روح

ثلاثية روح #1

by رشا زيدان

تدور أحداث هذه الرواية حول «روح» وأصدقائها: المغني الصوفي «براء»، والكاتب «نور» وزوجته المغربية «حياة»، وصديقتهم الجديدة «رشا» التي يفتحون لها طاقات الارتقاء الصوفي والسمو الروحي.
تمر «روح» بعذاب تجربة حب مستحيل مع من تهواه، وتعيش صراعًا مزلزلًا بين ما يريده المرء وما ليس مسموحًا له به.
فما مصير العاشقين؟ هل سيجتمعان في هذا العالم أم يظل قدرهما أن يجتمع شملهما في عالم البرزخ.. عالم النور والأرواح؟
رواية رومانسية صوفية بقلم عذب رقيق.

اقرأ جزءًا من الرواية على هذا الرابط:
http://alkarmabooks.blogspot.com.eg/2...

Genres: Romance, Novels

232 pages, Paperback

First published February 5, 2016

About the author

رشا زيدان حاصلة على بكالوريوس إدارة الأعمال بكلية التجارة في جامعة القاهرة.

Reviews

[Mennaaa Mustafa · Rating 2 out of 5]

رواية سيئة، ومرشحهاش لحد تماماً .. نقدر نقول انها واحدة قرأت " قواعد العشق الاربعون " لدرجة سيطرت عليها تماماً وخلّيتها عاوزة تعمل حكاية شبهها ..
غير طبعاً اللغه العامية اللي طاغيه على الرواية،
مش سعيدة بالتجربة دي على الإطلاق

[Nada Elshabrawy · Rating 1 out of 5]

العمر أقصر كثيراً من ان أضيعه في قراءة كتب لا تعجبني .

الرواية ما هي الا ريڤيو لقواعد العشق الأربعون أو محاولة مراهقة لتقليدها، خابت توقعاتي جداً!!

[Heba Adel · Rating 5 out of 5]

اهداء الي ( روح ) كانت شمسي
شكر خاص لشمسي الذي اعلم انه موجود ربما بالقرب مني وربما لا .. لكني علي يقين انه يراقبني عن بعد
شمسي .. اعلم انك سوف تقرأ هذه الرواية
برغم من بساطة الرواية الا انها لمستني و ابكتني في نهايتها
يمكن لانها فكرتني بشخص كان عزيز عليا وفقدته زي ما روح فقدت روحها تقيمي ليها ***** بالتوفيق



أبلغ عزيزاً فى ثنايا القلب منزله
أني وإن كنت لا ألقاه ألقاه
وإن طرفى موصول برؤيته
وإن تباعد عن سكناى سكناه
يا ليته يعلم أنى لست أذكره 
وكيف اذكره إذ لست أنساه
يا من توهم أنى لست أذكره 
والله يعلم أنى لست أنساه
إن غاب عنى فالروح مسكنه
من يسكن الروح كيف القلب ينساه

[DOعa2 ツ · Rating 3 out of 5]

هو انا الحقيقة مش عارفة اكتب ايه عن الروايه بس في نفس الوقت تقييم الرواية بالنجوم وحده مش كفاية
انا ازم اكتب تفسير ليه الروايه نالت 3 نجوم في وجهه نظري مع ان ناس تانية ممكن تشوف انها تستحق اكتر و ناس تانية ممكن تشوف انها تستحق اقل
نبدأ بالايجابيات :
أولا ..انا فعلا لو عاوزة اشكر الكاتبة علي حاجة في الرواية دي هيكون علي الغلاف
فغلا ... لو التقييم علي الغلاف انا كنت قيمتها ب 5 نجوم ... حاجة كده مُبهجة و تناسق الالوان بديع و يسر الناظرين و يمكن ده سبب تسرعي لشراء الرواية بدون م اكون قرأت ريفوهات عنها و خصوصا انها رواية جديدة و لكاتبه جديدة علي المجال و ده اول أعمالها
تانيا .... أنا مش هنكر ابدا ابدا السعادة اللي حسيت بيها و أنا بقرأ الرواية رغم تحفظي علي اشياء كثيرة فيها و لكن الروايه فعلا بتبث شعور بالسعادة و الراحة

