خَطَأٌ لَا يُمْكِنَ إِصْلَاحُهُ

by منال سالم

ظنت أن الحب قد فتح لها ذراعيه ، ولكنه كان كالشيطان ينتظر مجيئها إليه ..
بلى لقد تلون كالحرباء أمامها ، فصارت جنته هي جحيمها ..
وحينما قدمت له الحياة فرصاً كي يصحح من أخطائه ، تجاهل هذا وتمادى في أفعاله ...

خَطَأٌ لَا يُمْكِنَ إِصْلَاحُهُ ( رفقاً بالقوارير) هي رواية مصرية ( باللغة العامية ) من وحي الواقع الذي نحياه ، هي قصة لأختين تدور بهما الحياة عبر أحداثها المختلفة حتى يصلا للحب المنشود .. فماذا تخبيء الحياة لهما ؟


لتحميل الرواية كاملة بصيغة الـ PDF
الضغط على الرابط أدناه ..
http://www.mediafire.com/download/3je...

Genres: Romantic, Romance

Unknown Binding

First published November 1, 2015

About the author

أنا منال محمد سالم، روائية مصرية، من مواليد محافظة بورسعيد، أعمل معلمة لغة إنجليزية بإحدى المدارس الدولية، وخريجة كلية التريبة قسم اللغة الإنجليزية جامعة قناة السويس. صدرت لي عدة مؤلفات ورقية والكترونية، حققت نجاحًا كبيرًا في الأوساط الأدبية، لم أكن أقصد الاحتراف في الكتابة، لكن أردت التنفيس عما بداخلي ورسم الضحكة على أوجه القراء فخرجت أعمالي الأولى بدائية للغاية حتى وضعت الأمر في عين الاعتبار، وأصبحت الكتابة شغفي الكبير،
فخورة بما استطعت تحقيقه خلال الفترة الماضية، وسعيدة بتطوري خلال الأشهر المنصرمة ..
بدأت الكتابة عام 2015 على المنتديات الأدبية والنسائية وصفحات التواصل الاجتماعي المختلفة باسم مستعار برواية (دعني أحطم غرورك)، لتتوالى بعدها الأعمال الالكترونية الطويلة والقصيرة حتى الوقت الحالي، وفي عام 2018 بدأت النشر الورقي، وصدرت لي ورقيًا أول رواية مشتركة مع الكاتبة "حنين الحسيني" تحمل عنوان (كلارا)، والصادرة عن مؤسسة إبداع للترجمة والنشر والتوزيع، ثم توالت الأعمال الورقية: (ذئاب لا تعرف الحب)، (ذئاب لا تغفر)، (وانحنت لأجلها الذئاب)، (للحب شعائر خاصة)، (رفقًا بالقوارير)، (مريم ابنة عمران –لم أك بغيًا)، (خطأ لا يمكن إصلاحه)، وفي عام 2021 نشرت رواية (لتكن لي غفرانًا) وهو عمل مشترك مع الكاتبة "ياسمين عادل".

