Slaafs

by Bettina Wyngaard

’n Dag in die lewe van drie speurders van die Khayelitsha-polisiestasie is nie paintball speel nie. Vra maar vir kaptein Nicci de Wee, “Ounooi” soos haar kollega Blackie haar noem. Haar priestervriendin Sally sal dit beaam en so ook Peters, wat skaars sy oë van Nicci kan afhou.

Want in Khayelitsha is die Jane Does volop: daardie vroueslagoffers wat so sonder naam op die staatspatoloog se outopsietafel beland. Maar waarom was daar vreemde vesels in die keel van ’n meisie wat aan ’n oordosis sterf en hoekom het sy en ’n tweede slagoffer dieselfde tatoeëermerk?

Weldra daal Nicci en haar kollegas af in die donker onderwêreld van
mensehandel, begelei deur die enigmatiese, en verleidelike, doktor Gigi Gerber, kenner op die gebied van slawesindikate. En heeltyd, in die agtergrond, staan al die kwesbare ontwortelde mense van die wêreld.

Die speurspan in Bettina Wyngaard se nuwe riller is mense van vlees en bloed wat diep voel, in intense verhoudinge tot mekaar staan, liefhet, verliese ly en die hart aangryp.

296 pages, Softcover

Published March 1, 2016

Reviews

[De Wet · Rating 4 out of 5]

As jy van die huidige arsenaal Afrikaanse misdaadskrywers se werk hou, moenie hierdie skrywer miskyk nie. Gawe karakters, vinnige pas en 'n lekker moeitelose lees.

[Marnich · Rating 5 out of 5]

Wow!
Dit was nou 'n lekker boek. Deon Meyer kan maar gaan slaap. Sien uit na nog vele meer...

[Dirk Roets · Rating 4 out of 5]

Die boek het bietjie stadig begin, so dit het my lank geneem om regtig lus te raak om dit verder te lees. Maar die tweede helfde was boeiend - het dit in een dag klaar gelees toe die storie eers interresant raak.

[Heidi de Goede · Rating 4 out of 5]

Vreeslik Geniet! Sien uit na nog BAIE van haar.

[Salomé Kotzé · Rating 3 out of 5]

Nie heeltemal wat ek verwag het nie, want wie se hoofkarakter is 'n gay speurder? Verfrissend om die minste te sê. Goeie storielyn

[Ernst Nieuwoudt · Rating 4 out of 5]

Heerlike boek, kon hom nie neersit nie