Name: ዙቤይዳ
Rating: 4.21 (13 reviews)

331 reviews58 followers

August 2, 2019

አሌክስ በጣም ጎበዝ ደራሲ ይወጣዋል፡፡ በዚህ ስብስብ ውስጥ ያሉት አብዛኞቹ ታሪኮች ግሩም ናቸው፡፡ በዚሁ ከቀጠለ ወደፊት ከአንጋፋዎቹ ደራሲዎች ተርታ መሰለፉ አይቀሬ ነው፡፡

ከዚያ ባሻገር ግን ሁሉም ታሪኮች ውስጥ በሚባል መልኩ የፖለቲካ ዲስኩር፣ ትችት እና ስብከት ይቀላቅላል፡፡ አንዳንዶቹ ምልከታዎቹና ሽንቆጣዎቹ ከንዴት፣ ከብሶት ወይም ከቁጭት የፈለቁ ስለሆነ ነው መሰል ያለቦታቸው ይገቡና ከታሪኩ ፍሰት አፈንግጠው ይወጡበታል፡፡ ገጸ ባሕርያቱ ሳይሆኑ እርሱ ራሱ እንደሚያወራ ያስታውቅበትና ታሪኩ ይደበዝዛል፡፡ ይህን አይነት ልማድ መቀነስ አለበት፡፡

በተጨማሪም አሌክስ ሲጽፍ ስለ አማርኛ ፊደላት አጠቃቀም ብዙም የተጨነቀ አይመስልም፡፡ ይህ የእርሱ ብቻ ሳይሆን የብዙ አዳዲስ ደራሲዎች ድክመት ነው፡፡ ነገር ግን እንደ አንድ ደራሲ ስለሞክሼና ዲቃላ ፊደላት አጠቃቀም እየተጠነቀቀ ቢጽፍ እኛንም ቢያስተምረን ጥሩ ነበር፡፡

በመጨረሻም በዚህ ድርሳን ሊካተቱ የማይገቡ፣ ለመጽሐፍ የማይመጥኑ አንዳንድ ተራ ታሪኮችን አንብቤ ከፍቶኛል፡፡ እዚያው ፌስቡክ ላይ እንደለጠፈ ቢተዋቸው ጥሩ ነበር፡፡

እነዚህን ነገሮች ቢያርም የበለጠ የተዋጣለት ደራሲ ይሆናል፡፡ ጅማሬው ግን አስደናቂ ነው፡፡ ግን አሁን የት ጠፋ?