دوبامين

by نور عزام, كريم المصري

عاكِقة أنّا
بملكُوت رَب السمَوات و الحُب
لرَوح لا يغِيب عنّ نُورهَا
كرم عِشق الدُوبامِين
.. أنَا السعَادة

275 pages, Paperback

Published January 1, 2016

Reviews

[Sohila Adel · Rating 4 out of 5]

روايه جميله تقيمي ليها 4

الشخصيات وصفاها بشكل جميل ومفصل اتعاطفت جدا مع كل الشخصيات طبعا معاده اسعد ومراته :D

جريئه باحترام ولازم كل البنات تقراها لان بقت مشكله فى البيوت كلها وبرضه الاباء لازم يقروها ويفهموا مشاكلهم بتوصل لايه وان دايما مشاكل البنت بتنتج عن التربيه وبعد الاب والام عنها وعن بعض

تمارا بكتني فى حته معينه تعبتني نفسيا قرتها فى اربع ساعات متواصله

تطور ملحوظ من روايه لروايه ربنا يوفقك ومن نجاح لنجاح دايما

[Hadeer Shrara · Rating 4 out of 5]

رواية جميله وجريئة تطرقت لموضوع شائك ومهم جدا ... يجب على كل فتاة و على كل أب وأم قرائتها جيدا .. وصف الشخصيات جميل جدا تعاطفت مع أغلبهم ... السرد جميل ومتماسك .. الوصف رائع جدا .. الحبكة ممتازه .. البناء ككل متناسق جدا .. وضح عذاب ناهد وتفكير أسرتها الذى يمثل تفكير معظم الناس هذه الأيام .. ديكتاتوريه بعض الآباء و ظنهم أنهم يختارون الجيد و الأفضل لأولادهم .. يتعاملون مع أبناء هذا الجيل على أنهم لايدركون شيئا ونسوا أن أبناء اليوم مختلفون كليا عن أبناء الأمس و أنهم يعلمون الكثير وفى نفس الوقت لا تجدى طرق الماضى معهم نفعا فيجب أخذهم بالروية والعقل لا بالغصب والحزم ...
وضحت نتيجه تفكك الأسرة وغياب الآمان خاصة على البنات متمثلة فى تمارا واستغلال بعض الوقحين لها و النهم من جسدها بهذا الشكل المزرى .. فكبرت أضعاف أضعاف سنها الحقيقى و وعت على الحقيقة المرة مبكرا جدا ..

قصه جميله أفادتنى كثيرا رغم بعض الملاحظات منها أن الإسم جاء مقتضبا يمثل جزء بسيط جدا وهو النهايه غير أنه لم يفهم معناه الا فى آخر الأمر ... أرى انه لو اختير اسم شامل للقصه الرئيسه لكان أفضل ..

ايضا النهاية غير منطقية بالمرة فكيف لعاصم أن يرضخ لهم بهذه السهوله هل تأثر بكلام إبنه ؟! إذن كيف قالت ناهد فى البداية أنه لم يتغير بعد مولده وكيف لم يتأثر بمجىء ابنه الى هذه الدنيا ولم يتغير .. هل تغير هكذا فجأة ؟!

كما أن تمارا وقفت فى النهاية فى حفل توقيع لتخبر الجميع أن كل حرف كتب هو لها ليقرأ الناس ويتخيلوها وينهشوا منها ماداموا أحياءا .. مقبول ان توافق ان تنشر قصتها وأن تقنع أهلها بهذا الأمر لكن أن تقف امام الكل وتقول هذه أنا فهذا منافى للعقل و لتفكير كتفكير مجتمعنا ..

[Nagham Mahmoud · Rating 5 out of 5]

