الغطا والحلة

by رحاب هاني

قد تتساءل
يعنى ينفع بعد العمر ده كله أجيب كتاب اسمه " الغطا و الحلة "؟
طبعا سؤال محترم ويحترم.. لكن فكر فيها كده بعيد عن مشاعرك الشخصية تجاه الغطا والحلة، هتلاقى ان علاقتك انت
وصاحبك زى علاقة الغطا بالحلة ، ازاى بيفهمك من نظرة ؟
ازاى أنت بتحب الزبيب فى الرز أبو خلطة وهو بيحب البند
العلاقة التكاملية المدهشة بين الزبيب والبندق
علاقتك بالشخص اللى انت مرتبط بيه - بتحبه - زى الغطا والحلة - لو مش مرتبط أسفة انى فكرتك بس أحسن بناقص لان الحلال اجمل سأنتظر عادى جدا - !

"علاقتك بحاجات كتير فى حياتك عاملة بالظبط زى "الغطا والحلة
كل شخص محتاج غطا لحلته أو حلة لغطاه ..- حسب انت عايز تكون ايه فى التشبيه ده -!

وعشان كده اعتقد انه شئ صحى جدا يبقى فى مكتبتك كتاب اسمه " الغطا والحلة ".

Genres: Audiobook, Nonfiction

118 pages

First published November 12, 2015

About the author

رحاب هانى مدرس مساعد بكلية الاعلام جامعة القاهرة قسم الصحافة شعبة اللغة الانجليزية : حاصلة على الماجيستير فى الصحافة والادارة بدرجة امتياز وتعمل حاليا على الدكتوراه وعملت بالصحافة منذ 2007 وحتى الان فى العديد من المواقع الأخبارية والصحف المطبوعة

عملت بال دوبلاج افلام الكارتون لفترة وحاليا تقوم بنشر مقاطع صوتية على موقع ساوند كلاود تناقس من خلاله مشكلات اجتماعية بطريقة ساخرة
اختيرت لتكون متحدثة فى تيدكس وطلقت اولى كتبها تحت عنوان "كلام فاضى"1

Reviews

[Ahmed Ibrahim · Rating 1 out of 5]

حلو الإصرار بتاعك في إنك عايزة تنجحي وإنك تتحدي الناس وتفضلي تكتبي.. لكن ده ميمنعش إطلاقًا إنك مينفعيش تكوني كاتبة؛ إنتي معندكيش غير مواضيع بس- حتي المواضيع مكررة- لكن معندكيش أي مقوم أدبي يؤهلك لكده..
مفيش مشكلة تكتبي خواطرك ع الفيس بوك، لكن في كتاب، ليه؟!
ميصحش كده! نص الكتاب بيتكلم عن نقطة واحدة.. وباقي الكتاب بيدور حوالين النقطة دي.. مفيش غير كام خاطرة إتكلموا عن نقط مختلفة..
كما إني ضد إن كتاب يعتمد على اللغة العامية! ده من أهم أسباب تقييمي المنخفض للكتاب.. يجي واحد يقولي ما إنتا بتكتب المراجعة بالعامية، هقوله دي مش مراجعة؛ لأن مفيش كتاب قدامي أعمل عليه مراجعة . كما إنه مجرد رأي مش هيتحط في كتاب ويتباع.
في كلام فاضي قيمت الكتاب بنجمتين - وبالرغم من إن أغلب الكتاب بيتكلم في نقط محدودة برضه وبالعامية – للعاطفة وللهدف من الكتاب مش أكتر.. لكن إن الكتاب التاني ليكي يكون بنفس الشكل، ميصحش خالص!
الصدفة دايمًا هي السبب في إني أقرءلك..

نصيحة لله.. عايزة تكوني كاتبة، مفيش مشكلة خالص، بس طوري نفسك وأكتبي مقال صح وبلغة عربية، وتخلي مواضيعك متنوعة.. وخلى خواطرك العامية في الفيس، والكتاب يكون له طابع تاني، ومتابعينك ومحبينك هيفضلوا يقرؤلك، بالعكس دول هيزيدوا.. وساعتها ممكن تقولي على نفسك كاتبة!

