عمل أسود

by تامر عطوة

عزيزى القارئ
سأتركك الان مع حكاية
قد تحدث فى اى مكان واى عصر
لأناس وجدو الحرية فى اكثر الاماكن استحالة
وجدوها فى قعر الانحطاط والتمرغ فى البركة الآسنه
عندما تركو لانفسهم العنان وأطلقو دفقات الغريزة طافحين معها سوائل مكبوته
مخلوطة بلعنات عتيقة من زمن اندثر
على كل حال كن حذرا
فحبكتها منقوعة فى العطن
وابطالها منحرفون وسماعها مؤذى فى أحسن الاحوال
وفى الاخير نحن بشر ولكى نعرف الفضيلة لابد ان نحاط علما بمعنى الرذيلة
عندها فقط سنعرف مدى انضباط النفس البشرية
لذلك
تعالى
اتحداك
هيا ايها الوغد
إقلب الصفحة
وابدا فى القراءة
عليك اللعنه
...

Genres: Horror

326 pages, Paperback

First published January 1, 2016

Reviews

[Nayra.Hassan · Rating 3 out of 5]

لا ..ده بجد يعني؟هل أتى هذا اليوم الذي يخرج فيه مؤلف بيقول ان ثورة يناير ما هي الا عمل فرعوني اسود تم تفعيله عندما تم نهب احد المقابر لصالح "الهانم"ا

عندنا اشتري كتاب لعلاء الأسواني أتوقع نقد سياسي اجتماعي مصحوب ببعض البذاءة و سوقية في الأحداث والحوار
عندنا اشترى رواية باسم عمل اسود ...لتامر عطوة ..اتوقع شخصيات بسيطة مسطحة تتصل بالسحر الاسود و الجان عن قصد أو جهل ..و يدفعون الثمن
لكن
لا اتوقع ابدا تحليل مفصل لكل مظاهر الشذوذ في المجتمع المصري ووصف متكامل لكل ما هو شاذ و قبيح و نجس من خلال 7شخصيات رئيسية
تمثل كل شرائح المصريين ..و طبعا
بدون نموذج إيجابي واحد حتي بين الامهات
الأسلوب جاذب جدا و لكن الألفاظ بشعة..سباب متكرر..و ان كان يحسب للكاتب أنه لم ينساق لمشاهد بذيئة
الانتقال بين ضمير المتكلم و الراوي كلي الرؤية كان صادم و بدون فواصل

شخصية هشام البطل المهندس الطاووس النرجسي و صعوده إلى أعلى طبقات المجتمع و وعلاقته بزوجته الحمقاء.. و أصدقاؤه .ذوي النفسيات المشوهة و رحلتهم مع المال
من خلال التنقيب عن الآثار ،كانت تحتاج اهتمام اكبر من الكاتب..لان هذا يخدم طبيعة العمل كرواية رعب
بدلا من التركيز على مدى بذاءة الشخصيات في حياتها الخاصة

الرواية بدات بزوجة تريد استرجاع زوجها بأي ثمن. . و انتهت باستعراض لكل انحرافات رموز العهد السابق..بجرأة توضح ان مصر لا تقرأ حقا

[Doha Ahmad · Rating 1 out of 5]

و اخيرا انتهيت من قراءة هذا الشىء و الذى لا اعرف تحديدا ما هو و ذلك لانه بعيد كل البعد عن الادب العربي
هذ العمل من اسوء و احقر ما قرأت بل هوا اسوء ما قرأت على الاطلاق فهو عمل اسود حقا و وقح و يثير الاشمئزاز

حتى الفكرة الاساسية للرواية سخيفة و متخلفة حقا
كيف يمكن ان تكون ثورة 25 يناير قائمة بسبب لعنة من الفراعنة حيث تم اخراج تابوت مومياء فرعونية لعشيقة ملك فرعونى من مكانها لشحنها خارج البلاد
وكيف انه بمجرد رجوع المومياء لمكانها الاصلى سوف يعود حال مصر كما كان
وكيف يمكن استخدام فكرة الالحاد للاستهانة بالدين و الله بهذا الشكل
و كيف يمكن السخرية من المجتمع و الناس بمثل هذة الالفاظ البذيئة والحقيرة
و كأن كل البشر فى مثل حقارة شخصيات هذا العمل

لقد قمت بقراءة العديد من الروايات المليئة بالتجاوزات و الإيجاءات البذيئة من قبل
ولكنها على الاقل كانت تنتمى لإطار الحبكة نفسها و لها هدف
ولكن هذا العمل قد تفوق على مثل هذة الروايات فى الوقاحة بجدارة

الشىء الوحيد المستفاد من قراءة هذا الشىء المليء بالاسفاف و الفجور هوا عدم قراءة اى عمل اخر لهذا الكاتب حتى يحترم الذوق العام و ييكف عن خدش حياء القراء

[Sarah (SoU) Yehia · Rating 3 out of 5]

