لو كانت

by نسمة الجمل

اختلفت معاني الصداقة، فأصبح الصديق يرتدي قناع الزيف، حاملًا صفات ذئب، ينتزع من روح القلوب السلام.
وترك الابن عائلته ليذهب إلى مجهول، فحمله القدر إلى ما لم يكن في الحُسْبان.
كان الحب بوابة العبور إلى دنيا الورود، وماذا جنتْ تلك البريئة سوى شوك الظنون، وشرقية النفوس المزينة بغطاء الحضارة الخادعة؟!
آلمتها الوحدة والتقاليد التي تزهق من أجلها الأرواح!
"ظننتُ.. فحكمتُ.. فظلمتُ".

255 pages, Unknown Binding

Published December 31, 2015

Reviews

[Jaylan ElshaǮrawy]

انا اسفه اني اقولك ان الكتاب فعلا معجبنيش نهائي
المشاعر مبالغ فيها زياده عن اللزوم جدا و بعيده عن الواقع جدا
النهايات غريبه
شخصيه مثلا زي سها شريره و حقوده جدا و ما تمش عقابها و و دي ف الغالب بتبقي ميزه الروايه اننا بنقدر نتشفي ف الشخصيه الشريره
او نحس اننا خدنا حقنا منها
انما بالعكس ع كل شرها و كذبها جوزها فضل يحبها ووافق يتحمل مسئوليتها و قرفها حتي لو مابقاش يكلمها بس بيحبها و ده صعب اوي ان شخصيه زي دي تتحب
و كله كوم و النهايه بين بطلين القصه كوم تاني بجد
اصرارك ع التاكيد ع الذكوره الشرقيه و اهانه الست لحد اخر لحظه بجد فقعني يعني كان عندي امل بنهايه مختلفه تمااااااااما
لان النهايه سيئه جدا
معظم رجاله القصه ما بين 3 انواع
ملايكه .. ضعاف الشخصيه .. ذكوريين
مفيش حد وسط و طبيعي
القصه تشدك تعرفي نهايتها و ف نفس الوقت انتي مش مستمتعه بالاحداث عايزه تخلصيها و بس
و حاسه انك مشتته بين كذا فكره
و اسلوب الروايه فيه حاجه غلط يحسسك انها سطحيه

[Ragaa · Rating 5 out of 5]

احم احم خلصت الرواية للاسف الشديد وزعﻻنة جدا انها خلصت
بصي بقى نتكلم واحدة واحدة
اوﻻ كفكرة حلوة جداااا دخلتي ف مكان محدش دخله قبل كده ابناء سيناء ومايعانون منه
ثانيا اسلوبك اتطور كتير جدا عن احتواء كلغة اللغة حلوة اوي تالت او رابع عمل اقرأه كله فصحى ومحسش بملل من لغة الحوار بين الابطال ع العكس كنت مستمتعة جدااا وانا بقرأ
ثالثا السرد عجبني جدا سلس مفيهوش ملل والنفﻻت كانت كويية متوهش
رابعا بقى الاشخاص زي ماكتبتي ف بداية الرواية مصطفى سمر امير هاجر الاربع اشخاص دول تحديدا شبههنا اوي
الشخصيات كلها بالنسبة ليا شخصيات اساسية كل واحد بطل حتى الظابط الي كسر لمصطفى ومحمد الموبايل وهما ف الخدمة طلع ف مشهد واحد لكنه يتعمل عليه رواية برده
حتى والد مصطفى يتعمله رواية لوحده بقبل وبعد الحادثة كلهم ابطال اساسين كل واحد ف دوره
محمد وشروق وجعو قلبي اوي عيطت كتير اوي بسببهم
هاجر محبتش مصطفى هي شافت فيه الاخ الي فقدته ف امير بعد جوازه
مصطفى عقﻻني شدته هاجر لكنه برده محبهاش
محمد وشروق مثال للحب النقي
سها شبهه مامتها جدا وده الي استنتجته من بين السطور
ختامها مسك امير وسمر <3 اثبتو ان مفيش كلمة كرامة بين زوجين بمعنى حبها ليه افوى من كرامتها واحدة غيرها كانت سابت الجمل بما حمل واتطلقت ووقتها حقها لكن هي حبته اكتر من نفسها وده حلو ان يكون الحب هو الاقوى
النهاية بالنسبة ليا كانت غير متوقعة نهائي وده يخليني اقولك انك نجحتي ف الرواية من وجهه نظري بنسبة 100%
ف النهاية اسمحيلي اقولك شابوه ع التطور الملحوظ ف اسلوبك ولغتك واضح جدا انك تعبتي ف الرواية وحقك يتقالك شابوه وخمس نجوم مش كفاية بجد

