شت لاند

by محمد راضي

هاشرح معنى الاسم عشان محدش يفهمنى غلط، او بمعنى ادقّ عشان محدش يفهمنى صح واتحبس :
كلمة " شِتّ " هى لفظة انجليزية وترجمتها كالاتى :
اذا كنت من هواة مشاهدة الافلام الاجنبية المترجمة ستجد شِتّ فى ترجمة ال إم بي سي تعنى "اللعنة" وكلنا عارفين ان كلمة لاند تعنى " الارض " بناء عليه تقدر تقول ان معنى اسم الكتاب هو ارض اللعنة

يبقى A7A لكن فى ترجمة فوكس موفيز كلمة شِتّ تعنى " تبا "، وبما ان تبا يعنى ممكن A7Aحضرتك تعتبر الكتاب اسمه " ارض ال

- ولو دورت على النت عن معنى الـ شت هتلاقي معناها "البراز" يعنى ممكن تتعبر الكتاب اسمه "ارض الخرا"

الحقيقة انا هسمحلك تعتبر اسم الكتاب اى حاجة تحبها، ان شالله حتى تسميه " مسعد " على اسم جده الله يرحمه .. هسمحلك تسميه اى حاجة، الا انك تفتكر ان قصدنا " شتلاند " الاسم الحالى لصغير الحصان، اللى كان اسمه ايام زمان " سيسى " بس الحكومة قررت تغيره .. بالمناسبة انا مش عارف الحكومة غيرته ليه

119 pages, Paperback

First published August 30, 2015

Reviews

[Shaimaa Ashour · Rating 2 out of 5]

مجموعه قصصيه سياسيه ساخره... بسيط و مضحك... أحب اقول للكاتب "هتوحشنا والله" :-D .....

[Ramy · Rating 4 out of 5]

الكتاب ممتاز ...حقيقى ممتاز مقدرتش مضحكش و احيانا بصوت عالى
و بعد كل نوبة ضحك ...ياتى دور مقطع الشعر السياسى الحزين فيجعلنى اخرس و احترم نفسى ووطنيتى
ليبدأ الفصل التالى ... فأبدأ الابتسام على استحياء ثم الضحك ثم الضحك بصوت عالى و هكذا
الكاتب كوميدى و ساخر فعلا
يعيب الكتاب نغمة انه بعد كل هجوم على مفتاح البيسى واخدين بالكم طبعا
او حتى قبلها
يقرر الهجوم على مرسى ... على الرغم من اعرتافه هو نفسه ان مرسى كان اضعف من فراشة
فلما الهجوم و لاا هى الحيادية معناها انك زى ما بتنتقد و تسخر و توبخ المسئول الظالم
تهاجم و توبخ اللى ملحقش ياخد فرصته كاملة اللى كان بيعافر ضد التيار اللى الكل عارف انه لا جاسوس و لاا خاين و لاا مجرم و لاا هربان من سجن ولاا ولاا ولاا
الوحيد اللى ف سنة حكمه مصر زرعت قمح و حققت فائض ميزانية
اللى وزرائه و محافظيه كانوا بيسكنوا فى شقق ايجار
و هو نفسه
ما علينا

قريتها حكمة ان مفيش حاكم سىء او جيد و انما فى ناس سيئة فبيتصدرهم اسوأهم
او ناس كويسة بيتصدرهم احسنهم
و للاسف احنا وحشين ف طبيعى يتصدرنا الاسوء ..و ليس الاحسن

الكتاب مضحك
يستحق القراءة
حالنا اصبح لا يستحق عناء التفكير و محاولة الاصلاح
و انما كفاية نستمتع بالضحك خلاص
مهى خربانة خربانة

الكتاب التالى : أية الكرسي

[Wafaa Zaghloul · Rating 5 out of 5]

الكتاب الساخر "شِتْ لاند"
للكاتب محمد راضي
احم .. احم ..
مش عارفة أكتب الريڤيو فصحي الصراحة .. مضطرة أكتب عامي ^_^

كتاب من نوعية الكوميديا اللي تودي ورا الشمس ... يوووه مش قصدي،،
الكوميديا السوداء ... لا لا لا مش دي،،،
الكوميديا الشيقة الحديثة معجونة سياسة ..
محمد طلب مني أخف شوية في الريڤيو علشان ده أول كتاب منشور له ..
و أنا بقولك مش محتاج لكده .. أنا مش قادرة أمسح البسمة من وشي ..
منتظرة منك الكتيييييييير الفترة الجاية
افتكروا الاسم ده يا جماعة "محمد راااااضي"
بالتوفيق يا صديقي كتابك ممتع جداً جداااااا

[Sahar · Rating 4 out of 5]

