رحمة

رحمة #1

by ميسون سرور

لا يوجد على الأرض بين الناس ملائكة ..
ولكن منهم من يحملون قلوباً ملائكية في أجساد بشر ..
مثل هؤلاء ليس بوسعهم أن يؤذوا او يضروا أحداً ..
ولكن إذا حكمت عليهم الأقدار أن يصارعوا الشياطين بايديهم
فلن يسعهم إلا أن ..
يواجهوا الشر بالشر .. ويدافعوا عن الخير بالخير ..
ويحاكموا الشر فى محكمتهم .. بميزان عدل خاص بهم ..
ميزان يخفى بين كفي خيرهم وشرهم ..
عدالة يصدر الحكم فيها بلا قانون ..
عدالة اسمها ..
رحمــــــــــــــــــــــة

728 pages, Paperback

First published January 1, 2016

About the author

ميسون سرور أديـبــة وموسيقيــة
✍ ا 🎶
▪ حاصلة على ليسانس لغات وترجمة إسباني \ إنجليزي..
وشهادة الكلية البريطانية الموسيقية فى نظريات الموسيقى والجيتار..
▪ مؤلفـة وكاتبـة سيناريــو..
▪ لها أعمال روائية وشعريـة وموسيقيـة.. إلى جانب عملها كملحنة ومدرسة موسيقى فى مدرسة دولية.
■ا■ا■
🔸 مؤلفـة ملحمـة (فرسـان الحـب والحـرب)..
أول وأطـول روايـة في العـالم.. (Crossover Novel)..
أضخم رواية مجمعـة لتداخـل أبطـال 6 روايات طويلة للكبـار..
ليكـون عـدد أبطال الروايـة الرئيسييـن 50 بطـل وبطلـة..
تتداخـل أدوارهـم طـوال أحـداث الروايـة المشوقـة..
على نحـو متـوازن مستمــر..
ولذلك تتميـز روايـة فرسان الحـب والحـرب..
بحبكـة جديـدة خاصة بهـا..
تعـد الحبكـة الروائيـة الأولى من نوعهـا للروايـات الطويـلة..
وتـدور أحـداث الروايـة المشوقـة حـول مواجهـات..
المخابـرات المصريـة والأمـن المصـري..
ضد الإرهـاب الدولي وتنظيماتـه..
في مصـر والخــارج..
■ا■ا■
🔸 مؤلفـة أول (رحمــــة) في العالـم..
أول روايات بوليسية اجتماعية طويلة (بطلتهـا ضابطة شرطة)..
وهي سلسلة روايات للكبـار تسلط الضوء على جرائـم حقيقيـة..
وتناقش قضايا المرأة والطفـل والصراع بين القانـون والعـدالة..
في مواجهـات ناريـة خطـرة تتصدرهـا لأول مـرة..
ضابطـة الشرطـة (رحمــة القـاضي)..
وأسرتهـا من رجـال الشرطـة والقضـاء..
في سلســلة الروايـات المشوقــة..
الأولى من نوعهــا..
رحمــــــــة..
■ا■ا■
🔸 مؤلفـة (لحظـة مصيــر)..
- أول عمل فني وأدبي توثيقـي في مصر والوطـن العـربي..
يوثق بطولات شهـداء الشرطة والقـوات المسلحة المصرية..
في المجموعـة الروائيـة المشوقـة لحظة مصيـر..
■ا■ا■
🔸 مؤلفـة (تحـت الحصــار)..
الرواية المخابراتية التي صدرت عام 2017..
وهي الرواية العربية التي تنبـأت بفيـروس مميت يهـدد العالـم..
تتصارع الدول على إنتاج علاجـه
بينمـا تستخدمه دول أخـرى كسـلاح بيولوجـي..
كما تنبأت الرواية بالحـرب البيولوجيـة والبيوكيميائية القادمـة..
وسلطت الضوء على عالمة مصرية شابـة..
تعمل باحثـة في الـ (CDC)..
مركز مكافحة الأمراض والأوبئة بالولايات المتحدة الأمريكية..
نجحت في اكتشاف وتصنيع السيرم المضاد للفيـروس..
"وفي عام 2020 ..
عندما تحققـت تنبؤات الرواية وأرعب فيروس الكورونا العالم..
كانت العالمـة المصريـة الشابـة..
الدكتورة (هبـة مصطفـى) أستاذ مساعـد الباثولجـي..
بجامعة جونـز هوبكنـز ومدير وحـدة الفيروسـات..
تقـف هي وفريقهـا البحثـي (الأمريكي)..
الذي ترأسـه للوصـول إلى التحليـل الجينـي للفيـروس..
فيـروس كورونـا الذي اجتـاح العـالم..
وذلك في جامعـة من أكبـر الجامعــات الأمريكيــة..
وسجـل العـالم مساهمـة العالمـة المصريـة..
في تطويــر فحــص جديــد هــام..
لفيـروس كورونـا المستجـد"
■ا■ا■
🔸 أول مؤلفــة..
يصدر لها 6 روايات طويلة في عام واحد 2018..
متنوعـة بين بوليسية ومخابراتية واجتماعيـة وخياليـة..
🔸 أول مؤلفــة..
عام 2018 قامت بتحويل مسلسل درامي أكثر من 60 حلقـة..
إلى عمـل أدبـي روائـي وهـي (رواية يوميـات ونيــس)..
من الجـزء الأول والثاني لمسلسل يوميـات ونيـس..
للفنان الكبيـر محمد صبحــي..
■ا■ا■
(أعمالهـــــا الأدبيــــة والفنيــــة)
▪ مسرحيــة "شهــــداء العـرب" - عام 2001
▪ روايـة غيــرت حيــاتى - 2013 \ 2015
▪ روايات لحظة مصيــر - 2014 \ 2015
▪ روايــة رحمـــــــــــة - 2016
▪ روايـة أقـوى من الرصـاص - 2016
▪ رواية رحمــة 2 : (سيـف رحمــة) - 2017
▪ رواية تحــت الحصــــــار - 2017
▪ رواية عشـق ابـن صهيــون - 2018
▪ رواية فارس النيل 1 : (الأميــرة المحاربـة) - 2018
▪ رواية يوميـــات ونيـــس - 2018
▪ رواية فارس النيل 2 : (كتاب السحر الأسود) -2018
▪ رواية رحمة 3 : (مواجهة المجهول) - 2018
▪ رواية امنية موت👇
ترجمة_ومعالجة_Death_Wish
▪ رواية آدم السَيَّـــاف وابنة الجنــرال - 2019
▪ رواية فرســان الحب والحرب - 2019 👇
#كروس_أوفر_Crossover_Novel
((أول وأكبر رواية مجمعة في العالم لأبطال 6 روايات طويلة))
▪ رواية لآخــر العُـمــر - 2020
▪ رواية شكاوَى مُحـرَّمَــة - 2021
🔸ا🔸
Social Media..
Official Web. https://www.maisoonsorour.com
https://www.facebook.com/Maisoon.Soro...
https://www.youtube.com/c/MaisoonSorour
twitter.com/MaisoonSorour
instagram.com/maisoonsorour
https://www.goodreads.com/maisoon_sorour
wattpad.com/user/Maisoon-Sorour
https://www.facebook.com/groups/Maiso...

