غير قابل للنشر

اعترافات جامدة #2

by شريف أسعد

كتاب "غير قابل للنشر" هو الجزء الثانى لكتاب "اعترافات جامدة" للكاتب الساخر "شريف أسعد" والذى يهدف من خلال كتاباته إلى إدخال السعادة على قرائه؛ من خلال سرد لبعض المواقف الحياتية الكوميدية والفكاهية التي مر بها خلال طفولته ومراهقته في الثمانينيات والتسعينيات، بلغة عامية سهلة تتناسب مع حس الفكاهة الذي يغلب على هذه المواقف.
وتتنوع الحكايات والمواقف التي يسردها الكاتب بخفة ظله؛ فمنها ما يتعلق بالحيوانات والطيور مثل اعتراف "العجل الأسير" و"طائر الليل السخيف" و"عزوز العصفور" و"فرختي فوق الشجرة" و"بامبرز روكي"، وكذلك منها ما يتعلق بالمصيف مثل "المصيف والضياع" و"شط اسكندرية"، وعدداً من المواقف الأخرى منها ما هو أسري ومنها ما حدث في المدرسة.

Genres: Comedy, Literature, Nonfiction, Comics

287 pages, Kindle Edition

First published January 28, 2016

About the author

شريف أسعد من مواليد القاهرة 1976، حاصل على بكالوريوس التجارة من جامعة القاهرة عام 1998 - دور نوفمبر "ناجح بالعافية"، مؤسس التيار الكوميدي ويشغل منصب مدير إدارة التخطيط والمتابعة بإحدى شركات المشروعات الصناعية الكبرى.

- عضو مجلس إدارة جريدة المواطة الإليكترونية.
- كاتب حر في عدد من المواقع والصحف مثل: المواطن، الجريدة، شبكة أخبار مصر، البديل، وجريدة الوعي العربي الورقية.

Reviews

[Amr Mohamed · Rating 2 out of 5]

كتاب خفيف مضحك تسلي بيه وقتك
اكتر حاجة مميزة انه بيفكرنا بمواقف عاشها اغلب مواليد التمانينات
بس مينفعش كتاب متين صفحة يبقي فيه خمستلاف ابابا واتمنتاشر الف ياختاااااااااي
مكنش ليها لازمة انها تتكرر كتير كدا

تقييمي 2.5

[Ramy · Rating 3 out of 5]

الكتاب هو الجزء التانى من كتاب
اعترافات جامدة
...و اللى لم يصادف ان اقرؤه للان
و اللى راخر غالبا هايكون عن النوستالجيا

الكتاب 287 صفحة لو عملت
find & replace
لكل كلمات "ياختااااااااااااااى" اللى ف الكتاب و "حاظر افنظم"
حجم الكتاب ممكن ينزل ل 187 صفحة :D

بس ما علينا الكتاب هو من كتب الادب الساخر عادى و ماله الادب الساخر مش عيب...بس لما يكون لنقض و نقد ظواهر اجتماعية مثلا ...زى احمد بهجت ...محمد عفيفى ... احمد رجب

انما الكتاب كان من موجة الادب الساخر الحالية وا للى بقالها كذا سنة "ادب ساخر النوستالجيا "
فترة السبعينات و الثمانينات و التسعينات كمان اه و الله التسعينات
انا شكلى بعجز و لاا ايه

خود عندك بقا
هيثم دبور أول مكرر
عمر طاهر كابتن مصر: ألبوم ساخر للمراهقين
محمد فتحى ولاد الناس الكويسين
و غيرهم الكثير


المهم الكتاب مضحك جدا ..دا لو تغاضينا عن "ياختااااااااى" اللى زاحمة الكتاب بالكدب ... المواقف كلها من طفولة و مراهقة الكاتب عن لما ربوا ...كلب...عصفورة...كتاكيت...
لما راحوا اكلوا ايس كريم ...لعبوا ب الكبريت و سلك المواعين... الخ

يستحق 3.5 / 5
ولعدم وجود انصاف نجوم ياخد
3/5
بضمير مستريح

الكتاب التالى : ضد الاكتئاب

[zahraa esmaile · Rating 4 out of 5]