خلصت شت لاند دلوقتى من ناحية انه كتاب ساخر فهو فعلا كتاب ساخر ومن ناحية انك هتضحك فأنت فعلا هتضحك بس هتحزن برضو يمكن تحزن على حالنا واللى وصلنا ليه دلوقتى ويمكن تزعل على اللى شوفناه وبنشوفه وعايشين فيه لحد النهاردة فى جمهورية البط وكوكب القرود دة بس مش هتقدر تنكر ان فى وسط الكوميديا السوداء دى اللى احنا فيها راضى موهوب وبيكتب حلو فعلآ ويقدر وسط همك يضحكك حتى لو على نفسك (برافو) يا راضى وهستنى الرواية بقى كمان :) :)

[Sally Hany · Rating 5 out of 5]

كتاب رااائع بسيط فكرته بتوصل بضحكه...من الاخر بتضحك من الهم

[Sermeen Abdallah · Rating 1 out of 5]

أنا كنت بقرأ في كتاب ثاني خالص اسمه "الطفل الذكي" معرفش ايه جابني هنا 🤷‍♀️🤦‍♀️
I don't like it at all
هو بيقول إنه كتاب ساخر مُضحك وأنا بصراحة مشفتش أي ضحك خالص في الكلام المكتوب بالعكس كنت ملانة جدًا وأنا بقرأ وأكثر من مرة كنت بفكر إني أفكني منه بس كملت عشان إحنا في كورونا والفراغ وحش 🤷‍♀️🤦‍♀️🤦‍♀️

[Ahmed Charisma · Rating 3 out of 5]

بعد ما قريت الولى وعجبتنى جدااا كان لازم أقرا كتب تانية لمحمد راضى ودى كانت البداية .. الكتاب كبداية للكاتب مش وحش .. لكن للاسف عجبتنى قصتين تقريبا بس منه .. إن شاء الله أرض البامبرز هقراه برضه ويكون أحسن

[Fayrooz · Rating 3 out of 5]

ظريف

[حسني الجهيني · Rating 4 out of 5]

كتاب دمه خفيف جدًا, له طابع سياسي نوعًا ما, كتب باللغة العامية في شكل اسكتشات, باسلوب مميز جدًا وحرفنه مدهشة, تجعلك تنسى الوقت وأنت تقرأه.
بالتوفيق محمد راضي

[Walid S. el-feky · Rating 5 out of 5]

ده كتاب ساخر ... يعنى ايه كتاب ساخر ... يعنى مش رواية هننتقد فيها سرد ولغة وحبكة والكلام ده .. لا الكتاب ده بيقول فكرة بطريقة ساخرة ... يعنى بتضحك ... الكتاب لو بيضحك ومفيهوش فكرة يبقى فاشل ولو فيه فكرة بس دمه تقيل يبقى فاشل برضو ...
راضي بقى عمل كتاب ناجح جدا جدا جدا ... فكرته وصلت بسهولة وكانت واضحة جدا ... وطريقته فى عرض الفكرة من خلال السكريبتات اللى كتبها تموت من الضحك ...
نصيحة .. اوعى تقرأ الكتاب ده قصاد حد ... عارف المانجة ؟! انت لما بتاكل مانجة بتستخبى عن عيون الناس عشان تعرف تستمتع بالمانجا وانت بتغتصبها ...
اهو الكتاب ده زى المانجة .. اقفل على نفسك واقرأ الكتاب ده .. عشان هتقعد تضحك بطريقة هيستيرية وممكن فى وسط الضحك تعيط من الكوميديا السوداء اللى فى الكتاب
من الاخر لو قريته فى اى مكان عام ممكن تشرف فى مستشفى الامراض العقلية قسم الخطرين ... انا حذرت اهو

[Ehab Esmat · Rating 4 out of 5]

فى البدايه تعاملت مع كتاب شيت لان على انه من نوعية الكتب الخفيفه ، إلا أننى وبعد فتره ، إكتشفت أننى أمام سهل ممتنع ، الكتاب يبدو خفيفا" ساخرا" لكنه يتعامل مع أوجاعنا بمشرط جراح ماهر ، فالتهمت الكتاب وضحكت كثيرا" ، واعترف أيضا" أ ن هذا اللون من الكتابه بعد رحيل ، محمود السعدنى ، وجلال عامر
وانحسار جيل الوسط ، لكن اكتشفت ان ذلك لن يحدث مع وجود كاتب شاب كارثه اسمه محمد راضى شكرا" محمد راضى على هذه المتعه المسماه شيت لاند ،

[Yuna · Rating 5 out of 5]

مضحك جدا ومسلي بجد ، اتمنى ميكونش اتقبض عليه 😂😂

[أحمد الكيلانى · Rating 3 out of 5]