Reviews

[Ehab Fathy · Rating 5 out of 5]

رواية فوق الرائعة و لم استطع تركها الا لم انهارت و نمت ثم اسيقظت لاعيش احداثها مع ابطالها ، فعلا الراوية دى بتناقش موضوع فى غاية الخطورة و هو استسهال الاغتصاب ثم النظر لسن المحرم فلو ١٨سنه يبقى لسة قاصر و هو زى الشحط و لا يعدم و يعامل معملة الحدث ، اى بغض و اى سفة ما نعانية من هذا القانون الظالم ، فعلا فعلا اتمنى اشوفة مسلسل فى رمضان و اتمنى يتغير بسببة القانون العاجز الموضوع ، و افلام كتير غيرت قوانين زى افلام فريد شوقى و غيرة فلية لأ طالما انه قانون بشرى و ليس تشريع الهى محكم يبقى ينظر فى عوارة و بشدة كمان
كما ادعو المؤلفة الفاضلة ان تهتم ايضا بموضوع خطف الاطفال بغرض السرقة او تعليمهم الشحاتة او تجارة الاعضاء ، اتمنى تكونى صاحبة السبق فى رواية زى دة و تتعمل برضة مسلسل و يكون سبب فى تغليظ عقوبة خطف الاطفال و استخدامهم هى المؤبد و الاعدام
تسلم ايدك بس برضة الوجة المشرق ده لوظائف ابطال الرواية بالنسبة للواقع هو كضوء نجمة تبعد مئات السنوات الضوئية يشع فى سماااااء مدلهمة السواد ، مفيش حد شيطان مطلق او ملاك مطلق ، و بينهم فيه ثعابين كتير مثل مجدى المحامى بتبوظ البيئة الطيبة اللى بين الطرفين و خصوصا اعلام الباطل و صحافة الحرام . نسأل الله لم الشمل و رأب صدع الوطن و ربنا ينتقم من اللى فرقنا و كرهنا فى بعض، و ربنا ينتقم من اللى بيشعلل البغضاء و الحقد بين الناس
و على الهامش ايضا ادعوا الله ان ينتقم ممن اشاع بيننا الجهل و كراهية العلم و التعلم حتى صار اغلب الشعب و صارت البلد فى زيل الامم و صرنا اضحوكة يرثى لها بسبب الجهل و الفساد و الافساد
تسلم ايدك و مجهود مشرف مخدوم ومصنوع بحب و اخلاص ، تشرفت جدا جدا بالقراءة ليكى

