سوف أفتقدك

by مريم منصور

- تعرف .. مش مهم نعرف الأشخاص اللي احنا عايشين معاهم دول يبقو مين .. المهم نعرف إحنا مرتاحين معاهم ولا لا .. حاسين بيهم ولا لا .. المهم نكون حاسين بقلوبهم جمب قلوبنا وبتواسيها في عز الشده .
في حاجات لما بتنكشف قدامنا بتضرنا أو بتخوفنا مع انها لو فضلت غامضه كنا هنفضل نحبها وعمرنا ما كنا هنخاف منها , دا في نفس الوقت اللي ممكن يكون في حاجات نعرفها كويس زي ما احنا عارفين نفسنا ومطمنين ليها ومسلمين ليها بكل احساسنا .. و بتكتشف فيها فجأه ان هيه دي الحاجات الي هتضرنا بجد .

للتحميل

http://www.book-juice.com/books/%D8%B...

110 pages, ebook

First published November 24, 2015

Reviews

[Salma · Rating 3 out of 5]

الرواية حلوة بس حستها عادية.. يعني مفيهاش احداث كتير او حاجات جديدة.. بالتوفيق في الاعمال القادمة بإذن الله

[خالد المحاربي · Rating 4 out of 5]

الروايه حبيتهاا جداا
بغض النظر عن اي حاجه
يكفي ان روحهااا حلووه جدااا

ربنا يوفقك يا مريم دايماا يارب وانا هقرا كل كتبك االي هتنزل ان شاء الله

[Hagar Said · Rating 2 out of 5]

فكرة الرواية جميلة جداً ، واول مرة اقرأ رواية بتمل الفكرة دي
فكرة المشاكل الي بيعاني منها الطفل بسبب والديه والمشاكل الي بينهم والطلاق
لكن من المشاكل في الرواية ان الاسلوب ضعيف جدا والرواية مكنش فيها اي حبكة او ازمة في الموضوع خالص
كانت محتاجة جهد زيادة في الكتابة وكمان الرواية بتتكلم عن مشكلة وحدة بس من غير ما تطرق لاي مشاكل تانيه فكانت الرواية ممله شوية
الرواية خالية من العنصر الديني تماماً ودي حاجة انا محبتهاش
بداية موفقة كأول عمل
رأي مش علشان يحبطك انا كلمتك بكل صراحه بالعكس ده يعرفك بالاخطاء علشان متقعيش فيها في الرواية الجاية
انا متفائلة خير بإذن الله
وهتكون افضل بكتير من الأولى
فكرة الرواية حلوه ولازم كل اب وام يقرأوها

[Badr Muhammed · Rating 4 out of 5]

استمتعت بالرواية ..... كانت بسيطة و سهله و وصلت فكرة حلوة و مهمة جدا ..... يمكن مكنش فيها حبكة قوية ... بس دا شئ حببنى فيها اكتر ... بالتوفييييق

[سارةعادل شريف · Rating 4 out of 5]

الرواية هي الأولى لصاحبتها ، وتعتبر من الأعمال الجديدة المميزة اللي قرأتها خلال الفترة الاخيرة
الكاتبة اختارت فكرة جديدة لروايتها غير الافكار اللي اطحنت في الروايات الجديدة كلها وده شيء يحسب لها
اللغة بسيطة وسهلة وفي نفس الوقت مميزة
فيه بعض الاخطاء اللغوية البسيطة
الاسلوب شيق وممتع
تقيمي للرواية 4 نجوم
بالتوفيق للكاتبة في الأعمال القادمة

[Asmaa Ahmed · Rating 2 out of 5]

جيده جداً كعمل اول لصاحبته، و لو إنها اقرب لقصه منها لروايه ..
كانت محتاجه مراجعه و تنظيم اكتر من كده عشان تخرج بشكل افضل..

بدايه مبشره عامةً و بالتوفيق للكاتبه في اعمالها الجايه .. في إنتظار الجديد :))

[Eman gamal · Rating 3 out of 5]

قصة يمكن متعاده و قريناها كتير .. بس هي رقيقه و دافيه :)
عجبتني .. Heart warming