[Sohila Adel · Rating 5 out of 5]

لو كانت


من اجمل الروايات اللى قراتها عن الحب والصداقه الصادقه وعن الصداقه الخبيثه والحقد والغيره اتناولت كل المشاعر اللى جوانا الحلوه والوحشه واول مره اقرا حاجه فيها سيره ابناء سيناء اللى فيهم الوطنيه عن اللى بيتهموهم بالغدر وخيانه الوطن

مبدأيا بقى الاشخاص
هاجر : جميله جداا ومثال للصداقه الصادق وحب المحبين
محمد وشروق : بكانى وشوفت فيه المثال الحلو فى الشباب والوطنيه والصداقه جمع بين كل حاجه والحب الصادق واتمنيت شخص زيه
امير:مثال للراجل الشرقى المحب الحنون بعيدا عن كرامته بس اول حاجه تجرح رجولته بيرجع لشرقيته وجنونه ماعجبنيش فى حاجات معينه فى ظنونه اللى كان
هيخسر بيها حبه الوحيد
مصطفى : مثال لشباب كتير فى مصر المستهترين بس مع اول ضربه اتحول لراجل يعتمد عليه واهم حاجه عنده اسرته حبيت شخصيته جدا من غموض فى الاول وبعدها اعجابه بصديقه وبعدها موافقته علي اسراء كل تبين قد ايه هو انسان مضحي

سمر : ماحبتش حاجات كتير فيها ضايقتنى وبحبها الصادق اتعاطفت معاها

سها : مثال بينا كتير جدا للشخصيه الغيوره والحقوده على صحابها كل انسان فينا فى حياته سها بس مش بتبان الا اما بنتضرب ضربه توجع


اسلوب نسمه بقى ده حكايه لوحده : اتطور جدا من سرد ولغه وتفاصيل كتييييير اوى قريت الروايه 6 ساعات متواصله من غير ما ازهق لحظه وحسيت كل حاجه عياط وحب وكره لشخصيه سها واتفاعلت جدااا فى حياه سمر وامير وخوفت على مصطفى ....كلهم بيمثلو الشباب المصرى على كل صوره

دمتى متطوره ...مبدعه ...وجميله

[Amr EL-Saeed · Rating 1 out of 5]

خيالية جدا وغير واقعية
الخيط الرئيسى للأحداث مفتعل ومش منطقى ولا طبيعى اللى هو السلسلة اللى البطلة محتفظة بيها

[Osama Yosre · Rating 5 out of 5]

لوكانت - نسمة الجمل
على ارض سيناء تحكى لنا الكاتب عن قصه الحب التى جمعت بين قلب امير وسمر وقلب محمد وشروق وعائلتهم وكيفية تتدخل القدر للتفرقه بينهم وقصه الصداقه بين ابن الزقازيق وسيناء ومشاكل اهل سيناء فى التجنيد فى الجيش
الحدوته بسيطة ولكن جميله جدا ولا ينقصها التشويق والاحداث سريعه وبدون ملل
كرة شخصيه سها لانها تمثل النفسية الغير سوية
واخير فعلا ظننت فحكمت فظلمت

[Eslam Hassen · Rating 5 out of 5]