في الاول لازم اقول اني كنت متحمسة جدا اني اقرا تاني رواية للكاتب بعد ما روايه #شقة_هرم سابت عندي انطباع ساحق بالانبهار..
انطباعي العام عن الرواية اني لما خلصتها حسيت اني عايزة اقوم استحمي مع ان الرواية مبهرتنيش زي شقة الهرم الي اني برضة معرفتش ابطل قرايه غير لما خلصتها مع انها مش صغيرة بعدد صفحاتها الي معدي ال300 صفحة..
خلونا نتكلم بالتفصيل:
أولاً: الوصف والشخصيات: مره تانية وصف الكاتب للشخصيات والمواقف بيبهرني وبيحسسني اني موجوده وشايفة الاحداث قدامي.. فهو من الكتاب الي بتعرف تديك وصف بالظبط يخليك شايف الي بيحصل بمنتهي السهولة من غير ما يستطرد ويزهقك.. شخصيات بيمثلوا قمة في الانحطاط الاخلاقي الي ممكن يكون موجود في اي مجتمع وعشان كده كان احساسي عبارة عن ييع مخلوط بأحيه اسكندارني وده من ادراكي ان جايز ميكنش الواقع منحط اوي كده لكن في قدر لا بأس به من الحقيقة مع الاسف..
ثانياً: الاحداث: الاحداث مكتوبه بطريقة بتنط بيك مش بس من شخصية لشخصية لكن من زمن لزمن وده بيساعد علي انك متزهقش من الي بيحصل مع عدد الشخصيات الي لا بأس بيه علي الاطلاق ولكن في نفس الوقت من غير ما تتوه من الكاتب..
ثالثاً: الحبكة او قفلة الرواية: وده اكتر سبب خلي الرواية متعجبنيش اوي.. حسيت ان التفسير المستخدم لمنطقة الاحداث وتقفيلها كان في قدر لا بأس من الطفولة الي معجبتنيش ومأقنعتنيش كقارئة.. الكاتب قبل كده في تفسيره وتقفيله للأحداث كان بيحسسك بعد ما تخلص انك قدام
puzzle
شيك كل قطعة فيها دخلت مكانها وكملت الصورة بشكل واضح ومقنع وده في رأيي المتواضع الي القصة فقدته وخليتني مش مستكنيسة بالقفلة..
لكن تحذير صغير الرواية ليست لأصحاب القلوب الضعيفة او من الاخر مش للقراء الي بيتكسفوا لأنها بلا أدني حرج بتطلع الانحطاط الانساني بكل تعفنه وكمكمته وتحطه قدامك علي الترابيزة
وقد اعذر من انذر

[Ahmed Gohary · Rating 3 out of 5]

تبدأ أحداث الرواية بالزوجة المخلصة التي تريد استرجاع زوجها التي تعرف انة يخونها مع أخري حتي تختبئ في شقتة الاخري بحيلة ما ثما تحدث الصدمة لها وللقاريء معا بسبب سلوك الزوج العجيب

تبدء بعدها الأحداث في التسارع بشكل غريب في مجتمع كلة شذوذ وانحرافات حتي تأتي النهاية الغريبة بعد الربط بين سحر فرعوني قديم وأحداث الثورة المصرية بشكل لم يقنعني


توجد بعض النقط السلبية التي أثرت علي مستوي الرواية أهمها من وجهة نظرى

تصوير الجانب الشاذ فقط من المجتمع فكل أبطال الرواية منحرفين فلا يوجد نموذج واحد صالح حتي الزوجة لجأت الي السحر لإتمام زواجها من هشام

اقحام الثورة والأحداث السياسية في الرواية

الإيحاء في البداية أن السيدة المتحكمة في الصفقات أم جمال وكمال هي سوزان مبارك ثم التراجع في اخر الرواية بذكر حسني مبارك صراحة وأنها لا علاقة لها بة

بالرغم من اصابة هشام بالمرض الغريب إلا انة بعد النجاح برجوع المومياء فالمتوقع هو رجوعة لحالتة الطبيعية وبهذا يكون الشخصية الشريرة الأساسية في الرواية قد نجحت في الهروب من العقاب المتوقع لها علي الجرائم العديدة التي ارتكبها في حياتة

إقحام بعض الشخصيات التي لا لزوم لها علي الاطلاق مثل والد هشام وأم زوجتة بل وزوجتة نفسها التي لأجد لها فائدة في الرواية

المبالغة في تصوير حب نهلة لهشام في اول الرواية

الأفراط في استخدام الألفاظ خاصة بين هشام وحنا

عموما الرواية بها خليط من مواضيع مختلفة واعقد علي انالتركيز علي موضوع واحد كان سيجعل الرواية أفضل من ذلك

أيضا اتمني ان يعود تامر الي روايات الرعب فالفرق كبير بين بيت الهرم وعمل اسود

[Ramy · Rating 3 out of 5]

هذا هو العمل الثانى ل تامر عطوة بعد رواية شقة الهرم اقرأه له
شقة الهرم
اعطيتها 4/5
و على اثرها قررت ان اقرا عمل اخر للمؤلف
لكن بصراحة عمل اسود اقل من سابقتها
3/5

لم تعجبنى طريقة السرد
انا "فلان" على لسان كل واحد من شخصيات الرواية
ليسرد لنا ماضيه و صفاته و حاضره و ميوله العاطفية و الثقافية و الجنسية

الموضوع باظ منه و اخل ببناء و سرد الرواية
لدرجة انه و قبل انتهاء الرواية بصفحات كان افتكر شخصية لسه متكلمتش ف خلاه يتكلم على عجالة
و يحاول يلط تيار ما زى ما لط بقيةا لتيارات السياسية و الثقافية
نغمة زى ما دول فسدة دول برضه فسدة
مع ان دا مش طبيعى
لو فى فساد لازم يكون فى ف المقابل كويس
و الفاسد بعد ما بينفضح فساده بيكون كل همه توريط كل المحيطين ف الفساد ليظهروا فسدة مثله لكيلا لا يكون حد احسن من حد

