ثقب أسود

by حسن محمد الشواف

فُتح باب القصر فظهر مِن وارءه شخص ضخم الجثة , مُزين الملابس يلهث مِن فرط الانتشاء و ترف الابتهاج و بجانب خصره يقبع سيف في حافظته .
فجأة صرخ بقوةٍ ورفع رأسه و أطلق مِن عينيه جيوش مِن الظلمات , تركب خيوط العتمة وتنتشر في العالم أجمع , أحاط الظلام بمدن العالم
غطت جيوشه الجرارة المحيطات و البحار و البلدان و القارات و ضوء الشمس و القمر النافذ لها , لو رأيت معي الكوكب مِن الفضاء لما ميّزته عن غيره مِن العدم و الفراغ , كوكب الأرض قد ابتلع في أمواج الظلام حد أعماقه

#ثقب_أسود
#معرض_الكتاب_2016
#دار_فصلة

204 pages, Paperback

Published January 27, 2016

About the author

حسن الشواف ..
مؤلف رواية ما فوق الدول ( ورقي)
رواية دائرة الدم ( ورقي )
رواية ثقب أسود ( ورقي )
صفحة المؤلف علي الفيس : https://www.facebook.com/philosophyha...

Reviews

[Mazen El Demery · Rating 3 out of 5]

ماشي ... انا لما جبت الرواية مكنتش مستني منها كتير .. كنت متوقع انها رواية علمية عن الثقب الأسود و كده و انا مبحبش الخيال العلمي أوي يعني أو النوع ده منه بس الرواية جت أعلى من اللي انا توقعته ... الرواية حلوة و ممتعة بس نظرا لأن دي تاني رواية للكاتب الرواية الأولى كانت أحسن

نبدأ بالمميزات :

- اللغة اتطورت جدا بس كان في أوقات بحس ان في تكلف في اختيار الكلمات بس ده ميمنعش ان اللغة جميلة

- رسالة الرواية و فكرتها حاجة عجباني جدا انك مش مجرد بتكتب رواية خيال علمي انتا بتحط فكرة أو رسالة في الرواية و دي حاجة كانت موجودة برضو في العمل الأول للكاتب

- الحبكة كويسة و أسلوب السرد مشوق

نيجي بقا العيوب :

- أوقات كنت بحس زي ما يكون خيط الأحداث و ترابطهم ببعضهم بيفلت من ايد الكاتب فا مش بعرف مين بيودي على فين و بتوه بس ممكن ده يرجع لكمية التفاصيل الكتيرة

- زي ما قلت فوق ان في تكلف في إختيار الكلمات يعني حاجة ممكن توصلها ببساطة بتختار الطريقة الصعبة

- غلطات نحوية بسيطة جايز تكون مطبعية والكاتب مش قصده عشان في غلطات مطبعية كتير أوي الصراحة :D
---------------------------------------------------------------------

بعيدا بقا عن كل ده الفكرة :

الفكرة عادية جدا و بسيطة مفيهاش أي ابهار بس الكاتب عرف يعمل منها رواية حلوة مشوقة فيها تفاصيل كتير جدا و رسالة بيقدمها

لو كان ده أول عمل للكاتب كنت هديله 4 نجوم بس بما ان ده العمل التاني يعني معدش فيه شماعة العمل الأول اللي ممكن أتغاضي عن شوية اخطاء عشانها فا تقييمي الرواية 3 نجوم

-

[Ola · Rating 4 out of 5]

الـ ٤ نجوم بس عشان الاخطاء اللغوية..
الرواية دي علمتني محكمش علي الحاجة من برا.. انا اشتريت الرواية من معرض ٢٠١٧، وقريت فيها اول صفحتين مفهمتش حاجة، ركنتها ومكنتش ناوية اقراها،، لحد ما في يوم ملقيتش عندي كتب،. ققررت ابدأ فيها.. وبعدها لقيتها شدتني جدااا ومبقتش عارفه مخلصهاش بسرعة
فكرة حلوة وجديدة، واحداث وتسلسل عاجبني، بس الأخطاء اللغوية مش معقولة في الرواية،،