[ESRAA MOHAMED · Rating 1 out of 5]

تاني يا جماعة محدش ياخد ترشيحات من على الفيسبوك.
هي سيناريو فيلم أو مسلسل أحسن عشان الأحداث الكتير.

استمتعوا...
دمتم قراء... ❤❤❤

[Nadin Shaheen · Rating 5 out of 5]

اسم على مسمى .. رحمة .. فلا شئ فى الوجود يكتمل دون الرحمة .. لا تستطيع القوانين و الأحكام الشرعية التأثير بمصداقية بدون الرحمة .. روح القانون ..
من أهم قضايانا فى الوقت الحالي .. و بصدد ذلك مناقشة العديد من التوابع المهمة الظاهرة مؤخرا فى مجتمعنا .. حقوق الإنسان المتجرد من إنسانيته .. سن الأحداث .. التلاعبات القانونية لتخليص ذوي الحسب و النسب مقابل حسرة و ألم أفراد الطبقة المتوسطة ..
أكثر ما يبين نتائج الكذبة الصغيرة .. و "كما تدين تدان" .. حيث تم معاقبة كل شخص بما كان يرتكبه ..
و لأنها أول عمل أقرأه للكاتبة الرائعة .. كنت فى قمة ذهولي .. و زادت دهشتى عندما علمت أنها ملحنة و مدرسة موسيقة .. و هو ما زاد إعجابي بها لعشقي بالموسيقى و تعلمها .. و خاصة الجيتار .. و هو ما أثار إعجابي بها أيضا عندما قرأت موضوع شهادتها من الكلية البريطانية الموسيقية ..
أود أن أوجه كل تحياتي للكاتبة الرائعة .. و تستحق تفكيرك الأولي فى تحويلها مسلسل درامى .. تمنياتي بالتوفيق الدائم :))

[Mony Essam · Rating 5 out of 5]

بروح واحد .. وبقلب واحد .. قوته من سيف وعدالته من رحمه ..
بجد ايه الروايه المذهله والاكثر من راااائعه دي مكنش فيه صفحه واحده من 724 صفحه ممله ابدااا بجد كلهاا تششوويق وده نادراا ما بيحدث معايا ف روايه اكون بقراها ومحستش ابدا بالملل .. انا حسيت وانا بقرأ الروايه اني بشوف فيلم قصادي من كتر مااتفعلت مع الاحداث كان ع طول خيالي شغال معايا محستش اني بقرأ كلام حسيت كأني جوه الاحداث وشايفه كل واحد وهو بيكلم طبعاا اتأثرت اووي واكتر واحده كانت ملك عيطت من اللي حصلهاا وفرحت جداا من انتقام رحمه ليهم وخصوصا ف الدباح .. بجد اللي هيقرأ الروايه دي هيحس ان في مفاهيم كتير بتتغير عندوو وفعلا مش لاقيه كلام يوصفها اكتر من كده وتستاهل 5 نجوم بجداره ولو في اكتر كنت قيمت

[Amira " MoRoo " · Rating 1 out of 5]