لم اعجبنى للمرة الثانية اختلاط فكرة الرواى للرواية
فبعض الاحداث يرويها بلا صفة المفترض ان الرواى خلال الرواية كلها هو واحد اما فلان احد شخصيات الرواية ذاتهم او شخص مستتر و يظل كذلك طوال الرواية غير متداخل فى الاحداث

الرواية كانت نسبة الرعب فيها اقل و زدات فيها الاحداث الاجتماعية و التاريخية و الواقعية المعاصرة
فهو قد فسر الثورة المصرية ثورة يناير بانها حدثت فقط كهبة شياطيين اثر كسر لعنة على تابوت فرعونى
فقط بهذه البساطة

الاكيد و اللى اتفق مع المؤلف فيه
هو ان السواد و الشر و الدنس الحالى و الذى يفعله البشر يفوق باضعاف مضاعفة
ما فعله سابقونا بل صرنا نبتكر فى الدنس و العهر و الفساد و السفالة

اصبح ما يفعله المفسدين منا يفوق سوادا و قذارة ما كان يفعله كفار قريش
اصحبنا نخاف من سيرة او لعنة فلان الفاسد الطاغية فى ازمنة تاريخية سابقة مع اننا نفعل ف حاضرنا ما يفوقه دنس و سواد

اصبح البشر اكثر لوثة و جنون من الشياطين ذاتهم
ثم يعودوا نادمين فيلقوا باللائمة على الجن و الشياطين

قرات ان الشيطان "ابليس" ليست له اى قدرات فعلية الا الخلود و الانتقال من مكان لاخر و التخفى
فيما عادا ذلك هو لا يستطيع القيام ب اى امر مادى
هو فقط يوسوس لك و لى و لنا كلنا
يوسوس لنا ليس بامر مغاير ل طبيعتنا بالعكس هو يوسوس لنا بما فى انفسنا ميل طبيعى له
فلان بيحب الجنس ؟ يوسوس له به ؟ كما و كيفا يتعمق فيه و به فى الوانه و فنونه و اشكاله يصبح الجنس ذاته الها له يعبده حتى يفنيه و يضيعه
المخدرات ؟
الشذوذ ؟
او حتى ادمان السلطة
ثم يترك التفاعل المتسلسل ل "الوسوسة" يأخذ مجراه فلان يبيع المخدرات فيشربها فلان فينسطل فيقتل فلانة بعد ان يزنى بها
لينتقم منه فلان بسلاح غير مرخص شراه من تاجر سلاح لينفق فى النهاية تاجرى المخدرات و السلاح اموالهم بسفه هم او ابناؤهم ليموتو ميتة شنيعة فى النهاية و و و
بدء الامر كله بهمس ف الاذن و العقل و النفس
ليقوم البشر بكل شىء تالى بانفسهم

ليصبح عملن�� فى ايامنا هذه اكثر فسقا و لعنة من اعمال اشر الاقوام قديما
ليصبح عملنا عمل اسودو منيل بنيلة

الكتاب التالى:
Chicken Soup Unsinkable Soul (Chicken Soup for the Soul (Paperback Health Communications))

[Maya Wild · Rating 5 out of 5]

رواية عمل أسود طال انتظارها كانتاج تامر عطوة الجديد
تامر كان مغامر جدا وخرج فجأة من اطار الرعب بعد النجاح الساحق لروايته الاولى شقة الهرم ليدخل عوالم النفوس المعقدة والمنحرفة ليخرج علينا بتحفة جديرة بالاقتناء مع بعض التحفظات على الجراة الفظيعه اللى قريتها فى الرواية
وخلينا نتكلم باسهاب
اولا القصة فى الوصف من اعلى وادق ما يكون لان تامر بيهيألك الجو ان تدخل فيه مع الابطال ولو ان الدخول مع ابطال عمل اسود معناه مشبوه جدا ويلوث اى قارئ
ثانيا الابطال نفسهم او شخصيات القصة متنوعين جدا بين مهندس ديكور لربة منزل مغلوبة على امرها لملحد بيشتغل فى التمنية البشرية لبنت جميلة جدا منحرفة لسيده تعاشر شاب قى سن ابنها لشيخ صوفى مدمن للعادة السرية لتاجر اخوانى مدمن رقاصات لتابوت ولعنه وتجارة وعشرات الشخصيات الفرعية اللى تخاللى
دماعك تلف تلف تلف ومع ذلك مستحيل تفقد التسلسل او التركيز وكانك واحد منهم
ثالثا الشهصيات اللى حبيتها . المهندس الوسيم ومدرب التنمية البشرية وسلوى ام جنا وطليقها المخنث اللى اسمه حلاوة
الشخصيات اللى كرهتها من قلبى الحاجة نادية الساحرة وعبد التواب بتاع الاعمال وكمال الشاذ وامه الهانم والمخرج القواد
رابعا .. الخط التاريخى والخط السياسى يمثل خطورة على حياه المؤلف نفسه لانها مناطق واعرة اوى اوى
الفينيش بتاع القصة جاء مبتور او كانك وقفت الصورة فجأة ومعرفش المؤل يقصد ايه لكن انا شخصيا منت اتمنى تامر يوضف القفلة اكتر من كده
تقيمى للرواية خمسة واعتقد انها سوف تنال الكثير من الجدل
ومستنية اعمال تامر القادمة واللى اتمنى انها تكون رعب لان تامر فى الرعب وحش بيفترس القارئ