السلبيات
اولا
معظمنا قرأ رواية قواعد العشق الاربعون و معظمنا تأثر بيها في حياته بشكل او بأخر
بس مش لدرجة اني اكتب رواية عنها .. روح هي رواية عن روايه قواعد العشق الاربعون بس بشكل مختلف و بصورة مصغرة
الكاتبة اتبعت اسلوب اليف شفق حتي في كتابة الرواية و عملت الخطوات السابعة للسعادة بنفس الطريقة و بنفس الافكار اللي كتبت بيها اليف قواعدها الاربعين
ثانيا
اللغة العامية المصرية طاغية علي الرواية بشكل كبير جدااا و برغم انه فعلا كلام بيخترق القلب و مريح الا انه مينفعش ان الكاتبة تنسي ان انها بتكتب رواية أدبيه
ثالثا
انا الحقيقة مفهمتش المعني من تطهير القلب اللي هو بيت ربنا و برغم اني مؤمنه جدا بالكلام ده الا ان الكاتبة كانت بتحاول توصل فكرة -انك متحبش حد علشان ف الاخر تتجوزه زي م الطبيعه البشرية بتقول- المفروض ابعد عنه علشان انا مينفعش ادخل حد بيت ربنا اللي هو قلبي و في الاخر هتبعد عنه الموضوع تداخل جدا علي فكري الحقيقة لان ربنا هو اللي أوجد الحب في قلوبنا و ربنا اللي حلل الزواج حتي و ان كان نور متزوج .... لان ربنا برده حلل (مثني و ثلاث و رباع ) مش حرام انه يتجوز تاني طول م عنده مشاعر صادقة و طاهرة جدا ناحية روح و روح كمان ... القصة اخذت منحني صعب بالرغم من ان الحلول اسهل بكتير من الطريقة اللي الرواية انتهت بيها
رابعا
مينفعش نقارن قصة رفقة ( شمس التبريزي وجلال الدين الرومي ) بقصة حب( روح و نور) تحت اي مسمي من المسميات
مينفعش الكاتبة تنهي قصتها بان روح تسافر ل قونيا كما تسميها مقبرة الحب و انها هتنهي حياتها في قونيا مثلما فعل الرومي
قصتين غير متشابهنين ابدا ... الاولي هي قصة بحث عن رفيق الروح و عشق الهي مشترك بين الروحين لله
و الثانية هي قصة حب بين رجل و امراءة احبوا بعض و هم بيسلكوا طريق الله و كان الاولي انهم يجتمعوا في حلاله

كبداية أولي للكاتبة .. فهي بداة جيدة و خصوصا انها اختارت مجال صعب الكتابة فيه والمقارنه ابداا مش سهله لان القارئ اللي اتعود يقرأ في الادب الصوفي مش هيتقبل الروايات الجيدة بسهولة .... اما ان تكون رائعة أو لا تكون من الأساس
و بالتوفيق للاعمال القادمة ان شاء الله :))

[Islam · Rating 3 out of 5]

على الرغم من أنها أول قراءة لى فى هذا النوع من الروايات
إلا أنى و جدتها أشبه بخواطر
مع بعض التحفظ علي مزج بعض التصرفات بصبغة دينية لتبريرها
الشخوص كان يمكن أن تكون أكثر عمقا و إن كانت مقبولة
و اللهجة العامية بلا شك قللت من قيمة الرواية بشكل ملحوظ و إن كانت قد جعلتها أقرب للنفس و للواقع
ولا أنسي أن الاشارة لكتاب قواعد العشق الأربعون جعلت من اللازم على القارئ أن يقرأه أولا :)
لكن لم تنجح الرواية فى إقناعي بالتخلي عن واقعي الذى أرفضه، !

