Сахиусан тэнгэрүүд

by А.Пүрэвмаа

Хүсэл мөрөөдөл, амь нас, зүрх сэтгэл, итгэл... Бүгдийг сийчүүлсэн ч тэсч үлдсэн турьхан агаад хүчирхэг оршихуй. Халтирч зугтаам олон хагалгаа, хадаас, төмөр. Өс бус өршөөл хайраар хатуу бүгдийг ялж яваа эрхэмсэг гоо үзэсгэлэн. Ховорхон тохиолдолд хувь тавилан бүсгүй хүнд төгс гоо сайхныг заяадаг ч түүнд хүрэхийг, эзэмдэхийг эс чадваас хорлохыг үгүй хийхийг хүсэгчид цөөн биш...Энэхүү зохиолыг бодит амьдралаас сэдэвлэн бичжээ.

252 pages, Paperback

Published January 1, 2015

Reviews

[Anaru Eba · Rating 5 out of 5]

Магад хамгийн бага тэмдэглэл хийсэн хэр нь хамгийн ихээр сэтгэлд үлдэж буй номуудын нэг мэт. Найзалдаг хүмүүсээ тольдож хармаар, эмээ өвөө дээрээ бушуухан гүйн очиж тэвэрч үнсүүлмээр, үхвэл дараа нь юу болох бол гэсэн бодол толгойд өөрийн мэдэлгүй ирж, хэрвээ яг одоо байгаа мөч хамгийн сүүлийнх байвал би яах вэ гэх мэтээр амьдрал үхлийн заагийн талаар жишимгүй бодогдуулсан хөнгөн хэрнээ хүнд зохиол байлаа.
Угтаа энэ номыг 2018 онд Пүрэвмаа зохиолчтой номын баяраар өөр зохиолынх нь талаар ярилцан баыхдаа нэгэн асуулт тавихад хариуд нь тэрээр надад "одоо энийг уншаад үз" гэснээр би ч номоо овоо хямдруулан авч байсан ч уншилгүй шүүгээндээ удааснаар сая нэг уншив. Үхлийн талаар бодох минь ихэссэн энэ үед үүнийг уншсан нь магад зөв ч юм шиг. Бусдын зовлон шаналалтай өөрийнхийгөө харьцуулах угтаа утгагүй ч гэлээ, асуудалтай байсан хэсэг хугацаа минь ном дуусахад гайгүй ангижирсан ч юм шиг, би ч "асуудалдаа" илүү хүлээцтэй хандах шиг... Нэг өдөр илүү амьдрахыг хүсэж буй олон хүн байхад надад яг одоо байшин дээр ургасан модоо харан кофе шимэн тайван суух хором байгаад талархав. "Хааяа ч гэсэн тэнгэр рүү харж шагшин магтаж байгаарай. Эс бөгөөс тэнгэр уурлахдаа хүчээр дээшээ харуулдаг юм байна." гэх хэсгээр тэмдэглэлээ өндөрлөе.

[Dolgorsuren · Rating 5 out of 5]

Төсөөлж байснаас минь хавь илүү буюу хүлээлтээс минь давсан сайхан бүтээл болжээ. Зохиолч өөрт тохиолдсон бодит түүхэн дээр тулгуурлан бичсэн гэдгийг сонсоод яагаад ч юм зовлон, шаналал, жигшил зэвүүцэл, хорсол агуулсан уншихаас төвөгшөөмөөр байна байх гэж бодож байлаа. Гэтэл энэ бүхэн өөрөөр эргэж харин ч улам цаашлан уншмаар, хүнд бэрхшээлийг хөнгөн, хөөрхөн, хөгжилтэйгээр ч юм шиг сонирхолтой дүрслэлээр гаргаж ирсэн нь маш их таалагдлаа.

[Missjane_Lifestyle · Rating 4 out of 5]

Амьдралынхаа эргэлтийн цэг дээр ирсэн танхил бүсгүйн зориг зүрх биширмээр. Уйлж нэг дуулж нэг уншсаан

[Achit-Erdene Otgonbayar · Rating 4 out of 5]

Төсөөлж байсан шиг гайхалтай байсангүй. Гэхдээ охидыг уншаасай гэж хүсч байна.

[Б. Долгорсүрэн · Rating 3 out of 5]

За яахавдээ л юм. 3/5

[Elbegee Zaya · Rating 4 out of 5]

Үхэл амьдралын зааг дээр тэмцэн буй тэр л сэтгэлзүйг маш сонирхолтойгоор илэрхийлэн гаргаж юм бүхэн харагдаж байгаа шигээ биш гэдгийг олон талаас нь өгүүлсэн нь таалагдлаа

[Батболд Оюумаа · Rating 4 out of 5]

Зүгээр л нэг тийм сонирхолтой ном байлаа. Аудио хэлбэрээр сонссон. Уншсан хүн нь сайхан уншиж ээ

[Dulguun Battulga · Rating 4 out of 5]

Бас хүний төсөөлж байгаагүй тэр өнцгөөс хүний амьдралыг харуулж чаджээ. Миний хувьд хүнд гэмтэл авч байсан болоод ч тэр энэ номыг уншиж байх үед тэр үеийн хэцүү мэдрэмжүүд төрж байлаа.

[Batchimeg.B Chmgst · Rating 3 out of 5]

Өрөвдөх хайрлах сэтгэлээс илүү бүсгүйн хатуужил, тэвчээр ухааныг биширч байна. Хаалттай хаалганы цаана үйлдэгддэг энэ хэргийг зориг гарган өөрийнхөө түүхээр ил гаргасан нь үнэхээр зоригтой бас олон олон эмэгтэйчүүдийн өмнөөс баярлалаа гэж хэлмээр. Гэхдээ л сэтгэлд нэг сонин зүйл тээглэсэн хэвээр байна.

[Miigaa · Rating 4 out of 5]

Магад бидний хэзээ ч амсахгүй өнгөрч мэдэх амьдралын зах зухаас амтлуулсанд маш их талархаж байгаа. Гэхдээ үнэхээр номоо уншиж байх явцдаа сэтгэлийн хямралтай байсаар байгаад дууссан. Хамгийн сайн сайхан бүхэнтэй учирч жаргаж яваасай хэмээн хүсэе!