[Jilly M7mmd · Rating 1 out of 5]

عمل اسود ؟؟؟؟ فعلا ومهبب وقذر ووقح ومتدني-
كم إلحاد وكفر وشذوذ بطريقة ابشع من القذارة -
نفس مستوي التدني الي كان في رواية شقة الهرم بس كان المبرر ان الحبكة محتاجة كده -
فين الاستفادة ؟؟؟ غير اني بستغفر طوال القراية !!!!-
انت لو قاري بيقرالك متذبذب دينيا هيلحد بسبب كم التخلف والفجر والتطاول علي ربنا ( أستغفر الله العظيم ) الي انت كاتبه -
النهاية بقي ......... حاولت تنقذ الرواية من الضياع دمرتها ( جيه يكحلها عماها )
انت فاهم انت بتعمل ايه !!! انت ربطت السياسة بالجنس بالفراعنة فانتجت عمل أسود بالمعني الحرفي للكلمة
تامر عطوة ..... الاسم كفيل اني لو شوفتلك روايات ابعد عنها
#متكتبش_تاني

[محمود عبدالعال · Rating 5 out of 5]

عندما تقرأ الاسم على الغلاف تعتقد انك ستدخل عالم ملئ بالنفوس المريضه التى تستعين بالجن لايذاء الغير وانك ستحبس انفاسك من فرط الرعب
مع بدايه الروايه ستصدم وتعتقد ان الراوى تخلى عن قيمه وبدأ فى كتابه شئ يتناسب مع موجه افلام السبكى
بعد قليل تصدم مره اخرى ان الروايه بالفعل روايه رعب ولكنه رعب من نوع اخر ، رعب ان تتعرى النفس البشريه وترى عيوبها بحياديه ، ان تواجه حقيقه ما يحيط بك ولكنه لا يظهر لان هناك من كان يريده ان لا يظهر
كلنا صدمنا بمشاهد التعذيب فى الاقسام ولكن هذا لا يعنى انها غير موجوده
قد يكون الواقع صادما ولكنه فى النهايه واقع
الروايه استغرقت 5 ساعات فقط لقرائتها مما يعنى انها شيقه
اسلوب تجميع المكعبات لرسم الصوره رائع
الاشخاص مرسومه نفسيا بحنكه خاصه شخصيه البطل والتى تحتوى على عده متناقضات نفسيه
ربط الماضى بالحاضر من باب ان التاريخ يعيد نفسه
مع بعض التحفظ على بعض المشاهد والالفاظ فالروايه رائعه فى المجمل

[Sara · Rating 1 out of 5]

هو في العموم أي شخصية تتسم بالعزام و الدم و معرضة للفناء فهي من بني آدم ، وبني آدم ده ربنا خلقه عشان يكون في جزء شرير و جزء إنساني طيب
أنما شخصيات الشر الأبدي الغارقة في الملذات و كأنها أبناء أبليس دي مش مقنعة لأنها بتنافي حقيقة أن كل إنسان في جزء و لو غصب عنه يتسم بالطبع الإنساني الطيب .
ثانيًا : ترابط اللعنة باللي بيحصل مش مقنع ، مش منطقي و مالهوش ثوابت راسخة ، ملك يلعن البلد عشان مرآته قررت تموت عشقيتI ، و ربط كل اللي بيحصل بالسحر الأسود و أن الناس دي كلها غير سواية المحلد و الشاذ و السادي و المنحل ذهينًا !!
كمية المنحرفين نفسيًا دي كلها في قصة واحدة مش مقنعة ، التكرار القهري كان أوفر لدرجة فقدت مصداقتيها عندي
مفيش توازن حقيقي أو شبه توازن
كفة واحدة من البداية للنهاية
و في غلطات إملائية رهيبة و غلطات في الاسماء في سطرين وراء بعض شنيعة يعني !
شويه تركيز و أحنا بنكتب يا جماعة مش كده !!
سيئة

[Maather Shouhdy]

ايه كميه القرف و الأمراض و القذارة اللي في الروايه دي؟؟؟ يعععععع بجد...ولا فهمت ايه لزمت كميه الاباحه دي ولا انت عاوز توصل لايه...يا استاذ ربنا رقيب علي كل كلمه انت بتكتبها و خسارة كل جنيه ادفع في روايه مريضه زي دي

[Erø · Rating 1 out of 5]

من اقذر ما قرات.. عمل مالوش اي تلاته لازمه! حشو جنسي قذر ع الفاضي و تفاصيل ملهاش لازمه و قفله اراد ان تكون ذات حبكه سياسيه بس الشت منه جدا، دا غير اللغه الركيكه و اسلوب السرد الرديئ.. اخر حاجه ممكن اقراها لتامر عطوة..

