100 حلم قبل الموت

by محمد جـلال

الموت يقترب منك الآن..
أنت تعلم هذا وتشعر به.. لكن الأمور ليست بهذا السوء.. فهناك أمر لا تعلمه..
هناك فرصة أخيرة..
فرصة ستمنحك تذكرة لرحلة أخيرة تحقق فيها 100 من أحلامك قبل الموت.. خذ وقتك في التفكير..
لكن العد التنازلي لوقت انطلاق الرحلة قد بدأ للتو.

177 pages, Paperback

First published January 1, 2016

About the author

مصري.. مواليد 1989..
حصل على بكالوريوس في هندسة الطيران..
شارك في كتابة والإشراف على كتابة العديد من البرامج آخرها "الليلة دي" ،"أسعد الله مساءكم"، "ساليزون"، "الأبواب المغلقة".
أعماله الدرامية: مسلسل "الأب الروحي جـ1" ، مسلسل "رحيم"

صدر له :متتالية قصصية بعنوان 4 2011
الكتاب الأصفر عن دار أطلس 2014
سِفر التحليق عن دار ن 2015
100 حلم قبل الموت عن دار ن 2016
حروب الجيل الضايع عن دار الرواق 2017

Reviews

[Ayman Khaled · Rating 3 out of 5]

يدخل جلال عبر مجال ضيق إلي فن الرواية بعد مجموعته القصصية "سفر التحليق " اللي بعتبرها من أفضل القصص قرأتها من سنة
شادي و جده في رحلة لتحقيق ورقة الأحلام و الرجوع لذكريات الماضي قبل نهاية العمر
بستمتع بأسلوب جلال الساخر بألفاظه و افيهاته و باللغة البسيطة

المعلومات المستخدمة في بناء الأحداث مباشرة جدا و مش محتاجه تفكير فيها اعتقد كان ممكن تتقدم بشكل أفضل
مواقف المشاهير اللي كان بيحكيها الجد عجبتني
الحوار العامي المناسب للشخصيات

المشكلة عدم منطقية الأحداث زي مثلا تصرفات الجد كأنه لسه شاب و قصص الخيال العلمي اللي بيحكيها خلت الناس تقول عليه مجنون

عموما حبيت شخصية الجد اوي مع اني معرفتش اسمه الحقيقي في النهاية اعتقد ده مقصود بأنه ممكن يبقي اي حد نعرفه
النهاية مناسبة لكنها تفتح خيالك لأكثر من تصور . . أو للأحلام
رواية بروفشنال بصحيح

[مصطفي سليمان · Rating 2 out of 5]

1.5
مبدئيا ليسوا 100 حلم ف الغالب بتاع 25 حلم او 27 اللي تم ذكرهم يعني لو انا حسبت صح

الرواية اتسلقت دا كان احساسي وانا بقرأ خاصة الجزء التاني من الرواية ، الموضوع بقي خارج السيطرة تماما ، كان فيه جزء بتاع داعش دا انا فعلا قفلت الكتاب وقولت ليه كدا؟؟؟؟ يعني انا ماشي معاك كل دا ليه بقي كدا
يعني تمام الموضوع قلب اسكتشات وقولت تمام
مفيش اي وحدة للزمن وللحدث وللمكان حتي وقولت ف داهية الرواية كدا كدا لايت ف تمام
لكن جت جزء داعش حسيت انه بيتضحك عليا بزيادة قوي قوي

ف خلينا بقي نتكلم طالما الموضوع مشي ف السكة دي
مش هتكلم ع منطق الاحداث مع ان دا بكل بساطة كفيل ان الرواية تبقي مزرية بسببه بس تمام

الاسكتشات والمعلومات العشوائية اللي تم بناء الاحداث مكنش ينقع تتقدم بطريقة تانية غير دي؟؟
اللي هي ايه؟
اللي هي المباشرة

