كل رجال السويس

by محمد أبو ليلة

كل رجال السويس هو كتاب تاريخي يكشف أسرار الفدائيين في مدينة السويس وقت حرب أكتوبر ومعارك الاستنزاف، صدر للكاتب الصحفي محمد أبو ليلة عن دار كنوز للنشر والتوزيع، وأبطال هذا الكتاب مهنتهم الحياة لا السلاح، وفي لحظة الخطر، تحولوا إلى مقاتلين وفدائيين من طراز لا يتكرر، فهم قطعة من قلب مصر، ومن صلب جيناتها العبقرية، ومن مدينة السويس على الخط الأمامي للمقاومة، يكدحون ويمرحون، يعانون ويفرحون، لكنهم لا يتخلفون أبدا عن دفع ضرائب الدم، وترك بيوت السكينة إلى لهيب النيران، تصهرهم المحن، وتخلقهم خلقاً جديداً، ويصنعون البطولات المذهلة كأنها من عادات الحياة اليومية.

ويقول الدكتور عبد الحليم قنديل أن هذا الكتاب يقدم وقائع التاريخ المنسي، ويذكركم بأبطال السويس المحجوبين عن الضوء، بينما هم الذين صنعوا لهذا البلد ضوء النهار، وكانوا الشعلة الموقدة في ظلام ليل الهزائم الثقيلة العابرة.

186 pages, Paperback

Published January 1, 2016

Reviews

[Amira · Rating 5 out of 5]

من أفضل الكتب اللي اتكتبت عن مقاومة السويس وشعبها
في معلومات كتير جديدة بالنسبالي.. خصوصًا أنها على لسان ناس عاشوا الواقع ده وبيحكوا عنه ..
تجربة مختلفة وجديدة ..

[Farid Almasry · Rating 5 out of 5]

كتاب رائع جدا وإن كان صغير الحجم
رغم أننى قرأت الكثير من الكتب عن حرب أكتوب وحرب الاستنزاف إلا أننى لم أكن أعرف شيئا من قبل عن أبطال وفدائيو شعب السويس أمثال محمود عواد وعبدالمنعم قناوى وإبراهيم سليمان وعن بطولاتهم الخالدة التى قرأتها فى هذا الكتاب
حقا كتاب رائع يستحق القراءة

[بلال · Rating 5 out of 5]

من النوادر اللي أدي كتاب ٥ نجوم .. الكتاب عظيم جدًا من أول لآخر صفحة، يُنصح به جدًا و مجهود عظيم بُذل فيه .. يعيبه بس الجزء بتاع "السويس اليوم" وجُزء التهديدات اللي كانت تحتها أفراد حركة تمرد في حين إن الحقيقة كانت إن مقرات الإخوان هي اللي كانت تحت التهديد

[A.Samir · Rating 1 out of 5]

سيىء ومكتوب بأسلوب ضعيف وركيك
ده كان ينفع موضوع طويل في موقع إليكتروني يتنشر يوم 24 أكتوبر مع شوية صور وخلص الموضوع على كدة..
لكن طبعا مينفعش، إحنا نفرد الموضوع بالنشابة ونرش عليه شوية أفعال وسيطة زي "قام، وتم" (كانت حلوة أوي تم استشهادهم دي) ونعمل منه كتاب، وعشان يبان إنه مليان نحط في أخر الكتاب وبعد الفهرس 5 صفحات فاضيين تماما، يمكن تحب تكتب فيهم إزاي الكتاب أثر عليك بالسلب، أو تقطعهم من الكتاب وتفردهم في طبق وتطلع عليهم بطاطس

وطبعا في كل فصل، الكاتب والصحفي الهمام لازم يقولك إنه قابل فلان وعلان، كأننا مش حنعرف لوحدنا.. وطبعا ناخد الكلام بالعامية زي ما هو ونرميه بين علامات تنصيص، ده غير تكرار الفقرات لزوم الفرد وكدة.
وأما نيجي بقى عند السلاح نكتشف إبداعات رائعة، زي أما يكلمك عن قاذف الأر بي جي "سيفين"، سيفين؟ فعلا؟ ده اللي هو RPJ 7 ؟

وإلا بقى أما يكلمك عن مدفع الدبابة اللي انفصل عن الدبابة فركبوه على عربية كوكاكولا، وبعدين تبص على الصورة تلاقيه رشاش نص بوصة. بيكتب عن مقاومة شعبية مسلحة ومش عارف الفرق بين مدفع الدبابة والرشاش، يلا أهي كلها مدافع !

زي ما في أفلام بيتكتب عليها +18، المفروض الكتاب ده يتكتب على غلافه -14 ، عشان المفروض محدش يقراه ويكون عدى مرحلة تانية إعدادي
ويكون اللي بيقراه ميعرفش حاجة عن السويس غير فيلم حكايات الغريب.