لعنة نوبار

by محمود وهبة

لم يتبق من ارث والدكم سوى تلك الخزينة الحديدية فقد اوصانى ان لا يفتحها احد الا بعد موتة وبهذا القصر بالذات الذى اشتراة قبل موتة بايام قليلة وكان سببة ان تجتمعوا وتعيشوا بة كعائلة كبيرة بعد وفاتة فقد فشل فى ذلك اثناء حياتة,واوصانى ان يكون بهذا اليوم ولا اعلم ما سبب ذلك الطلب العجيب ولكن الوصية تظل وصية فهل انتم جاهزون لمعرفة سر تلك الخزينة الحديدية ؟ انا عن نفسى لا اعتقد اننى ساتحمل ما يوجد بها فوالدكم كان لة علاقة كبيرة بالجان والعالم السفلى طوال حياتة واعتقد ان لهذا صلة بالقصر وبهذا اليوم الذى ذكره...فلنبدأ فى فتحها اعطونى ذلك المفتاح الغريب الشكل فلطالما كان يعلقة اباكم فى رقبتة فلا يفارقة ابدا.

Genres: Fiction, Horror

190 pages, Paperback

First published January 30, 2016

About the author

كاتب روائي وسيناريست
ولد فى القاهرة عام 1989
تخصص فى كتابة أدب الرعب والجريمة
صنف من افضل 10 روائيين فى مجال ادب الجريمة فى مصر والوطن العربي
كتب العديد من السيناريوهات المختصة بأفلام الجريمة و الرعب.
Novelist and screenwriter
Born in Cairo in 1989
Specialized in writing horror and crime literature
Ranked among the top 10 novelists in the field of crime literature in Egypt and the Arab world
He wrote many scripts for crime and horror films.

Reviews

[Heba · Rating 2 out of 5]

رواية مفككة عبارة عن عشرين قصة قصيرة لا يبدو حتي النهاية ثمة رابط بينهم غير أن الراوي هو نفس الشخص. طبعا بعد ثلاثة أو أربع قصص يقابل فيها الراوي عفاريت وأشباح ستبدأ في الشعور بالإنزعاج، فحتي في قصص الرعب أنت بحاجة لبعض المنطق كي لا تتحول القصة لتهريج، ومن غير المنطقي أن يصادف شخص واحد في حياته كل تلك المواقف المخيفة حقاً.
تأتي النهاية أيضاً لتكشف عن الرابط الواهي بين القصص السابقة، هو في الواقع أوهي من أن يطلق عليه رابط، النهاية في مجملها مخيبة للآمال ولا تستحق الصبر علي قراءة قرابة مائتي صفحة
كان الأجدر بالكاتب أن يكتب مجموعة قصصية لا رابط مقحم بين قصصها، ويولي كل قصة اهتماما وعمقا أكثر.
اللغة متوسطة لا عناية بجودتها، وإن كانت خالية من الأخطاء

النجمتان لسعة خيال الكاتب

[Hamza El-Kady · Rating 3 out of 5]

تقريبا لحد ما كنت وصلت لصفحه 130 من 190 كنت بدأت اشك انها روايه و انها مجموعه من القصص القصيره و بس لكن في الاخر و خاصه اخر 10 صفحات تقريبا دا كان الرابط الوحيد بينهم
هقول المزايا الأول و بعدها العيوب
اولا دي اول تجربه ليا مع محمود وهبه و اتمني يكون اللي جاي افضل كتير من كدا
المزايا :-
اللغه حلوه جدا جدا خاصه استخدامه للعربيه الفصحي
الأسلوب يجذب القاريء و سهل و سلس
الأفكار في بعض الأفكار جديده لبعض القصص
العيوب :-
للأسف الكتاب غير مترابط نهائيا و غير متسلسل في الاحداث
اوقات يكون في الجيش و بعدين الشغل و بعدين يرجع الجيش تاني و بعدين ثانويه عامه وهكذا
كان لازم الأفكار تكون مرتبه عن كدا كتير طبعا
تاني حاجه هي ان مش معقول شخص واحد يكون حصل معاه كل الاحداث العجيبه دي سواء اشباح او جن او تعاويذ او او او
كتير اوي ان شخص واحد يحصله كل دا فحياته
و ان افترضنا ان كل دا كان مجرد حلم زي ما كان موجود ف اخر صفحه
فهرجع و اقول انه قال في اخر 3 سطور علي المفتاح و الصندوق و كل حاجه يعني الحلم هيتحقق و انه مكنش مجرد حلم
تالت حاجه الاخطاء الاملائيه الكتير و منها ينرفز فعلا
رابع حاجه بعض الافكار لبعض القصص مأخوذه عن الأدب الامريكي القديم امثال لافكرافت واللي منها اتذكر في سلسله ما وراء الطبيعه لأحمد خالد توفيق
مع وجود بعض الأفكار المنقوله حرفيا أضعف الكتاب كتير
التقييم النهائي 3 نجوم من أصل 5
و هفضل متابع ليك يا محمود في اعمالك القادمه و أتمني تكون دايما أفضل و بالتوفيق