هل مفيش اي شئ ف الدينا كان ممكن يتعمل غير أني أجيب أحمد التباع ك شخصية تقول حكمتها ف الحياة؟؟
هل مكنش فيه اي وسيلة أخري غير ان المعلومات تقدم لينا بمعلقة؟

اي مشكلتي مع دا؟

الخط الاساسي هو خط ايه؟
الجد صح؟

اوك
تبقي الخطوط الفرعية دي بتأكده وبتسانده عظيم جدا
دا حصل؟
لا

يبقي الخط الاساسي هو اللي عمل كدا
اممم ، مش بالظبط
لو تقصد رحلة بطل وتحول وتأثر درامي وكدهون ف مش هتحسه قوي
طيب

ليه علي تم السلق ؟؟
فعلا مش فاهم

هي الفكرة متشابهة بشكل ما مع بيج فيش بس ماشي
لكن الامنيات المفروض انها احلام سعي رجل ف نهاية عمره لتحقيقها
يعني مش مجرد هييهههه وخلاص ، انا حسيت انها مجرد هييهه وخلاص

بصراحة حسيت ان الكتاب كتب لتحويله ل وسيط آخر
فيلم مثلا

خاصة ان فكرة شبه دي اصلا فيها الكثير من المخاطرة
مشاهدتك ل بوكيت ليست كفيلة بجعلك تفكرك كثيرررا للاضافة ع افكار مثل تلك

كان ف الامكان الكثير

[إسلام عماد · Rating 4 out of 5]

زى ما فيه to-do list للواجبات الضرورية...
ليه ميبقاش فيه زيها للاحلام و الامنيات اللى نفسنا نحققها فعلاً و نخلى حياتنا احلى بيها بعيداً عن هم الشغل و قرف الحياة العملية ؟

الفكرة جميلة يا جلال و فيها كمية كبيرة جداً من الابتكار, و كعادتك زى ما عملت فى "الكتاب الاصفر" و "سفر التحليق", عندك عبقرية و موهبة فطرية فى ابتكار الالفاظ و التركيبات و الإفيهات...
بسم الله ماشاء الله generator بشرى :P

الرواية خلصتها ف قعده واحده استمرت ساعتين,لأن رتمها سريع و احداثها متواصلة بشكل كويس يمنع الملل..
الشخصيات معمولة بمهاره عالية, ولو انه فيه حيوية غريبة فى تحركات الجد, بس فانتازية الرواية ساعدتنى انى اعدى الجزءية دى :D

النهاية منطقية و مؤثرة...عجبتنى فعلاً

نقط سريعه:
-------
*لفته ظريفة انك اعتمدت على خبراتك الشخصية مع الاسطورة...الجنرال شخصية تحتاج كتب و مجلدات لمجرد كتابة مقدمة عن عظمتها :D

*استمتعت جداً بنوادر المشاهير, فيه حاجات منها سمعت عنها قبل كده, و فيه حاجات اول مرة اسمعها..لو فيه كتب او مصادر جبت منها الحاجات دى فيا ريت تبقى تقولهالى يا جلال :D

*الشخصيات المتعددة للجد فكرتنى شوية بعادل امام ف مسلسل "العراف", وبالرغم من تفسيرات الرواية للموضوع دا, إلا انه مازال غامض و يسمح لمزيد من التفسيرات :D

مستنى حاجات تانية بالمستوى دا يا جلال :D عاااش (Y)

[شـيـريـن · Rating 3 out of 5]