نجمه واحده بالرغم من اني اتاثرت جدا وانا بقراها ونزلت دموعي اكتر من مره ..نجمه واحده علشان اخرها تنفع مسلسل عربي من اللي بيتعمل 30 حلقه ده ..لو جابولي الورق ده وقريتله وماقالوش من اللي كاتبه ..هعرف علي طول ان الكاتبه انثي ..دائما وابدا يغلب علي الكاتبات اسلوب الهري والرغي الكتير بالاضافه الي الرومانسيه الفجه اللي عمرها مابتبقي موجوده علي ارض الواقع ..دايما في الفارس اللي هيجي ينقذ حبيته علي حصانه الابيض ويخطفه ..بالاضافه الي الدروس المستفيده والعظه اللي دايما بتيجي في اخر فصل ..تعلمت الا انفعل ..تعلمت الا اخالف ضميري ..اللي هو لازم اديكم المعلومه متقشره وجاهزه وبطريقه الحفظ والتسميع اللي طول عمرنا اتربينا عليها في المدارس ...احب اقول للكاتبه علي فكره في اتنين فلتوا من الاغتصاب "جيهان # هويدا "ليه مادخلتهمشي الدايره ولا بحكم انهم كبار فعيب نعمل في الكبار كده ...وجعتي قلبي بجد ..وللاسف اشتريت الجزء التاني وهبدا فيه علي طول علشان اخلص من وجع القلب مره واحده .

[Nouran · Rating 5 out of 5]

من احلي الروايات الي قرأتها في حياتي،
انا اتعلقت بالشخصيات،
فرحت فرحهم،
و حزنت حزنهم،
فعلا عشت حاله غريبه،
الكاتبة ميسون،
ابدعتي،
شدتني للقصه جدا و علمتيني دروس كتير،
و اولهم،
الرحمة.

[Chaimaa Abdel Hamid · Rating 1 out of 5]

فيلم هندي

[Ehab Wasfy · Rating 5 out of 5]

فى زمن ردئ انقلبت فيه المعايير .و أصبح المجرم هو البطل و رجل القانون هو الفاسد البلطجى. زمن أصبحت فيه ( الموضة ) هى مهاجمة رجل الشرطة و رجل القضاء و النيابة و الدفاع عن حقوق المجرمين و البلطجية.و انعكست هذه ( الموضة ) أيضا على السادة المدعوون أدباء .فانتصرت الثورية و الفوضى و الادعاء بالباطل و الأكاذيب و سيطرت على كتابات معظم الكتّاب ..و أصبحت أدعو مع بداية قراءة كل رواية جديدة ألا تكون بها ( الاسطمبة ) المحفوظة عن الشرطة الشريرة آكلة لحوم البشر و رجل الشرطة السفاح الشرير القاسى و القضاء الفاسد و الحكومة الفاسدة و و و .و هى العوامل التى يعتمد عليها المعظم للأسف لارضاء الذوق العام و هو شئ أصبح فعلا ممل بالنسبة لى من كثرة تكراره..تقع بين يدىّ رواية رحمة للمبدعة ميسون سرور لأفاجأ بأنه مازل هناك من لا يخشى من قول حق و لا من السباحة ضد تيار الموضة ..
رواية رائعة انتهيت من قراءة صفحاتها ال ٧٢٣ فى يومين فقط بدون لحظة واحدة من الملل

[Marwa Sallam · Rating 4 out of 5]

رواية رحمة. قد يندهش البعض للوهلة الأولى لضخامة حجمها لكن تسارع وتيرة الأحداث وتلاحقها يدفع القارئ للقفز عبر الصفحات بفضل براعة الكاتبة في جذب الانتباه وإثارة التساؤل من الصفحات الأولى. بطلة الرواية غير مألوفة عادة في الروايات العربية بسبب مهنتها لكن هذا كان أحد نقاط التميز في الرواية وبنيتها خاصة الصراع الداخلي بين المواقف الخاصة وما تفرضه المهنة من أصول وقواعد. الرواية تخوض في قضايا شائكة بشدة في مجتمعنا المعاصر والتضارب الذي قد يحدث أحيانا بين العدالة والقصاص وبين ألاعيب القانون التي يستغلها معدومو الضمير والإنسانية. تطرح ببراعة القضية الجدلية للصلة بين العدالة وحقوق الإنسان وكيف يمكن تحقيق المعادلة الصعبة بينهما ولا تغفل الرواية الدور الذي يلعبه الإعلام وكيف انه يمكن أن يصبح أداة لنشر الحقائق وفي الوقت نفسه يستغل لقلبها تماما وجعل الحق باطل والباطل حق.
رواية متميزة تستحق القراءة :)