روايه اتناولت جزء مهم جدا من حياتنا وهويتنا ورغم كده الجزء ده مهمش من سنين طويله جدا .. استطاعت المبدعه نسمه الجمل ان تربط بين قضيه واقعيه بأطار رومانسى مبدع
رغم عدم قرأتى او حبى لقرأة روايه بالعربيه الفصحى الا انى مع سلاسة الروايه واسلوب الكاتبه لم اتفطن انى اقرأ روايه بالفصحى الا مع الصفحه رقم 25 من الروايه
استاذه نسمه .. الروايه دى هتكون حمل تقيل اوى عليكى فى رواياتك القادمه ... بس اناواثق فى ان حضرتك مبدعه بالفطره
دمتى مبدعه ..

[Mayada · Rating 1 out of 5]

رواية مملة جدا و معجبتنيش خالص حاسة اني بتفرج على فيلم عربي قديم تاني مرة أقرأ ل نسمة الجمل و أخر مرة

[Maryam Farag · Rating 1 out of 5]

رواية حقيقي أووفر أوووي
حزينة أنا علي مضيعة وقتي لقرأتها.
لاتستحق القرءاة.

[Reham Mohamed · Rating 4 out of 5]

اسم العمل لو كانت
اسم الكاتبه نسمه الجمل
صادر عن دار الرسم النشر والتوزيع
عدد الصفحات 255
الطبعه الاولى 2016
تصميم الغلاف اسلام مجاهد
تدقيق لغوي محمود سلام

حين يكون الحديث صامتا،مجرد عيون تتألم، تعبر عن ذرف الدموع الغزيرة ليلا ،اخر نفس ننازع به البقاء، محاولين من خلاله تاكيد كوننا بحاله جيده ، هل يمكن ادراك ان خلف بسمات البعض ولحوهم لما يملا قلوبهم؟ونرتبط ان القلب ليس صريحا حتى مع الذات؟! فقلوب البعض تتألم في الغالب رغم هشاشه وجوههم
تناقش الكاتبه في الروايه عده قضايا:
🩸قضيه الاولى: غدر الصديق لصديقه الذي كان معه عمر كاملا.
🩸 القضيه الثانيه: المعامله الجافه من الاب للابناء.
🩸 القضيه الثالثه:اجبار البنت على الزواج بسبب العادات والتقاليد والخوف على الثروه من الضياع.
🩸القضيه الرابعه: الالتحاق بالجيش وترك الاهل بدون سند .
🩸القضيه الخامسه: طمع لابناء في ثروه اهلها وتركها بدون رعايه ومحبه .
📎 الغلاف: جاء موافق لاحداث الروايه.
📎 اللغه: استخدمت الكاتبه اللغه العربيه الفصحى في السرد والحوار .
📎 السرد: جاء اكثر من الحوار.
📎 الشخصيات :رسمت الكاتبه الشخصيات بدقه.
🪄 لا يمكن لوقت سالف ان يبقى في الحاضر.
🪄 يقاس العمر بطول السعاد،بلحظات الحزن الحزن او الفراق مكانه طويلا ومؤلما ،وشعرت بقى ان حياتك رتيبه لا تمر.
🪄 الحب يتمسك بالغفران كي يظل الاحباء معا.
🪄_الدموع جزء متأصل في تكوين المراه.
_اعلم ولكنه عند الام يكون مبالغ فيه.
_عند الحبيبه يكون اشد تاثيرا واوجع.
_ليس هناك اشقي واهلك من دموع الام،لا اكثر شيء شجنا من رؤيتها تتالم،لا يمكن لاحد ان يقارب وجعها تاثيرا.

🪄 الالم اكثر تاثيرا ،رؤيه الحبيب يتالم كأن روحك تسحب، وكأن عالمك اغلق عليك ،حبيب الله يوجد ما يقارن محبوبته،وهذا ليس مقارنه بين الام والحبيب،الحبيب المه من الروح،الام من الاعماق،حبها فطري.