بحلم ألا تنتظر مثلي من يأتي كي يحقق لك أحلامك ..
أخر حلم من أحلام الجد .. حلم يستحق القراءة والتأمل ..
الرواية جميلة ساخرة ( مسخرة ) .. قادرة إنها تفصلك ضحك في نفس الوقت اللي جواك مشاعر عكس بعضها شاب وعجوز .. عاقل ومجنون .. فرحان وحزين .. متفائل ومكتئب .. راضي وغضبان .. حي وميت .. إلى أخر الأحاسيس اللي هي عكس بعضيها ..
الحوار بين الجد والحفيد مسخرة كأنه بين إتنين إصحاب ..
الجد عاقل مجنون أو مجنون عاقل .. مش مهم ..
المهم إنه مات محقق كتير من أحلامه اللي هي كتير بجد بالنسبة لأحلامنا اللي مش عارفين هي إيه أصلاً ! :/
فكرة إنك تعرف حلمك وكمان تحققة دي لوحدها حلم ..
الرواية جميلة بس طول قرائتي ليها مش قادرة أتخيل إن الكاتب هو هو نفس كاتب كتاب ( سفر التحليق ) !! واللي قرأ الإتنين هيقدر يفهم ليه .
وبمناسبة الأحلام هنهي كلامي بأي كلام بس بحبة ..
ما أنا إتعودت أحلامي أشوفها بتجري قدامي وملحقهاش .
آه وكمان كلام بحبه أووووى للكاتب خالد كساب ..
للأسف مشكلتك ملهاش حل ..
جنونك عاقل جداً ..
لكن عقل اللي حواليك هو اللي مختل .

[Amira Sayed · Rating 5 out of 5]

بجد رواية حلوة جدا واستمتعت بيها جدا ..
وكانت فوقتها بصراحه ..

شكرا جدا على المتعة دي بجد كنت محتاجاها فعلا :D

[Ahmed Gohary · Rating 3 out of 5]

في البداية اعتقدت أنها مجموعة قصص قصيرة ثم لاحظت كلمة رواية علي الغلاف
النص الأول من الرواية كان جيد جدا وآثار في نفسي الكثير من الذكريات عن جدي الذي توفاة الله منذ أكثر من 15 عام وكنت مرتبط بة ارتباط شديد
النص الثاني من الرواية كان غريب نوعا وبة الكثير من الأشياء الغير منطقية فالجد كان أسلوب حديثة وقلشة كأنة شاب في العشرينات مع أيضا المجهود الذهني والبدني وكمية الاكل وشرب المخدرات وسقوطة من الموتوسيكل اشياء لا تتناسب مع عمر الجد والذي هدم الصورة التي تخيلتها في ذهني "فصلني"عن الجد ذو إل75 عاما
وكلة كوم و الجيتاوفاتور دة كوم تاني طب ازاي أتخيلها دى وانا أصلا عندي 35 سنة ولو ركبتها ممكن مطلعش من تحت المية تاني

الفكرة عموما جيدة جدا والنص لطيف لولا الملاحظات السابقة وبعض التجاوزات اللفظية

[SALAH · Rating 5 out of 5]

100
روعة

[Dee · Rating 2 out of 5]

الكتاب ده جبته أيام ما كنت بجيب كتب وخلاص من الغلاف
فاكره الأيام دي
كنت بنزل المكتبه الجديده الي كنت بحبها جدا
و تقريبا في كل خروجه لازم أعدي عليهم
مكنش متوفر مكاتب لبيع الكتب المتنوعه ومكنش في إهتمام أصلا بالقرايه للدرجه ومكنتش لسه تحولت لترند
وكتاب +قهوه= عمق
كان كل ده لسه في بدايته
ومكنش ظهر لسه مدعيين الثقافه ومتذوقي الفن الرفيع الي الناس دلوقتي بتتابعهم بالآلاف
المهم كان الجو العام مفيش تكادس
فا كنت مستمتعه بفضا المكتبه وكل اسبوع لازم اشتري كتاب علي الأقل
اجمل فتره في حياتي
بس مكنتش بكون موفقه في إختيار الكتب
بالنسبه للكتاب ده هو خفيف في حاجات معجبتنيش وفي حاجات لطيفه
يعني كتاب خفيف يخلص في جلسه بس أنا كسلانه فا طول معايا
اللهجه العاميه مش وحشه
تنبيه للناس الي مش بتحب العاميه