الرواية جيدة كتجربة أولى لكاتبة شابة

فى انتظار المزيد،،

[Amira Miro · Rating 3 out of 5]

انا شخصيا لقتنى ف روح برغم الاختلاف ل بينا الا انى وسط الروايه بكيت كتيير جداا
يمكن عشان بحاول كان نفسي اوصل زى ماوصل ت روح ونور
اسلوبك جميل بس يمكن علشان اقريت روايات ليها نفس المضمون
حسيت ان الروايه ناقصهها حاجه بس مشعارفه اوصلها
بحيكى عل اول تجربه وبدعيلك بالتوفيق ومستنيه اعمالك القادمه

[رشا · Rating 1 out of 5]

فين الرواية انا حاولت اصبر عليها يمكن الاقي رواية مافيش رواية

[Dina Mostafa · Rating 1 out of 5]

من أسوأ الكتب اللي قريتها ... مقدرتش أصلا اكمله... حرام الوقت اللي يضيع فيه بجد ... أسلوب كتابة ضعيف جدا ولغة ركيكة للغاية
.. والأسوأ إن أنا اشتريت الجزء التاني وبجد مش قادرة حتى افتحه أقراه

[Heba Fares · Rating 1 out of 5]

على الرغم من عشقى لهذا النوع من الروايات و الذى جعلنى لم اتردد لحظة عن شراءها على الرغم من عدم معرفتى للكاتبة و علمى بانها التجربة الاولى لها ولكن جاءت الرواية دون مستوى توقعاتى ....من حيث الاسلوب و اللغة العامية اثناء الحوار الذى ققللت كثيرا من قيمة الرواية بالاضافة الى سطحية الشخصيات الى كان من الممكن اعطاءها عمق اكثر من ذلك بالاضافة الى اقتباس افكار و تكرار من روايات اخرى ....لم استمتع بها على الاطلاق

[Wafaa Eltawansy · Rating 4 out of 5]

في حب شمس والرومي ❤❤
لكل عاشق معشوق تترابط أرواحهما ولهما لقاء حتى وإن فرقت بينهما الدنيا ..
على قد بساطة الرواية على قد ماهي فعلا جميلة وليها جو روحاني تاني كده :)
حبيت الشخصيات بتوظيفها وأكتر جزء شدني لما نور هادى روح يوم إتمامها خمس سنين تلميذته .. الجزء ده لمسني جدا وكان من أحلى الأجزاء ..

[Muhammad Fattouh · Rating 3 out of 5]

رواية جميلة بالنسبة إلى انها اول رواية لكاتبتها ، قريبة من فكرة رواية عشق لأحمد عبدالمجيد، الرواية تاخدك لدنيا تانية تقرب فيها من روحك و تعرف انت اد ايه بعيد عن ربنا و ان روحك لا تزال تحتاج كم كبير من التطهير و النضافة عشان تقدر تسمو بيها و تعيش لله و بالله، أحببت فكرتها جدا.

[Mervat · Rating 2 out of 5]

I had the privilege to meet the writer before i read her book. She is such an amazing and wonderful person and the way she described the characters in her novel intrigued me to start reading it.

I have to admit i am not into sufism and i dont share their beliefs and views on the world. That why i couldn't relate to the characters. A suffi always believes that he/she needs a mentor who will guide them through life, a mentor who becomes their everything, more like a godly figure. One who is perfect, full of light and wisdom and hardly sins. Thats how Nour was to Rouh. He was her mentor and her secret lover, yet they couldn't announce their love to one another because Nour was married. So they decided to reveal their feelings through their poems. They described their love as divine love while i saw it as betrayal. Betrayal to Nour's wife.
I am against objectifying a person as holy and divine because no one is perfect or close to perfection except for Allah. The story is full of positive vibes and guidance; sadly however, i couldnt come to term with their teachings and beliefs and grasp the suffi way of life, that why this novel didn't click with me.

[Sara Akl · Rating 2 out of 5]

I had this one on my shelf for many years. I honestly bought it because I liked the cover and I picked it up this year because sometimes I miss speaking and hearing Egyptian and this feels like talking to an Egyptian. So I was entertained. But that's it.