[Malak Yasser · Rating 4 out of 5]

أنا لست من النوع الدرامي الواقعي ولا أحب هذا النوع من الروايات لكن هذة الرواية بكل ما فيها من دراما وأحداث أثرت في بشدة,بكيت عدة مرات وصدمت أكثر من مرة ,لم أستطع أن أترك الرواية من يدي وأصررت أن انهييها في يوم-وبالفعل انهيتها- فكرة اقتباس الرواية من أحداث حقيقة تحدث بالفعل هو ما جعل الرواية أكثر تشويقا خاصة أن القاريء يعلم واقعية الأحداث وليس هذا فقط بل يشعر شعور من يمرون بها ....الرومانسية وتعلق شخصية(سيف)ب(رحمة) ادخل جوا اخر داخل ثنيات الرواية,وكذلك التضحيات التي ضحي بها كل للاخر, ولا يمكن أن أنسي كيف أثرت أقوال الكاتبة ميسون سرور في وأتمني أن يفهم الناس القانون بهذا المنطلق الذي عرضته الكاتبة,وأرجو ممن لم يقرأ هذة الرواية أن يقرأها واوعده بأنه سيدخل في عالم اخر بمجرد أن يقرأها

[Sara Sara Mohammed · Rating 5 out of 5]

أدب يستحق أن يعيش، تجمعت فيها عناصر لا تجتمع بسهولة في رواية واحدة.
الرواية خفيفة. أسلوبها رغم قوته وبلاغته إلا إنه لا يخلو من سهولة غريبة أثناء القراءة، السهل الممتنع بحق.
عاطفة قوية. واحداث كثيرة.. قوية جدًا. أبكتني كثيرًا كثيرًا، أكثر رواية بكيت فيها لغرابة أحداثها وصعوبة تحملها على شخصياتها. نتساءل: بأي قلبٍ كُتبت الحبكة فيها لم أر مثلها من قبل، ولِمَ لا فحكبتها الدراميةوالتشويق في الأحداث كانوا مجتمعين معا ، فالرواية مستوحاة من قصص حقيقية، وخطوطها العريضة تنتمي إلى الواقع، والكاتبة لم تدخر جهدًا لإثراءها وتنميتها.
وأخيرااااا صديقتي الجميلة دمتي مبدعة ومتألقة

[Nihal Tawfik · Rating 5 out of 5]

رواية رائعة لواقع مرير بنعيشه...قضية مهمة بتناقش بأسلوب سهل وشيق....الشخصيات صورت بعمق...الأحداث سردت بحبكة وتشويق...أول مرة أقرا ل ميسون سرور وأكيد مش الأخيرة إن شاء الله...اتمنى الرواية تساعد فى تعديل القوانين الغير ناصفة.

[Sama Asi · Rating 5 out of 5]

-رحمة-

لم تكُن مجرّد ٧٢٣ صفحة، بل كانت ٧٢٣ معجزة ورائعة أدبيّة.
كانت ستكونُ هذه جملتي الوحيدة التّي أصفُ بها هذا الإبداع لو لم يكُن معي متسّع من الوقتُ ودينٌ لا بدّ من ردّه للكاتبة ميسون سرور.

اسم على مسمّى - رحمة.
فلا شيء في الوجود يكتمل دون الرحمة، لا تستطيع القوانينُ والأحكام الشرعيّة التأثير بمصداقيّةٍ دون الرّحمة، روح القانون.

لا أرى نفسي أمنح هذا العمل الرائع أقل من ٥ نجوم. ٥ نجوم للبداية والحبكة والنهاية والأحداث والتشويق، ٥ لأنّها لم تترُك لي خيارًا إلّا أن أعيشَ بين أبطال الرواية، أحزنُ لحزنهم وأشاركهم أفراحهم وانتصاراتهم، أواصلُ القرائة في ترقّبٍ وخوفٍ معهم، أن أعيش الروّاية لحظة بلحظة، وأن تتسابقَ عينايَ قفزًا بين سطورُ الصّفحة بحثًا عن اسمٍ أو عن خيطٍ يجعلني أطمئنّ لما سيحدثُ لاحقًا.