[Mohamed Ebrahim · Rating 2 out of 5]

للأسف انا قرأت للكاتب محمود وهبه الطوارق وسفر القتل قبل قرأتي للروايه دي وكنت متحمس جداً انها تكون علي الاقل نفس مستوي الروايتين السابقتين لكن للأسف الروايه عباره عن حوالي ٢٠ قصه او اكثر بعضهم بل اكثرهم لا يمت للواقع بصله ولا حتي لعالم الجن والشياطين .......فيه قصص مبالغة جدا واللغه في معظم الروايه مش قويه
للأسف الروايه عباره عن حكايات خرافيه ممكن البعض يستمتع بها لكن اعتقد ان الجميع لن يستمتع بالنهايه لان النهايه او قفلة الروايه اعتقد انها ملهاش علاقه بالقصص في الروايه 👌

[د.حازم محمد · Rating 5 out of 5]

رواية لعنة نوبار....اكثر من عشرين قصة قصيرة شيقة جدا مرتبطين ببعضهم البعض في سلاسة وحبكة ومهارة من الكاتب الموهوب محمود وهبة،ما ان تبدأ فيها لا يسعك سوي ان تكملها لتعرف سر الربط بين تلك القصص المثيرة حتي تأتي النهاية الرائعة المفاجأة .اسلوب جميل رشيق مشوق يدفعك للقراءة بلا ادني ذرة من ملل.بالتوفيق استاذ محمود.

[Ahmed Charisma · Rating 3 out of 5]

الرواية مقسومة قصص قصيرة الربط بينهم يعتبر ضعيف بس القصص نفسها حلوة .. لو كانت الرواية عبارة عن مجموعة قصصية كانت هتبقى أوقع لأن تصنيفها كرواية هو إللى قلل تقييمها عشان الربط والنهاية كانو أضعف من القصص نفسها ..
بس كمجمل كنت متوقعها أقل من كده لأنها من الأعمال الأولى للكاتب إللى تطور جدا جدا بعد كده وبقى من كتابي المفضلين

[Asrar Elkotob · Rating 5 out of 5]

إرث ملعون فى خزانة حديدية ليس نقودا ولا عقارات بل تجارب حياتيه ويالها من تجارب !!!
رواية شيقة جدا تريد أن تقفز بين السطور لتعرف النهاية من شدة الفضول ولكنك لا تفعل حتى لا تقطع حبل الاستمتاع بها فهى مثيرة ومرعبه فى آن واحد تخطف أنفاسك منذ البداية كعادة كاتبنا المعروفة فهو يقيد القارئ فى مكانه منذ أن يبدأ المسكين فى القراءة
حيرنى التصنيف هل هى سيرة ذاتية ام قصص قصيرة ببطل واحد ام رواية ولكنى سأخترع لها تصنيفا فهى
رواية تحتوى على سيرة ذاتيه لبطل فى شكل قصص قصيرة بطريقه الفلاش باك !!
السرد قوى جدا فى الرواية فالإحداث سريعة للغاية ومتلاحقة فكل فصل فيها يمكن أن يكون رواية بمفردة فنحن بصدد رواية بداخلها روايات كثيرة تلتقى كلها فى خط واحد بطل الرواية وأحداث حياته المثيرة
الوصف اكثر من رائع لم ينقل لنا الاماكن والشخصيات امام القارئ فقط بل نقل لنا الرعب داخلنا