الكتاب ادب ساخر من الطراز الاول
المضحك جدا جداااااااااااااا
عبارة عن مواقف فى طفولة الكاتب وتجارب حياتيتة
ولكنه طرحها باسلوب كوميدى رائع
الى هوة بتمسك الكتاب بتقراه وفجاة تبطل قراءة وتنطلق ف الضحك من غير مقدمات ومش هتقدر تمسك نفسك
عشان كدة اضطريت احذر اولانى وبحذر تانى
يا اخوانا الكتاب دة تقراه يا اما لوحدك...او وسط ناس تعرفك
متحاولش تاخده ف ايدك ف مشوار مهم او تركب بيه مواصلات لان الى حواليك هيفكروك اتجننت فجاة...اللهم بلغت
الكتاب لغته عامية واسلوبه خفيف
مفيش فيهم موقف بايخ او مضحكنيش بالعكس
الكتاب حلو قوى لتعديل المود او لكسر القراءة الثقيلة او لاستعادة الشهية للقراءة
باختصار كتاب خفيف ومتعة اكيدة
وبنصح بيه وبشدة لاى حد داخل على اكتئاب
القراءة الاولى للكاتب ولن تكون الاخيرة ان شاء الله
اربعة نجوم مستحقة
انتهى الرفيو

[Nada El-Nekety · Rating 5 out of 5]

يومين من الضحك المميت و الكحه و السعال و سيبان المفاصل . و التريأه في البيت عشان مش مستوعبين اني بضحك علي كتاب

[AhmEd MokhtAr · Rating 3 out of 5]

آخر إعتراف :D

[Mona · Rating 3 out of 5]

فكرة إني أكتب ريفيو عن الكتاب، كانت فكرة غير واردة خالص بصراحة.. لكن في سببين خلوني أكتب كلمتين هنا

الأول.. حكاية الفاز اللي من أيام الملك فاروق اللي كسروها ولزقوها بأمير، كان لازم أقول إن عملت كده برده في كل فاز أو أي حاجة قابلة للكسر في سن التدمير الحبيب، اللي هو من سنتين لـ 18 سنة مثلاً.. فالكتاب في حتة من حياتي ودي حاجة حلوة خلتني أصدّق شوية حواديت رغم المبالغة اللي في مكانها ومعنديش إعتراض عليها.

السبب التاني.. حكاية عبد السلام المجذوب.. نفسي أعرف ايه الهدف من الحكاية اللي توجع القلب دي.. بتضحك مثلاً أكيد لأ، واللي يضحك عليها يبقى مش بني أدم.. طيب الكتاب هايبقى ناقص من غيرها حاجة، لأ برده .. بالعكس الكتاب جميل ومليان حكايات خفيفة وظريفة ..حكاية عبد السلام ضايقتني وخلتني عيطت وقلبت المود الحلو اللي كان عامله الكتاب لمود وحش .. الحمد لله إنها كانت في أخر الكتاب
..
كلمة للناس اللي بيقرا كلامها سن المراهقة .. بلاش تكتبوا حكايات مؤذية زي كده، حتى لو كانت حقيقية .. المراهق تحديداً بيبدأ يربي نفسه ويكوّن شخصيته بالحاجات اللي بيختارها بنفسه زي الكتاب ده مثلاً .. خلي بالكوا الكلمة رسالة وأمانة.

[ESRAA MOHAMED · Rating 4 out of 5]

اعترافات جامدة واالكتاب دا من احسن الكتب الكوميدية اللي قريتها بجد مشكلة وخصوصا لما تقراها قدام حد او في مكان عام ...ضحكت من قلبي ...شكراا شريف أسعد

[Hala Elnour · Rating 4 out of 5]

نجح الكاتب فى رسم ابتسامه و احيانا تفلت ضحكه من اعترافاته الجامده و التى قام معظمنا بها او كان شاهد على بعض من قاموا بها من رفاق الطفوله و المراهقه
شكرا للكاتب

[Hisham Mattar · Rating 5 out of 5]

حرفيا سخسخت من الضحك في حتت كتير

[RewAn El Turkie · Rating 4 out of 5]

من اكثر الكتب المضحكة .. كتاب يملك قدرة تحويل الحزين الي شخص يستغرب الناس منه بسبب كتر الضحك .. و الاجمل من الكتاب هذا الشريف اسعد .و قدرته علي اضحاك القارئ من كل قلبه عبر كلماته البسيطة .. صدق لما نوه عنه غير مسئول عن كسر الضلوع من السقوط ارضا من كتر الضحك ... و ان فعلا حتي لو في موصلات او مكان عام مش حتعرف تمسك ضحكتك اللي هي من القلب بمعني الكلمة .. كتاب حلو في العموم يساعد علي ادخال البهجة و الضحك في اليوم مع المواقف الجهنمية اللي فيها و كمية اليااختااااااااي

[Fatima Zahra · Rating 2 out of 5]

كم أعشق التحدي الذي يبثه في الكتاب الذين يبالغون في وصف كتابهم .. قال ايه ( همووووت من الضحك )
حضرتك لساتني عايشة الحمد لله ..