[My Novels · Rating 4 out of 5]

رواية:لو كانت🧡
الكاتبة:نسمة الجمل
تدور أحداث الرواية حول سمر وأمير وقد تزوجا بناءًا على أمر والد أمير ولكن أمير وسمر حين ألتقيا وقعان في حب بعضهم كثيرًا وتزوجوا وباتت أيامهم رائعة إلى أن كشف أمير ما تخبئه سمر بغرفتها وظن بها الظنو�� وجفت معاملته معاها وفي الجهه الأُخرى صداقة مصطفى ومحمد في الجيش الرائعة التي تنتهي بفراق أليم ولكن يعوض الله مصطفى بـ ابنت عم محمد عن كل ما مر به في حياته وقد عوضت أيضًا هاجر به ❤️
.....
الرواية دي تقريبًا قرأتها من تلات سنين وقررت اني هرجع اقرأها تاني وكنت حاسة أن فكرتي وشعوري هيختلفوا المرة دي لكنه مختلفش كتير نفس الأحساس والفكرة اللي في الرواية وصلولي تألمت مع الابطال وفرحت حبيتها جدًا تاني محبتش بس أن السرد كان أكتر من الحوار بين الشخصيات كنت بزهق وبعدي منه شوية وأقرأ الأحداث لكني مندمتش اني عدت قرأتها❤️
عدد صفحاتها:255 صفحة
متوفرة:pdf
تقييمي:9.5من10❤️
أتمنى لكم قراءة ممتعة❤️

[Basma Sleem · Rating 1 out of 5]

الروايه كانت ماشيه حلو بس اتكرووت احداثها فالاخر ودا شئ خلاني شيفاها مش حلوه واديلها نجمه واحده بس كتقييم. طولتي ف احداث ع حساب النهايه كان مفروض تعكسي. المصير مبهم لكل اللي فالروايه.. !!

[Heba Hegazy · Rating 4 out of 5]

حقاً ان بعض الظن اثم..!

[Gehad · Rating 5 out of 5]