أمّا عن الرواية نفسها؛ فقد تناولت الكاتبة ميسون سرور واحدة من أهم القضايا الاجتماعية واكثرها جرأة في المجتمع عامّة وفي الشارع المصري خاصّة (والتي لن أتحدّث عنها كي لا أُفسد الرواية لمن يودّ قرائتها)، حقوق الانسان المتجرّد من انسانيّته، التلاعبات القانونيّة لتخليص ذوي الحسب والنسب مقابل حسرة الطبقة المتوسّطة، العواقب المترتبّة على "الكذبة الصغيرة" والتي لم تكن صغيرةً بالمرّة، في زمنٍ انقلبت فيه المعايير وأصبح المجرم هو البطل ورجلُ القانون هو الفاسدُ البلطجيّ لا زالَ هناك من لا يخشى قول الحقّ ويسبحُ عكس تيّار الموضة.

باختصار؛ أدبٌ يستحِقُّ أن يعيش.

شكرًا ميسون على الدروس الكثيرة التّي علّمتني إياها، وأهمها؛ الرّحمة!

بروح واحدة، وبقلبٍ واحد، قوته من سيف، وعدالته من رحمة.
٧٢٣ صفحة في يوم ونصف.

"ليس من العدالة أن نطالب بحقّ الانسان والرحمة، لمن تجرّد من الانسانية وماتت في قلبه الرّحمة."
رحمة - ميسون سرور

[Elgeneral Hossam · Rating 5 out of 5]

رواية رحمــــة قريبة اوي من الواقع إن لم تكن هي الواقع فعلاً
(ابتسام) مثلا .. مثـال علي الشخص المقهــور
ومن سذاجتها وقعت في الفخ بسهولة وكمان اتنازلت عن حقها خوفا من الفضيحة
ولكن لازم تخاف طبعا من الفضيحة في مجتمع بيعامل الضحية على انها المذنبة
مجتمع فاشل في الحكم الإنساني ، في المشاعر ، حتي في الكلام
في التعبيـر عن أنه ليه حــق ضاااااايع ولازم يـاخـده
مجتمع ضحاياه بتقدر تنتحر ومبتقدرش تواجه عشان تاخد حقهــــا
يارب رحمـــة تبقى سبب للتغييـر والقوانين دي تتغير بجــد
و ميبقـاش فيه ما يسمي بـ " ثغـــرات القـانون "
تحياتي للمبدعة ميسون سرور

[Sarah K. Lotfy · Rating 5 out of 5]

رواية جميلة بتناقش قضية جريئة نوعا ما لم يتطرق لها في ادب الرواية كثيرا بدون اي الفاظ خارجة .. طريقة الوصف و السرد جميلة جدا، الحوار كمان التفاعل معاه قوي ..
حبيت مبادئ رحمة الانسانية، و وفاء سيف، و خفة ظل رامز، و غيرة حازم على ارملة اخوه .. حقيقي تفاعلت مع كل شخصية بمميزتها و عيوبها، ضحكت و اتصدمت و اتأثرت و بكيت .. رواية جميلة جدا عيبها الوحيد طولها اظن انها كان ممكن تكون اقصر من كدة
و اكيد هنزل قريب اجيب "غيرت حياتي" و "اقوى من الرصاص" و منتظرة كل ما هو رائع منك في القادم ❤

[Mariam Nageh · Rating 5 out of 5]

من أمتع الروايات اللي قريتها ف حياتي ..اسلوب الكاتبة المهذب ..مفيش كلمات جارحة من غير حجة زي ما بنشوف ف الروايات الجديدة ..ما سبتهاش من ايدي غير اما خلصتها ..الاحداث متسلسلة بطريقه جذابه جدااا ..شخصياتها أثرت فيا ..لفتت نظري لكذا نقطة مهمين ..كان عندي لهفة كبيرة أخلصها بسرعه وف نفس الوقت مش عايزاها تخلص ..قضيت معاها وقت ممتع جدا
شكرا أ/ميسون ..شكرا جزيلا♥

[Nada · Rating 4 out of 5]

الرواية حلوة جدا لواقعيتها لدرجة اني حسيت انها قصة حقيقية بس هي فيها تفاصيل زيادة احيانا تصلح لمسلسل فعلا.
بس انا فعلا اتأثرت بالكتاب لدرجة اني حسيت اني عايشه احداثه و زود خوفنا كلنا من عمليات الاغتصاب و البنت هي اللي بتخاف من الفضيحة
:)

[Night_whisper · Rating 4 out of 5]

ليس من العدالة أن نطالب بحق الأنسان و الرحمة لمن تجرد من الأنسانية و ماتت فى قلبه الرحمة