[Dr-Marian · Rating 3 out of 5]

الرواية كانت تستحق 4 نجوم بجدارة لولا التلت الاخير منها وما يشوبه من تلفيق ف الاحداث وعدم منطقيتها
اسلوب تامر عطوة تطور بشكل مذهل عن عمله الاول شقة الهرم واصبح يرقى لمقام قاصا محترفا
اكيد هقراله تانى لان عنده وجهة نظر وفلسفه جديرة بالاحترام مهما اختلفت معه

[Donia Darwish · Rating 1 out of 5]

ايه ده بجد ..... استفدت ايه انا من رواية كلها إلحاد وشذوذ !!!!
الفايدة الوحيدة انى طول ما انا بقراها بستغفر

[Farah · Rating 4 out of 5]

#ريفيوهات_ساحر_الكتب

#عمل_أسود

شابوو🎩 و تحية للمبدع الذي امتلك الجرأة لطرح هذا العمل رغم أنه يعلم تماماً أن النقد سيفوق الاعجاب و سوء الفهم سيطغى على رسالته في العمل أياً كانت #تامر_عطوة

بغض النظر عن التحفظااااات الشديييييدة و بأن قراءة بعض السطور كانت أصعب علي من محاولة حل معادلة لوغاريتمية من الدرجة العاشرة و لكن يقال بأن حبك للشخصية معناه ابداع الممثل أما أن تكره الشخصية فهو تفوق الممثل على نفسه و هنا أن تحب القصة فهذا يعني ابداع الكاتب أما أن تشعر بأن المجتمع بما فيه أصبح مكروهاً لك فالمعنى أن الكاتب قد وصل قمة التفوق و الحنكة الادبية بادية جليّة

هل حدث أن شاهدتم فلماً و كانت حواسكم متحفزة و بكل معنى الكلمة لا تمتلكون الجرأة على التحرك او الابتعاد من شدة تأثير الأحداث و في ذات اللحظة لديكم شعور داخلي بوجوب الابتعاد لقسوة المشاهد . و ينتهي الفلم و تقرون بكل رضا أن العمل كان مشوقاً ناجحاً و خطيراً بكل التفاصيل من البداية وحتى آخر لحظة !
انه هو الشعور الذي يرافق هذا العمل

مقدمة مستوحاة من مخطوطات الفراعنة حيث العبرة في مابين السطور و عمق الكلمات سيد الموقف
الوصف الدقيق يعطيك ذلك الإحساس بحضورك التام في المشهد ترى الشخصيات و تحس بأنهم حولك حقاً
مفردات قوية مختارة بعناية و دقة لتعطي المعنى المطلوب بذاته و توصل الفكرة كاملة دون مراوغة
قوة المفردات كان كسلاح ذو حدين أعطى الرواية دفعة إلى الأمام و ساهم في رفع التقييم العام و لكن هذه القوة ذاتها في مقاطع من الرواية كانت قاسية جداً صريحة جداً و مفصلة جداً فاضحة لدرجة لا تحتمل.

أدبياً يُعتقد بوجود ما يسمى بذروة الأحداث أو #الكلايمكس مرة واحدة في السياق و مع رواية اليوم تعددت الذروات . في كل مرة شعرت بأن الأحداث وصلت حدها الأقصى عدت لأجد ما هو أكثر في مابعد حتى آخر مقطع.
أبدع الكاتب بأن جعل لكل شخصية كينونة تدور فيها أحداث معينة و لكل منها ذروة و حبكة و تطورات .

و أجاد في ربط الأحداث المصرية بعوامل الرواية و بإيصال الشخصيات من مجرد شخصيات القصة إلى الفعالية في الواقع .

سمعت بأن الكاتب له خبرة في عالم الأبراج و علم الفلك و معرفته ظاهرة في كتاباته لا تخفى أبدا على من يقرأ له

أحداث كثيرة علاقات اجتماعية و شذوذ متأص��
حب جامح
سلطة - ثروة
شهرة - رغبات
و النهاية كانت بداية جديدة

غلاف 5/5
عنوان 5/5
حبكة 5/5
سرد 5/5
تقييم عام 4/5 و السبب معروف 😅

مدة القراءة تقريباً 6 ساعات متفرقة

و يبقى السؤال ..

#هل من الممكن أن تكون هذه الأحداث حول العالم و في أرض مصر تحديداً هي حقاً #عمل_أسود

بالتوفيق للكاتب #تامر_عطوة .. ثالث تجربة و لم اندم منذ التجربة الأولى.

[Sa7er elkotob · Rating 5 out of 5]

عمل اسود
روايه تجمع بين العلاقات الاجتماعيه والاسطورة والرعب بل وتجارة وتهريب الاثار وايضا بها اسقاط سياسى على احداث مرت بها البلاد
غريبه الاحدات فى الروايه لا تتخيل كيف تم الربط بين ابطال الروايه ببعضهم البعض بشخصيه محوريه واحدة هو المهندس هشام بطل العمل الادبى اللذى بين ايدينا
تجمع الروايه فى لغتها بين الفصحى فى الوصف والسرد والعاميه فى الحوار مطعمه ببعض الكلمات الانجليزيه وذلك على لسان الطبقه الغنيه الارستقراطيه فى الروايه مما اعطى مصداقيه للحوار
السرد فى الروايه مرتب ترتيبا زمنيا تصاعديا الا عند الحديث عن الاثار فهو يحكى فى الماضى ممايقوى السرد
والوصف رائع كانك ترى بعينيك ولا تقرأ بهما
تحيه من القلب لمبدعنا مع امنياتى بالنجاح والتوفيق فى كافه الاعمال المقبله

[yassminn · Rating 3 out of 5]