[Youssry Effat · Rating 5 out of 5]

بصراحة مش لاقى كلام يتقال
لأن كل الكلام الحلو روح هى اللى بتقوله
روح هو روح مش كتاب
روح ممكن اقراه تاني و تالت و اتعلم منه كتير

انا اللى لفتنى بس هنا وجهات نظر الناس
ع الرغم انى متعود اشوفها ف اراء عن كتب تانية
بس كنت متوقع هنا حتى لو الكتاب مش عاجب
هايقول بطريقة كويسة من اللى اتعلمه او حتى حسه من روح

لو محسوش يبقى خسر كتاب حلو
و فتح بداية للقراية ف النوع الصوفى

الجميل ان الكتاب بسيط و مستغرب مهاجمه الناس ليه انه شبية ب قواعد العشق الاربعون
متهيالى الناس دى مقرتش اصلا الكتاب
بس وجود ذكر شمس و الرومى هيألهم كدة

بعيدا عن النقطة دى بس بصراحة كانت محشورة ف زورى
رواية و عمل جميل جدا
وترابط رائع بين الاشخاص
وحلاوة و جميل مفيش بعده ف الحوارات و الكلام اللى كان دايما داير بين اطراف الرواية

برافو و ف انتظار العمل القادم

[Samar Badr · Rating 1 out of 5]

عادتا مش بكتب review !!
ال cover وال description كان مخلي عندي expectations عالية اني هقرا علي علي مستوي بس الحقيقة ده محصلش .. الرواية لطيفة والكاتبة اسلوبها سلسل
بس في رغي كتير اوي وكلام مكرر وسرد غير مبرر لاحداث ملهاش قيمة.. غير اني في كلام اشك انه في لبس فيه الحقيقة انا مش عارفة صحة التغيير في كلام الأحاديث والأدعية المنقولة عن لسان سيدنا النبي من عدمه بس دي نقطه انا إحتسبتها علي الكاتبه
ده غير طبعا التأثير اللي يكاد يقرب للتقليد الأعمي لجمل وأسلوب قواعد العشق الأربعون و كمان لرواية عشق لأحمد عبد المجيد !!
.. الرواية لطيفة لحد مقراش روايات في الصوفية قبل كده او حد لسه بادي يقرا جديد .. بس الحقيقة الإسلوب لا يخلي من الركاكه في بعض الأحيان

[Bomboo · Rating 4 out of 5]

روح .... رشا زيدان
كل منا يبحث عن شمسه التى تنير طريقه و تساعده على حب الله و تصفى نفسه و تجعله يرتقى و يتغير
احداث الروايه ملهمه و بها صفاء للنفس و تصوف و افكار جديده و رسائل تدعو للتطهير و الرقى
قصه الحب المقدسه بين نور و روح و تحمل كل منهم الالم و الحلم بلحظه تجمعهم و التضحيه كانت رائعه

[Lobna · Rating 1 out of 5]

صفر من الخمسة نجوم

[Eman · Rating 1 out of 5]

لم تعجبنى هذه الرواية. تناقش الفكر الصوفى و تطرح افكارا مغلوطة عن الدين الاسلامى قد تؤثر تأثيرا سلبيا على القارئ

[Rahma Ossama · Rating 1 out of 5]

روايه صوفيه بحت و هذا لا يجوز في الاسلام
ولا انصح بقراءتها ابدا ابدا

[Donia Darwish · Rating 4 out of 5]

" كن أنت شمسىِ... كن أنت شمسي ورفيقي وأنر لي الطريق"

مع موت كل شمس تبريزي يظهر شمس جديد فى عصر مختلف بإسم مختلف...

ياترى لقيت شمسك فى اللى حواليك 🤔

طيب هو مين ممكن يكون " شمس " !!!
شمس هو كل شخص روحه سايبها للى خالقها مسلم نفسه لله وخد بالك قولت مسلم مش مستسلم وديه تفرق طبعا ..
راضى بكل اللى بيحصله مش رضا عادى لا ده رضا مع يقين تام أن ربنا مبيجبش حاجة وحشة وأن أى حاجة بتحصل ليها أسبابها اللى انت مش عارفها لحكمة ما فمتحاولش تستعجل النهايات ... خد كل خطوة فى حياتك بحلوها ومرها بهدوء ورضا وقناعة بأن الخير جاى كده كده بإذن الله ..