ميسون سرور

[Waleed Salah · Rating 5 out of 5]

فعلاً عمل متكامل اكتر من رائع فكرة مهمة جدا تشويق كل حاجة صح بجد يسلم ابداعك استاذة ميسون

[Asmaaa Shaker · Rating 3 out of 5]

رواية #رحمة لـ #ميسون_سرور ***
الرواية دي جاتلي هدية ف عيد ميلادي فطبعا يعنى كان لازم اقرأها وكدا هي لغتها بسيطه جدااا وكمان الحوار بالعامية المصرية ودي مكنتش معضلة بالنسبالي لاني كنت عاوزة اخرج نفسي شوية من الواقع المحيط بيا ،،،
المهم انا عشت في الروايه دي حياة تانيه خالص شفت فيها عيله القاضي واتعرفت ع سيف ورحمة ورامز وحازم وساره وفريد وراشد وشرين والاهم ملك الصغيرة شفت اد ايه العيلة دي جميله اووووي ومترابطه وايد واحدة حبيت فيهم اتحادهم وقوتهم ومساعدتهم لبعض حبيت مناقشتهم رغم اختلاف ارائهم
وحبيت رحمة جداااااا عشان شفت فيها ان الست جواها قوة كبيره وانها مش مجرد كائن ضعيف ملوش لازمة لا دي تقدر توصل للى هي عاوزاه بس هي تقرر
شفت المجرمين والمغتصبين اللي تحت السن القانوني وازاي ان العدالة بتتهاون في القواضي اللي زي دي
عرفت عن حقوق الانسان وعرفت برده ان مش كل الناس عندهم الانسانيه عشان نهتم بحققوهم لا في ناس بجد انعدمت فيهم الانسانيه
شفت ناس وحشة اوووي بتاجر ف اعراض الناس
وشفت سذاجة ابتسام لما انخدعت باسم الحب وان بجد في ناس بتلعب بمشاعر غيرها عشان اهداف تانيه وحشه جدااا وان كلمة بحبك ممكن يكون وراها حاجات كتيييير دنيئة ورخيصة
بكيت كتيييير اوووووووووي كما لم ابك من قبل لما شفت اللي حصل بملك انا اصلا مكنتش متوقعه كدا

[Fadia Tarek · Rating 5 out of 5]

"ليس من العدالة أن نطالب بحق الانسان و الرحمة
لمن تجرد من الإنسانية و ماتت فى قلبه الرحمة .."
ايه يا شيخة !!! ايه ده يا شيخة بجد يعنى !!!
معرفتش أسيبها إﻻ لما خلصت ... يوم و نص .... عيطت و ضحكت و انفعلت كأنى شايفة اﻷحداث قدامى و ده فى رأيى دايما من مقومات أى رواية ناجحة ... الرواية بتناقش قضايا حقيقية و حاجات ممكن ﻻ قدر الله تحصل لحد قريب مننا أو أى حد فينا فى أى وقت .... قد إيه بحس بعجز لما بأسمع عن قضية اغتصاب سواء لطفلة أو بنت كبيرة ... و بالذات إنى عارفة إن بنسبة كبيرة حقها مش هيرجع فى بلدنا و ﻻ المجرم هيعاقب على جريمته ... و ده قمة الاحساس بالمرارة و الوجع
اتمنيت فى وقت إن الرواية تتعمل فيلم أو مسلسل .... بس حسيت إن صعب بكمية اﻷلم اللى فيها الناس تستحملها ﻷن صعب قوى نشوف الحقيقة و حد يواجهنا بيها
فى النهاية من أهم الحاجات اللى طلعت بيها من الرواية دى ... إن غلطة صغيرة قوى ممكن تؤدى لكوارث .... كدبة صغيرة قوى ممكن تحول حياتك انت و اللى حواليك لجحيم ... عشان كده فهمت ليه أما بنكدب يبقى أكيد عارفين إن فى حاجة غلط بتحصل ...
تحياتى للمؤلفة و أتمنى أشوفلها عمل جديد :)

[Khaled Elmehallawey · Rating 4 out of 5]