حسنا ، قرأت من قبل لمحمد راضى كتاب هكذا تكلم حموءة ، وكان الكتاب جيد جدا ، ربما لانه كان الاحدث ، وقع فى يدى هذا الكتاب ، والذى لا أنكر وجد بعض الأفكار الجيدة به وخفة دم حقيقية ، ولكن يوجد به عيبين أنقصته النجمتين ، الاول هو كمية الشتمية والتى أحيانا غير المبررة ، خصوصا بعض الألفاظ السيئة والتى يوجد بها بعض المبالغة ، ثانيا أن هناك بعض الأفكار التى تم مطها وذلك يرجع فى اعتقادى لأنه لم يعمل فترة كافية على أفكاره ، بالطبع استطاع محمد راضى تفادى تلك المشاكل فى هكذا تكلم حموءة ، اعتقد ان محمد راضى سيكون أفضل فى كتب قادمة ، لانه يملك بذرة حقيقة للكاتب الساخر

[Ola · Rating 5 out of 5]

كتاب ساخر من الأخر ،، صعب تقراه وتبطل ضحك .. يعني تقدر تسميه فصل عن الواقع المر اللي احنا فيه

[Mohammed Elsafty · Rating 1 out of 5]

ما يستحقش يتكتب له مراجعة حتى
كتاب بلح على الآخر

[ولاء 'ۦ · Rating 1 out of 5]

لم تعجبني نهائي

[Malika · Rating 5 out of 5]

عمل ساخر قادر يموتك من الضحك وفي نفس الوقت حاسس بوطنية وشعور الأنتماء لوطنك اوي
شابوه للكاتب 🥰

[Ibrahim Abdo · Rating 4 out of 5]

--طيب يا حاج ممكن تكلمنا عن تجربه التبضع من العربيه

-تبعبض! لااااا انت شوفت الزحمه افتكرتني جاي هنا عشان البعبضه!

[Shimaa (Hamssa) · Rating 3 out of 5]

الكتاب مسخرة م الجلدة للجلدة .. ضحك وبس وربنا
شوية تحسه مواقف كوميدى وشويه كوميديا سياسية وهنتحبس ومتعرفش تمسك نفسك ف اى حاله
صغير بس يحير 😂😂😂

[إيمان · Rating 4 out of 5]

الكتابة الساخرة من اصعب الكتابات اللى ممكن تقابلها و ده اعتقادى الشخصى ، فكرة ان الكاتب يكون لديه القدرة على تحويل واقعنا الاسود الى الكوميديا تضحك الناس على نفسها ده شيئ صعب ...
شت لاند مجموعه ساخرة مميزة هتحبسنا ان شاء الله ، انتقد فيها الكاتب محمد راضى واقعنا المؤسف الى جانب شخصيات سياسية و شخصيات عامة لا يجرؤ الكثيرون على التحدث بأسمهم و هذا ما جعل المجموعة مميزة و جريئة ...
الاهداء الخاص كان اروع اهداء قريته من فترة على الرغم من انه يبكى لكن واقعيته تضحك ..
كان فى بعض القصص المميزة بالنسبة لى و اللى قدرت تضحكنى فعلا فى وقت انا كان من المستحيل انى اضحك فيه زى :-
عشان لو جه ميتفاجأش
اظرفه فى الخباثة
مصرى و اسبانى
الصراحة راحة
النبى قبل الهدية و بالاخص الموقف التالت
مصرى و رومانى
و المصحف انا مسيحى
قصف كذا جبهة
اعلامين مع الرصين
مصرى و امريكى
مصر بخير
اله الساسبنس v . s اله الجنس
كل قصيدة شعر اتكتب ورا قصه كانت رائعه فشكرا لكل كلمه كانت رائعه
مجموعة ساخرة تستحق اربعه نجوم يسقط لها نجمة واحدة لانها لم تصل بى الى مرحلة النشوة الكوميديه فشعرت بواقعيتها اكثر من كوميديتها و لكن فى الاجمال تستحق القراءة ..

[روين وليد · Rating 4 out of 5]

شتلاند
من المعروف عننا كمصريين اننا بنضحك علي همنا , شعب ابن نكتة بيضحك علي همه قبل ما حد يضحك عليه او يشمت فيه المعروف برضو ان المواطن المصري هو خليفة مصطفي كامل في النكد لما يبقي عايز ينكد شتلاند بقي ميكس من كل حاجة في لحظات فالكتاب دا انت هتتنح لما تشوف الفساد اللي فالبلد علي ابوه بس بطريقة ساخرة جداً او علي طريقة راضي الكاتب الساخر الي طبق مقولة " هم يضحك" الكلام الي فالكتاب دا هو حالنا حالياً المفروض ميضحكش علي قد ما هو بيحزن بس لأ الكاتب يا اعزائي متناولها فطريقة هزلية بحتة يعني انت لو مبتضحكش وكشري زي حالاتي هتضحك وجداً في لحظات فالكتاب ممكن تدمع علي حالنا الي وصلناله متقلقش انت كمصري متصابتش بداء الأحساس ولا حاجة بس الكلام فعلاً ممكن يبكي الحجر , انا خلصته في 3 ساعات الـ 3 ساعات لغايت نص الكتاب بالظبط كنت بضحك , بضحك بس ملقتش حاجة تخليني ازعل عشان انا بطبعي المصري اصبت بتبلد , بس لأ في فقرات انا وقفت تنحت عندها وتقريباً شبه دمعت
الخلاصة الكتاب دا مثالي ومشفتش ادب ساخر بالشكل دا والكاتب ليه مستقبل كبير وانا متوقعاه ومن النهاردة انا من قراء راضي.

