალობას, წერის სტილი ცალკე აღნიშვნას იმსახურებს ♥️
მოკლედ, ველოდები მასკარაფონეს ♥️

[Natia Morbedadze · Rating 4 out of 5]

ამ კრებულით ივამ ცასავით დაზღვევის გარეშე გაიარა უწვრილეს თოკზე... ცადა და გამოუვიდა - ტრილოგიამდე ძალიან კარგი პატარა მოთხრობებით დაიწყო იმ რეალობის, ბინძური წარსულისა და აწმყოს ჩვენება, რომლის დავიწყება მომავალშიც იგივეს განმეორებას ნიშნავს...

[Luka Khatiashvili]

1. “ცა” , “კაია”
2. “მამაჩემი”
3.”ალჩუ”
4. “მარტივი მათემატიკა”

[Sandro Mikeladze · Rating 4 out of 5]

მოკლედ ეს კრებული ჩემთვის 3.5/5
მოვუყარე თავი ივას ყველა სერიოზულ დაფაბლიშებულ ტექსტს და ვგრძნობ, როგორ ვითარდება ეს ადამიანი ტექსტიდან ტექსტამდე. როგორ იხვეწება და როგორ ეძებს სწორ გზას სათქმელის ჩვენამდე მოსატანად.
ცა 5/5
მამაჩემი 2/5
ალჩუ 3/5
მარტივი მათემატიკა 5/5
კაია 3/5

[Irma Mesablishvili · Rating 5 out of 5]

ძალიან ვისიამოვნე 🥰🥰🥰
ისეთი შეგრძნება დამრჩა, თითქოს გავიცანი ავტორი პირადად და ბედნიერი და კმაყოფილი ვარ, რომ ასეთი საინტერესო ახალი მეგობარი შევიძინე.