حقيقي دى تانى رواية اقراها ل نور عزام بعد للعشق الحان اخرى انا مش عارفه الكلام اللى هكتبه ده هيكون مواجه ل كريم ولا نور بصراحه معرفش حسيت ان نور بتكمل كريم و العكس صحيح قبل ما اتكلم عن الغلاف بس نور مكانتها عندي بتكبر جدا عارفه طبعا ان دوباين قبل للعشق الحان اخرى بس حلو
الغلاف حلو جدا مع انه ممكن يبان كيئب بس هو جزء من الاحداث و الرواية
الرواية حقيقي تحفه معتقدش انى قرارت روايه فيها الجراءه دى قبل كده اه طبعا في روايات كتير فيها كده بس مش من الزواية دى حبت تمارا و ياسين هم اصلا ضحية .... ناهد حبت دور الضحية ف كملت فيه ... ملك حاولت كتير و ف الاخر هى مجرد ضحيه بس مش ل تمارا زي ناهد لا ضحية لكل الظروف انا شايفه اللى حصل ل تمارا ده نتيجه طبيعيه ل اهل زي مصطفي و ملك و واحده ف سنها انا حبت الرواية جدا تستاهل حقيقي الخمس نجوم و لو كان فى اكتر كانت تستاهل
نصيحتي ان لازم كل بنت و اهل يقراوها هيفهموا كتير اوى و ممكن ينقذوا مصبيه هتحصل
مستنه اقرا تانى ليك يا كريم و انتى يا نور مستنه ظل عاليا ❤️

[Tamer Anwer · Rating 5 out of 5]

دوبامين :
قرأت روايتك كلها ، الpdf و اللي نزلت ورقي ، عايز اقول لك ان اكتر حاجه عجبتني عشق الروح و دوبامين ، اسلوب الكتابه تطور كتير في دوبامين ، و بقا بشكل افضل و احسن ، ربنا يوفقك ، من نجاح لنجاح ،
تمارا انتي مش عارفه الاسم دا بالنسبه لي اي ، جيتي علي الجرح يا نور ، جيتي علي الجرح ، الروايه دي صعبه اوي يا نور فيها ظلم كتير و عذاب بشكل لا يحتمل ، هقول زي ما تمارا قالت : حاولوا فقوقوا لنفسكم و اتغيروا طول ما فيكم نفس ، ما تستنوش لما حاجه كبيره تحصل ، مش لازم تحصل مصيبه او حد يموت ، عشان نفوق ، كفايه ظلم بقا والله تعبنا ، تعبنا اوي بجد

[Halah Sabur · Rating 3 out of 5]

رواية جميلة وبسيطة
طبعا موجهة للأعمار مابين ١٦ سنة الى ٢٥ سنة ليس اكثر
لان المواضيع المطروحة فيها تخص هذي الفئة
ومن هم أكبر ستكون الأحداث بالنسبة لهم متوقعة والنهاية معروفة.
اتمنى لكم التوفيق عزام والمصري ❤️

[Khaled Mohamed · Rating 3 out of 5]

الرواية حلوة فكرتها
عيبها بس ان الأحداث مسخنتش غير فاخر ٣٠ او ٤٠ صفحة
أظن كان ممكن تكون أفضل لو كان المط فالأحداث يخص الشخصية الرئيسية فالرواية اللي هي شخصية تمارا
بس هي كانت حلوة الحقيقة وأسلوب الكاتبين كان رائع

[لينا · Rating 3 out of 5]

اجمل ما في الفصة تفاصيلها وكلماتها الرائعة حقاً كانت رواية ممتعة

[Nadia · Rating 2 out of 5]

لن أقول : سوى أنها فيلم مصري

[Maather Shouhdy · Rating 3 out of 5]

قصة كلاسيكيه زي افلام عربي كتير اتفرجنا عليها

[Rahmah ♾️ · Rating 5 out of 5]

الروايه روووووووعه وشعور جميل الى اخر الروايه
طبعا السرد والحبكة والاسلوب ووووواوووو
جداً اعجبتني وكأنك تشوف فليم من الزمن الجميل

[Manal Marghalani]

استعراض فج لبعض المعلومات النفسية
وعظ مباشر سمج ولغة ركيكة كل ذلك أسهم في خروج الرواية على شكل مواضيع التعبير بالمدارس الثانوية

[Ahmed Shaban · Rating 3 out of 5]

ريفيو رواية دوبــامـــــــين :
ــــــــــــــــــــــــــــــــــــــــــــــ
- سلطت الرواية الضوء علي بعض من مشاكل الجيل الحالي والواقعيه جدا واللتي تكتمل في غياب الإحتواء العاطفي من المربي ، من منطلق حبي ورغبتي في إثراء العمل الأدبي ورغبتي من الخروج من دائرة الحكاية فقط ، كان للرواية بعض العيوب من وجهة نظري :
* كثرة الأخطاء الإملائية المبالغ فيها ، أتمني أن تتلاشي في الطبعة القادمه ...
* معظم الكلام في الراواية باللغة العاميه ...
* مستوي اللغة والأدبيات فيها ضعيف خالي من البلاغة وإعمال اللغة فيها ...
ـــــــــــــــــــــــــــــــــــــــــــــــــ
أشكر الكاتبان علي بذل هذا الجهد وأتمني لهما مزيدا من التفوق والتطور :)

