Rof: Frásagnir kvenna af fóstureyðingum

by Silja Bára Ómarsdóttir, Steinunn Rögnvaldsdóttir

Árið 1975 setti Alþingi lög sem heimiluðu fóstureyðingar af læknisfæðilegum eða félagslegum ástæðum. Fjörtíu árum síðar eru fóstureyðingar enn eitthvað sem vinkonur hvíslast á um í stað þess að rætt sé opinskátt um þessa reynslu sem um þriðjungur íslenskra kvenna á sameiginlega. Í bókinni birtast 76 sögur kvenna sem deila reynslu sinni af fóstureyðingum.
Hér er fléttað saman sögum af konum sem vildu ekki rjúfa meðgöngu og öðrum sem þurftu að berjast fyrir því að komast í fóstureyðingu; konum sem upplifðu eftirsjá og öðrum sem fundu fyrir létti. Allar hjálpa þær lesandanum að setja sig í spor kvennanna og skilja aðstæður þeirra. Þetta eru sögur sem eru ekki lengur bara hvísl heldur ákall og þetta er bókin sem getur breytt því hvernig við hugsum um fóstureyðingar.

285 pages, Paperback

First published January 1, 2015

Reviews

[Hilmar Hildar Magnúsarson · Rating 3 out of 5]

Mögnuð bók. Svipti hulunni af reynsluheimi sem er flestum framandi og hefur hingað til verið sveipaður þögn, ótta og skömm. Kennir okkur um leið svo margt um það samfélag sem við búum í. Án efa gríðarlega hjálpleg bók þeim konum, og aðstandendum, sem hafa og/eða eiga eftir að standa frammi fyrir þessum veruleika. Um leið ótrúlega upplýsandi, gagnleg og fræðandi og á erindi til allra. Þetta er bók sem sannarlega er til þess fallin að auka víðsýni og skilning á þessu mikilvæga málefni.

[Albina · Rating 4 out of 5]

Ótrúlega mikilvæg bók og frábær innsýn inn í reynsluheim ólíkra kvenna. Þetta er í raun mikið meira en bók um þungunarrof, frásagnirnar draga fram svo margt um samfélagið og stöðu kvenna innan þess. Ég lærði mjög margt.

[Silja Ómarsdóttir]

Silja Bára ÓmarsdóttirSteinunn Rögnvaldsdóttir