أنا كنت كتبت قبل كده رفيو عن الروايه دي و قلت فيه كلام قاسي جدا فيه ألفاظ حاده جدا
بعد كده لقيت الأستاذ تامر عطوه بيرد علي بنفسه بكلام مناقض تماما لكلامي العنيف خلاني أستصغر نفسي بصراحه و قررت إنه من واجبي إني أتكلم بهدوء من غير عصبيه و لا تعصب
أولا كلمه للقارئ إذا كنت زيي ما تقدرش تفصل بين هويتك الدينيه و هويتك كقارئ بأنصحك من كل قلبي بلاش تقرى الروايه دي
أما بقه إذا كنت من نوع خليك كول احنا في رحله فبراحتك بقه
نيجي للروايه :
هي روايه مش قائمه على الحبكه و لا على الشخصيات و لا على الأسلوب و لا بصراحه على أي حاجه بذاتها
الروايه دي مختلفه عشان هي قائمه على الحاجات دي كلها تقريبا بنسب متساويه
هي روايه مستفزه بتبقى في عز كرهك للشخصيات برضه عاوز هما هيعملو ايه بعد كده
فكرتني بأغنية كاظم أكرهها
ده كان شعوري و أنا بقراها ، بكرهك بكره كل الي فيكي بس لازم أكملك
كرهتها و كرهت ضعفي قدامها عشان كده كان تعليقي الأولاني عنها عنيف
المهم كان فيها حاجات تدل على موهبه واضحه الواحد يستخسرها في روايه بالمستوى ده
كان في مشهد عجبني جدا ، مشهد لا أخلاقي بس الكاتب نجح إنه يكتبه بكلمات محترمه و قدر يوصلي الشعور الي لازم أحس بيه ، الكاتب قال جمله زي كده " خمسون سنة من الغطرسة ذابت تحت قدمي " فأنا حسيت بسادية البطل ، باستمتاعه بذل الآخرين و ما اضطريتش أقرى تفاصيل تخدش الحياء ، اتمنيت لو كانت كل الروايه كده بس للأسف ما كانتش
أنا عيطت بعد ما قريتها ، ليه ؟ عشان صعبت علي نفسي ، فيه كلام قريته جواها عمري ما سمعتو في الشارع ، في الشارع يا ناس!!!
و فتحت روايه فلقيته جواها ، كلام مش خادش بس ، كلام جارح ، طاعن في الحياء و خاصة الكلام بتاع هشام و الي اسمه سعد حلاوه
نرجع لنقاط القوه ، من الحاجات الي عجبتني إنه الكاتب عنده قدره على تسفيه الأراء الي يشوفها غلط من غير تدخل مباشر يعني كده بكل سلاسه ، فكرني ببعض المذيعين الأجانب لما بيسألو أسئلتهم الماكره الي بتحشر الي قدامهم في زاويه ضيقه و يجبروه يوري وشه الحقيقي بس أرجع و أقول إن الميزه دي برضه خساره في روايه بالمستوى ده.
من الحاجات برضه الي أنا ما حبتيهاش خالص هي قيام الكاتب بدور الإله الي يختار مصائر الشخصيات و يعاقبهم عقاب هو شايفه من جنس العمل
ماعرفتش غرضه ايه من كده ، هل حب يرضي ضميره أو حب يسترضينا كقراء ؟
على العموم مش هيكون ده هو السؤال الأهم ، السؤال الأهم هو : هي الروايه دي اتكتبت أصلا لييييييه و لا يمكن المفروض أسأل هي الروايه دي اتكتبت لمين ؟

[Ahmed Salah · Rating 3 out of 5]

جيدة

[Engsoso Soso · Rating 1 out of 5]

الكتاب المحير
فأنا لا استطيع ان انكر ملكة كتابة الكاتب تامر عطوة؛ رغما عن ان المحتوي معجبنيش ابدا لانه تعدي مراحل الاباحية لتطرف وسادية والحاد وشوذ مقرف حد الغثيان ولا انكر موهبته علي وصف الشخصيات بابداع للدرجة التي تجعلني أشعر انها امامي و قدرته علي شد القاريء ليستمر في القراءة لمعرفة نهاية هذا الرواية المشؤومة حتي وان كان المحتوي علي غير الهوي

علماً بانني قد بدأت من عدة سنوات في قراءة رواية مشابهه لهذا المحتوي الخارج وهي رواية شيكاغو للكاتب علاء الاسواني وامتنعت عن اكمالها لان محتواها كان مؤذي لنفسي البشرية ولكن هذه الرواية تمكنت مني وشدتني لاكملها حتي نهايتها والتي قلبت الرواية رأسا علي عقب وبرغم ذلك الا انني ملت لها كثيرا لانها تعتمد علي فكرة ان كل خطأ له عقاب من جنسه
لكن بالنهاية الرواية كان ليها تأثير سلبي علي أفكاري.. تطرقت لطرق غير معتادة ورؤي غير محببة تؤذي النفس البشرية وكان الافضل عدم رؤيتها

[Tamer Atwa · Rating 5 out of 5]

نعم انتم على حق بالفعل احيانا تتكدس الاحداث لتطلق اسوأ ما فى الشخصيات من عفن والفاظ ومواقف ولكن اصدقائى نحن هنا لا تتحدث عن شخصيات سوية ولو تلاحظون فتجدو اننى اطلقت تحذير صارخ فى الخلف لغلاف الرواية بانك ستقابل شخوص شاذة غير سوية على الاطلاق ولقد طلبت من دار النشر ان تضع علامة +18 على هذا العمل الاسود بالذات ولكنهم رفضو ذلك الاجراء بحجة المبيعات وان هذا التحذير سيضر توزيع الرواية مع العلم باننى بالفعل لم اتجاوز ادبيات الوصف ولم اقم بالغواية فقط ذكرت التفاصيل اللازمة لبناء شخصيات الرواية واحداثها والذى لا تعرفه ان ابطال عمل اسود نماذج حقيقية موجوده واننى قمت بالتنقيح مرارا قبل ان يخرج سواد العمل الى القارئ العزيز (less)