مما لا شك فيه يا نسمة طبعا انك ابدعتي في الرواية ، و طول ما انا بقراها حساها حقيقية اوي و لامسة الواقع جدا ، كأنها بتحصل لناس انا عارفاهم او مروا عليا .....
لو كانت
ظننت ، فحكمت ، فظلمت
مبدأيا كدة يا نسمة الرواية فعلا تحفة جدا ، حلفت اني مش هنام قبل ما اخلصها ، ابدعتي فيها كعادة كل رواياتك.....
1_ انك تخليها كلها باللغة العربية الفصحي و تكون اللغة سليمة جدا و في نفس الوقت سلسة و توصل لقلوب قراءك كدة معاناها انك اتحديتي نفسك و فزتي عليها
2_خليتي الرواية في مكان محدش اتكلم عنه قبل كدة و في نفس الوقت المكان ده ليه معزة خاصة عند كل مصري و اتذكر في كتاب ربنا (سيناء الحبيبة) ناقشتي فكرة ان ابناء سيناء ملهمش الحق انهم يدخلوا الكليات الحربية.
3_ الشخصيات عشت معاها بكل تفاصيلها و احساسها .....
أ_امير اكيد هو اللي بينطبق عليه المقدمة لانه فعلا ظن في سمر الخيانه رغم علمه بعشقها ليه و حكم عليها محاولش حتي انه يسالها او يواجهها فظلمها لما عرف الحقيقة و مدهاش فرصة حتي تدافع عن نفسها، عجبني في علاقته بسمر انها ابتدت بعد ما اتقدم لها لاني مؤمنة جدا بفكرة الحب بعد الجواز ...
ب_سمر عشت معاها كل تفاصيلها الرقيقة ، عدم تقديرها ان وجود السلسلة معاها يضايق اي راجل شرقي، عشت معاها سذاجتها و انخداعها في صاحبة عمرها و يمكن دي من اكثر الحاجات اللي اثرت فيا، عشت معاها وجعها في اتهام امير ليها في شرفها و صدمتها في صاحبة متستاهلش لقب عظيم زي الصداقة و وجع فقدانها لابنها اللي سكن جنب قلبها و قلبها و روحها شافوه بس عينيها ملحقتش لانه سبقها علي الجنة و اخيرا عشت معاها وجع انها كادت تفقد اغلي انسان في حياتها لما كان هيحصل بينهم الطلاق....
ج_سها بجد هو كومنت عليكي ، انسانة حقودة استغلتي سذاجة سمر و الغيرة اللي عمت قلب امير عشان تفرقي بينهم و كل ده عشان شايفة انك تستحقي تكوني مكانها لمجرد ان ربنا من رزقه اداكي شوية جمال زيادة ، طب ما ربنا مدي لكل انسان 24 قيراط متوزعين عليه بنسب معينة يعني ربنا صحيح مخلكيش غنية اوي زيها بس اداكي جمالك و هي ربنا مدهاش رزق كبير من الجمال بس اداها غناها و زوج يحبها بجد....
د_هاجر حكاية بنات كثير حبت و اتحبت بس القدر مش عاوز الاثنين دول مع بعض، انا شايفة اللي بينها و بين مصطفي عمره ما كان حب، بس ممكن نقول عليه احتياج هي مش لاقية حنان و لا كلمة حلوة من ابوها و اخوها بعد عنها بعد جوازه و خطيبها كان مسافر و الدليل علي انه مش حب انها حست حتي لو بإعجاب ناحية كريم خصوصا لما عرفت انه بيحبها و مش مغصوب عليها.....
هـ _ مصطفى زي ما هاجر حكاية بنات كثير انت برضو حكاية شباب كثير، برضو انت محبتش هاجر بس ده مجرد انجذاب، و بعدين من حب اسراء ليك هتحبها حتي لو محبتهاش حب حبيب لحبيبة بس هتحبها حب زوج لزوجة، حب لعشرتها ليك و وقوفها جنبك، حب انها هتكون ام ولادك هتحبها من حبها ليك....
و_محمد مثال للصداقة اللي اتعدمت في ايامنا واحد بيحب بلده بجد مهمهوش انه لسه في عز شبابه و لا خاف علي خطيبته اللي قلبها هيموت عليه و لا خاف من حرقة قلب امه كل اللي فكر فيه اصحابه و زمايله و بلده و ان محدش فيهم يمسه سوء ضحيت بنفسك عشان تنقذ معاني كثير بقت قليلة في حياتنا
---------------------------------

[Arch Molly · Rating 4 out of 5]

الروايه راقيه جداا و هدفها راقى ☺
حاولت تنتشل فكره الارهاب عن اهل سياء بدون الدخول فى تفاصيل سياسيه مرهقه ..
نسمه ابدعت فى تعبيرتها و صدق مشاعرها
من الاقتباسات اللى حبيتها
-----------
ظننت فحكمت فظلمت
-----------
حين يكون الحديث صامتا , مجرد عيون تتألم ,تُعرِب عن ذرف الدموع الغزيزه ليلا , و آخر نفس تُنازع به البقاء ,محاولين من خلاله تأكيد كوننا بحاله بجيده , هل يمكن ادراك ان خلف بسمات البعض و لهوهم غما يملا قلوبهم ؟ و نستنبط أن القلب ليس صرحا حتى مع الذات ؟! فقلوب البعض تتألم في الغالب رغم بشاشة وجوههم
-----------
مسكين ذلك القلب إن كان حنونا , فوقعاته تكون كثيره و زلاته أكثر , حتى إن كانت تلك الزلات يتسبب فيها قسوة أحب الناس الى القلب
-----------
لكل منا شخص يحبه و لا يراه , و ان فعل لا يشعر به و ان شعر لا يريده , و ان اراده لا يحصل عليه , و ان حصل عليه لا يكون كما ابتغاه
-----------------------
عجبنى حوار مصطفي مع والدته
= دوون دموع ؟
- هاهاها هذا امر فطرى , الدموع جزء مُتأصل في تكوين المرأه.
= أعلم و لكن عند الام يكون مُبالغا فيه .
- و عند الحبيبه يكون أشد تأثيرا و أوجع
= ليس هناك اشقى و أهلك من دموع الام , و لا اكثر شجنا من رؤيتها تتألم و لا يمكن لأحد أن يُقارب وجعها تأثيرا
- عزيزى هذا الكلام مندفع من شخص لم يُحب يوما
= امى لو لم تؤثر دموع الام بالرجل لن يؤثر غيرها صدقينى
- أنا لا اقول لا يؤثر , اقول أشد تأثيرا , رؤية الحبيب يتألم , كأن روحك تُسحب , و كأن عالمك أغلق عليك , الحبيب لا يوجد ما يقارن مع محبته , و هذا ليس مقارنه بين الام و الحبيب , الحبيب ألمه من الروح , لكن الام من الاعماق , حبها فطرى ♥