[Şá Āř · Rating 5 out of 5]

الروايه رووعة بصراحه والرساله اللي كنتي عايزة توصليها وصلت بسلام
مافيش اي كلمه ممكن تعبر عن الروايه بجد حتى روعه قليله عليها تعبك مارحش هدر الهدف من الرواية وصل وجرأة الاحداث مش عيب لانه فعلا دي قضيه منتشرة جدا نفسي بجد كل اب وام يقرأوا الروايه دي عشان البنت لما مش بتلاقي اهتمام في بيتها بتضطر تدور برا وعايزة اقولك بجد ابدعتي وكلنا مقدرين التعب اللي تعبتيه عشان تطلعي الروايه بالشكل ده وتناقش القضية بشكل واضح واحداث جريئه شويه ممكن ما تعجبش ناس كتير بس دا واقع و احب اقولك تعبتي و نولتي يا نوووري ومستنين بنتك التالته

[Mona Zaki · Rating 4 out of 5]

الروايه حلوه
بس بصراحه النهايه مش حلوه و مش منطقيه
ايه اللي يخلي واحد بجباروت عاصم يحن فجأة كده و يرضى لن ابنه يتجوز بنت مصطفى ؟!
تغيير مصطفى ممكن يكون مقنع بس عاصم صعب
و حكايه ان واحده ترضى تتعرض تفاصيل حياتها الصعبه دى و تطلع تقول انها هى و ابوها و أمها موافقين او سابوها تعمل اللي هي عايزاه مش مقتنعه ، كانت ممكن الروايه تتنشر بالتفاصيل و تبقى عن قصه واقعيه
مين اللي كان بيراقبهم من بعيد
قاسم ؟

[Osama Yosre · Rating 4 out of 5]

دوبامين - نور عزام
تدور حول رفض عائلة ناهد الغنية لزوجها من مصطفى الفقير - يقرر مصطفى العمل للغنى والانتقام ولكن ينتقم من نفسه اولا وممن حوله ويكتشف فى النهاية مدى فداحه ما ارتكبه وان الابناء تدفع اخطاء الاباء
روايه اجتماعية رومانسية صادمة بها كم كبير من المشاعر المزعجه بالنسبة لى
الاحداث سريعه بدون ان ملل بس ليه كل الشخصيات بتحاسب على المشاريب لحادثه قديمه الموضوع ده تعبنى نفسيا
العنوان غريب ومناسب للاحداث والغلاف معبر عن شخصية تماره
مش لازم تحصل مصيبه او حد يموت ، عشان نفوق
مشاكل البنت بتنتج عن التربيه وبعد الاب والام عنها وعن بعض لازم الحنان فى البيت عشان متدورش البنت عليه بره
بس بصراحه النهايه حاسس انها فيها كثير من الخيال

[Sarah K. Lotfy · Rating 4 out of 5]

واحدة عندها midterm بعد يومين تنوي تفتح رواية تقرا فيها شوية قبل ما تنام على فجر كدة تلاقي تفسها بتقفل اخر صفحة بعدها ب ٤ ساعات!! =D
طيب نعمل review بقى .. رواية جميلة جدا و حبيت كل شخصيتها .. السرد و الوصف كويسين و القضية اللي بتناقشها مهمة. كان في بعض الجراءة صدمتني بعض الشئ عشان مش متعودة عليها في كتابتك بس مقبولة نوعا ما. كنت متوقعاها مبهجة عن كدة شوية لان اسمها معناه "هرمون السعادة" و كنت عايزة اعرف عن هنا و اللي انقذها اكتر من كدة مكنش ليهم مساحة كافية و حسيت انهم مقحمين على الرواية و اضايقت من اختفاء عيلة مصطفى من الاحداث .. في المجمل رواية ظريفة و نور عزام من كاتباتي المفضلين و هتفضل الاقرب الي قلبي "عشق الروح" رغم اني قريت ٤ غيرها .. انتظر روايتك القادمة بفارغ الصبر و بالتوفيق في الجاي ❤