[Mohamed · Rating 1 out of 5]

ما انا اللي غلطان بصراحة، فيه حد عاقل يستني حاجة عدلة تعجبه من كتاب عنوانه الغطا والحلة
حسبي الله ونعم الوكيل

[مصطفى عرابى · Rating 1 out of 5]

شعرت أن معظم الكتاب مجرد ثرثرة بلا هدف
من الكتب القليلة التي ندمت على قراءتها

[Sarah Sabry · Rating 2 out of 5]

أغلب المواضيع عن العلاقات العاطفيه والفراغ العاطفى .. قراته فى المحاضرات والمواصلات ..
جميل فكره انها حاولت تبقى كاتبه وتثبت كده بس برضه لو كانت اكتفت بسيتيس على الفيسبوك مكنش هيحصل حاجه ..

[مصطفي سليمان · Rating 3 out of 5]

عزيزتي رحاب هاني
يثير أسمك الكثير من الألم للأسباب شخصية لا علاقة بكي بها !! وهذا كان الحاجز الأول لقراءة كتابك
وبعد أن قدرت علي مواجهة الحاجز ، وقرأتي للكتاب تألمت بشدة للاني كنت أتوقع كتاب خفيف ولكن لو استبعدنا الحوارات التي يحتويها الكتاب وقرأت ما بين سطور المقاطع التي كتبتيها بشكل حر ، أستطعت أن أري ألم شديد
رأيته للاني مررت به ، رأيته للاني لم أقدر علي الأبتسام وانا اقرأ ما حدث لي علي مستواي علاقتي طويلة الأمد والألم
كان الكلام صادر منكي كأني مضطر أن أسمع صوتي يخبرني بالحقيقة
وانا كنت أحاول أن أهرب والا اسمعه
بكيت في حدود المرتين أعلم أنكي لا تسمعي مثل هذا الرأي علي كتابتك !! ولكن هناك أول مرة لكل شئ
هناك مواقف كنتي تحكينها كنت استبعد منها الكوميديا المقحمة لتخفيف وطئها ولكني كنت أراها جيدا ، أراكي وأنتي تدفعين ثمن أن لكي رأي
وأنك تحاولين أن تكوني نفسك
لا أعلم ولكني أشعر أنك تعني كل شئ كتبتيه لو كان هذا حقيقي
ف صدقيني الثمن ليس رخيص ويستحق كل ألم مررتي بيه
لقد زرت تلك الأرض اللعينة
وكنت علي وشك اللاعودة
ف سبعة سنين ليست بالزيارة القصيرة صدقيني

كتابتك الصادقة هي الأفضل بعيدا عن الأطار الكوميدي بالنسبة لي
ف الحوارت الموضوعة تليق ب الفيس بوك وليس كتاب ورق مطبوع أو يتم الاعداد أكثر واكثر لتصبح ملائمة

ولكن باقي الكلام صدقيني ليس محتاج الكوميديا أو تخفيف وطئته يحتاج فقط أن يقال كما هو لكي يصل

أتمني كل قلبي أن تكوني حقيقة وأن تكوني تعني ما قولتيه

تحياتي .

[Waleed Al-dawood · Rating 2 out of 5]

لأن الكتاب صوتي وبصوت الكاتبة، لعله وصل إليّ أكثر من لو قرأته ورقياً.
لم تعجبني أفكار الكاتبه ولكن اعجبني حسها الكوميدي.

[Duaa Alfardan · Rating 1 out of 5]

أيه العبط ده 😶

[Mahmoud Shaban · Rating 3 out of 5]

انا من المعجبين برحاب هاني وبحب اسمع ليها
بحب اقرأ ليها كتابتها علي مواقع التواصل
الكتاب لطيف وخفيف وبسيط جدا
بيمس مناطق في حياتنا بشكل مختلف باسلوبها هي
الكتاب يعيبه اللغة العامية البحتة
ومناقشة المواضيع اللي فيه بشكل سطحي شوية

[Esraa Hamdi · Rating 1 out of 5]

ولم يدفعنى شئ إلي قراءة هذا الكتاب سوى الفراغ أو ربما الهروب من شبح "الفسيولوجي" اللعين ،،

نتكلم بشكل موضوعي الكتاب مش سئ أوي، لأني لم أتوقع أنه هيكون أفضل مما وجدته عليه :D لكنه لم يضف إليّ أي جديد ..
المواضيع تقريباً مكررة لكن باختلاف الصيغة، وادخال كلمات إنجليزية في وسط العامية شئ مش ظريف إطلاقاً
ممكن يفيد أو يعجب القاعدة العريضة من الشعب - البنات :3 - لأنه سطحى جداً يعني :D
نجمة واحدة تكفي ..