قائمة الأعمال المتنوعة
الأعمال الالكترونية:
-دعني أحطم غرورك، سنة 2015
-رهان ربحه الأسد، سنة 2015
-الفريسة والصياد - الجزء الأول، سنة2015
-خطأ لا يمكن إصلاحه (رفقاً بالقوارير) ، سنة 2015
-فريسة غلبت الصياد – الجزء الثاني، سنة 2016
-فراشة أعلى الفرقاطة – الجزء الأول، سنة 2016
-دميمة لعنها الحب (قصة قصيرة)، سنة 2016
-كتاب الحب ( قصة قصيرة)، سنة 2016
-سيدرا، سنة 2016
-وجه لا يصدأ أبدًا (قصة قصيرة)، سنة 2016
-اليوميات الرمضانية (نعمل إيه في أماني، حتى مطلع الفجر، في بيتنا بطة، خير يعودلك شر يرجعلك)، سنة 2016
-أربعة شكلوا حياتها، سنة 2016
-شهد الأفاعي، سنة 2016
-كبرياء رجل شرقي (قصة قصيرة) ، سنة 2016
-راسين في الحلال، سنة 2016
-ذئاب لا تعرف الحب (الجزء الأول)، سنة 2016
-ذئاب لا تغفر (الجزء الثاني)، سنة 2016
-وانحنت لأجلها الذئاب (الجزء الثالث)، سنة 2017
-فتاة الكومبو (قصة قصيرة)، سنة 2017
-ميري يتحدى ملكي (يوميات رمضانية مشتركة مع ياسمين عادل)، سنة 2016
-وبقي منها حطام أنثى (عمل روائي مشترك مع ياسمين عادل)، سنة 2016
-دواعي أمنية .. مشددة، سنة 2017
-الدكان، سنة2017
-ذو الوشم (قصة قصيرة)، سنة 2018
-أطياف عابثة (قصة قصيرة)، سنة 2018
-قبضة من أثرها (قصة قصيرة)، سنة 2018
-المكتوب الأخير (قصة قصيرة)، سنة 2018
-وسقطت ورقة التوت (قصة قصيرة)، سنة 2018
-ديلارا (قصة قصيرة)، سنة 2018
-هي والربان (الجزء الثاني من فراشة أعلى الفرقاطة)، سنة 2018
-خطوات نحو الهاوية (قصة قصيرة)، سنة 2019
-المحترم البربري، سنة 2018
-الحب.. أوس (ملحق ثلاثية الذئاب-جزء رابع) ، سنة 2019
-أوتار الفؤاد.. أوس (ملحق ثلاثية الذئاب-جزء خامس)، سنة 2019
-غسق الأوس (ملحق ثلاثية الذئاب -قصة قصيرة– جزء سادس)، سنة 2020
-القائمة السوداء (قصة قصيرة)، سنة 2020
-الطاووس الأبيض، سنة 2020

الروايات الورقية:
-كلارا (عمل مشترك مع حنين الحسيني) عن دار إبداع للترجمة والنشر والتوزيع، سنة 2018
-ذئاب لا تعرف الحب (الجزء الأول) عن دار إبداع للترجمة والنشر والتوزيع، سنة 2018
-ذئاب لا تغفر (الجزء الثاني) عن دار إبداع للترجمة والنشر والتوزيع، سنة 2018
-وانحنت لأجلها الذئاب (الجزء الثالث) عن دار إبداع للترجمة والنشر والتوزيع، سنة 2018
-للحب شعائر خاصة عن دار إبداع للترجمة والنشر والتوزيع، سنة 2019
-رفقًا بالقوارير (الجزء الأول) عن دار إبداع للترجمة والنشر والتوزيع، سنة 2019
-مريم ابنة عمران – لم أك بغيًا عن دار إبداع للترجمة والنشر والتوزيع، سنة 2020
-خطأ لا يمكن إصلاحه (الجزء الثاني) عن دار إبداع للترجمة والنشر والتوزيع، سنة 2020
-لتكن لي غفرانًا (عمل مشترك مع ياسمين عادل) عن دار إبداع للترجمة والنشر والتوزيع، سنة 2021

Reviews

[Dina Sarhan · Rating 3 out of 5]

احداثها ذكرتنى بالمسلسلات التركية والهندية طويلة جدا وكل مايخلص موضوع وتقول خلاص خلصت يحصل حاجة تانية خالص تفتح موضوع جديد يصلح يكون رواية بحد ذاته
لكن لن انكر انى استمتعت بها الى حد ما بالرغم من اوقات الملل التى شابتنى بسبب طول الاحداث
لكن اتمنى من الكاتبة عدم تكرار المشهد الواحد عن طريق الراوي وبعده الحوار وتحدد اسلوب واحد للسرد اسلوب الرواية او الراوى او السيناريو والحوار لكن اتباع ذات الاسلوبين يشوبه ملل شديد جداااااااااااااااااااااااااا

اتمنى ف الروايات القادمة التى سأقراها لها ان تكون الاحداث اقل من هذ الرواية

[Fatema Sayed · Rating 3 out of 5]