[Emad Maher · Rating 5 out of 5]

‫#‏مش_ريفيو_رواية_100_حلم_قبل_الموت‬
مبدأياً وقبل ما أي حاجة تتقال ده مش ريفيو زي ما اتقال فوق كدة ..وهنعرف ليه بعدين
زي الأعمال اللي فاتت ويمكن المرة دي الموضوع كان أوفر دوز ، جت رواية 100 حلم قبل الموت للراجل اللي بيشكل كلماته بخام الابداع ( محمد جلال ) بمثابة خلاط ..خلاط بيتضرب فيه ملايين المشاعر ..من حزن وفرح وضحك وعياط وحنين لتفاصيل موجودة في الحياة ومحدش واخد باله منها
جلال في كتاباته عموما مش بتحس انه كاتب ..لأ بتحس ان واحد صاحبك قاعد معاك في أوضة مكركبة وبيكلمك في مواضيع عميقة فشخ بطريقة سطحية أفشخ متبينش ان اللي بيكلمك أعلى منك في حاجة
ده كله عن كتابات جلال عموماً ..
نيجي بقى لرواية 100 حلم قبل الموت ..أو الرواية البروفيشنال =D‏‎‎‏ واللي هحاول اني أقول كلام يوفي جزء من حقها ..
الرواية عبارة عن رحلة ممتعة لحد الغباوة ..بتبدأها من أول الاهداء ومالهاش نهاية ..رحلة هتطير فيها وتبص على الناس وعلي البلد وعلي نفسك من فوق ..هتشوف حاجات مكنتش واخد بالك منها وتفاصيل من كتر ما هي صغيرة مش بناخد بالنا منها ومن كتر ما هي مهمة منعرفش نعيش من غيرها ..
رحلة بيكون مرشدك فيها الراجل اللي حبيته فشخ ( جدو ) ..جدو هيخليك بالعافية أو الذوق تسأل نفسك أسئلة كتير بنهرب منها ، أسئلة الطبيعي ان اجاباتها لازم نكون عارفينها ..
حياة كاملة هتشوفها قدام عينك بكل تفاصيلها ..هتتعلم منها حاجات كتير هتفيدك انتا ..جلال زي ما قولت كتابته عبارة عن خلاط مشاعر كبير ..ده اللي هتحسه طول ما رحلة الـ100 حلم شغالة ومستمرة ، هتضحك ..ممكن تعيط ..وحاجات تانية كتير ..
الرواية أو الرحلة أو الحياة ..أي ان كان المسمى جابت من الأخر في مفاهيم كتير أوي ..علي سبيل المثال ( الحب ) ..الكلمة دي مثلاً بيحكي فيها مليون شخصية من بداية الخليقة وكل واحد شايفها بمفهوم من أول عبحليم حافظ لغاية ( مش هقول علي إسمك يا مشوش ) ، كلمة الحب اتلخصت في الرواية والرحلة في جملتين بمثابة حقيقة علمية ..
قيس علي كدة كل حاجة ..سواء سياسة أو اعلام أو ..أو ..
الرحلة هتخليك تسب لنفسك لو معندكش حلم عايش علشانه ..بس هتخليك تخلق لنفسك حلم كمان ..
هتحب حاجات انت مكنتش متوقع انك تحبها ..زي الموت ..تصور هتحب الموت أه والله ..بس هتحبه ييجي وانتا محقق الـ100 حلم . ..وهتعرف ان الموت بالنسبة للي محقق الـ100 حلم عبارة عن شكة إبرة .. بيتنقل بيها لعالم أحلى بكتر من عالمنا ده ..
بحلم بإيه بقى قبل الموت ..بحلم أعمل أي حاجة يفتكروني بيها الناس بعد الموت وبس
زي ما قولت ده مش ريفيو ..علشان مينفعش أعمل ريفيو لخام الابداع ( وسامعك يا وسخ ياللي بتقول بأفور ) ..علي رأي جدو =D‏‎
وبالنسبة للنجوم ..فبردو مش هنعرف نحط أكتر من خمسة للاسف ..فبلاش نحط نجوم وخلينا نحط مجرات كاملة ‏ ‎=D
دمت مبدع و بروفيشنال يا عم جلال ..