طيب هتقولى ما كلنا شمس على كده 🤔 ما احنا كلنا راضين ومسلمين ... هقولك اه ممكن نبقى كلنا شمس بس بدرجات مختلفة ومتفاوتة ☺️

طيب ايه علاقة ده بالرواية ديه ... الرواية ديه رحلة بحث عن شمس حياتك ... الشخص اللى هياخدك من ايدك كده ويساعدك أنك تشيل الضباب من على عينك ..
طول الرواية البطلة ( رشا ) بتدور على الشخص ده ... ومع أن حواليها أشخاص بيأدوا الدور ده بس فى مخيلتها دايما أن شمسها هيبقى اكيد شخص خارق للطبيعة 🙄 متوقعتش أنه يكون قريب من روحها قوى كده ويبقى عادى جنبها على طول ومع أن اتبعتلها إشارات كتير وهى فعلا حاسة براحة مع الأشخاص ديه إلا أنها تقريبا كانت فى انتظار السوبر هيرو برضه ...

من الآخر دور حواليك اكيد فى جنبك أشخاص دايما بيساعدوك ومعاهم بتحس بالأمان وأنك ماشى معاهم سارح فى ملكوت الله ... الرواية ديه بعتبرها استراحة نفسية ... كبسولة كده تاخدها تهدى أعصابك كأنك دخلت كلاس يوجا 🧘‍♀️...
مش هتحس فيها أنك بتقرا رواية على قد ما هتحس انه كتاب روحانى ممزوج بأبطال يساعدوك فى رحلة روحانية 💙

"إذا أردت أن تطلق روحك لتسبح فى ملكوت الله، فإن عليها أن تصبر على ما لم تحط به خبراً، وتستوعب أن بعض الأجوبة ستظل محجوبة فى علم الباطن عند الله وحده خالق الباطن والظاهر، ومالك كل مفاتيح الأسرار، ومجمع الأرواح والأنوار".

[Marwa Magdy · Rating 4 out of 5]

‎أبلغ عزيزا فى ثنايا القلب منزله
‎أني وإن كنت لا ألقاه ألقاه
‎وإن طرفي موصول برؤيته
‎وإن تباعد عن سكناي سكناه
‎يا ليته يعلم أني لست أذكره
‎وكيف أذكره إذ لست أنساهُ
‎يا من توهم أني لست أذكره
‎والله يعلم أني لست أنساه
‎إن غاب عني فالروح مسكنه
‎من يسكن الروح كيف القلب ينساه؟

كلمات روح بصوت نور:
شمس الشموس، ونور القلب والروح.. لقد كنت لي نعم الشمس، بل أفضلهم
كلهم على الإطلاق، وما اكتفیت من القرب منك أبًدا.. ولكن روحك أحب إل َّي من روحي التي هي جزء ضئیل منك.. لن أكون السبب في انطفاء أنوارك.. أنت شمس الشموس ویجب أن تظل منی ًرا طول الوقت. أتعلم أیها القدیس العاشق ما یزید سحرك سح ًرا؟ إنها تلك الهالة التي تحیط بك.. هالة النور التي كلما وقعت عیني علیك رأیتها تسبقك إل َّي.. فتخجل عیني أن یصل بصري إلیك.. حاولت جاهدة أن أتجاهل اقتحام قدسیتك لقلبي وانجذابي إلیك.. فأنا أحبك، نعم، ولكني أعلم مثلك أن حبنا لیس لهذا الزمان.. أنت عندي أكبر من أن ترتكب خطیئة واحدة.. حتى وإن كانت خطیئتك هي النظر إل َّي.. سأظل أحمیك مني حتى وإن تعذبت.. لن أكون السبب في فقدانك قدسیتك وهالة النور المحیطة بك.. ستظل أنت القدیس العاشق، وسأظل أنا المعذبة في هواك.. إلى أن نلتقي في عالمنا وتحیط بنا هالتك النورانیة، فتعطیني من قدسیتك شط ًرا وأعطیك كل عشقي الذي طال انتظاري للبوح به بین یدیك.. ونعود كما بدأنا مًعا من قبل.. تحیطنا هالة النور.. هالة العشق المقدس الممنوع علیه البوح! شمسي