أوفر زيادة عن اللازوم .. فيها الفاظ رخمة
اللغة محتاجة أن هي تتحسن شوية لكن فيها شوية أفكار كويسة نجحتي أنك توصليها للقارئ
بس ليه المط الزيادة ؟ أنا شايفة أن في مط زيادة في الاحداث
بس مش وحش أستمري

[Marwa Abd Elazim · Rating 4 out of 5]

كتيييير اوي 1484 صفحه بصراحه

[Shireen ali · Rating 1 out of 5]

صراحةً معجبتنيش
اسلوب الكتابة محتاج تحسن
القصة مملة شوية غير ان الابطال مستفزين جدا
الشخصيات كلامها غير افعالها جدا :D

[عفاف الشاذلي · Rating 3 out of 5]

فيها أخطاء كتير أوي من أول اللغوية ولحد تبديل الأسماء ببعضها
مش أحسن ما قرأت لمنال

[Koky M. · Rating 4 out of 5]

📖اسم الرواية: رفقا بالقوارير 1؛ خطألا يمكن إصلاحه
. 💫عدد الصفحات: 444صفحة
رفقا بالقوارير 2؛ خطأ لا يممن إصلاحه
💫عدد الصفحات: 382صفحة
📖اسم الكاتبة: منال سالم
📖دار النشر: إبداع للترجمة والنشر والتوزيع
📖الإصدار: الجزء الاول 2019. الجزء الثاني 2020


📌ظنت أن الحب قد فتح لها ذراعيه ، ولكنه كان كالشيطان ينتظر مجيئها إليه .. بلى لقد تلون كالحرباء أمامها…
فصارت جنته هي جحيمها وحينما قدمت له الحياه فرصا كي يصحح من اخطائه تجاهل هذا وتمادي في افعاله

💫خطأ لا يمكن إصلاحه (رفقا بالقوارير) رواية مصرية باللغة العامية من وحي الواقع الذي نحياه وهي رواية لأختين تدور بهما الحياة عبر أحداثها المختلفة حتي تصلا للحب المنشود فماذا تخبئ الحياة لهما؟

شبه النبي صلى الله عليه وسلم النساء بالقوارير ومعلوم ليونة القوارير ووجوب صيانتها من الانكسار والضياع فهكذا يجب على الرجال للنساء صيانتهن من الانكسار والضياع.

الإسلام قال عن النساء: شقائق الرجال.
فكيف تكون المرأة شقيقة الرجل وفي نفس الوقت مفطورة على التذلل والخضوع والاسترضاء حتى عندما يكون الغلط من الرجل!!


لماذا لا نحاول تغيير الرجال ولو قليلا، ونريد الرجال كما هم عليه، لا نطلب منهم تغييرا في أيّ شيء حتي لو كان هذا خلقهم؟
فبدل أن نغير خلقه، نقول للمرأة تعايشي وتأقلمي وإذا غضب لا أكون ندًّا له ولا أستفزه وإذا كان الغضب منه هو وهو السبب فلماذا أعتبر ندًّا أنا؟

استوصوا بالنساء خيرا"



💫اللغة
اللغة العربية الفصحي سرداً والحوار باللغة العامية المصرية


كتبت الكاتبة الرواية ب طريقة سلسلة جدا ذكرت لنا الكثير من المشاكل المختلفه التي تقابلنا كل يوم في حياتنا
وتحدثت الكاتبة عن ظاهرة ختان الإناث التي سببها غياب الثقافة والوعي والجهل والسير علي الموروثات الاجتماعية غير السليمة التي تم انتهاجها دون اللجوء الي أي أراء طيبة توضح العواقب الجسيمة الواقعة علي الفتاة سواء كانت صحية او نفسية وتسبب في قتل براءة الاطفال
وسردت الشخصيات بروح خفيفة ومشاكسات وطرائف منهم من حياته تسير بتحكيم عقله ومنهم من يستخدم قلبه ومشاعره في جميع قراراته منهم ابوا البنات التي يخاف عليهم من غدر الزمان ويريد تأمين مستقبلهم


📖اقتباسات 📖


📌فإن كانت الأمومة فطرية غريزية، فالأبوة لا يكتسبها إلا من يستحقها

📌أدركت حرفيًا أنه لا مجال للأحلام والأمنيات في عالمٍ قاسٍ كذاك الذي تعيش فيه

[Menna Abdelhameed · Rating 5 out of 5]