[إيمان · Rating 3 out of 5]

فى 100 حلم قبل الموت استطاع الكاتب محمد جلال ان يجلب ابتسامة من داخل ازقة واقعنا المرير ليجبرنا على الابتسام رغم الالم ...
داخل سطور الرواية 28 حلم من 100 حلم استطاع الكاتب وصفهم ببراعة و تناسق بلغة سهله اقرب للعامية لكثرة الحوار اكثر من السرد داخل مشاهد حية تجبرك على الانتقال اليها لتتعايش معها او على الاقل هذا ما فعلته انا ، قائمه احلام قد تبدو غير متناسقه او تافهة للبعض الا ان بساطتها هى الاجمل و الاصعب فى ان واحد و هذا ما استحق النجمة الاولى ...
النجمة الثانية لما مس قلبى داخل سطور الرواية فكما قلت سابقا علىى الرغم من واقعيتها المؤلمة الا انها تستطيع ان تسلب فى النهاية ابتسامة من شفتيك ...
النجمة الثالثة و الاخيرة لغلاف الرائع للمصمم كريم ادم و الذى صممه ببراعة ليجعل بطل الروايه هو بطل الغلاف بألوان متحررة جريئة تتناسب مع كل الجنون داخل السطور ...
تسقط نجمتين احدهم للغة التى كنت اتوقعها اقوى و ان يكون السرد اكثر الى جانب وجود بعض العبارات الجنسيه التى تحمل جميعها معنى واحد فقط و كانه افيه يعاد تكرراه حتى اصبح فى النهاية لا يضحك الى جانب احدى الشتائم التى استولت على سطور الروايه طول الاحداث و نجمة اخرى لقصر الرواية التى كانت من الممكن ان تطول احداثها خاصة اننا لم نعلم من كان على حق هل هو الاب ام الجد فى سرد الوقائع ؟
عمل لايت واقعى ممزوج بسخرية تستحق القراءة ليصبح العمل فى المجمل العام جيد ..
فى انتظار الاعمال القادمة للكاتب محمد جلال و بالتوفيق

[Azza Bondok · Rating 5 out of 5]

لا أميل إلى إعطاء خمس نجمات إلا إذا كان ما قرأته فعلا يستحق
الموضوع مش متعلق بقوة لغة أو جمال تراكيب ومحسنات بديعية..حيث هناك الكثير من الأعمال المتروسة بكميات هائلة من كل ذاك أكثر إلا أنها تفتقد الأهم من كل ذاك أكثر،تفتقد الفكرة و الرسالة و الطريقة المختارة لإرسال الرسالة.
الكتاب هنا قد يبدو للوهلة الأولى ساخر لن نستفيد منه سوى الضحك على النكتة في النهاية..نعمل اقتباس لكام ايفيه وشكرا. لو كان الأمر هكذا إذا من أن يأتي كل هذا الشعور بالمرارة و القلق المصحوبان برغبة عارمة في البكاء و الضحك! . كيف لكتاب ساخر لا تتعدى صفحاته المية وكام إنه يخلق هذا الكم من المشاعر المتناقضة؟
الإجابة: هى دى نقطة القوة مش نقطة الضعف.. 100 حلم يحمل في طياته الكثير من الشىء وعكسه. حتى النهاية لم يكتفى الكاتب إنها تكون واحدة ب ترك لك حرية"الحلم " إما توافق على أن ترى الكتاب رحلة الجد الروش مع حفيده الوسخ.
وإما تهرع وفورا إلى كتابة ليستة بأحلامك إن لم يكن تنفيذها وفورا.

