اشتغل على نفسك متشتغلش نفسك

by احمد الشبكى, احمد الشبكى

شويه أسئلة بتدور جوانا ، ساعات بنعرف نرد عليهاوساعات بنهرب من السؤال.
فكرت قبل كده تتكلم مع نفسك ؟ و كانت ايه النتيجه ؟
طيب لو شفت صورتك فى المرايه هتعرفها ؟ ولا هتشبه عليها ؟
تفتكر أنت بتشتغل على نفسك ولا بتشتغلها ؟
على العموم خلينا نتكلم مع بعض وبين الصفحات ممكن نقدر نوصل ازاى نتشغل على نفسنا و منشتغلهاش

103 pages

First published January 1, 2015

About the author

محاسب مصري يعمل مدير حسابات باحدى الشركات الملاحيه المصريه الكبري، مهتم بالقراءه فى العلاقات الانسانيه وتطوير الذات ، دراسات متنوعه حول تطوير الذات والادارة ، وكاتب مقال اسبوعى

Reviews

[Noura · Rating 5 out of 5]

اول رسالة وصلتنى من الكتاب ف العنوان

فعلا مختلف ويشدك انك لازم تخلصه ...
طريقة الكتابه سهله تخلى الافكار توصل بسهولة
و يتحقق الهدف من الكتاب يعنى فعلا حسيت انى فى النقاش او المصارحه مع نفسي ...
الحلو فيه الامثلة اللى تحس انها قريبه من الواقع واللى تخلي القارئ يعيش المواقف وكل مرة يحط نفسه مكان طرف من الطرفين ...
يعنى يعيش نفس الموقف من الناحيتين .
بالتوفيق ان شاء الله وفى انتظارالجديداحمدالشبكى

[Mody Ashraf · Rating 5 out of 5]

ريفيو صغير عن اشتغل على نفسك متشتغلش نفسك للكاتب أحمد الشبكى
‍الكتاب من أروع الكتب إلى قريتها انا اشتريت كذا كتاب قبل كده مكانش فى كتاب بكمله كانت ميولى اكتر للروايات اول مرة أكمل كتاب للآخر الكتاب ميزته انه بالعامية مع انى بميل لللغة العربية الفصحى لكن كتاب من هذا النوع مكانش ينفع يكون غير بالعامية الكتاب هدفه التغيير من شخصيتك و الكتاب فعلا غير من شخصيتى حاجات كتير و غير طريقة تفكيرى و اتخاذى للقرارات و الكتاب مليان بالاقتباسات المفيدة و أنصح الناس بقرائته اشكر الكاتب أحمد الشبكى على هذا العمل الرائع
‍

[ʚĩɞ ʚĩɞ · Rating 5 out of 5]

بجد من اجمل ما قرأت فعلا كتاب جميل جدا و الاسلوب سهل و بسيط و كل كلمه مكتوبه فيها فعلا كأن الكاتب فاهم احنا عايشين ازاى او تفكيرنا و بعض منا تعامله فى الحياه ازاى بدايه الكتاب فعلا مشجعه للقراءه بحيث انه يتفهم بسرعه بحيث لو فعلا اى منا بيحصل له شئ يعرف يتعامل ازاى و يكون رد فعله اتجاه الفعل ايه
كتاب فعلا ممتاز يستحق كل الاهتمام

[Dee · Rating 2 out of 5]

حلو مش وحش بالنسبه لتجربه اولي ومش حساه جو تنميه بشريه بس الكاتب عنده مشكله مع تقبل الناس حاططها اولويه وده معجبنيش.. الكاتب بورسعيدي واتمني اني اناقشه. هو خريج تجاره فاعتقد دي من خبرات الحياه.. تناول مواضيع حلوه كنت بفكر فيها زي الصداقه وزي المصلحه شغال طلعت منه كام فكره

[Nesma · Rating 5 out of 5]

كتاب مميز باسلوبه رغما انه باللغه العاميه
احساسي بانى انقاش نفسي فكرة فعلا رائعه
استطيع ان ارشحه للجميع حيث انى استقدت من طريقه تناوله لبعض الموضوعات
ولكن اعترف انه رغم سهولته الا استوقفنى بعض الفقرات كثيرا لافكر فيها حول رؤيه الكاتب لها
اظن انه تمكن ببساطه الاسلوب التعبير عن بعض النقاط الحياتيه الهامه التى تخص العديد من الفئات
لايعتمد على فكرة التمارين النمطيه وهو ما يصعب المأمورية على القارى ليقوم هو بدراسة افكارة ونقاشها
الكتاب قدر سهولته يحتاج لتركيز فى الافكار

احمد الشبكى

[Huda Abdelaziz · Rating 2 out of 5]

قراتة من زمان ونسيت اقيمة على الجودريدز
مش بيتجذبنى موضوعات التنمية البشرية اوى .
كتاب خفيف وبسيط وبيدور على العنوان
ازاى تشتغل على نفسك ومتشتغلهاش
حلو للمبيدىٔين فى القراءة

[Mohamed · Rating 5 out of 5]

بالخلاصه كده كتاب رائع واسلوبه سهل وطريقه جذابه جدا ، وفعلا شوية اسئله الواحد لازم يقف مع نفسه فيها ، فكرة الحوار مع النفس جميله ، وفعلا يحسب للكاتب انه مكنش بيحسس القارى انه بيقوله تعليمات او خطوات عشان يكون صريح مع نفسه او يكتشف حاجات جواه ، فكرة ان انا كقارى اوصل للاجابه فكرة رائعه وجديده ، فعلا بنصح بالكتاب ده لاى حد محتاج يتكلم مع نفسه بصراحه وفى النهايه شكرا للكاتب على الموضوعات وعلى الاسلوب الجميل وفى انتظار الجديد