-ريفيو عن رواية رفقاً بالقوارير الجزئين-
هي قصة رومانسية بتحول حياة شابين مستهترين ١٨٠ درجة ومش هم بس هم بعيلتهم لما بيلتقوا بعيلة تانية اخلاقهم القيم والاخلاق الحميدة..
البطلين كانوا مستهترين بدرجة كبيرة وكانوا فاكرين ان حياتهم هتكمل كده بطريقتهم الغير لائقة بالمرة بس لما يبقبلوا البطلات ويعرفوا انهم رافضهم هينعكس عليهم ان هم يتغيروا في تصرفاتهم وعادتهم السيئة.
واحدة من البطلات طالبة جامعية ماشية جنب الحيط والتانية واحدة في ثانوي بتخربش في اي حد يمسها والتالتة لسة في ابتدائي كل همها اللعب والمرح وبس..
بس ممكن يكون للعائلتين راي اخر بخصوص الارتباط ده.
—
اندفعت بتهور نحو الطريق دون ان تنتبه لحركة المرور السريعة به، كادت ان تصدمها احدي السيارات لرعونتها، ادارت راسها نحوها متوقعة ان تلقي حتفها علي الاسفلت لينتهي عذابها للابدد الا ان قبضته كانت كفيلة بابعادها عن شفير الموت لتضمها الي صدره حيث احتوتها احضانه الدافئة فاسكنت الامها وضمت اوجاعها لتشعر وهي بين ذراعيه بانها وجدت ملاذها الامن، رفعت ندي عينيها الي عينيه تطالعه في توتر مرتبك، بادلها نظرة ناعمة اخترقت كيانها بسهولة ليقول لها مؤكداً: مش هاسيبك!
—
بعض الاقتباسات:
-
-هتفت ابنتها بكل غيظها تتوعده: والله لاوريه، ده انا هخليه يندم علي اليوم اللي فكر يرتبط فيا بيا!
-رد مبتسماً بعبارة متغزلة بها، وبابتسامة الساحرة، وهو مسبل عينيه نحوها: وانا عاوز اشوفك كل يوم!
-صاحت صارخة: انت مجنون وانا هوديك في داهية وهابلغ عنك
قال في احدي مؤمنا بحاجبه: وماله، ما هو ليس علي المجنون حرج!
-لمحها وهي ترسم علي الرمال قلبا يخترقه سهماً كتبت عند طرفيه حرفي اسمهما
—
التقييم: ٤.٥/٥

[Maha Eshraa · Rating 2 out of 5]

الفكرة مكررة كثيرا و مبتذلة. جايز لو كنت فى سن المراهقة قريتها كانا عجبتني بس لا. شخصية نيرةديه غلط. مفيش شخص كده 24 ساعة . و شخصية ندى متناقضة جدا. حتى الأحداث إلى حصلت لفاطمة و كيف تم انقذها مش واقعية . للأسف مش من الروايات إلى استمتعت بيها.

[Aya Khalifa · Rating 3 out of 5]

الرواية مسخرة و أنا كنت ببقى بضحك و بعيط فى نفس الوقت و فعلاً فى اخطاء لا يمكن إصلاحها بس منغيرها مش هيبقى للحياة لازمة أو هاتبقى الحياة مملة و مكررة دائماً

[عاشقة الكتب · Rating 4 out of 5]

جميلة جدا

[Maha Taha · Rating 3 out of 5]

كتاب رائع يستحق القراءة

[Reem Mohamed · Rating 3 out of 5]

ف الاول انا هقول ايجابيات الروايه و بعدها السلبيات (من وجهة نظري انا )