[محمد مصيلحي · Rating 4 out of 5]

أنا استمتعت بكل كلمة قريتها في الرواية دي، وتقريبا كنت شايف المشاهد قدامي بتحصل من جمال الوصف
الرواية من أجمل الحاجات اللي قريتها على مدار فترة طويلة
الشخصيات مرسومة بعناية.. والإفيهات واخدة حقها وزيادة.. حتى الفلسفة في الموضوع جاية بشكل لطيف مفيهوش فصلان من المود
النجمة الناقصة دي تقدر تعتبرها رخامة مني.. وممكن تعتبرها عشان حسيت إن العمل محتاج دور نسائي.. ويمكن عشان الرواية كانت حلوة وخلصت بسرعة وأنا ماكننش عايزها تخلص
مش مهم الأسباب، المهم إنك أكيد عملت حاجة تستاهل عليها 4 من 5
ولو مالقيتش سبب منطقي عايزك تفتكر حاجتين مهمين:
- الحياة مش منطقية أساسا
- الكمال لله وحده
اعتبرني من أشد المتابعين لكل حاجة بتكتبها، ولو مفيهاش رخامة كمان يا ريت تعتبرني تلميذ بيتعلم منك
1000 مبروك يا جلجل
استمر إلى اللا نهائية وما بعدها

[Aliaa Mohamed · Rating 1 out of 5]

عن طريق الصدفه وقعت بين يدى هذه الروايه
كنت اظن فالبدايه من صوره الغلاف انها روايه من روايات الادب الساخر مثل روايه " فرغلى المستكاوى"
وكانت اول عمل اقراه للكاتب " محمد جلال "
فكرت ان اقرأها كفاصل قبل البدأ ف روايه دسمه
ولكن بعد مرور الصفحات الاولى
شعرت كاننى اشاهد فيلم من انتاج " السبكى "
لا اهميه له الا نشر الاسفاف وجمع ايرادات
فكره الروايه جميله
ولكن كم الالفاظ الغير لائقه كرهتنى بالروايه
شعرت بملل كثيرا اثناء قراتها
بالاضافه الى انه يوجد اجزاء بالروايه لا اعلم ما الفائده من وجودها
شعرت بانها مجرد حشو لزياده عدد ورق الروايه
مثل داعش والكاميرا الخفيه .
من وجهه نظرى نجمه واحده فقط للروايه
وهذه للنجمه لان الفكره عجبتنى
ولكن كانت هتبقى اجمل لو اتحذف منها الالفاظ والكلام اللى ملهوش معنى
بعتذر لقسوه كلامى ولكن اتمنى ان اقرا شى اخر افضل للكاتب

[Hassan Helmy · Rating 5 out of 5]

البرنس محمد جلال وروايته العبقريه 100 حلم قبل الموت ، قدر يحقق شيء جديد في الأدب الروائي الساخر وهو إنك تطلع بهدف من الروايه وإن كان البعض حاول يعمل دا بس مطلعش بالصوره الواضحه ، فمحمد جلال قدر يوصل دا بمنتهي السهوله .
"متستناش حد يحققلك أحلامك"
الكوميديا في الروايه مش منتهيه على الإفيهات أو الألش ، كان فيه جزء تانى من تتابع الأحداث اللى دار بشكل كوميدي ، مع الوصف الدقيق لإنفعالات وطريقة كلام الأشخاص اللى قادره تخليك تضحك ، مع ظهور خاص للليجند أحمد التباع ..
الروايه عظيمه فعلاً في الأدب الساخر ، الجزء الأدبي من الروايه من سرد وتفاصيل ووصف ، متكامل جداً ، والكاتب أبدع في دا فعلاً ...
الروايه بتصنيفها كأدب ساخر تستاهل الrating خمس نجوم

[Ahmed Aboraya · Rating 3 out of 5]