كتاب ببساطة عبارة عن مجموعة قصصية خفيفة ولطيفة ومضحكة نوعا ما .. علما ان جل الكتاب هو تكرار لكلمات من قبيل ( ياختاااااااااي - يالااا يا كلب )

عموما كتاب اقل من عادي تجميع لقصص ومواقف مضحكة وبسيطة .. بدون اي قيمة ادبية او لغوية ..

[Mohammed Sami · Rating 4 out of 5]

راااائع يا شريف كالمعتاد - أو مسخرة بمعنى أدق - كسابقتها تماما ، و أتمنى أن تكون أعمالك الروائية القادمة -سواء ساخره أو غير هذا- على نفس المستوى من النجاح والمستوى ؛ ﻷنني لم أستمتع كثيرا بحواديت السعادة.

[Safinaz Sadek · Rating 5 out of 5]

ياختااااااااااااااااااى. وعملتها أشريف تاني .. نفس أعراض إعترافات جامدة (١) .. ضحك متواصل، ضحك الي حد البكاء، اعتقاد الناس حولي اني أعاني من جنون او هبل

[An Angel · Rating 5 out of 5]

المؤلف الوحيد اللى لما اقراله حاجه صوتى بيوصل لآخر الشارع من كمية الضحك اللى بضحكها..إنت ازاى كده اجدع

[محمود عبد المنعم · Rating 3 out of 5]

مبحبش الأدب الساخر بس بلجأ له اما اكون متضايق من حاجة علشان يفكنى
خفيف وبسيط بيضحكنى بس فى الآخر ��فيش استفادة من وجهة نظرى
16/100

[Ahlam Wardiya · Rating 4 out of 5]

ما يعجبني في مؤلفات الكاتب الساخر شريف أسعد أنه برغم بعض المبالغات واحتمال أن لا يوجد مثل هذا الموقف أو ذاك من أصله وانما مجرد تاليف إلا أنه
يعرف جيدا كيف يضحكك ويخرجك من المزاج السيء الذي تشعر به يضحكك جدا وكأنك لم تضحك من قبل ، الوحيد الذي أضحكني من كل قلبي بعد أحمد عاطف .. ما أثار استغرابي أن يأتي قارئ أو قارئة ويقول او تقول لم أخرج بفائدة أو معلومة من هذا الكتاب التافه رغم أنه قبل أن يقرؤوه يعرفون جيدا انهم سيقرؤون كتابا يندرج ضمن الأدب الساخر يعني لن تجد إلا الضحك والمرح مع العلم أن هناك روايات برغم قيمتها الفنية الا أنك لا تخرج منها بشيء وبلا أي فائدة لكنكم لا تعترضون إذا كانت رواية

[Christine Nabil · Rating 4 out of 5]

الكاتب بيتناول مصايب حصلت له ومصايب هو عملها بطريقة مضحكة جدا وﻷن البيوت المصرية شبه بعض في حاجات كتير فهتحس انه بيتكلم عنك احيانا
قرأت حاجات شبه كده قبل كدة وعجبتني اكتر، يمكن لأنها كانت نقد عام مش قصص واقعية، ﻷن القصص دي فيها حاجات هتشوفها مأساوية مهما هو ضحكك، لكن عموما شايفة انه من النضوج ان الواحد يوصل لأنه يحكي مصايبه بالطريقة المضحكة دي :D

[Hala Gamal · Rating 3 out of 5]

نبذة عن الكتاب :-

كتاب وليس رواية تجمع مجموعة مواقف ساخرة مر بها الكاتب ف حياته... غير قابل للنشر هو الجزء التاني م كتاب اعترافات جامدة


رايي :-

جرعة مكثفة م الضحك و الخروج ع الروتين القراءة الدسمة

ينصح بقرائته بين الكتب الدسمة و اللي بتحتاج تركيز ... بيخرجك م جو ملل القراية

و يخلص ف جلسه واحدة

[Mohab Hariry · Rating 4 out of 5]