ف الاول اسلوبك ف الكتابة رااااااااااااااااااااائع و واضح من الروايه انك دمك خفيف جدددا فعلا الروايه كان اسلوب الكتابه بتاعها حلو اووووووي و احسن حاجه ان الحوار بالعاميه و الوصف بالفصحي انا عن نفسي بفضل النوع ده من الكتابة و خصوصا لو كانت كتابه روايه اجتماعيه ثانيًا الروايه كان فيها مواقف مضحكه جددددددددا و حلوة اوووووي و انا عن نفسي لما عرفت انها 1484 صفحه متفائلتش خالص و قلت مش هقرأها عشان مضيعش وقت بس بصراحه انا مضيعتش وقت فيها و بالعكس كسبت قرايه روايه دمها خفيف جددددا ده غير ان الروايات الطويله الواحد بيعيش معاها فتره و بيبقي متشوق ليها و ده اللي انا شوفته ف روايتك و ع فكره انا حملتلك روايات تانيه ليكي و حاليا بقرأ "دعني احطم غرورك" و هكمل بقيه رواياتك ان شاء الله .. بس معلش متزعليش مني ف السلبيات بس بصراحه هي ف الاخر طولت بشكل غريب يعني فيه احداث اتحطت مكانش ليها لازمة و طولت الروايه ع الفاضي يعني ف اخر 300 او 400 صفحه غالبا بدأت الاحداث دي تبدأ كان ممكن تحوشيها .. تاني حاجه كانت فيه بعض ردود الافعال مش ف مكانها خالص و ملهاش علاقه بالموقف يعني انا لاحظت انك كنتي بتكرري الكلمات دي كتير ( هاه .. هه .. طيب .. اها .. اوك .. ممممم .. اي��ه .. نععععم ) كانوا زياده اوي ف الروايه او بمعني أصح كانت بتتحط ف اوقات غلط مش بيبقي الموقف مستاهل استغراب او بيبقي محتاج رد فعل تاني غير دول زي مثلا لما زينب قالت لصالح ( يرضيك يا حج ننزل نلاقي ام علاء تحت و هتيجي معانا و احنا بنشتري اللبس ) ساعتها قالها باستغراب ( نعععععم ) فهي قالتله ( ايوه والله كانت معاه و كانت عايزه تروح معانا ف شرا الطلبات راح هو قالها ( طب دي مفيهاش حاجه يا حاجه ) !!!! امال انت استغربت ليه من الاول و قولت نععععععم و كدا .. يعني كان فيه مواقف كتيييييره اوي شبه دول كان الاستغراب فيها اوفر و مش ف مكانه .. تالت حاجه و دي الاخيره كان فيه بعض المواقف الاوفر و اللي مش واقعيه ف الروايه زي مثلًا اللي عملته فاطيما لما عرفت بموضوع عمليتها و زي لما نيره راحت لندي و قعدت تعيط لها و تقولها انا خايفه اصدق مروان و زي لما علاء و ندي كانوا رايحين يجيبوا دبله لعلاء فعلاء اتخانق فيها بعد ما اختاروا الدبله كان سبب تافهه جدا و غريب اووي و حكايه نسمه انها عايزه تتصاحب ع نيره و تروح تخلي بنات تصربها و كدا يعني مواقف مش واقعيه خاااااااااالص .. انا اسفه لو فيه حاجه ضايقتك ف الريفيو بتاعي بس ده رآيي بصراحه و انا بقول لحضرتك كدا عشان الروايه عجبتني فعلًا و استمعت بيها و عجبتيني ككاتبه و عجبني اسلوبك و عايزه اقرألك تاني كتير و عايزه اتابع رواياتك و اقرأها كلها و انا بقول الاخطاء اللي كانت فيها ( من وجهة نظري ) عشان لو اقتنعتي بيها تتجنبيها ف اي روايه تانية عشان الروايه تبقي احلي و احلي و ف النهايه فعلًا انا اعجبت جدا بالروايه برغم السلبيات اللي انا قولتها بس هي عجبتني جدا و انا قيمتها باربعه .. و احب اقولك اني منتظرة اي روايات جديده لحضرتك و انك بقيني من كتابي المفضلين

[أمـانـِي تَـوفـيـق أَبـو الْـدّهَـب · Rating 1 out of 5]

يعنى مش بس تافهة وملهاش اى معنى واى هبل وخلاص مكتوب لا كمان بتزود الشلل بانها اكتر من 1400

[Om Akram]

*