محمد جلال بيخليك تعيش رحله بتحقق فيها 100 حلم
100 حلم بتحتار اذا كان البطل بيحققهم لغيره ولا لنفسه ولا انت اللى بتحقق مغامرة نفسك تعيشها
100 حلم فيهم جنانك وخيالك وطموحك ومتناقضاتك
التجربه جديده واستمتعت بالمغامره .. توقعت أحداث وشخصيات وخصوصا الاسطوره قبل ما اقلب الصفحه كنت عارف هلاقى ايه

[Aحmed عbd El عaziz · Rating 4 out of 5]

كتاب ممتع جدًا وخفيف وكوميدي كعادة محمد جلال في كتبه
ما حسيتش بأي ملل وانا بقرأ ليه بالعكس كنت مشدود جدًا أخلصه في مره واحدة ... وده اللي حصل فعلًا
أنصح بيه بشدة

[محمد عبد · Rating 3 out of 5]

من أفضل ما كتب محمد جلال .. احييك

[عصام · Rating 3 out of 5]

رحلة طريفة.
عمل يميل لرؤية سينمائة أكثر منها أدبية.
فكرة البرنامج الهزلي معاصرة، حتى أنهم نفذوها رمضان هذا العام بالفعل يا (جلال)، فتحياتي لك.

[Marramero Mo · Rating 2 out of 5]

تاني مرة اقرأ لمحمد جلال ،اول مرة كانت كتاب حروب الجيل الضائع ومعجبنيش خالص الحقيقة.
بالنسبة للرواية فاسلوبه اتحسن شوية عن الكتاب لكن بردو مش احسن حاجة.
الرواية من النوع الخفيف اللي يخلص في قعدة لكن بردو تحس بحاجة مش مفهومة كده ،اسلوب ركيك في بعض الفصول والفاظ نابية وايحاءات جنسية واضحة وصريحة ملهاش اي لازمة،ده غير بعض الأفورة اللي ملهاش اي داعي وتعتبر حشو بردو وبس وحته مش كوميدية ولا ظريفة يعني.
اسم الرواية اوحالي بحاجات أحلى من كده بكتير الحقيقة وكنت متوقعة حتى ان الأحلام تحقيقها هيبقى واقعي اكتر من كده ، يعني هم اساسا مش 100 حلم ولا حتى نصهم وقلت ماشي مش مشكلة اهو اسم كدا يشد ورقم يجذب وخلاص لكن كمان ان الاحلام تبقى حاجة وتحقيقها حاجة تانية خالص فدي مش لطيفة الصراحة.
جوانب كتير من القصة مبهمة وملهاش اي تفسير وجوانب تانية محشورة من غير اي داعي زي علاقتة بصاحبته كده ولا البنت اللي المفروض بيحبها ملهاش اي لازمة ومحشورة بطريقة حتى عشوائية في الرواية.
لو اعتبرت ان الرواية ليها فكرة مثلا او هدف هيكون ف اخر سطر فيها بس ،وان الواحد مش المفروض يستنى حد يحققله أحلامه بس كده.
يعني إجمالا مش اسوأ حاجة قرأتها في النوع ده من الروايات الخفيفة دي لكن متستحقش اكثر من نجمتين.

[Sameh Ebrahim · Rating 4 out of 5]

رواية بديعة
رواية بروفيشنال
رواية يجتمع فيها المضحك والمبكي
واشياء تدعو الى التأمل والتفكير
شخصية جدو شخصية تضحكك من قلبك حتى
لو انت في عز ضيقك هتضحك هتضحك من طريقتك
من اسلوبه ولو ماضحكتش هتضحك برضو من قفشاته
في البداية كنت اعتقد انها مجموعة قصص قصيرة
لكن بعد قليل اتضح لي انها رواية فعدت للغلاف ووجدت كلمة
رواية التي لم انتبه لها في البداية
وكان تجربة ممتعة اثناء قرائتي لرحلة ال100 حلم قبل الموت
ماتم ذكره في الرواية هو 28 حلم يضاف اليهم حلمين
تم تحقيقهم من شادي بدون ان يتم شطب الحلم
مثل باقي الاحلام بالتالي يصبح الاجمالي هو 30 حلم