[Lamis Nabil]

مافيش جديد
نفس موجه السادية في العلاقات الي انتشرت في الروايات بعد fifty shades of grey
و كذلك الفراعنه و لعنه الفراعنه
عجبني فكرة ان كل شخصية بتتكلم عن نفسها
بس في المجمل محستش بروايه تفصلك عن من و ما حولك و انت بتقراها
دة اول حاجة اقراها للكاتب تامر عطوة
و اعتقد ممكن تكون الأخيرة

[Shimaa Loutfy · Rating 1 out of 5]

صدق الكاتب لما قال ابطالها منحرفون
المشكلة ان المجتمع طلعه كله منحرف مشوفتش نموووووذج يوحد ربنا طبيعي
غير الزوجة الهبلة المغلوب ع امرها
مع انى اصريت اكمل الرواية لاخرها بس حسيت بكمية قرف وضغط نفسي بسببها
اتمنى المؤلف ميضيعش امكانياته الى باين انها مشروع كاتب درجة اولى

[Hesham Sharara · Rating 1 out of 5]

مفيش اي رعب ، تقريبا. كتاب جنسي فج ،، و علاقات جنسية غير سوية

[AMAL SAGHEER · Rating 2 out of 5]

بزرميط

[Waleed Ahmed · Rating 5 out of 5]

"أنها رواية صادمة "
تتحدث عن المخفي والحقيقي في حياة البشر، بها جرعات زائدة ومركزة في وصف حياة الأشخاص بصورة واقعية تشيب لها الوجدان، تجعلك تتسأل هل هذا يحدث بجواري وأنا لا أعلم، هل هناك بشر بالفعل يحيون بمجتمعنا يمثلون هؤلاء الفجرة،
البداية قصة حب من طرف واحد بنت مصرية متوسطة الجمال تحمل طابع (بلدي) تعشق رجل صعب المنال لها،
رجل بخلفية أقل ما يقال عنها قذرة وشريرة ولكنها مخفية تحت وجه يخطف القلب من جمالهُ، هذا العشق يفتح الباب على مصراعيه لتشاهد حياه هذا الرجل بكل الشخصيات المتواجدة بها، وكان الكاتب دقيق في وصف كل شخصية بمميزاتها وعيوبها، تتكشف حقائق مخفية بالشخصيات مع توالي الأحداث هناك أفعال لم تكن تتوقعها من أبطال العمل ولكنها تظهر مدي الانحطاط الأخلاقي لهؤلاء البشر، برغم مراكزهم المرموقة ومستواهم المادي العالي والذي جاء بطرق غير مشروعه،
لذلك بلاهم الله بداء يجعل من حياتهم جحيم أمام رغباتهم المسجونة بداخلهم والتي أن ظهرت للعلن سوف تعصف بكل ما توصلوا إليه في حياتهم من نجاح،
مجموعة أبطال العمل يعبرون عن جميع طوائف الشعب مسلم مسيحي راجل وأنثي غني وفقير الجميع .... الجميع يسيرون في درب الشيطان خلف تطلعاتهم وشهواتهم التي لا تنتهي، لا عليك سوي أن تقرا وتستمتع وتتعلم أن النهاية دائما وأبداً لهذا الطريق هو الهلاك.

[Shahbandar · Rating 4 out of 5]

وطبعا الكل هايشده اسم الرواية ويقول انها اكيد فى نفس خط الرواية الاولى ( شقة الهرم ) ويمنى نفسه باوقات الرعب اللذيذة اللى هايستمتع بيها اثناء القراية ثم .. ثم .. ثم يفاجأ التعيس المسكين انه قدام ( عمارة يعقوبيان ) بس بشكل اكثر وقاحة ( لا وقاحة دى كلمة مؤدبة بس مش لاقى غيرها ) .
يااااه فين ايام زمن الفساد الجميل بتاع ( ثرثرة فوق النيل ) ولا حتى عمارة يعقوبيان اللى كان فيها شاذ واحد بس والتانى نسوانجى بس ، انما هنا ماشااااااء الله ( مليطة ) لا وايه دى ( جنا ) اتحولت بقدرة قادر من شخصية ( مازوخية ) لشخصية ( سادية ) ازااااااى مش عارف ( مع انى على حسب معلوماتى البسيطة ده مستحيل علميا . دى م��افظة ودى محافظة تانية خااااالص ) .
نهايته اكثر حاجة عجبتنى فى الرواية هيا الاسقاط على شخصيات حقيقية عايشة معانا زى ( ريهام سعيد ) ( الشيخ علاء حسانين ) ( سوزان مبارك . ايوة هيا سوزان متحورش ياتامر ) ( سمير صبرى ) ( زكريا عزمى ) . دول اللى عرفتهم انما نفسى اعرف مين حلاوة بيه العنتبلى ده .