[Sara · Rating 1 out of 5]

Totally No!
Too much stereotyping of women and men and how they deal with relationships.
كتاب بالعامية كله، أسلوب بوستات الفيسبوك لا كتاب أدبي.
ماتفهمش نصائح ولا ساخر ولا سيرة ذاتية ولا ايه!
رحاب مشهورة جدا وسط صاحباتي رغم إني لم أستسغ برنامجها على Soundcloud بس قلت أجرب تاني جايز تعجبني!
بس ماعجبنيش لأ..والإلقاء سريع جدا ..خدي نفسك يا رحاااهاااااب!
الحمدلله إني سمعته على كتاب صوتي ببلاش ومادفعتش فيه مليم
يلا مش مهم.

[Aalaa]

طريقة التفكير عجباني بس عمالة تعيد و تزيد في الحاجة

[Kholoud Helal · Rating 1 out of 5]

مش فاهمة ايه المبرر الى يخلى حد يكتب كام سطر فى كتاب عن قصة حب بوسى و نور الشريف من المنظور الى الناس كلها عارفاه...اية الجديد يعنى الى الواحد عرفه أو اية المغزى أصلا وايه المبرر للتعامل معاهم على أنهم قصة حب تتدرس !!!
ايه المبرر بردو إنى أعيد و أزيد فى كلام بديهى زى الصاحب هو الشخص الى بيقف جنبك , الأرتباط ضرورة لأستمرار الحياه , الخساره اهون من انك تستحمل شخص مايستهلكش , يااه لو لقيت حب العمر , لو بتحب حد هتتعب عشانه , الصدفة مبيترتبلهاش , البنت عايزه راجل, البنت عايزة واحد تفضفض معاه , محتجيين نحب نفسنا , الحب اهتمام .
الفيس بوك مكانها الفيس بوك مش كتابstatus الحاجة الى الواحد خرج بيها من الكتاب دة إن

[Ahmed Adel · Rating 3 out of 5]

دى أسرع مرة اقرا فيها كتاب فى حياتى!
كتاب خفيف ولذيذ ومش صعب.. اخترته مخصوص عشان افصل دماغى واقرا "كلام فاضى" على رأى الغلاف، بس فعلا ساعات بنحس إننا عايزين نقرا حاجة خفيفة ما ترهقش دماغنا..
المواضيع عن الارتباط وكده وفيها كلام كليشيه بس عجبنى كام حدوتة فى الكتاب الصراحة رغم بساطتهم.. وعجبنى آخر فصل خالص..

[Hanan ElAraby · Rating 5 out of 5]

انا بجد مش عارفة اقولك ايه غير ربنا ينورلك طريقك و يجازيكي خير ^^

الكتاب كله على بعضه كده راائع ^ ^ بأفكاره بمواضيعه بشخصيتك اللي ظاهرة فيه ;)
انا بحبك من قبل مااقرأ الكتاب و كنت بشوف فيكي انك بتعبرلي عن افكار ومشاعر عندي فعلا \
بس مكنتش اعرف انها بالحجم ده بجد
انتي قلتي في الكتاب كل اللى انا عايزة اقوله

حاجات كنت عارفاها بس عايزة اسمعها من حد بيقولها هو كمان
و اجابات لأسئلة بفكر فيها و بدور عليها جدا

وبرغم اني رافضة فكرة ان كتاب يتطبع بالعامية إلا اني حبيت اسلوببه و لغته جدا ^^
بس ده مايمنعش برضه اني مستنية اقرألك بالفصحى :D
ومستنية اي حاجة تكتبيها عموما بقى :D <3

[Marwa Amer · Rating 2 out of 5]

مبدأيا كدا يا رحاب أنتي ظلمتي متابعينك عالفيس بوك لما نشرتي في الكتاب مجموعه من البوستات الي نشرتيها عالفيس بوك قبل كدا
لأن الطبيعي أني كواحدة متابعة ليكي هبقى منتظرة أشوف حاجه جديده ليكي مش تكرار للي قريته قبل كدا
بالنسبة بقى للكتاب الكلام فيه لطيف وخفيف بس مش كفايه انه يتنشر في كتاب ه
أنا كنت متوقعة من رحاب هاني الي علظؤل بتبهرني أنها تبهرني المره دي
لكن منبهرتش للأسف :-/
كنت أتمنى يبقى كتاب أقوى من كدا بيناقش موضوع او فكره بطريقه مرتبه مش مجموعه قصاقيص او بوستات متجمعه

