Луна

by Винка Саздова

„Што сакаш, всушност, да знаеш?“ гласот ѝ беше сув.
„Јас… ми падна тешко што не сакаше да се види со мене“, признав.
„Со никого не се гледаше, ако ти е тоа утеха. Секој човек има право на избор, нели?“ го повиши гласот.
„Да, да“, промрморив. „А и јас не бев којзнае колку упорна. Му ја почитував одлуката. Можеби и се плашев да го видам таков…“

Луна е роман за незавршените комуникации во нашите животи.

Две жени, Роса и Теодора, се обидуваат преку спомените на другата да проникнат во сопственото минато. Заедничка им е љубовта кон Калин, кој пред смртта остава една папка преполна со романтични вознеси за Луна. Која е Луна? Тоа е загатката што двете жени ќе ги принуди на сојузништво. Трагајќи по Луна, тие постапно се доближуваат една до друга и се ослободуваат од сеништата на минатото.

Луна од авторката на Последниот чај, Полиња со диви нарциси и Понекогаш доаѓа среќа.

Genres: Fiction, Contemporary

298 pages, Paperback

Published December 18, 2015

Reviews

[Bilyanap]

И со овој роман Винка Саздова ја потврдува веќе препознатливата тема и стил на своето творештво, длабоко психолошко спознавање на ликовите преку убаво напишани реченици користејќи значително стилски фигури.
Мене ми се допаѓа тоа, но за оваа книга го имав чуството за 'премногу' - убави мисли и метафори го успоруваат и осиромашуваат дејството.

[Ivana Oltovska]

не е лоша книгава

[Simona Paunova]

Мелем стилот на пишување, секоја реченица извезена, ми топлеше душа. Но, постојано ме пратеше чувство на усиленост, одповеќе накитено ми ја разнишуваше хармонијата и не можев да ѝ најдам нишка на приказната, како таа да постоеше за пишаното, а не обратното.

[Вики]

Книга која ќе ве држи будни до доцна во ноќта, која нема да може така лесно да ја оставите без да се прашувате што ќе се случи на крајот со Роса и Теодора... според мене, оваа книга ѝ е најдобрата на Винка!

[Danny Stojanovska]

Ова беше едно убаво читателско искуство. „Луна“ ме освои со својата атмосфера и емотивност. Винка Саздова пишува на начин што те тера полека да се внесеш во приказната и да размислуваш за она што го читаш. Книга што дефинитивно ќе ја паметам по чувството што ми го остави.

[Filip]

Книга полна досада и убави, мудри мисли.

[Eli T]

4.5⭐

[Ivana]

Одлична книга, речиси пола морав да ја препишам :)

[Ljupka]

Luna is filled with deep feelings and great expressions. While reading it, I thought is this the author with the best narrating abilities...