[Gehad Anwar · Rating 3 out of 5]

أتممت الحمد لله رواية ثقب أسود هي رواية عظيمة كفكرة وكسرد ولكن للأسف تنضخ بالأخطاء اللغوية والأخطاء هذه يمكن أن تفقدها في التقيم عند الآخرين نجمة من خمس نجوم ولكن عندي أفقدتها إثنان

رواية جيدة جداً ولكن الأخطاء اللغوية بها حد الإزعاج
لم يعنى باخراجها مطبعياً للأسف

[Amr Emara · Rating 4 out of 5]

<< في الظلام كل شيء ممكن كل شيء مخيف >>
يفاجئنا الكاتب حسن الشواف برواياته التي تمزج بين الرعب والخيال وشيء من البوليسية
برواياته الثلاث .. ما فوق الدول .. دائرة الدم
ثم مؤخراً (ثقب أسود) .. رواية شيقة ممتعة لمحبي الخيال والإثارة .. رواية ذات حبكة وترتيب أحداث متناسق.. ذات لغة فصحى موزونة .. وأشد ما أعجبني بها هي التصويرات والتشبيهات
لكن ما لم يعجبني بها هو التدقيق اللغوي والأخطاء الإملائية.. لكن جمال الرواية كان يغطي على تلك الأخطاء
في النهاية أنا أثق بالكاتب وأعماله
شكرا حسن الشواف

[Sa7er elkotob · Rating 5 out of 5]

ثقب اسود
روايه شيقه مثيره تحمل الاسطورة والسياسه والتاريخ والعلم
لغه فصحى جذله سرد قوى مرتب زمنيا تقطعه بعض الاحداث السابقه لكن فى صورة حوار بين الاشخاص
وصف بسيط لكنه معبر واحداث سريعه مثيرة
تظهر الروايه ثقافه مبدعها وخاصه التاريخيه بدأ من علم المصريات ومرورا بالعصر الاموى ويتضح ذلك جليا فى استعماله خطبه الحجاج بن يوسف فى اهل العراق مما وضح لنا مدى ديكتاتوريه بطل العمل الشرير
كما ظهرت ثافته العلميه عندما استعمل تاثير بطء حركه الارض على الزمن بالتأكيد وعلى الظواهر الطبيعيه
روايه شيقه جديره بالاقتناء
تحيه من القلب لمبدعنا وتمنياتنا بالتوفيق الدائم

[Moataz Ali · Rating 2 out of 5]

الرواية فكرتها جديدة لكن بالنسبة لأفكار هذه الأيام أما إذا قارناها بروايات ملف المستقبل وماوراء الطبيعة نجدها شبيهة لحد كبير منها اما بالنسبة للهدف الخفى من الرواية فأعتقد أنه هدف سياسى بحت من اباجير وسلطته والقوة الضاربة التى تظطر الجموع والشعوب للخضوع له والهبات المزيفة والفرعنة التى تمنحها بعض الشعوب لحاكميها أما لغويا فاللغة استخدمها الكاتب فى اصعب صورها والفاظها أما تقييمى بنجمتين فلان الرواية تفتقد للتشويق حتى انك لا تسعى وراء إنهائها سريعا لتعرف النهاية

[Aliaa Lolo]

not even half star

[Abd Elhameed · Rating 4 out of 5]

بصراحه الروايه حلوه جدا كفكره و الحبكه ممتازه و ترابط الاحداث جامد و حقيقي تستحق القراءة .. فقدان النجمه بسبب الوصف للتفاصيل فى اكثر من موقف لدرجة اني صدعت و لكن ده هينتهي مع او 100 صفحه و الاخطاء اللغويه كتير