انا في رأيي المتواضع الرواية تصلح كعمل درامي كوميدي واتوقع نجاحه
اتمنى انا اراها قريبا في السينما او على الشاشة الصغيرة

[سمر عصام · Rating 3 out of 5]

هي أقرب لسيناريو فيلم منها لرواية... أي أنها تعطيك بالإحساس بأنها مكتوبة بنية أن تصور فيلما ... مع تأكيدي أنها كفيلم مع إخراج جيد ستكون فيلما لطيفا ... إلا أنها تفتقد المتعة المتوقعة في هذه النوعية من الكتابات ... فكرة وضع قائمة بالأحلام و تحقيقها ليست بجديدة إلا أنها من الأفكار التي لا تفقد بريقها ... أكثر ما ضايقني أثناء القراءة هو استخدام اللغة العامية طوال الرواية بجميع الحوارات برأيي الشخصي فإن استخدام اللغة العامية بطريقة مكثفة في الرواية يفقدها قدسيتها ... و يحرم الرواية من أن تكون غنية بالمفردات أو العبارات الفخمة ...

[Nehad Elhamd · Rating 2 out of 5]

#مجرد_رأي
اللغة هي ثوب الرواية احتاج انا كقارئة ان اجده مناسب البهرجة لا تخدم الفكرة وكذلك التدني الفج
فكرة الرواية رائعة جدا عن تحقيق الاحلام في ثوب رقيع بين لغة راقية ومتدنية بين السخرية والجدية بين الافكار الجيدة والايحاءات القذرة لتخرج بخليط يثير امتعاضك رغم روعة الفكرة ذاتها

[Hany Mohamed Ali · Rating 3 out of 5]

رواية لذيذة ومفيدة وفيها فكرة بسيطة ورسالة

القصة بتدور حوالين جد غامض وقائمة أحلام ب 100 حلم
وحفيد حتكون مهمته تحقيق الأحلام.

القائمة اتكونت بطريقة غريبة وتحقيقها كان بشكل أغرب لكن بسيط.

الرواية مخلتش من بعض الألفاظ الخارجة عشان تبقي علي مستوي الروشنة اللي بنعيشه

[Muhammad Diab · Rating 4 out of 5]

خفيفة
مرحة
علاقة تستحق ان تعاش

[ابرار · Rating 1 out of 5]

الكتاب ده عبارة عن(خلطبيطة بالصلصة)

[Amina Ali Ahmed · Rating 5 out of 5]

بحب الروايه دي جدا جدا ♥️

[Howyda Hesham · Rating 2 out of 5]

الرواية عادية حبيتها ومحبتهاش في اوقات كتيرة شدتني واوقات تانية مليت منها

[Ahmed Hisham · Rating 3 out of 5]

رواية كانت ماشية بشكل شيق وممتع جدا حتي وصلنا لفصل الارهاب والكوميديا بدأت تتحول والنواقف باتت سيئة وهما اصلا مكملوش ٣٠ حلم

[Osama Yosre · Rating 3 out of 5]

100 حلم قبل الموت - محمد جـلال - أدب ساخر
رجل عجوز يقابل حفيده بعد فتره كبيره من الزمن ويساعده فى تحقيق احلام له قبل ان يموت فى رحله لا تخلو من الكوميديه ولكن تنقبل فى بعض الاحيان للهبل
احدث كتير سريعه وغير مفهومه السبب ولكن نعرف السبب فى الاخر
الفكره حلوه والاسلوب الساخر حلو ولكن الموضوع وسع شويه وخرج من حد السخرية الى الاستخفاف والاوفوره
الغلاف والعنوان عجبنى واسلوب الكاتب لطيف

[Mohammed Awwad · Rating 1 out of 5]

خفيفة
لذيذة
لكن ليست قصة او رواية