[Basma shalaby · Rating 1 out of 5]

شوفي يا رحاب أنا مبحبش احبط حد وخاصة حد ناس كتير حواليه بيحاولوا يحبطوه ويفهموه إنه مبيعرفش يكتب وده بحسب كلامك عن نفسك
معجبة جدا بإصرارك لكن هسألك سؤال واحد
أنت كقارئة مش ككاتبة راضية عن الكتاب؟!
طيب بلاش كقارئة ككاتبة
هل أنت شايفة أنك قدمت أي حاجة جديدة أو مفيدة أو مختلفة أو لها معنى من خلاله؟!
معتقدش للآسف وأتمنى تحاولي تخرجي عن المألوف وعن عباءة التكرار علشان تنجحي في الكتاب الجاي إن شاء الله
استغلي إصرارك وشغفك بطريقة مختلفة

[Menna T Allah · Rating 2 out of 5]

هو الصراحة ككتاب مش قد كدة يعني تحس انك بتقرى بوستات ع الفيس برغم من ان الكلام حلووطالع من واحدةحاسة بيه اوي بس متحسش انةكتاب لكن بقي نيجي نقول الصراجة برضة انا حبيتة لانى حسيت ان فيه روح رحاب وانا بحترمها و بحبها وافكارها صح جدا
رحاب : اتمني بجد من كل قلبي انك تبقى مبسوطةزى ما دايما تبسطيني :)
بحس بالامل لما بقرالك اى حاجة ان البنت الهادية الخجولة ممكن تحقق حلمها و تضرب بكلام الناس عرض الحائط

[Sam · Rating 4 out of 5]

وأنا قاعدة بذاكر أحد المواد المُملة، سمعت وأنا حاطة السماعة الحوار كالتالي:

تقول أحد الطنطات لواحدة من الفتيات:-
- إيه يا حبيبتي مش ناوية تتجوزي وتفرحينا بيكي؟

فترد عليها الفتاة قائلة:-
- ‏والله يا طنط أنا مش عايزة أتجوز علشان أنتِ متفرحيش😂

▪︎ كل الحكاية إن أنا مش عايزة ولد يقولي أنتِ شكلك حلو ولا مختلفة..أنا عايزة راجل أتسند عليه.

▪︎ عمرك دا ملكك، فمتضيعهوش على حد مش مهتم
لأنك تستحقي حد مُهتم♥️

_______________________________________________________

الكتاب بيتصنف من فئة العلاقات، فهو بيتكلم عن الحب والارتباط بشكل ساخر، وخلاني قدرت أفصل شوية وأضحك.

دي كانت أول مرة أقرأ فيها لرحاب هاني، وإن شاء الله مش هتكون الأخيرة؛ لأن أسلوبها عجبني.

الكتاب برشحه بشدة لأي حد حابب حاجة خفيفة تبسطه.

[حسناء · Rating 2 out of 5]

رحاب هاني جميلة جدا وروحها حلو ودمها خفيف بس الكتاب ضعيف حبتين كان عايز محتوي أقوي وأكثر تنوعا
يمكن لو كان كتاب مسجل بصوتها كان يبقي أفضل بالنسبالي
علي كل حال أنا بحب الكاتبة جدا وأتمني له كل توفيق
ويارب تلاقي غطا لحلتها أو حلة لغطاها زي ماتحب يعني

[Yousra · Rating 3 out of 5]

خفيف ولطيف

[عبيرجمال الدين · Rating 4 out of 5]

كتاب خفيف وآداء رحاب لذيذ
متتجوزيش إلا بشروط اللي حاطاها رحاب

[Sherouk Tharwat]

لا شيء على الإطلاق ..للأسف !

[Mariam Elgilany · Rating 2 out of 5]

مبدئيا هي كتبت في المقدمة ان ناس كتير انتقدوها و قالولها مش هتنفعي تكوني كاتبة ... لا هو تنفعي بس الاسلوب يتغير ..ليه؟ لأنه نفس اسلوب كتاب كلام فاضي ومفيش اي جديد برغم اني بكل صراحة  في مقالات كتير خليتني افكر ولمست قلبي جدا ..هي هي بوستات الفيس المتكررة اللي بتتكلم عن متتجوزيش عشان كلام الناس والقطر هيفوتك الخ الخ ..اللي بتتكلم عن نظرة بوسي في عزاء نور الشريف اكيد مكنش براد بيت وانجلينا انفصلوا والا كان نالهم من الحب جانب !! ... اغلب المقالات هي تأملات بالعامية عن العلاقات البشرية واللقاء والفراق و المشاكل والحلول والعتاب والاهتمام والتطنيش والاعتراف والمحاولة والتمسك ..باقي المقالات بقى عن الجواز والارتباط واللي كنت بقراها وكأني بسمعها بصوتها وطريقتها الحبوبة واقول انك ناجحة في الفويسات لكن معندكيش اسلوب ف الكتابة نقول انه مميز ومبهر ومفيش جديد ف اللي مكتوب  ف مش ضروري تكتبي لأنه مش هيضيف حاجة جديدة لسوق الكتب في زمن السوشيال ميديا.