الحوار بسيط وسريع ومخيف وقليل لسرعة الاحداث فالأبطال يلهثون ولا وقت للكلام لديهم
الحبكه الدرامية تنقسم الى جزئين الاول الحبكه الدرامية الاساسية فى الرواية وهى مستمرة فى طول الخط الدرامى للرواية حتى النهاية المثيرة والغريبة فى آن واحد والجزء الثانى هى الحبكه الدرامية لكل حدث على حده فى الرواية
تحيه لكاتبنا الرائع على مجهوده الرائع وإبداعه المتميز فى تلك الرواية و امنياتى الحارة له بالنجاح والتميز

[Eng Mony · Rating 4 out of 5]

#ريفيوهات_ساحر_الكتب

لعنة نوبار -محمود وهبة

مجموعه من قصص الرعب المنفصله يربطها الراوي
لعنه تصيب الاب ويرثها الابناء العاقين لوالدهم دون وعي منهم
ومفاجأه تكشف عنها احداث اخر ورقه في الروايه
اللغه والحوار مكتوب باحترافية شديده جدا ومثاليه في ربط الاحداث في النهاية
لغه فصحي للمهتمين بالامر
مش طويله اقل من ٢٠٠ صفحة كمان للمهتمين بعدد الصفحات

اجمالا ممتعه ومشوقه

[Osama Yosre · Rating 5 out of 5]

اكثر من عشرين قصة قصيرة يحمع بينهم الكاتب فى النهاية
اسلوب سهل وسلسل واعتقد ان ان كل قصه تنفع حدوته منفصله والرابط بين كل القصص الجن والعفاريت يعنى مارواء الطبيعه
بس ياريت ان القصص كانت بترتيب وكانها مذكرات يعنى ثانوى ثم الجامعة ثم الجيش ثم مجال العمل
بس هقراء للكاتب تانى لانه مبدع

[Youssry Effat · Rating 3 out of 5]

رواية لعنة نوبار
الكاتب محمود وهبه
دار ابداع
عدد الصفحات : 190 صفحة

كتاب الفودو " السحر الاسود " و تعويذة انا المنشود انا المطلوب الكل علية ان يدفع ثمن طلب المرغوب اسمى ذكر فيما ورد و اتيت كى ابلى و على احد ان يضحى "

=======
ملخص القصة
=======

اشرف و شادى و هند بيقابلوا المحامى الخاص بوالدهم و اللى بيسلمهم كتاب اللى المفروض يقراوه طول الليل عشان يقدروا يفتحوا وصية ابوهم
وعشان المحامى يضمن انهم هيقروا الرواية بيسبلهم مسجل لتسجيل احداث اليوم
وبتبدأ الحكاية مع قراءة الكتاب و بنشوف من خلال احداث و مواقف لوالدهم حكايات غرائبية و غير مرتبطة
ولكن هناك دائما لغز غريب

ياترا ايه حكاية الكتاب ده ؟ واية الفكرة فى انهم يفضلوا يقروا من غير ما يتحركوا من قصر والدهم ؟

===========
المناقشة
========
اولا ده كان كتاب صوتى و ده كان تجربتى الاولى مع الكتب الصوتية
اللغة كانت سهلة و بسيطة و الحوارات كانت اغلبها بالعامية
والرواى هنا كان اشرف اللى بيحكى حكايات والده اللى موجودة فى الكتاب
الاحداث كانت مختلفة وكأننا جوه قصص قصيرة او نقدر نقول مقتطفات من حياه والدهم واللى بدوره
بينقلها لينا اشرف او الرواى و يمكن فى البداية كان الموضوع مشوق مع الحكايات لكن مع الدخول فى نص الرواية
وعدم حدوث شىء متخلف و الحفاظ ع نفس الرتم فى الحكايات حسيت بملل و انه ها بقى ؟؟
ايه الجديد او فين الدفعة اللى تخلينى اكمل ؟
احنا كنا قدام عالمين ..عالم متغير الاحداث وهو فى الكتاب اللى بيقروا
وعالم اشرف و اخواته اللى كان نادر حدوث فى اى شىء جديد