جزء ثان من سلسلة اعترافات جامدة لشريف اسعد
الا انه أمتع بكثير من الجزء الأول.. القصص اظرف.. الحس الكوميدي أعلى و ربما يكون جزء من الفضل في ذلك للاداء الصوتي خفيف الدم لمعتز ابو طالب حيث انه كتاب صوتي
أعجبني كثير من النوستالجيا في هذا الكتاب خصوصا في الفصول التي تتحدث عن مصيف الإسكندرية قديما
عيوب هذا الكتاب متوقعة و أكبرها هو أنه مفرط في العامية كما أنه يحوي قدر لا بأس به من المبالغات

[Mahmoud Rasheed · Rating 1 out of 5]

صعب جدا ان افتكر أي حاجه عنه
ساعة مملة قضيتها في الشغل وحبيت اشغلها باي حاجه ممكن تخرج من المود
الكتاب عامل زي واحد فكاهي قابلته صدفة في قهوة وبحكي ليك قد ايه هو ظريف
يمكن الجو العام الي قريت فيه الكتاب له دور اني يعجبني

[Heba Elkhwaga · Rating 3 out of 5]

شريف اسعد طبعا الضحك كله .. اللى بيخلينى اضحك من قلبى فعلا
الكتاب ظريف مش فظيع ومش وحش طبعا
كان فيه حكايات كتير حلوة اوى زي بتاعة الطياره الورق والفازة وعم شاكر بتاع البوتجاز
وهو ينفع لما نحب نفصل بين كتاب وكتاب او زي ماكنت بعمل كل يوم حكايه او اتنين قبل النوم يخلونى انام مبسوطه وبضحك

[Ahmed Ezzeldien · Rating 2 out of 5]

منشورات أو بوستات الفيس بوك لما تتحول لتجارة بتبقى حاجة مش محببة، أما عن نقطة الفكاهة فالجزء ده أقل بشكل ملحوظ عن الجزء السابق، وده اللي بيعمله الغرض التجاري .. النحت والتكرار ويمكن المبالغة في المبالغة كمان .. النجمتين عشان "التسلية" مش أكتر...

[Walaa megahid · Rating 5 out of 5]

كتاب خفيف ولذيذ وغير مصطنع... كوميديا يومية بسيطة... أرشح قرائته لأي حد عايز يفصل دماغه من الهم والتفكير.
وممتنه جدا للكاتب شريف اسعد انه فكر في اللي يضحك الناس بدل الكآبه اللي متفشيه في المجتمع اليومين دول.

[Eman Essameldin · Rating 4 out of 5]

كتاب رائع رائع للي عاوز يفصل عن مشاكل الخياة اليومية ويروق باله من كمية الضحك اللي هيضحكها.
أحلي منوّم انك تقعد تضحك بصوت عالي بالشكل ده.
٤ نحوم لان فيه أخطاء املائية كتيرة اتمني نسخة الكيندل تتعدل قريبا.
وشكرا استاذ شريف علي جرعة الضحك الخطيرة دي😁

[Taha Mohammed Baageel · Rating 1 out of 5]

قرأت اول ثلاثة مواقف او مواضيع ولم استطع اكمال الباقي، أسلوب عامي رخيص في الكتابة والكثير من السباب والكلام البذيء .

التعبير عن مواقف واقعية حدثت لك فن ويمكن التعبير عنها بأسلوب ساخر راقي، وليس كما في الكتاب.

[Shimaa (Hamssa) · Rating 4 out of 5]

حلو جداا وروح المرح لم تقل فيه لكن صعب انى مقارنوش بالجزء الاول الذي ابكانى ضحكا لكن اجمالا انا بحب النوعيات دى من اليوميات المرحه ❤❤

[Raneem Adel · Rating 5 out of 5]

فظيييييع جرعة ضحك متواصل مش طبيعية بقيت اضحك و جوزي جنبي يبصلي على اني مجنونة 😂😂😂

[احمد عبد الفضيل · Rating 1 out of 5]

قراءات 2017

[سارة شكرى · Rating 3 out of 5]

كم الشر اللى الولاد بتعمله خلانى أخاف من لو ربنا رزقنى بولاد

[Hany Mohamed Ali · Rating 2 out of 5]

كتاب سخيف الصراحة وألش مفتعل