[Hany Youssef · Rating 1 out of 5]

Didn't feel like a book for me, was a collection of notes or long Facebook statuses!
Of course everyone is encouraged to read & write but the material doesn't qualify for a book, was more of chitchat & teenage humor
She did have some valid points for sure but they were repetitive in various formats & contexts without any justification as to why they were repeated
Did like some of the points that was brought up but definitely didn't enjoy reading it as a book

[إسلام عماد · Rating 4 out of 5]

كتاب خفيف و ظريف...قدرت فيه رحاب انها توصل للفكرة الاساسية "الحب و الارتباط" بأبسط الطرق...اسلوبها كالعاده تلقائى و فيه دليل على تفكيرها العقلانى و ف نفس الوقت دماغها المجنونة اللى ممكن تخليها تعمل اى حاجة مادامت الحاجة اللى عاوزاها و مقتنعه بيها....

الكتاب يشتمل على نصايح كتيييير, اغلبها للفتاة, لكن بعضها يصلح برضو للولاد, مفيش مانع يعنى :v

بالتوفيق يا رحاب و ألف مبروك على كتابك التانى :)

[Shimaa (Hamssa) · Rating 3 out of 5]

الكتاب اسمه لذيذ الصراحه ومخدش مني نص ساعه وخلصته
مفيش شك ان فيه خفه دم واضحة سواء في الحوار اللي كل شويه الاقيه او في البوستات المجمعه الباقيه
انا مش من المتابعين ليها بس قررت اتابع خلاص ‎:D
قلبتي عليا المواجع والله بكل الكتاب دا وحسيت انه هو هو المعاناه في موضوع اتجوزي او في حوارات الشغل والارتباط او في الوجع
بعد شويه اكتشفت اني مبقربش حد من اصلا

[Nada · Rating 4 out of 5]

الكتاب بكلامه بحواراته و حاجاته الضغيرة كنت بحس انه بيمثلني و بيمسني ف حاجات كتيرة جدا ... حاجات و حكايات انا نفسي اتكام عنها و اقول " ايوة ده أنا ! " ... ده السبب الرئيسي اللي بيخليني احب رخاب هاني جدا ... اني " بشوفني " ف كلامها ، الكتاب حلو و مبهج ... اوى يعني

[Armya Kesar]

زمان عميد الادب العربي طه حسين كان كلامه عموما بالفصحي ايمانا منه ان دا هيحافظ علي اللغة بتاعة لاعنباره ان اللغة دي جرء من هويتنا
الحمد لله انه طه حسين مات قبل ما يشوف الطريقة الل بتتكتب بيها كتبنا
مع احترامي الشديد لخفة دم السيدة رحاب هاني

[zahraa esmaile · Rating 2 out of 5]

كتاب ادب ساخر
ولكن فيه عمق ف بعض المواضيع
مش حلو ومش سئ للدرجة
الكاتبة محسسانى انها بتكتب على صفحتها ع الفيس بوك
يمكن دة سر سهولة الكتاب
وضعفه بالنسبة لى
نجمتين
نجمة ان الكاتبة قدرت بشكل ما انها تشدنى اخلص الكتاب
النجمة التانية لبعض الاقتباسات من الكتاب
انتهى الرفيو

[Moha Azmy · Rating 1 out of 5]

وقعت رحاب هاني في فخ التكرار وركاكة اسلوب الخواطر
حسيت اني بقرأ مذكرات واحده مراهقه تتدعي العمق
افكار وكلام قريته وسمعته مليون مره قبل كدا وبنفس الطريقه

مفيش جديد في لي حاجه حتى الحاله الشعوريه الالي كنت مستنيها موصلنيش منها حاجه
زعلت اوي من رحاب عشان كنت مستني حاجه كبيره اوي وطلعت كدا