الكاتب احتفظ بكل اوارقةلاخر الرواية و ابتدى يكشفها
وابتدى يسال كل الاسئلة المطروحة داخل دماغك و يجاوب عليها

عجبتنى الفكرة والبداية و النهاية لكن حسيت بملل كبير فى المنتصف
وكنت مستنى اى تلميحات او تربيطات للحكاية ..وحسيت ان الرواية خلصت
عشان مبقاش فى حكايات تانية ممكن تتحكى
كنت مستنى افهم علاقة الحكايات بالتعويذة او اللعنة

التقييم

10/6.5

[Antar Jabareen · Rating 3 out of 5]

أب غني يتوفى ويترك لاولاده وصية بالميراث يتم قسمتها بعد فتح الخزينة وبعد أن يتموا قراءة كتاب خلال 24 ساعة بوجودهم جميعاً.
الكتاب يحوي قصص عن الجن وهي ذات محتوى رعب.
في النهاية ومع انتهاء قراءة الكتاب يجدوا ان الاب قرر التضحية بهم للجن مقابل الحياة ويخبرهم بما فعلوه به أو ما حاولوا فعله وخيانتهم له.
ومع انتهاء الحكاية نجد أن الابن كان يحلم وان ابوه على فراش الموت والاب يتصل به ليجمع الاخوة لتقسيم الورثة لكن الابن تعلم من الدرس فأجاب ابوه انه يتمنى له طول العمر فان موته سيكون قريب جدا من موته .

[محمد عبد الحكيم · Rating 2 out of 5]

أولا أعجبني الإسم وشدني لقرأة الرواية التي وبعد أن قرأتها اكتشفت أنها لم تكن رواية أصلا ولكن كان بداخلي دافع يدفعني حتي أستكملها لأجد نفسي في الأخر أتساءل (ما كل هذا الهراء ؟؟؟؟؟؟؟؟؟) أين الرابط في الرواية او بين مجموعة القصص القصيرة هذه وبعدين هو الجيش ما فيهوش غير رعب معظم القصص تدور في الوحدات والمعسكرات التابعة للجيش كمان الجزء الثاني كله يخص أصحاب البطل وكأني البطل كان عايش في عالم الجان مش عالم البشر

[محمد الشافعي · Rating 3 out of 5]

لعنة نوبار
محمود وهبة
( الطلاق كالسرطان يأكل جسد الحياة ويدمرها)
الغلاف جيد جدا فكرتة رائعة ومرتبطة بالرواية
العنوان : اسم تجاري إن صح التعبير لا يرتبط الا بقصة واحدة من الراوية
مجموعة قصص على لسان أب متوفي ومجمعة في كتاب أنيق وجدوة ثلاثة أبناء في خزانة حديدية هي ورثهم
مناسب جدا لمن يحبون الرعب الخفيف ، حاجة مرعبة كدة على الماشي

[AMAL SAGHEER · Rating 3 out of 5]

لا تصنف كرواية بل قصص قصيرة خفيفة .. ثلاث نجوم لأنني استمتعت ببعض أفكار القصص لا أكثر

[Ghadeer Saber · Rating 4 out of 5]

ممتع وشيق جدا

[Asser elnokaly · Rating 4 out of 5]

جىده
لىست بقوه الكتب الاخرى ولكن مقبوله

[Wafaa Ramadan · Rating 4 out of 5]

جميل

[Ahmed · Rating 1 out of 5]

ممل بشده

[Aseel Mohamed · Rating 3 out of 5]

كانت هتبقي احلي كتير لو مكانش حلم في الاخر

[Donia Elnagar · Rating 3 out of 5]

حلوه😊

[ريمه الخالق · Rating 4 out of 5]