لقد كتبت قبل ذلك تعليقا سابقا ان ميسون سرور كاتبة تستحق ان يقرأ لها وانا ما زلت مقتنعا بدلك كل اقتناع فالكاتبة لها اُسلوب سلس وبسيط ولكنه ساحر جدا في نفس الوقت اُسلوب يجعلك تنسي نفسك وانت تغوص في اعماق الرواية ولكن لي بعض الملاحظات أولها انني رغم استمتاعي الشديد بالرواية الا انني احسست في بعض الأحيان باني اشاهد مسلسل تركي فيه الكثير من التطويل وثانيها انه ليس من الضروري دائما ان تسير الأحداث في الاتجاه الذي يتمناه القارئ كي تكون رواية جيدة احيانا النهايات السعيدة زيادة عن اللزوم لا تكون منطقية ولا تكون في مصلحة الخط الدرامي ولكن بكل تأكيد موضوع الرواية جيد جدا والاسلوب اكتر من رائع . ونحن في انتظار المزيد من كاتبة مبدعه مثل ميسون سرور

[Hisham El-Halwagy · Rating 5 out of 5]

برغم ان اي حد ممكن طول ماهو بيقراء الروايه هايكون متوقع الاحداث بشكل كبير
لاكن انا كنت سعيد جدا بتسلسل الخيال و الأسلوب اللغوي الراقي
تاني روايه بالحجم ده اقرأها بالحجم ده و كوّن مش قادر أقف و ابطل قرائه الا لما أخلصه
الصفح كانت بتخلص بسرعه
هاتستمعو بيها جدا
و الروايه شجعتني جدا ان اقراء الجزء التاني بتاعها علي طول

[Eman Adel · Rating 2 out of 5]

طيّب..
خلينا نقول إني اشتريت الرواية لسببين
أولهم الكلام عليها
ثانيا اللي قريته على ضهر الرواية .

ما انكرش إن خلصتها في يومين رغم انها اكبر من روايات قريتها في مدة اطول
وإن فعلًا حسيت إني بتفرج على مسلسل
بس في بدايته حسيت إني بتفرج على مسلسل "قضية رأي عام" بتاع يسرا
ورامز ليه معرفش داخل على جو أحمد السقا
والبنات كُلها حلوة وأمورة وبشعرها
رغم الاغتصاب ممكن يحصل لواحدة منتقبة عادي!

بإنتظار روايات أحسن :))

[Mayoy · Rating 5 out of 5]

رواية غااااية في الروعة والابداع

بدأتها من بعد العصر ولم اتركها الا بعد م انتهت

من اكثر ما يعجبني في روايات المبدعة ميسون سرور انها دوما ما يكون هناك هدف لروايتها وهدف سامي مهم وخطير ولا يوجد اهم من كثرة حوادث الخطف والاغتصاب

كما انها كالمعتاد لم تخل من المعلومات المهمة وهذه المرة فهي معلومات قانونية وقضائية مهمة جدا


رواية لا مثيل لها عشت احداثها بكل وجداني وأنا أكاد التهم حروف الكلمات من شدة اعجابي بها

متميزة .. رائعة .. لا مثيل لها

[Rasha · Rating 5 out of 5]

انتي مبدعة ......اول مره اقرا روايه بالاستمتاع ده .....فعلا انتي بتعرفي توصفي بشكل رائع .....وطريقه سردك شيقه ....والقصه اللي انتي اثارتيها وجوانبها القانونيه ........فعلا ابهرتيتني ........واتمني تتصور دراما او فيلم .......لانه بيثير قضيه الاغتصاب بكل مشاكلها وعيوب القانون في الرد عليها ........امتعتيني

[نهى داود · Rating 3 out of 5]

.
3.5 نجوم تقييمي لرواية ضخمة استطاعت أن تبقيني مشدودة منذ البداية وحتى النهاية.
براعة الكاتبة تكمن في الأحداث المتسارعة والجريئة والمفاجئة في كل صفحة.
الحوار عامي وبه تطويل كنت أفضل اختصاره كثيرا.
الحبكة جيدة جدا ولكن السرد ضعيف، يعوضه بالطبع تسارع الأحداث التي جعلتني ألهث وراءها 👏

[Noha Nasr · Rating 5 out of 5]

عجبتني جدا القصة و الأحداث

[Shery · Rating 5 out of 5]

خمس نجوم تستحقها بالرغم من الخوف اللي موجود في الروايه بسبب عدم الامان والخطف والاغتصاب لكن المؤلفه كتبت موضوع كامل ورائع فعلا كل التقدير والاحترام

[Hizam · Rating 1 out of 5]

سيئة 👎🏼