[Racha Rachad · Rating 1 out of 5]

رواية مسطحة طاغي عليها تأثير غير مقبول من قواعد العشق الأربعون (تاثير رواية قرأها الكاتب شيء طبيعي لكن ميبقاش ده موضوع الكتاب). اول فصل سئ جدا: رصت شوية وعظ و اللي فهمته في حياتها و فسرت كل كلمة و الحقيقة كلام دارج جدا لا يثري. لما بنكمل شوية بنلاقي ان العامي المستخدم مش بيساعد و ربط الشخوص بالأحداث و السرد و الاسترسال في كلام مش بيضيف للرواية بل ممل بيضيع المعني. أملي اذا الكاتبة اللي لسه بتبدا، شافت الكلام ده يفيدها في تجنب بعض الاشياء اللي اثرت علي روايتها سلبا و حولت موضوع في لبه شيق لكلام متناثر ممسوخ. و ان شاء الله توفق في كتاب تاني....اه، انا مخلصتش الكتاب و مش هخلصه لان كده تضييع وقت.

[Nahla Ahmed samy · Rating 5 out of 5]

"قدر كل رومى أن يحيا بألم فقدان الحب ليكون معلما للحب .. " ♥
ع الرغم من اراء كتير ناقدة الرواية وشايفة انها اقتباس من قواعد العشق الاربعون وتقليد ليها لكن انا حبيتها جدااا ... اسلوب السرد جيد واللغة جيدة بردو يمكن اشعار روح حسيتها خواطر اكتر منها اشعار ..بس ده لا يقلل من جمالها ... يمكن انا حبيت الرواية لانى بحب الكتابات الصوفية ومقرتش فيها كتير كانت اولها قواعد العشق ودى تانى قراءة ليا فى الصوفية ولما عرفت انها بتحكى مترددتش فى انى اشتريها
روابة جميلة وبسيطة وسلسة كأول تجربة كتابية ..فيها ��شابه من قواعد العشق الاربعون فى بحث رشا عن شمسها لكن حكاية روح اضافة اختلاف وجمال للرواية ♡♡

[Rana Ashraf · Rating 2 out of 5]

"كُلُوا بعَقلي حلاوة بقى" 🤦🏻‍♀️
القصة بجد غريبة و حساها لا تمت للصوفية بصلة، بس أنا لازم أقول ان أنا بردو عادةً مش بقرأ النوع ده من الكتب.

الحكاية المفروض انها بتتكلم عن واحدة اسمها رشا (على اسم المؤلفة) و الست دي بتدور على شمسها، نسبة إلى شمس التبريزي، و على أساس ان هي بقى زي جلال الدين الرومي. أنا الحقيقة معرفش أي حاجة عن الناس دول أو الكتاب اللي بيتكلم عنهم اللي هو اسمه "قواعد العشق الأربعون" و معرفش أي أدنى معلو��ة عن الصوفية فا يمكن الناس اللي هتقرأ الرواية دي و يكون عندها خلفية عن الصوفية و الكتاب اللي قلت عليه يعرفوا يفهموا الرواية أحسن مني.

تتبع...

[soul · Rating 2 out of 5]

أنا من المعجبين بالرواية لكن ليس لمحتواها؛ بل لأنها تشبهني من مسماها "رُوح" حتى تفاصيلها عن شخصية رُوح وكل ما تحبه، ابن الفارض، قواعد العشق الأربعون، التصوف، وغيرها من تفاصيل.
نجمتين فقط لأن غلابة اللهجة المصرية العامية على الفصحى وهذا ما أمقته، أنا استمعت ولم أقرأ وهذا ما خفف وطأة السوء لدخول العامية عالم الكتب، كما أنه من الواضح جدًا تأثر الكاتبة بكتاب "قواعد العشق الأربعون" مما لم يمنحها ميزة ابتكار فكرة مختلفة عنه، لست من النادمين على اختيار هذه الرواية على أي حال لكن سأقول أنها ليست أفضل خياراتي.