هذه الرواية كانت بدايتي في القراءة الورقية عندما كنت في الصف الأول الإعدادي، لذلك لها ذكرة جيدة معي، لا أتذكر الأحداث ولكن أتذكر أنني أعجبت بها وأحببت الفكرة ❤️

[‏❀ •┈••✦ ᗰ ᗩ G D I * ᗩ D ᗩ ᗰ ✦••┈• ❀ · Rating 3 out of 5]

مجموعة قصصية سردية , تتلخص في نصائح بشكل مخيف للابناء

[Mahmoud Ezzat · Rating 3 out of 5]

#ريفيوهات_ساحر_الكتب
التقيم 3/5
الغلاف2/5
السرد4/5
الحبكة4/5
ذكاء من الكاتب انه يقدم الرواية على انها رواية مش مجموعة قصصية ورغم ده انا كنت بقراء الرواية باستمتاع اولا اسلوب السرد كويس جدا محستش باى ملل فى الرواية رغم ان القصص القصيرة ديه بتفصلك يعنى بتخليك تحس فى وسطعها انك لازم تقوم تشرب كوباية شاى وتاكل كيك وتكمل الا ان اسلوب الكاتب فى انه يبقى فيه كتاب والابطال بتقراء منه والموضوع مربوط ببعضه مخلنيش اتحرك من مكانى لغايه مااكمل الرواية
يعيب الراواية انها ملهاش بطل واضح بالاضافة الى ضعف شخصيه الابطال عموما والمقصود بضعف الشخصيهات مش الجبن المقصود انهم يكادوا يكونوا ملهمش دور اهمهم الى ماسك الكتاب وبيقراء فيه
كمية الرعب بسيطه وبعض الحكايات الى بيحكيها الكتاب مكرره
بس فى العموم المضمون كويس والكاتب قدر يوصل من الغلاف للغلاف بسلام بدون مايخلى القارئ يمل او يقرر يقفل الرواية وميكملش

[Farah · Rating 3 out of 5]

#ريفيوهات_ساحر_الكتب
#لعنة_نوبار

مجموعة قصص عن الجن و الرعب في اكثر من منطقة في مصر .. ضمن كتاب غريب فيه مذكرات لأب يتركه وصية لأبنائه في قصره المريب .. عليهم قراءته في ليلة واحدة للحصول على إرث والدهم و لعنة ستقتلهم جميعاً في النهاية.

رواية تحتوى على مزيج من سيرة ذاتيه لبطل فى شكل قصص قصيرة - السرد قوي - الأحداث سريعة - كل فصل فيها يمكن أن يكون رواية منفردة - ولكن تلتقى جميعها في خط واحد هو بطل الرواية و الأحداث التي يسردها في كتابه .
------------------------------------------
رأيكن بالرواية !!؟

راي شخصي:
فكرة الرواية حلوة .. انتقام والد من أبناء حاولوا استغلاله و قتله للحصول على الثروة .

صحيح ما بظن في اهل ممكن يأذوا ولادهن هيك
و ما عرفت العبرة من ربط كل القصص باللعنة تبع الأب
و الأخطاء كتيرة .. مو بس إملائياً في أحرف ناقصة و لكن الاسماء بتتغير مرة هند و مرة فاتن مرة جمال "سبوت" و مرة هاني!
😔 بعتذر يمكن النقد سلبي - تمنيت الرواية تكون أفضل مقارنة مع ما قرأت للكاتب من قبل .
Good luck
#محمود_وهبة

[Aref Osman]

not bad

[طه محمد · Rating 4 out of 5]

#ريفيوهات_ساحر_الكتب وصية اب لاولاده بعد مماته وهي ان يفتحوا الخزانة التي توجد فالقصر الذي قام ببنائه حتي يجتمع ابنائه فيه بعد مماته فتحوا الخزانة و اذ فيها كتاب رواية جيدة يتالق فيها محمد وهبة في عشرين قصة رواية لعنة نوبار تحتوي علب عشرين قصة ليس لهم علاقة ببعضها سوي ان الراوي هو الاب الذي كان له صلة بالجان رواية خفيفة جيدة