[Radwa Mohamed · Rating 5 out of 5]

لو كانت
الرواية حلوة جدا.. استمتعت بكل حرف فيها
وبالفعل ابدعتي فيها والفصحى فعلا زودت جمال الرواية
آلمني اوي موت محمد... وكل اللي بيحصل في سيناء وفعلا عرفت معلومات اول مرة اعرفها عن ابناء سيناء زي انهم مش بيدخلوا الكليات العسكرية بجد انتي ماهرة
حبيت حبه لشروق... وقلبي وجعني عليهم جدا
وحبيت طيبته وصدقه واخلاصه... وانه صديق رائع

كرهت سها وان ازاي في صديقة تخون صاحبتها وتكرهها وتغير منها بالشكل ده

امير فعلا كأي رجل شرقي متعفن... مسابش فرصة لسمر تشرحله الحقيقة.. وان ده من حبها فيه مش خيانة ليه.. واعتقاده انه لو واجهها يبقى بيهين رجولته وكرامته

سمر كانت مثل عالي جدا في العشق وان رغم معاملة امير ليها الا انها كانت بتحبه جدا.. وكانت مستعدة ترجعله تاني ويبدأوا حياة جديدة مع بعض

اتاثرت بالرواية واندمجت معاها اوي
واكتر ثنائي عجبني فيها محمد وشروق

[Taghreed^_^ · Rating 4 out of 5]

خلصتها ومش مصدقة انى خلاص مش هعيش معاهم تانى حبيت الشخصيات جداً وكرهت سها لاقصى درجة الرواية ممتعة والسرد جيد وكذلك اللغة عرفتى تعيشينى اجواء الرواية حزنت لما حدث لمحمد اوقفت الدموع بعينى لانى بالعمل ولكنى حزنت جداً لاجله لا ادرى ماذا اقول ولكنى اشكرك ع هذه المتعة والرحلة الجميلة :) <3

[Mayar Mohamed · Rating 3 out of 5]

عجباني قوة اللغة و اسلوبك في أستخدام الغموض لو انه ساعات ممكن يوصل لمرحلة من الملل

[Leo Zizo · Rating 4 out of 5]

نسمة يعنى مينفعش معرض الكتاب يعدى بدون ابداعاتك
السنه دى ابداع وتفوق على نفسك فى كل حاجة (لو كانت). بجد ابداع

اولا اللغة العربية سهلة طبعا عارفة مبحبهاش بس سهلة وخفيفة ودي اهم حاجة
ثانيا الرواية مشوقة بجد بطريقة فظيعة
ثالثا سهي حبتها اووووووووووي حستها شبهي انجرحت كتير عشان كده شخصتيها اتغيرت
رابعا هيبقى صعب تحدي قوي انك تعملى رواية اقوي من "لو كانت" بس طبعا انتى ئدها

خامسا شلت نجمة عشان البداية مكنتش مشوقة اوي كانت الاحداث بطيئة حبه بقول الحق :D

واخيرا من نجاح لنجاح دايما يانسمة

[Diroo · Rating 5 out of 5]