[Aya Hassan · Rating 4 out of 5]

في معرض الكتاب في ٢٠١٦ شوفت الرواية .. واتشديت ليها ومعرفش السبب هل بسبب الالوان والديزاين .. كنت وقتها لسه بدرس وكان سعر الكتاب غالي عليا


في سبتمبر ٢٠٢٣ والدنيا كانت بتمطر وكنت داخله مكتبة قديمه والراجل الكبير كان بيلم الكتب بسرعة عشان المطرة لقيت الرواية في وسط مئات الكتب وايدي هي اللي اخدتها.


ف حابة اقول ان اللقا نصيب :))❤

الرواية علي المستوي الادبي هيكون عندي ملاحظات كتير عليها لكن ك تجربة روحانية الكاتبة بتمر بيها اقدر احس بيها وافهمها وافهم كل خطواتها ..

فالرواية بالنسبالي هي اتقرت بقلبي وبتجاربي اللي فاتت .. وحقيقي مكنتش عاوزاها تنتهي.

[Rania Shoura · Rating 4 out of 5]

رواية بسيطة هتحسها اكتر ما هتفهمها . . مليئة بالروحانيات و الحب الالهي و الاقتباسات البديعة .. ملخصها بالنسبة لي إن كلنا فترات في حياة بعض و كل واحد فينا بيدخل حياة التاني لحكمة الله وحده يعلمها و ان ماحدش بيقابل حد في حياته صدفة . . كلها ترتيبات ربنا . . الرواية مش عميقة بقدر ما هي مريحة نفسيا و تلمس الروح .. مأخذي الوحيد عليها إن تأثر الكاتبة برواية قواعد العشق الأربعون كان واضح خصوصا في آخر الرواية .. بالتوفيق للكاتبة و عقبال الروايات القادمة ..

[Mohamed Amer · Rating 1 out of 5]

نجمه واحده قد تكفي


روايه شيقه - لنهايه غير منطقيه اجتماعيا وغير مرضيه الا لمن يسلك الطريق الصوفي ولو أني اختلف في شكل الطريق الصوفي المذكور بالروائه،،

تأثرت الكاتبه ب " قواعد العشق الأربعين " للمبدعة اليف شافاق في سرد الخطي و أني اري تكرار الفكرة بنفس الطريقة يعيب الروايا ويذيدها انتقاصا

طول الروايا نور تتخوف و تترقب لطبيعه العلاقة بينها و بين المثلث الروحاني والي نهايه شكل العلاقة لذا النهايه غير منطقيه

[Jana Essa · Rating 5 out of 5]

هذه الرواية قد تكون أقرب للصنف الديني والروحاني
أعجبت بشدة بالهدوء والاتساق بين الكلمات .. كأنها دعوة إلى الله والاتصال به عن طريق أهم شيء في الخلق والوجود: (الحب)
بها عمق وأشعار وأوصاف مثيرة جدًا للاهتمام
جمعت بين عادات مختلفة في الدين والمذاهب وهذا شيء لم أقرأ مثيل له من قبل وهذا أثار إعجابي
كتبت بطريقة ميسرة وواضحة ومباشرة رغم عمقها وأوصافها مما يجعل القارىء يستفيد من كل ما كتب
تساعد هذه الرواية في فتح مدارك وأبواب روحية وعقلية تجاه الحياة والممات والمعنى من الخلق

[Mary Kamel · Rating 5 out of 5]

"إذا سكن الله قلباً فإنه يغار علي هذا القلب وصاحبه..فاحرص دائماً ألا تحب بقوة فالقوة دائماً لله"
المرة الأولي التس اقرأ فيها للكاتية رشا زيدان و لن تكون الاخيرة❤️
رواية صوفية عميقة معاصرة مملوء بكلمات العشق الإلهي . خطوات روح السبع في طريقها إلي الله
أرشح هذه الرواية بشدة لمُحبي الروايات الصوفية مثل قواعد العشق الأربعون و حارس العشق الإلهي و لكن رواية روح تختلف في اسلوبها لانها تدور احداثها في عصرنا الحديث