[May · Rating 2 out of 5]

الرواية فيها شخصيات كتير متداخلة بطريقة جيدة لكن فى اكتر من نقطة مكانتش فى صالح العمل : أول حاجة أن بداية الرواية ملهاش أى علاقة بأحداثها أو نهايتها
ثانيا : مشاهد المثلية و السادية ملهاش لازمة فى السياق الدرامى و بتدى انطباع انها مفروضة على للسياق
ثالثا : التسلسل الزمنى حادثة بنى مزار كانت فى ٢٠٠٥ و الثورة كانت فى ٢٠١١ فهل اللعنة استمرت الوقت ده كله
رابعا : ازاى لنحاول نعمل اسقاط أن الثورة فى يناير ٢٠١١ كانت لمجرد لعنة أو لوثة جت للناس كأن الأوضاع فى الوقت ده كانت فى منتهى الرخاء و ده للاسف شئ غير مقبول بالمرة
خامسا : ايه دور الشخصيىة اللى اسمها أميرة و ليه الشخصية اللى
اسمها بشندى قتلها رغم أن الاتنين مالهمش علاقة باللعنة
سادسا : مفيش فكرة الجزاء من جنس العمل غير مع شخصية هشام ز شخصية أمجد إنما ليه شخصية ديفيد سمعان ماطلتهاش اللعنة
و أخيرا حاجة واحدة إيجابية أن مستواها احسن من مستوى رواية شقة الهرم بمراحل

[محمد سمير · Rating 1 out of 5]

منتهى السوء
وهكتب الاسباب لان الكاتب عنده موهبة فجايز يستفيد
الالحاد والتهجم على الاديان مش حلو انك تجيبه بالشكل المباشر ده ابدا خصوصا انك مش بتدحض التفاصيل الملحدة .. بتعرضها بس
الحبكة ضعيفة جدا والاحداث غير منطقية وكل شىء يبدا من الجنس وينتهى عنده فيه ابتذال رهيب فى مشاهد الجنس وكل الشخصيات بلا استثناء بيحركها الجنس وبس وده مخل وغير منطقى .. الصفحات يفوح منها رائحة الشبق الجنسى ليس الا .. ياراجل ده الاسوانى نفسه مش كده
النهاية كوميدية جدا وطفولية وغير منطقية وفيها استسهال غير طبيعى .. تحس ان الرواية مش عارفين نقفلها .. فعملنا النهاية دى
فيه تفاصيل كتير ضايعة والخط الدرامى مش مترابط يعنى بتقفل حكايات بدون توضيح وبدون معالم زى حكاية جنا وهشام وتفتح فى حكاية تانية برضه باختصار مخل زى حكايتها مع اليهودى .. وبتقفل وتفتح بدون منطق برضه
الاشخاص اكتر من اللازم والتفاصيل بتاعتهم اقل من اللازم

[Ahmed Taha · Rating 4 out of 5]

انتهيت منذ لحظات من رواية عمل اسود استغربت من الكاتب انا قريت شقه الهرم وشقة وسط البلد ازاي اللي كتب رواية شقه وسط البلد دي يكتب الروايتين التانين من اسؤ ما قريت الروايه بتاعك وسط البلد دي انما نرجع لعمل اسود رواية محيره الكاتب بارز فيها الجنس واشذوذ والمخدرات والالحاد ورغم كدا هو حاطط نهله الشخصية السويه الي حد ما كنت شايف الروايه محتاجه جزء تاني حسيت لمها بسرعه وحول الموضوع لعنه ونها حياة الابطال بشكل ماسوي معرفش هو ليه حسسني ان لما التابوت رجع تاني ان كل حاجة رجعت مكانها اننا في عصر ازدهار وخرجنا من العتمه ودا طبعا مش حقيقي طول مافي حكم عسكري بس في المجمل رواية كويسه جدا انا خلصتها في يوم ونسيت شقة وسط البلد الحمد لله والكاتب ظريف واحداث الروايه كويسه وكنت حاسس لسه ممكن تطول عن كدا

[Ghada · Rating 1 out of 5]

روايه ضعيفه، غير منظمة، محبطه جداً خاصة اني قرأتها بعد شقة الهرم علي أساس انها هتكون في نفس المستوي، بس للأسف اقل بكتير، زياده في استخدام الايحاءات والمشاهد الجنسيه بدون ما يكون لها اي هدف او غرض هتحققه، وغطت علي فكرة الروايه نفسها اللي هي اللعنه، اللعنه والاحداث المهمه مكملتش ٣٠٪؜ من الروايه، وكمان بيعرف الشخصيات بطريقه عشوائية وفي شخصيات انعرفت ف اخر الروايه خالص، كل الركاكة دي كوم وربطه الثورة باللعنه كوم تاني وهبل تاني وان لما فكوا اللعنه الاخوان مشيوا من الحكم، اي كلام وتجربة مؤرفه ولا انصح بقرأتها لانها عمر ضايع من القارئ علي الفاضي لا فيها استفادة ولا متعه ولا روايه اصلاً.

[Darin · Rating 1 out of 5]

عادة لا أشارك بتعليق ولكن شعرت من واجبى تنبيه القراء من بذاءة هذا الكاتب وحقارة الرواية بداية من التشبيهات الجنسية للمجتمع المصرى "ككل" بطريقة مرضية مقرفة و حتى إلى تحقير الدين من خلال شخصية الملحد فى الرواية واختيار تعبيرات تكفيرية تضمنت تطاول على ربنا بكل بجاحة!!

يحسب للكاتب فقط التشبيه الروائى للحال السياسى فى مصر من خلال قصة ملك فرعوني وشخصيات أخرى معاصرة فاسدة فكريا وأخلاقيا "من وجهة نظره" ومما اختلف معه فيها أيضاً.

كنت اتمنى يبقى فيه "zero rating" كحكم على للنوعية دى من الكتابة..