لو كانت رواية تحفة تحمل معني الصداقة النقية وصفاء القلب والشجاعة المتمثلة في محمد والشر المتمثل في سها والظنون اللي كلنا بنقع فيها من قبل حتي مانتأكد منها كلنا بنظن فللاسف بنحكم فغالبا بنظلم
وفعلا في ناس بيحصل معاها زي احداث الرواية
بالنسبة للكاتبة واسلوبها
بجد بجد يانسمة انا بحب اسلوبك جداااا وبحب شخصيتك
كل حاجة بتكتبيها بحس فيها من شخصيتك

[Marwa Abotalp · Rating 3 out of 5]

الرواية جميلة فيها قدر عالى من التشويق
كمان اللغة و الاسلوب حلوين
مش عجبتنى النهاية ولا اقتنعت بيها خاصة نهاية سمر
اما نهاية مصطفى وهاجر كانت حلوة
معجبنيش كمان المثالة اللى فى بعض الشخصيات
دى اول رواية اقرائها للكاتبة نسمة الجمل واحلى حاجة انها كانت اعلى من توقعاتى للكاتبة
بالتوفيق وللأحس دايماً

[Rasha · Rating 4 out of 5]

ظننت فحكمت فظلمت
كل قصه في الروايه فعلا قدرتي توصلي منها ده.
قصه امير وسمر
قصه اهل سيناء من خلال مصطفي ومحمد
قصه هاجر وكريم
عجبني اختصار الروايه في 3 كلمات بس
عجبني كمان ..... شخصية سمر جدا في كونها زوجه بتحاول تحافظ علي حياتها بكل طرق.. النجمه الناقصه لاني زعلت من احساس الاستسلام في شخصيه مصطفي وهاجر للظروف

[Tena Ibrahem · Rating 5 out of 5]

فظيعة .. رواية اكثر من رائعة بجد ..اوقات كتير كانت سمر بتصعب عليا واعيط معاها وازعل عليها ..وكرهت سها جدا
صعبت عليا شروق اوي وزعلت علي محمد لما مات وعلي طيبته
بجد رواية حلوة جدا وتستحق اكتر من 5 نجوم

[Mariam Nageh · Rating 3 out of 5]

اعجبتني طريقة السرد في بساطتها , طريقة الكاتبة في اثارة القارئ من خلال الاحداث وتسلسلها الرائع ,كنت دائما في لهفة الي معرفة الخاتمة ..لكن النهاية للأسف خذلتني حقا.. أيضا بعض الاشخاص محاولة ضم قصصهم للراوية لم تكن موفقة بالمرة ولم تكن لتضفي أهمية او تناسق اكبر في ظل سلاسة الرواية .

[Salma Hegazy · Rating 5 out of 5]

لرواية انا حبيتها جدا ، و عشت مع شخصياتها اوي

[Mona Enany · Rating 3 out of 5]

الروايه حلوه شخصيتها حلوه جدا فيها حاجات كتير واقعيه
اللي معجبنيش فيها نهاية سها من غير ما اقول تفاصيل ولا احرق احداث بس حاسه انها كانت عايزه نهايه وافعيه دي خياليه

[Erø]

نسمه.. مش هقولك كلام كتير انتي عارفه انا شايفاكي ازاي و مؤمنه بموهبتك ازاي.. عايشتيني حالة. مش عارفه اوصفها.. الروايه مالهاش حل

[Lina El-kateb · Rating 1 out of 5]

ايه الملل ده؟ أحداث رتيبة و متوقعة

[Somaya Adawi · Rating 4 out of 5]

حب يبدأ برضى الله.. يمر بالكثير من الصعوبات والمطبات، زواج يصل لمرحلة الطلاق بسبب "صديقتها" ولكن يختفي بعد اكتشاف اصل الصديقة..
خيانة اصدقاء..
سوء ظن مقابل حسن ظن