[Khaled Omara]

بالعامية بقى عشان الواحد يطلع كل اللي جواه (على الكاتب) ودار النشر
لأول مرة هخلي الريفيو على شكل أسئلة و أجوبة يعني لتوضيح المعنى
س-هل المسئول عن دار النشر قرأ الكتاب دة ؟؟
ج-الإجابة بالطبع لأ .. مستحيل يكون حد قرأ الكلام دة وإقتنع إنه ممكن يتنشر على سور حضانة حتى
س- هل الكتاب في أي حاجة ممكن تشدك .. دمه خفيف مثلاً أو بيقدم أي حاجة ؟؟
ج- خااالص .أفضل حاجة في الكتاب كله هو الغلاف واللي بيعشمك إنك ممكن تضحك على المحتوى زي ما إبتسمت لما شفت الغلاف
س-طيب إنت بتهاجم الكتاب ليه ؟ أكيد إنت دمك تقيل .. هو إنت مشفتش الناس اللي كاتبه رأيها على ضهر الكتاب ؟؟ دي ناس مشهورة و ليها تقلها ؟؟
ج- أعتقد إنهم كتبوا رأيهم تحت تهديد السلاح أو دة رأيهم في كتاب تاني أو الكاتب قريب مرتضى منصور
س- هتدي للكتاب كام نجمة ؟؟
ج-ولا نجمة الحقيقة لأني صعبان عليا فكرة إن في شجرة إتقطعت عشان يتعمل منها ورق يطبع عليه الشت دة

#دمتم_بلا_موهبة

[Moustafa Eskander · Rating 4 out of 5]

أولا كدا تستحق أربع نجوم ونص عن جدارة .. بس طالما مفيش انصص يبقي نخليها اربعه لحد ما يخترعوها .. :D
أنا ماسك الكتاب ف ايدي ومتأكد ان الكتاب فيه شئ بيميزه عن اي كتاب تاني .. ممكن يكون م الغلاف م الكلام اللي قريته ع الغلاف من ورا .. بس مش عسان انت صاحبي وكدا اقولك كلام حلو .. :D
بجد الكتاب خفيف وسهل جدا ف الاسلوب انا بدات فيه ف اول الليل يا دوب مكملش معايا ساعتين زمن ولقيته خلص .. وفضلت طول السهرة قاعد لوحدي

[Abdel Aziz Amer · Rating 3 out of 5]

مش عارف الكتاب ده عدى من الرقابة إزاي .. ده كاتب الرئيس مفتاح البيسي !

كتاب من الأدب الساخر المضحك جداً .. ضحكت من قلبي عدة مرات .. لكنه ضحك منه فيه .. يعني بتضحك على نفسك .. بيناقش حالنا وحال البلد .. إعلامها وثوراتها وحكومتها وشرطتها ومستشفيتها وتعليمها.

أحياناً كانت الموضوعات بتكون ساخرة زيادة عن اللازم لدرجة إنها بتتحول لألش رخيص .. خصوصاً الموضوعات الزوجية .. أقل موضوعات أعجبتني.

بلاش التصنيفات الرمزية العنصرية ، زي منوفي وصعيدي وخلافه لأنها بتزعل.

[إسلام عماد · Rating 4 out of 5]

هههههههههههه كتاب ساخر رائع جداً :D
محمد راضى موهبة متفجرة فى الكتابة الساخرة, اتمنى له مزيد من الكتابات فى المستقبل..
برافو عليك يا راضى :D ربنا يوفقك

[DiNa SaYeĐ · Rating 5 out of 5]

شت لاند
بصراحه الكتاب كان ولا اروع وزي ما بيقولوا بالفصحى كدا ضحكت كما لم اضحك من قبل

[MeRaZ · Rating 3 out of 5]

برغم اختﻻفى مع منطقك ف كام حاجة بس انا ضحكت اكتر من مرة :D

[عبيرجمال الدين · Rating 4 out of 5]

كتاب رائع ،محمد راضي كاتب ينتزع منك الضحك والقهقة
استمتعت بالكتاب